حظي السئ دائما مع الرادار

[mahmoud_afifi]

السلام عليكم ورحمة الله.

انا مش عارف ليه دايما حظي وحش مع الرادار, اي طريق اكون بمشي فيه مافهوش رادار ومعروف من سنين ان مفيهوش رادار يطلعلي فجأه كمين ويقولي رخصك يا حبيبي !

النهارده كنت في الساحل المفروض هرجع الصبح بدري عشان اروح التدريب بتاعي في اكتوبر المهم كسلت وصحيت بعد معادي بساعتين. نزلت وخدت طريق الساحل عادي مفيش مشاكل مفيش كام كيلو لقيت لجنه قبل محطة شل بيوقفوني ويقولولي الرخص !!!
قولتله انت اكيد بتهزر, قالي اه والله رادار وانت كنت ماشي على 115 (مع اني كنت ماشي اكتر شوية). فعرفت ان الرادار كان قبل الكمين بحاجه بسيطه يعني اساسا المفروض اكون هديت.
بسأل الظابط الي بيديني المخالفه ان دي اول مره اشوف كمين هنا !! قالي ماهو في وزير هيعدي من حته (مش فاكر اسمها الي المفروض يعملوا الكمين فيها) واحنا قمنا عملنا الرادار هنا بقى. (نظام لازم يعملوا رادار عشان الدخل اليومي مايقلش بالعكس انا متأكد انه زاد الاضعاف النهارده).

انا عارف ان المفروض امشي اهدا من كده بس لما يكون الطريق فاضي ومفهوش حد ايه الي يلزمني اني امشي على 100 ؟

يا عاااااااااالم انا قربت ابيع العربيه من كتر المخالفات.

[Medo007]

معلش ياباشا ماهي حاجة تحرق الدم
انا عمري ما توقعت اني اتمسك رادار
ويوم ما اتمسكت عالزارعي دفعت ال150 زي الباشا
والسرعة 105 والسرعة المقررة 90
15 كيلو فرق
والظابط يقولى لو كيلو زيادة هتدفعه
ربنا يعوض علينا

[mahmoud_afifi]

معلش ياباشا ماهي حاجة تحرق الدم
انا عمري ما توقعت اني اتمسك رادار
ويوم ما اتمسكت عالزارعي دفعت ال150 زي الباشا
والسرعة 105 والسرعة المقررة 90
15 كيلو فرق
والظابط يقولى لو كيلو زيادة هتدفعه
ربنا يعوض علينا

ااااه فعلا انا دمي محروق لغاية دلوقتي عشان الطريق عمره ماكان فيه رادار انما الزراعي قول ممكن يبقى فيه رادار.
تصدق وانا كمان برضه كنت 15 كيلو زياده ... بصره

[tamertamer]

خد بالك على طول من الطريق المخالف لانهم بينورو نرهم

[mahmoud_afifi]

ماهو للأسف مانوروش لأن العساكر ولاد اللذينه كانوا حاطين الاقماع ومستخبيين والطريق فاضي اصلا , اول لما انا قربت قاموا هجموا عليا زي قطاع الطرق.

[MaZaGAngeE]

انا حظي أوحش منك مع الرادار
اتمسكت 5 ايام ورا بعض في نفس المكان و نفس العربية و نفس الظابط و فرق سرعة كيلو أو اتنين أو تلاتة عن حد السرعة

[mo7a_mo7a]

انا حظي أوحش منك مع الرادار
اتمسكت 5 ايام ورا بعض في نفس المكان و نفس العربية و نفس الظابط و فرق سرعة كيلو أو اتنين أو تلاتة عن حد السرعة

لا دا انت بتتلكك بقي

[Ralliart]

انا حظي أوحش منك مع الرادار
اتمسكت 5 ايام ورا بعض في نفس المكان و نفس العربية و نفس الظابط و فرق سرعة كيلو أو اتنين أو تلاتة عن حد السرعة

اقسم بالله لو ظابط قالي فرق كيلو ممكن اتف في وشه ويولع هو والعربيه والفلوس في يوم واحد
هي حملة جبايه باعتها الوالي العثماني !!

[mahmoudzaied]

وانا كمان حظى وحش جدا جدا مع الرادارات
مرة كنت مسافر اسكندرية من الحر
وعند الكارتة قوفونى والكلام دا الساعة 7 الصبح قالولى رخصك قلتله فيه ايه انا حزام وزى الفل الى لا رادار
قلت يا نهار اسود انا كنت ماشى 140 او 150 فعلا الرادار كان قبل الكمين وقالى سرعتك 137 جابها منين دى مش عارف
وطبعا 150 فورى

بعدها باقل من شهر كنت رايح فرح فى شبين الكوم وماشى والله ما عديت ال 90 عشان مش عارف اطريق
ولقيت الكمين بيقولى رخصك للباشا
قولتلو فيه ايه قالى رادار قولتلو رادار ايه انا لا شفت فلاش ولا اى حاجة وكمان كنت ماشى 90 او اقل
نزلت لقيت الظابط بيقولى سرعتك 94 كان هيجيلى نقطة وبرضو 150 فورى وكنت سه يوميها قابض يعنى ملحقتش اتهنى بافلوس

بجد حسبى الله ونعم الوكيل
المفروض ما السرعة تبقى 90 يدى لحد 100 براح فى الرادار مش يمكن اكون بعدى نقل وحرقت شوية لكن دول عالم استغفر الله العظيم
بلد بلا نظام فى اى حاجة

[د.محمود صلاح]

