ترخيص عربيه ملحومه

[saleh311]

السلام عليكم
إيه الوضع القانوني
لو دخلت افحص عربيه و أعمل إثبات لموتور جديد
و أثناء الفحص تم إكتشاف إن العربيه نصين وملحومه و لاحم رقم شاسيه
هي هيتم مصادرة العربيه ولا غرامه ولا هيبقي إزاي

[heshamzaky]

أعتقد فيها حبس طبعا

[saleh311]

طيب إيه العمل لو عربيه عامله حادثه ومعجونه تماما و بالعافيه في رقم الشاسيه و الموتور وبقيه البادي في الضياع
إيه الإجراء القانوني في الحابه دي

[M.Alaa92]

فى اجراء غير قانونى

[heshamzaky]

طيب إيه العمل لو عربيه عامله حادثه ومعجونه تماما و بالعافيه في رقم الشاسيه و الموتور وبقيه البادي في الضياع
إيه الإجراء القانوني في الحابه دي

بتتاع حوادث بثمن زهيد جدا طبعا
بس فية ناس بتشترى الورق دة بصورة غير قانونية علشان تلحم عربية نصين
بصراحة سكة مش حلوة و ربنا يبعدك عن شر السكة دى

[i_Boy]

حنجيبلك عيش وحلاوه
اعملها واتطمن :)

[فتح الباب]

يعنى اللى يعمل حادثه يرمى العربيه ولا ايه ياجماعه الموضوع ليس بالخطوره اللى انتم عملينها انما يجب ان يتم الشغل على نظافه وبعدين ياجماعه انتو بتتكلموا فى ورق عارفين يعنى ايه ورق يعنى هو العربيه بس للاسف الكلام ده فى مصر بس طبعا

[heshamzaky]

يعنى اللى يعمل حادثه يرمى العربيه ولا ايه ياجماعه الموضوع ليس بالخطوره اللى انتم عملينها انما يجب ان يتم الشغل على نظافه وبعدين ياجماعه انتو بتتكلموا فى ورق عارفين يعنى ايه ورق يعنى هو العربيه بس للاسف الكلام ده فى مصر بس طبعا

الخطورة أن الى عامل الموضوع دة يبقى مزور و يقع تحت طائلة القانون
الموضوع مفيهوش لبس و لا خلط دة تزوير فى أوراق رسمية و لما يبيع العربية الملحومة يبقى بيخدع الى حا يبيعها لة و بها تدليس

[AHMED1718]

فيه ناس اساسا مصدر دخلهم كله من الحوار ده

انه يشترى سيارات الحوادث ويجيب واحدة بعد كده من غير ورق نصين ولا تلاتة

ويحط دى فى دى ويعيش شوية ويبيع على انها فابريكا

امال الناس فاكرا الناس بتتلهف على سيارات الحوادث ليه اكيد مش هيسمكرها

انا شخصيا شايف الحل ده ممكن تعمله لو عربيتك الشخصية حصل فيها كده وانتا مقدمكش حل تانى غير ده ولما تبيع العربية يبقا فيه امانة وتقول للى هيشترى وابقى قابلنى

لو هتعملها ليك وبدل جشع والحال اللى وصلناله فى مصر الفترة دى اتكل على الله اهو ف الاخر انت مش بتعمل كده علشان تغش حد

[heshamzaky]

دة شيىء متعلق نسبيا بموضوع النزوير
.......... منقول .........
حبس 3 موظفين بمرور الإسماعيلية لاتهامهم بالتزوير
أ ش أالنهار : 17 - 09 - 2011
قررت نيابة الإسماعيلية حبس 3 موظفين بإدارة مرور الإسماعيلية لمدة أربعة أيام احتياطيا على ذمة التحقيقات ، لاتهامهم بالتزوير في أوراق رسمية ، واستخراج تراخيص لسيارات ليست لها ملفات بإدارة المرور .

وكان اللواء أبو الفتوح الورداني مدير أمن الإسماعيلية قد تلقى إخطارا بالقبض على 3 موظفين من إدارة مرور الإسماعيلية عقب اكتشاف المقدم حمدي عبدالنبي رئيس قسم التراخيص بإدارة مرور الإسماعيلية إستخراج 4 رخص رسمية لسيارات ملاكي مسجلة على الحاسب الآلي ولا يوجد لدي إدارة المرور أي أوراق رسمية أو ملفات لتلك السيارات .

وتم تحرير محضر بالواقعة ، وإحالة المتهمين للنيابة العامة التي قررت حبسهم ، وتولت التحقيقات.

[newcar2011]

ولا حد بيدقق فى الكلام دة لو موديل قديم

[newcar2011]

مش العربيه اصلا ليها ملف فى المرور يبقه عادى جدا المشكله ان لو عربيه اصلا ملهاش ملف واترخصت دى الى تودى السجن

[hugan]

تقريبا مافيهاش مشكله
لان اي عربيه الربع الامامي بتاعها بيكون متهالك ومشنش
يتم شراء ربع استيراد وتركيبه وبنمر الشاسيه القديمه تتلحم علي الشاسيه الجديد
وبيكون له افراج جمركي ويضاف الي ملف العربيه

[heshamzaky]

مش العربيه اصلا ليها ملف فى المرور يبقه عادى جدا المشكله ان لو عربيه اصلا ملهاش ملف واترخصت دى الى تودى السجن

القصة بتبقى عربية عملت حادثة مثى و اتدمرت نهائيا و مش نافعة حلو
يقوم صاحب العربية يشترى عربية نصين نفس نوع عربيتة بالظبط و يقص المكان الى فى العربية الاولى الى عملت حادثة و يلحمة فى العربية النصين
دة طبعا تزوير رسمى و يقع تحت طائلة القانون و بيجيبو السمكرى الى عمل كدة لانة شريك فى التزوير

[heshamzaky]

تقريبا مافيهاش مشكله
لان اي عربيه الربع الامامي بتاعها بيكون متهالك ومشنش
يتم شراء ربع استيراد وتركيبه وبنمر الشاسيه القديمه تتلحم علي الشاسيه الجديد
وبيكون له افراج جمركي ويضاف الي ملف العربيه

لآ يا باشا مش كدة خالص العربية بتيجى متقطعة علشان من المفترض انها متباعة من الخارج كخردة و تتفكك كقطع غيار مش علشان تتلحم
الكلام دة بيودى السجن