احذر .. رادار ثابت على الدائري !!

[A.Saad]

حد يعرف الرادارات ديه بتأخذ فى الحسبان السرعة بالنسبة للحارة المرورية و لا لا يعنى انا كنت شايف على الدائرى يفطة مكتوب عليه سرعات الآربع حارات 60 ثم 70 ثم 80 ثم 90 تخطى هل معنى ذلك ان الرادار هيلقط الى تجاوز السرعة المبينة فى الحارة التى يسير عليها

مفيش علاقة علامة السرعات دى حسب العربية
نقل
ميكروباص
اتوبيس
ملاكى

[mahmoud_afifi]

النهارده مشيت على 70 عشان احفظ اماكن الرادار واحطهم على جوجل ماب عشانكم.

طبعا عشان مش عارف بعض الاماكن شكلها عامل ازاي من فوق فالخريطه قد يكون فيها بعض الاخطاء بس ان شاء الله تطلع صح كلهم وانا حاطت علامه تميز الاماكن دي.













دي اماكن الرادارات الي قابلتها في طريقي النهارده, والي عنده اي تعديل على اماكنهم ياريت يقول عشان نحترس كلنا.

[shadyawad]

ده لو حرامي بيحاولو يقبضوا عليه مش هيحطوا كل الكاميرات دي
من كترهم انا اتلخبط فى عدهم :(

[mahmoud_afifi]

اية يا جماعه 120 دى

انا شخصيا مش بثق فى العربيه و لا بثق فى اللى قدامى وبالكتير اوى بجيب ال 90

اية اللى صعب فيها دى

حضرتك في اي بلد في العالم الطريق مش ملك للعربيات السريعه ولا ملك للعربيات البطيئه. كل واحد ليه حارته بس المهم ماتزيدش للسرعات الجنونيه.

مفيش مانع من الردارات بس المهم يزودوا السرعة شوية زى ماقال د. احمد

ياريت والله حتى لو بقت 100, احنا برضه في داخل المدينه و100 مناسب للجميع على الاقل لا هنتأخر ولا هنجري

انا شايفه ان المفروض السرعه على الدائرى تكون من 100-120 لان الصراحه 90 ديه قليله وكمان الرادار ده يكون للعربيات النقل و الميكروباصات اللى هما اساس كل حادثه على الدائرى ده انا باشوف نقل ماشى فوق ال120 وبيسابق كمان بالعربيه والميكروباصات اللى مش هاممها ارواح البشر اللى معاهم ومقضينها غرز وسرعات عاليه كمان ربنا يكفينا شر الطريق

لو عملوا الرادار على سرعة 200 وكل واحد ملتزم بحارته ماحدش هيحصله حاجه وده الي بيحصل في اي دوله في العالم.

طب بخصوص دائري اللى من ميدان لبان للمريوطية ومابعدها للرمايه مثلا دة برضو في رادرات ولا مفيش.............؟

سؤال تانى بخصوص العربيات اللى بتبقى واقفه 4*4 البيضه فيها خط فسفوري دي اللى موجود منها كتير ع محور شوفت كذا مرة رعبيه واحد فقط بتكون واقفه ع نفس الطريق اللى بتكلم عليه دي وظيفتها ايه بالظبط؟ وايه مدى الضرر منها لانى برضو شفتها فى الجهه مقابله وانا رياح ع ميدان لبنان ومعه متوسيكل شرطه وضابط او امين مش فاكر ايه نظام بقااا

من ميدان لبنان لغاية الاوتوسطراد مفيش رادار , مدخل الاوتوسطراد على الدائري في رادار وانا موضحه في صوره في مشاركه قبل دي.
بخصوص العربيات ال4x4 دي فيها رادار بس من غير فلاش. اما الموتوسيكلات الله اعلم.

ايوه الناس كلها بتكلمني و تحزرني من الموضوع ده

اه خلي بالك بقى

حد يعرف الرادارات ديه بتأخذ فى الحسبان السرعة بالنسبة للحارة المرورية و لا لا يعنى انا كنت شايف على الدائرى يفطة مكتوب عليه سرعات الآربع حارات 60 ثم 70 ثم 80 ثم 90 تخطى هل معنى ذلك ان الرادار هيلقط الى تجاوز السرعة المبينة فى الحارة التى يسير عليها

الكلام ده في الدول المتقدمه بس :)

لا لا الكلام ده كبير اوي

كويس لو اشتغل اصلا

هههههههههههههههههههههههههه .. الراجل ده بيقول كلام زي الفل :)

[Ahmed Selim]

أستخدموا موقع trapster لتحديد مواقع الردارات بنفسكم

بعد كده ممكن تنزلوا البرنامج بتاعه على بعض التليفونات زى الأيفون و تدخل على الأيفون و أنت ماشى و تفتح البرنامج و هو هيقولك الردارات فين......... :))

[yoko]

حضرتك متاكد من الكلام ده ؟؟؟

لو كده انا حاخد كل يوم مخالفة حضرتك بتقول انك شفتهم بيتركبوا, يعني عارف شكلهم عامل ازاي ؟؟؟
ياريت تقول كمان اماكنهم بالضبط

