ترخيص عربيه ملحومه

[heshamzaky]

دى صور انصاص عربيات و مش أى تقطيع بينفع معة التجميع مرة اخرى
الى بيقطع فى الخارج بيقطع علشان تتباع خردة نسبيا بس التقطيع بتاع اللحام بيبقى مختلف شوية و فية نية مبيتة لموضوع تجميعها و لحامها و دة مش قانونى اطلاقا






الصور دى عربية متقطعة علشان يتفك منها موتور عفشة و قطع غيار و دة القانونى

[hugan]

لآ يا باشا مش كدة خالص العربية بتيجى متقطعة علشان من المفترض انها متباعة من الخارج كخردة و تتفكك كقطع غيار مش علشان تتلحم
الكلام دة بيودى السجن

ازاي
كل السمكريه في مصر بيركبو ارباع امامي لعربيات كتير زي اللادا وال 32 وال 504 وال 31
تاكسيات علي ملاكي
وكان الكلام ده طبيعي قبل مشروع الاحلال بتاع التاكسي
عزبه شلبي والوكاله مليانه ارباع امامي وخلفي لكل انواع العربيات
يمكن يكون في حاجه اتغيرت

[heshamzaky]

ازاي
كل السمكريه في مصر بيركبو ارباع امامي لعربيات كتير زي اللادا وال 32 وال 504 وال 31
تاكسيات علي ملاكي
وكان الكلام ده طبيعي قبل مشروع الاحلال بتاع التاكسي
عزبه شلبي والوكاله مليانه ارباع امامي وخلفي لكل انواع العربيات
يمكن يكون في حاجه اتغيرت

يا باشا دة ماشى يركب ربع امامى و لا نص حتى امامى او خلفى مش مشكلة
المشكلة واحد يقص رقم الشاسية من عربية و يجيب عربية كاملة من الخارج جاية نصين و يلحم عليها رقم الشاسية بتاع عربية الاصلية فهمت قصدى

[nice_bird]

انا اعرف ان العربية اللي تعمل حادثة وتدمر خالص في ربع مثلا وتحتاح تغير كرتيرة لازم يكون معمول محضر بالحادث وبعدين تبلع المرور با العربية فيها جزء تالف (مثلا ربع امامي ) بيروح مهندس من المرور يصور ويعمل محضر بعدم صلاحية الجزء وتركبلها نص عادي بس طبعا محدش بيعمل الكلام دا لان كدا هيبقي معروف من ملف العربية انها نصين والسمكرية اتعلمو يتصرفو في الحاجات دي بيغيرو انصاص ويدقو الارقام وكل عربية حسب نظامها وفي المرور بيبقو عارفين وبينفضوا طالما نفس الرقم

[hugan]

يا باشا دة ماشى يركب ربع امامى و لا نص حتى امامى او خلفى مش مشكلة
المشكلة واحد يقص رقم الشاسية من عربية و يجيب عربية كاملة من الخارج جاية نصين و يلحم عليها رقم الشاسية بتاع عربية الاصلية فهمت قصدى

تمام
لكن نفس الفكره واحده
اي حد بيركب ربع للعربيه ونا مركز علي الربع الامامي لانه بيكون فيه رقم الشاسيه
طبيعي انه بيلحم رقم الشاسيه القديم علي الربع الجديد وبترخص عادي في المرور
ونفس الفكره تنطبق علي العربيه المتجمعه من الخارج
تاخد رقم الشاسيه من العربيه القديمه ويتلحم في العربيه الجديده لكن في الحاله دي العربيه القديمه انتهت ومالهاش ورق
لكن التزوير اللي حضرتك تقصده
اظن ان حد يجيب عربيه استيراد نصين
ويضرب لها رقم شاسيه وورق مزور وتترخص في المرور
زي حاله الموظفين بتوع مرور اسماعليه

[heshamzaky]

الربع مش بيكون فية رقم الشاسية
عموما حد يسأل أى رجل قانون على الموضوع دة لان الكلام الى بيتسمع الناس مش فاهماة صح
دة تزوير رسمى و تدلس لما واحد يبقى عندة عربية بقت كهنة يقوم يجيب عربية سليمة و يلحمها نصين على بعض و يحط عبها رقم الشاسية بتاع عربية
و مفيش حاجة أسمها ان العربية الى بتيجى من الخارج تتلحم و يتحط عليها رقم شاسية بتاع عربية مترخصة

[heshamzaky]

و لو المبدا ان مفيش حاجة لو حد عمل قص و لزق لرقم شاسية يبقى يزور بالمرة فى الافراج الجمركى و ما يدفعش الرسوم و النتيجة
........... منقول ..........


