حظي السئ دائما مع الرادار

[mahmoud_afifi]

مافيش حاجة أسمها لو كيلومتر زيادة تدفعه , أنت لك 10 كيلومتر سماح بتكون ناتجة عن أحتمال الخطأ في قراءات الرادار أو عداد العربية

-انا حصل معايا نفس الشئ علي طريق أسكندرية الصحراوي مرة و لاقيت أمين الشرطة بيقولي 108 كم/ساعة
- علي طول نزلت للظابط اللي كان بيجهز وصل بالمبلغ و قولت له أني عايز وصل بالرخصة قام الظابط بلم و بص لي بأستغراب مش بس كده ده قبل مايفوق من الصدمة قولت له و أكتب في الوصل السرعة اللي أتصورت بيها ال 108 كم/ساعة
- عارفين أيه اللي حصل لما قولت له كده ؟؟
- أداني الرخصة علي طول و مسك امين الشرطة و بهدله

بأختصار لو هو عمل لي وصل بمخالفة 108 كم/ساعة و السرعة القانونية 100كم/ساعة علي طول وكيل النيابة هايلغي المخالفة و هو لما لاقاني فاهم النقطة دي و ماينفعش يتضحك عليا ماقدرش يأخد أي أجراء معايا غير أنه يديني الرخص

مع خالص تحياتي
م/ سمير الشهاوي

متشكر يافندم على التنبيه ده بس لو كان رادار ثابت زي بتاع المحور والمخالفه بتروح المرور يبقى بنعمل زي ماحضرتك بتقول في التجديد ونعمل اعتراض ؟

[mahmoud_afifi]

انا مره اتمسكت والوصل كان 187 (طبعا انا كنت 200 ) ودفعت ومره تانيه لسه طالع الدائري من المريوطيه ولسه بدوس بنزين لقيت رادار بيقولي 107 قولتلو وفيها ايه قالي ماهو الدائري 90 دفعت زي الباشا
المهم من ساعتها استخسرت فلوسي في الحكومه وكفايه عليهم كده حلفت طول مانا مسافر اي حته ولا دائري بالنهار مش حزود ابدا عن السرعه
لكن لو مسافر بليل بفتح براحتي وزي ماتيجي ( على اساس ان احتمال بليل اتمسك قليل اما بالنهار فالاحتمال كبير اوي )
ريحو دماغكو وامشو بالراحه وتولع اي حاجه تانيه

المخالفه بتاعت ال200 مالكش حق تزعل عليها انما المخالفه التانيه حقك يا باشا
بس حراااام نمشي على 90 والطريق فاضي وكمان لو الواحد مستعجل اصلا. انا عندي مبدأ ان كل المشاوير في مصر طويله ولازم الواحد يجري عشان يخلصها في يومه. لو همشي 90 او 80 يبقى مش هلحق اعمل حاجه.

وبالمناسبه الي غايظني اكتر ان قبل ماتمسك رادار بيومين وانا رايح الساحل في الصحراوي كنت ماشي 200 معظم الطريق عشان مستعجل قوي وماكانش في رادار وبرضه يوم ما اتمسكت مشيت 140 على الصحراوي وماكانش في رادار انما كان في رادار في طريق مالهوش لازمه عمره ماكان في رادار قبل كده

[ibrahimsaad]

طب ايه رأيكم بقى انى اتمسكت رادار وانا ماشى على سرعه 70 ك فى كفرالشيخ بس رغم ان الطريق كان مفتوح ولكن 0000

وكمان لقيت مخالفه عكس سير متسجله فى المخالفات رغم انى عمرى ماعملتها

وللاسف دفعت الاثنين

بس منهم لله ربنا ينتقم منهم ولايبارك فيهم هؤلاء البلطجيه

[ahmed_122]

ياجماعة انا شفت ردارات ثابتة على الدائرى زى اللى على المحور حد شافها برجاء تأكيد المعلومة مع انى شفتها وهى بتدى فلاش كمان فى المنطقة قبل التجمع

[mahmoud_afifi]

ياجماعة انا شفت ردارات ثابتة على الدائرى زى اللى على المحور حد شافها برجاء تأكيد المعلومة مع انى شفتها وهى بتدى فلاش كمان فى المنطقة قبل التجمع

الي انت شوفته مظبوط تمام , وانا كنت عملت موضوع احذر الناس على الموضوع ده بس اتضاف تحت اسم عضو تاني وكأنه هوا الي عمله
المهم يعني اني حاطت اماكن الرادارات بالصور من جوجل ماب وموضح عليها اماكن الرادارات الثابته الجديده دي. والصور في الصفحه الخامسه من الموضوع

http://www.nilemotors.net/Nile/168200-a.html

[mahmoud19]