السرعة 90 على الدائري بطيئة جدا المفروض تبقى 110-120 (سرعتي العادية) واللي يسرع عن كده مخالفة فورية
لاني بشوف ناس ماشية على 140 و160 وييجي وراك ويولع لك النور لو مشيت على 90 حياكلني

نفس الرد وشكلي هاخد الأوتوستراد وأنا رايح حلوان لإني كنت باخد الدائري عشان أسرع كده الأوتوستراد أسرع

[Sharky]

انا فعلا شفتهم من يومين و انا على الطريق بس مابيطلعوش اى فلاش و مش هل هما فعلا رادارات و لا كاميرات مراقبة فقط

[أبومعاذ]

أستخدموا موقع trapster لتحديد مواقع الردارات بنفسكم

بعد كده ممكن تنزلوا البرنامج بتاعه على بعض التليفونات زى الأيفون و تدخل على الأيفون و أنت ماشى و تفتح البرنامج و هو هيقولك الردارات فين......... :))

وبينزل برضو على النوكيات والويندوز موبايل والبلاك بيري :-]

[shadygalal669]

يا نهار ابيض

ده انا كده متحاوط بجد :D

انا بطلع من التجمع يا رايح مدينه نصر و ده بقي مليان ردارات و يا اما رايح شمال ناحية المعادي يعني كده كده همشي 90 غصب عني :@:@:@:@

iهو حد اشتكي مني ولا ايه :(

اه الطريق في الناحيتين مغري للجري و الحوادث كتير بس برضو مش 90 يا اخوانا حرام 90 :@

[Hesham_91]

انا فعلا شقتهم اول امبارح بس ما كنتش متأكد و اتاكدت النهاردة لما ركزت و حاولت احفظ الاماكن و كنت داخل النهاردة اعمل موضوغ احذر

الناس بس كده حراااااااام ده طريقي اليومي رايح جاي .. الدائري ده ميزته الوحيدة السرعة :s

[banboty]

وبينزل برضو على النوكيات والويندوز موبايل والبلاك بيري :-]

طب ما تكمل جميلك يا ابو مريم و تنزل لينك للبرنامج هنا
و تقولنا بيشتغل ازاي بعد ما نسطبه على الموبايل

[Ahmed Selim]

طب ما تكمل جميلك يا ابو مريم و تنزل لينك للبرنامج هنا
و تقولنا بيشتغل ازاي بعد ما نسطبه على الموبايل

Download Trapster® for your mobile device!

أى خدمة يا باشا

بعد لما تنزل البرنامج هتلاقى أستعماله سهل جداً

بس هو بيعرف الردارات إزاى ؟؟؟؟

الردارات اللى بنتكلم عليها جديدة......حد بيشوفها و بيدخل على البرنامج أو الموقع و بيضيف مكان الردار

حضرتك تعدى من الشارع اللى فيه الردار و أنت مشغل البرنامج......البرنامج بيديك تحذير صوتى قبل الردار بشوية......و من خلال البرنامج تقدر تأكد أو تنفى وجود الردار ده.

بعد فترة و مع زيادة عدد الناس اللى بتأكد وجوده بيبقى ثابت على خريطة البرنامج
لو عدت فترة من غير ما حد يأكد وجوده أو ناس قالت أنه مش موجود بيتشال من على الخريطة.


يعنى هو بيعتمد على الأعضاء بتوعه أنهم يحطوا أماكن الردارات.

[digi_7E]

download trapster® for your mobile device!

أى خدمة يا باشا

بعد لما تنزل البرنامج هتلاقى أستعماله سهل جداً

بس هو بيعرف الردارات إزاى ؟؟؟؟

الردارات اللى بنتكلم عليها جديدة......حد بيشوفها و بيدخل على البرنامج أو الموقع و بيضيف مكان الردار

حضرتك تعدى من الشارع اللى فيه الردار و أنت مشغل البرنامج......البرنامج بيديك تحذير صوتى قبل الردار بشوية......و من خلال البرنامج تقدر تأكد أو تنفى وجود الردار ده.

بعد فترة و مع زيادة عدد الناس اللى بتأكد وجوده بيبقى ثابت على خريطة البرنامج
لو عدت فترة من غير ما حد يأكد وجوده أو ناس قالت أنه مش موجود بيتشال من على الخريطة.


يعنى هو بيعتمد على الأعضاء بتوعه أنهم يحطوا أماكن الردارات.

شكراً يا زعيم

جامد جداً البرنامج دا

[Samir Elshahawy]

طيب البرنامج ده لأي نوع موبايل و لا الموبايلات اللي في مقدمة البرنامج ده بس
يعني أنا معايا سامسونج يشتغل عليه و لا لأ ؟؟

[ahmedhilmy]

يا جماعة انا حاولت انزل البرنامج علي جهازي قللي حجمه كبير انه يتعملوا داونلود هو مساحته قد ايه البرنامج ده ؟