قرر المستشار عماد الشيوي المحامي العام لنيابة الأموال العامة بطنطا باشراف المستشار جلال عبداللطيف المحامي العام الأول لنيابات وسط الدلتا احالة 10 مسئولين بادارتي مرور الغربية والإسكندرية الي محكمة الجنايات بتهم التزوير والاضرار العمدي بالمال العام والاستيلاء.
كشفت التحقيقات ان المتهمين رضا "45 سنة" موظف بمرور الإسكندرية ومحمد موثق بمكتب التوثيق ومصطفي موظف بمديرية أمن الغربية وابراهيم "65 سنة" بالمعاش وسعيد مراجع بمرور الغربية ومجدي مهندس بمرور الغربية وبهاء وابراهيم وأحمد الموظفين بمرور الغربية كونوا فيما بينهم تشكيلا عصابيا للتلاعب في ملفات السيارات عن طريق التزوير.
كانت معلومات قد وردت للواء رمزي تعلب مدير أمن الغربية بقيام عدد من موظفي ادارة المرور بتشكيل عصابي للتلاعب علي ملفات السيارات وترخيص السيارات غير خالصة الجمارك وعلي الفور كلف نائبيه اللواءين أبو الفتوح الورداني مساعد المدير للأمن ومجدي الصياد حكمدار الغربية باعداد فريق بحث باشراف اللواء سامح رضوان مدير إدارة البحث الجنائي ورضا طبلية رئيس المباحث.
كشفت التحريات ان المتهمين استغلوا عملهم بالمرور واختلسوا نماذج الفحص "101" وتخصصوا في تغيير بيانات السيارات غير خالصة الرسوم الجمركية والتي تم تعديل في أجزائها الجوهرية من لون السيارة ورقمي الشاسيه والمحرك.. واثبات البيانات المزورة بالصحيفة رقم "157" سجل التوثيق.. كما قاموا بتزوير عقود بيع السيارات وانهاء اجراءات ترخيص السيارات الأجنبية الصنع دون سداد الرسوم الجمركية المستحقة عليها ومهر الأوراق الخاصة باجراءات الترخيص بخاتم ادارة المرور وتوثيق العقود بالشهر العقاري.
أضافت التحريات ان المتهمين يقومون بموجب الأوراق والمستندات المزورة بترخيص السيارات ونقلها الي مرور عدد من محافظات الوجه البحري لاخفاء جريمتهم.. وبيعها. تم اكتشاف الواقعة وضبط المتهمين وأمام اللواء رمزي تعلب مدير الأمن اعترف المتهمون بجريمتهم واحالتهم الي نيابة الأموال العامة العليا التي احالتهم الي محكمة الجنايات.

[SHNORY]

لسه كان واحد بيكلمني في الحوار ده بس مكنتش مركز معاه اوي
اللي بيحصل انك تقريبا كده
بتاخد العربيه الحادثه المرور ويدولك جواب انك حتغير نص قدام
وبعد كده بتجيب النص اللي قدام وتحمله علي عربيه نص نقل
وياخدوا بصمه الشاسيه بتاعته وتبقي دي البصمه البديله اللي حتتثبت في الرخصه
وطبعا بيكون معاك اوراق النص الجديد
وتركبه وتثبته علي الرخصه عادي
دا تقريبا اللي انا فاكره من الكلام
لو حتعمل الموضوع ده فعليا قولي اجيبلي بيانات اصح ومعلومات اكتر
لاني حطخ مشوار كبير علشان اجيبهم

[heshamzaky]