ويقال إن لا فيه رادار ولا حاجة .. واحد قاعد من بعيد وبيبلغ بالويم كده عن العربيات المسرعة والسلام

[Samir Elshahawy]

معلش ياباشا ماهي حاجة تحرق الدم
انا عمري ما توقعت اني اتمسك رادار
ويوم ما اتمسكت عالزارعي دفعت ال150 زي الباشا
والسرعة 105 والسرعة المقررة 90
15 كيلو فرق
والظابط يقولى لو كيلو زيادة هتدفعه
ربنا يعوض علينا

مافيش حاجة أسمها لو كيلومتر زيادة تدفعه , أنت لك 10 كيلومتر سماح بتكون ناتجة عن أحتمال الخطأ في قراءات الرادار أو عداد العربية

-انا حصل معايا نفس الشئ علي طريق أسكندرية الصحراوي مرة و لاقيت أمين الشرطة بيقولي 108 كم/ساعة
- علي طول نزلت للظابط اللي كان بيجهز وصل بالمبلغ و قولت له أني عايز وصل بالرخصة قام الظابط بلم و بص لي بأستغراب مش بس كده ده قبل مايفوق من الصدمة قولت له و أكتب في الوصل السرعة اللي أتصورت بيها ال 108 كم/ساعة
- عارفين أيه اللي حصل لما قولت له كده ؟؟
- أداني الرخصة علي طول و مسك امين الشرطة و بهدله

بأختصار لو هو عمل لي وصل بمخالفة 108 كم/ساعة و السرعة القانونية 100كم/ساعة علي طول وكيل النيابة هايلغي المخالفة و هو لما لاقاني فاهم النقطة دي و ماينفعش يتضحك عليا ماقدرش يأخد أي أجراء معايا غير أنه يديني الرخص

مع خالص تحياتي
م/ سمير الشهاوي

[MaZaGAngeE]

مافيش حاجة أسمها لو كيلومتر زيادة تدفعه , أنت لك 10 كيلومتر سماح بتكون ناتجة عن أحتمال الخطأ في قراءات الرادار أو عداد العربية

-انا حصل معايا نفس الشئ علي طريق أسكندرية الصحراوي مرة و لاقيت أمين الشرطة بيقولي 108 كم/ساعة
- علي طول نزلت للظابط اللي كان بيجهز وصل بالمبلغ و قولت له أني عايز وصل بالرخصة قام الظابط بلم و بص لي بأستغراب مش بس كده ده قبل مايفوق من الصدمة قولت له و أكتب في الوصل السرعة اللي أتصورت بيها ال 108 كم/ساعة
- عارفين أيه اللي حصل لما قولت له كده ؟؟
- أداني الرخصة علي طول و مسك امين الشرطة و بهدله

بأختصار لو هو عمل لي وصل بمخالفة 108 كم/ساعة و السرعة القانونية 100كم/ساعة علي طول وكيل النيابة هايلغي المخالفة و هو لما لاقاني فاهم النقطة دي و ماينفعش يتضحك عليا ماقدرش يأخد أي أجراء معايا غير أنه يديني الرخص

مع خالص تحياتي
م/ سمير الشهاوي

أنا قلتله كده برضه
الظابط قالي ده القانون القديم بس القانون الجديد مفيش فيه كده

[khalid_adel]

انا مره اتمسكت والوصل كان 187 (طبعا انا كنت 200 ) ودفعت ومره تانيه لسه طالع الدائري من المريوطيه ولسه بدوس بنزين لقيت رادار بيقولي 107 قولتلو وفيها ايه قالي ماهو الدائري 90 دفعت زي الباشا
المهم من ساعتها استخسرت فلوسي في الحكومه وكفايه عليهم كده حلفت طول مانا مسافر اي حته ولا دائري بالنهار مش حزود ابدا عن السرعه
لكن لو مسافر بليل بفتح براحتي وزي ماتيجي ( على اساس ان احتمال بليل اتمسك قليل اما بالنهار فالاحتمال كبير اوي )
ريحو دماغكو وامشو بالراحه وتولع اي حاجه تانيه

[mahmoud_afifi]

انا حظي أوحش منك مع الرادار
اتمسكت 5 ايام ورا بعض في نفس المكان و نفس العربية و نفس الظابط و فرق سرعة كيلو أو اتنين أو تلاتة عن حد السرعة

هههههههههههههههههه..انت كده تفوقت على نفسك يا باشا

انا حظي اني كل مره بتلقط رادار في حته مفيش فيها رادار او مثلا اكون مقرر اني انزل في وقت معين وأتأخر عن ميعاي وبالتالي الوقت الي بنزل فيه يكون هو الي فيه رادار وهو ده موضع النحس كله. وكمان انا لسه طالب يعني باخد مصروفي وقاعد لوحدي وفلوس المخالفات دي من فلوس اكلي
انا صايم النهارده عشان مفلس والله

[mahmoud_afifi]

ويقال إن لا فيه رادار ولا حاجة .. واحد قاعد من بعيد وبيبلغ بالويم كده عن العربيات المسرعة والسلام

ماهو عشان كده انا طلبت اني اشوف صورة الرادار, الامين استغرب كلامي في الاول وتلقائيا قام قالي على مكان الرادار مع انه المفروض مايقولهوش. وقالي تحب تسمع البلاغ تاني ؟ قولتله ماشي وسمعته وقال نفس السرعه واتأكدت انه بجد. بس برررضه حرام يعملوا رادار والطريق فاضي وانا مش ماشي بسرعه جنونيه وكمان مفيش لوحات تقول السرعه المقرره كام ولا احذر الرادار.