ايه ده انا اول مره اعرف موضوع الفلاش ده انا من حوالى اسبوعين كان بالليل كده وماشى فى طريق قليوب الزراعى المتجه الى المؤسسه لو حد يعرفه وأعتقد ان فى مرور على اليمين فا حسيت ان كل العربيات هدت وانا كنت دايس وبالفعل فى حاجه عملت فلاش جنبى بعدها حسيت انى اتغدر بيا وزعلت جدا لأنهم صورونى وانا مش آخد بالى مش ممكن أكون مكشر :))))))
معلش بس المخلفات سيحت دماغ الواحد
ياريت حد يقولى هو الفلاش ده رادار ولا ايه!!؟؟

[ASSASSIN]

انا حظي أوحش منك مع الرادار
اتمسكت 5 ايام ورا بعض في نفس المكان و نفس العربية و نفس الظابط و فرق سرعة كيلو أو اتنين أو تلاتة عن حد السرعة

شكلو مستقصدق

[agwaa]

ويقال إن لا فيه رادار ولا حاجة .. واحد قاعد من بعيد وبيبلغ بالويم كده عن العربيات المسرعة والسلام

حلوة بجد يا دكتور .........

[agwaa]

انا مره اتمسكت والوصل كان 187 (طبعا انا كنت 200 ) ودفعت ومره تانيه لسه طالع الدائري من المريوطيه ولسه بدوس بنزين لقيت رادار بيقولي 107 قولتلو وفيها ايه قالي ماهو الدائري 90 دفعت زي الباشا
المهم من ساعتها استخسرت فلوسي في الحكومه وكفايه عليهم كده حلفت طول مانا مسافر اي حته ولا دائري بالنهار مش حزود ابدا عن السرعه
لكن لو مسافر بليل بفتح براحتي وزي ماتيجي ( على اساس ان احتمال بليل اتمسك قليل اما بالنهار فالاحتمال كبير اوي )
ريحو دماغكو وامشو بالراحه وتولع اي حاجه تانيه

والله أنت صح 100 × 100 والمفروض الكل يعمل كدة وماننساش الحكمة إللي بتقول ( قد أبطأ تصل أسرع )

[agwaa]

هههههههههههههههههه..انت كده تفوقت على نفسك يا باشا

انا حظي اني كل مره بتلقط رادار في حته مفيش فيها رادار او مثلا اكون مقرر اني انزل في وقت معين وأتأخر عن ميعاي وبالتالي الوقت الي بنزل فيه يكون هو الي فيه رادار وهو ده موضع النحس كله. وكمان انا لسه طالب يعني باخد مصروفي وقاعد لوحدي وفلوس المخالفات دي من فلوس اكلي
انا صايم النهارده عشان مفلس والله

معلهش يا سيدي خيرها في غيرها
هي فلوس موش من نصيبك .. من نصيب إخوانا ال....
وبعدين جوعوا تصحوا ..
أنا والله بحاول أروح عنك وأنسيك همك شوية
عموماً كلنا هذا الشخص

[mahmoud_afifi]

ايه ده انا اول مره اعرف موضوع الفلاش ده انا من حوالى اسبوعين كان بالليل كده وماشى فى طريق قليوب الزراعى المتجه الى المؤسسه لو حد يعرفه وأعتقد ان فى مرور على اليمين فا حسيت ان كل العربيات هدت وانا كنت دايس وبالفعل فى حاجه عملت فلاش جنبى بعدها حسيت انى اتغدر بيا وزعلت جدا لأنهم صورونى وانا مش آخد بالى مش ممكن أكون مكشر :))))))
معلش بس المخلفات سيحت دماغ الواحد
ياريت حد يقولى هو الفلاش ده رادار ولا ايه!!؟؟

الله اعلم, ما مشيتش في الطريق ده قبل كده.

معلهش يا سيدي خيرها في غيرها
هي فلوس موش من نصيبك .. من نصيب إخوانا ال....
وبعدين جوعوا تصحوا ..
أنا والله بحاول أروح عنك وأنسيك همك شوية
عموماً كلنا هذا الشخص

انا كل فلوسي مش من نصيبي ولا ايه
اه واضح جدا ان الحكومه بتتبع مبدأ جوعوا تصحوا مع الشعب
متشكر يا باشا على رد حضرتك وعلى المواساه :)