شنورى باشا فية لبس شوية
البعض بيظن انك تجيب عربية كاملة من الخارج بس مقطوعة نصفين و تلحمها و تضع عليها رقم شاسية عربيتك القديمة
دة تزوير يا جماعة يودى السجن

[SHNORY]

شنورى باشا فية لبس شوية
البعض بيظن انك تجيب عربية كاملة من الخارج بس مقطوعة نصفين و تلحمها و تضع عليها رقم شاسية عربيتك القديمة
دة تزوير يا جماعة يودى السجن

ااااااااااااااااه
لا دي فيها كلبوش يا كبير
بصوا يا جماعه بخصوص العربيات الحوادث او العربيات الي بتيجي من بره وده الوضع القانوني
انت لو عندك عربيه حادثه وجيبتلها عربيه من بره
فاول حاجه بتتعمل انك بتشد العربيه الحادثه دي بعمره تمام التمام
وتاخد من العربيه التانيه وتركب في عربيتك المشدوده
الموضوع ده مش بيفرق عن تمن العربيه الاصلي كتير
بس بيفرق في الركوبه جداااااااا
انك بتركب حاجه نضيفه بقطع غيار كامله ومضمونه
وده الوضع الصح
حنقول مثلا الموضوع علي عربيه بي ام موديل 2000:2002
حتشتري العربيه الحادثه من 40:60 الف
وحتجيب التانيه من بره في حدود 30 الف
وحتصرف حوالي من 10 :20 الف مصنعيات
يعني فارق عن تمنها هنا 10 بواكي او 5
انما فارق عن حالتها هنا كتييييييييييير اوي
بتفرق بقي في تمن العربيه لو انت شاريها من اللي عمل بيها الحادثه حتبقي لقطه
لو شاريها من تجار حوادث مش بتفرق كتير لانهم عارفين حسبتها بالظبط بتكون كام
-----------------------------------------
موضوع بقي قطع رقم الشاسيه ده هو غير قانوني
بس برضه مش اي صنايعي بيشتغل فيه
لانه مش بيقطع الرقم وخلاص ومش اي عربيه ممكن رقمها يتقطع بسهوله وميبانش
ولازم مسدسات رش مخصوصه وحتي الفلتو بيقطعوه بكتر ويركبوه تاني
وحتدفع برضه كتير
وفي كل الاحوال انت وبختك في المرور

[heshamzaky]

تمام يا باشا و بص المكتوب دة ...... منقول .......

طيب حل عربية الحوادث ايه, فى حل غير قانونى بس ناس كتير بتعملوا بسهولة و منتشر أوى عندنا فى بلدنا هوا انك تجيب نص عربية او عربية كاملة (و بيسموه هتجيب كورسليه كامل) من برة و تلحمها و تنقل رقم الشاسيه (طبعا الموضوع هيبقى أسهل لو جبت نصين بنفس اللون المثبت على الرخصة) و خلاص المرور ملهوش دعوة غير بس انك تروح تثبت الموتور الجديد الأساسا مفروض داخل مع العربية النصين بورقو.
ميزة الموضوع ده ان بيحيى العربية البتكون رايحة حوادث خلاص, و كمان بيديك فرصة تشترى عربية على مزاجك من بره, يعنى لو العربية الحوادث ديه كانت بى ام دبانة م 92 ممكن تركبلها بى ام m3 م 98 (لأنهم نفس ال شكل الخارجى), عندك عربية جولف م 99 1400 سى سى ممكن تركبها جولف 2003 1800 تربو كاملة (المهم يبقو نفس الشكل الخارجى). و الأغرب بأه من كل ده و اليبين اد ايه حكومتنا ناصحة ان انا شفت بعينى عربيات مش محدد فى الرخصة نوع العربية بالتفصيل يعنى انا شفت رخص عربية بورا مكتوب فى الرخصة "فولكس واجن م 2001" و بس, و بالتالى لو عربية بولو م 2001 عملت حادثة مثلا (و ديه حكاية واقعية حصلت فعلا) و حظ صاحب العربية ان رخصتها مكتوب فيها (فولكس واجن م 2001) فقط راح أحد الأفاضل اقترح عليه شراء عربية بيتلز نصين الشكل الجديد انتاج 2000 و أعلى بأعلى المواصفات و تلحيمها و نقل رقم شاسيه البولو و يبقى الراجل ركب بيتلز م 2000 مثلا بالمواصفات الهو عايزها بدلا من البولو .
اللطيف ان الغفير الكان بيشرد لعربيتى للبيع جابلى مشترى معتقد انها بورا م 2005 و الراجل كان جاى على الأساس ده و طلب يبص على الرخصة, و أتارى دماغو كانت ان الرخصة لو مش متحدد فيها الموديل كان هيلحمها ب جيتا الشكل الجديد أو جولف 5) و لكن عربيتى كانت م 2000 و مكتوب فى الرخصة بورا.
طيب هل فيه حل قانونى, اه فى حل قانونى لو العربية فعلن توتال لوس بتحدد ميعاد مع احد متخصصى الحوادث فى مرور الدراسة و بينقل العربية هناك للفحص و ساعتها الراجل بعد المعاينة بيسمحلك انك تركب نص, و بعد ماتكب نص للعربية المفروض انه هيلحملك رقم الشاسيه الجديد بتاع النص الركبتو على القايم (فى ناس قلولى انك ممكن تزبطوا و تتفادى الموضوع ده) وطبعا بيتثبت الرقم الجديد فى ملف العربية, بس لو دقلك رقم الشاسيه خلاص العربية ديه اتعلمت و من الصعب جدا انك تبعها حتى لتجار بعد كده


