احذر .. رادار ثابت على الدائري !!

[yahiazakaria]

السلام عليكم

انا بس حبيت اقولكم ان النهارده شفت 8 ردارات جديده ثابته علي الدائري بدايه من الاوتستراد ولغايه السلام والعكس
وكل الناس ماشيه ومش واخده بالها وكلو بيجري والاماكن الي شفتها
1- كارفور
2-نادي الصيد
3-مدينه النخيل
4-واحد قبل النفق الاول وبعده
5-واحد قبل النفق التاني وبعده

بس احتمال يكون فيه كمان يعني نقول 8 وانت رايح و 8 وانت جي يعني تقريبا 16 رادار وبينين جدا علي يمينكو وانو ماشيين

لاني اكيد اتخدت صوره انبارح اكتر من مره لاني معرف ويريت تعرفوا اي حد تعرفوه بيمشي لحسن في تجديد الرخصه يلاقي في يوم واحد متاخد 16 صوره وكل صوره ب 300 ج يعني كده بعد شهر هنبيع عربيتنا عشان ندفع المخالفات الي علينا

[ZALABANY]

غريب جدا الموضوع ده انا اول مره اسمعه ممكن يكونوا بيجهزوهم لكن لسه ما اشتغلوش لان ما ينفعش يحطوا رادارات ثابته من غير يفط تحذيرية زي المحور

[Sharky]

انت متأكد من انهم ردادات و بيتصور ؟؟؟

[venomixus]

أنا معتقدش ان المخالفة بتاعت الرادار بتتصور وتتحسب عليك. عادة بيبقى فيه لجنة بعد الرادار بتكون متبلغة بالعربيات اللي اتلقطت رادار.. ممكن اللي يكون بتصور ويتحسب كمخالفة عند التجديد هي الاشارات اللي فيها كاميرا والله أعلم

[ahmed31031]

عايزين نفهم اكتر الفرق بين الردار والكاميرات .انا لسة متصور علي الدائري انا شفت فلاش وكانت عربية شرطة واقفة علي جمب هل الفلاش منها ولا كان في رادار جمبها؟؟؟؟

[mahmoud_afifi]

احذر .. رادار ثابت على الدائري !!

السلام عليكم ورحمة الله

ده اول موضوع اعمله على المنتدى ومهم قوي لكل الي بيمشوا على الدائري.
النهارده وانا مروح من اكتوبر للتجمع الخامس واخد الدائري ناحية المعادي لقيتهم بيركبوا رادار ثابت زي الي موجود في محور 26 يوليو بس ماشفتش لوحه تحذيريه قبلها بكيلو زي الي موجوده في المحور. انا شوفت 2 متركبين والتالت كانوا بيركبوه واكيد هيركبوا زياده بس مش عارف هيشتغلوا امتى.

اماكنهم كالتالي:
1- بعد كارفور المعادي بشوية (مش متأكد من المكان بالظبط )
2- قبل معرض مرسيدس الي على الدائري بحوالي 500 متر.
3- قبل مدخل التجمع الخامس ( شارع ال90 ) بحوالي كيلو.

الي يعرف اماكن رادار ثابته غير دول ياريت يقولنا عشان الكل يخلي باله منها.

[تامر.محمد]

حاجة زي الفل

[abdo_general]

والله كويس

انا عامة مش ضد الردارات

رغم اني ضد السرعة البطيئة نسبيا دي ( 90 )

بس كويس برضه

علي الاقل السرعة الموحدة للعربيات بتدي الي حد ما مظهر حضاري

[wisambasha]

اهو كده الشغل ولا بلاش
يعني كاميرات في الشوارع وردارات ثابته

ال يعني الدنيا هتتغير للاحسن

[Nistelrooy]

كويس والله علشان الناس الي بتمشي بسرعة متهورة ..

[mahmoud_afifi]

أنا قولت اعمل الي علي وأنبهكم , الواحد هيلاقيها منين ولا منين مش طالبه مخالفات ودفع فلوس.
ربنا يحمينا من شر الرادار

[Ahmed A Rahman]

حضرتك متاكد من الكلام ده ؟؟؟

لو كده انا حاخد كل يوم مخالفة حضرتك بتقول انك شفتهم بيتركبوا, يعني عارف شكلهم عامل ازاي ؟؟؟
ياريت تقول كمان اماكنهم بالضبط

السرعة 90 على الدائري بطيئة جدا المفروض تبقى 110-120 (سرعتي العادية) واللي يسرع عن كده مخالفة فورية
لاني بشوف ناس ماشية على 140 و160 وييجي وراك ويولع لك النور لو مشيت على 90 حياكلني

[mahmoud_afifi]

حضرتك متاكد من الكلام ده ؟؟؟

لو كده انا حاخد كل يوم مخالفة حضرتك بتقول انك شفتهم بيتركبوا, يعني عارف شكلهم عامل ازاي ؟؟؟
ياريت تقول كمان اماكنهم بالضبط

السرعة 90 على الدائري بطيئة جدا المفروض تبقى 110-120 (سرعتي العادية) واللي يسرع عن كده مخالفة فورية
لاني بشوف ناس ماشية على 140 و160 وييجي وراك ويولع لك النور لو مشيت على 90 حياكلني

متأكد 100% من الكلام ده. بس اطمن لسه متركبين النهارده او امبارح بالكتير.
بكره ان شاء الله وانا مروح هحفظ لحضرتك اماكنهم بالظبط وان امكن هحط صوره من جوجل متوضح عليهم المكان بالظبط. بس على العموم انا كتبت اماكنهم فوق في الموضوع الرئيسي وده صح بنسبه كبيره عشان حاولت اركز في اماكنهم.

وهحاول اصورهملك او اجيب صور جاهزه من النت عشان تعرف شكلهم.

[zanativich]

فاغشيناهم فهم لا يبصرون
اقل حاجة تتقال على اصحاب البلد دى

[engahmedsamy]

كويس والله علشان الناس الي بتمشي بسرعة