طيب ايه انظمة التلحيم, لأن كل واحد بيلحم بطريقة و ده بيعتمد على أسلوب تقطيع السيارة, و عموما الأسلوب الأكثر انتشارا العربيات بتيجى أساسا و الهدف بيعها قطع غيار (مش متقطعة خصوصا للتلحيم) وده بيخليه يقطع السقف من عند القايم الأمامى و الخلفى من فوق و يحل السقف تماما (كده العربية بأت من غير سقف) و بعدين يقطع الشاسيه (و ده تقطيعه بيختلف شوية من عربة للتانية و بسمع ان فىه بنط معينة فى الشاسيىه بيقطع من عندها عشان تكون أسهل فى التلحيم) و عموما الأسلوب ده بيستخدم عشان يقلل المساحة التخزينية داخل الكونتينر و يشحن عربيات زيادة (لأن زى ما قولنا ده غرضو استيراد العربيات كقطع غيار)
طيب فى ناس بتقطع عربية مخصوص من أجل التلحيم ف ديه بتبقى عارف حد من هيجيبها من بره و هيقطعهالك زى منتا عاوز و ده لتقليل عمليات اللحام و الدهان بيقطع القايم الأمامى فقط من فوق التابلوه الأمامى و يقطع الشاسيه من تحت من قدام الكرسى الأمامى و بالتالى العربية اتقطعت على قطعتين فقط بدلا من 3 قطع.
و أخيرا أسهل العربيات فى التلحيم و صعوبة اكتشافها هيا العربيات الكابورليه (يعنى المن غير سقف) و أكثرهم شهرة البى ام , و طبعا ده لعدم احتياج عمل قطع فى أى قوايم انتا بتقطع الشاسيه بس و طبعا عند البيع ممكن تبقى العربية كلها فابريقة او مش رشه غير العتب بس لاخفاء أثار التقطيع
عشان كده و من الانا شوفتو برجاء على أى مشترى لأى عربية خصوصوا الألمانى و اليابانى المتعدل (لانسر ايفوليوشن - سيفيك ال vti & sir) عدم الاستهتار و الاهتمام بالكشف الدقيق على القوايم و الحوض و الشاسيه و طبعا الأحسن الكشف عند متخصص دهان.
و خصوصا ان العربيات الموديلات الجديدة بيكون مغلفة من تحت بتصفيح للشاسيه و هو لو قطع و لحم الشاسيه من الحتت البيحط فيها التصفيح يبقى كل سنة و انتا طيب صعب جدا تعرف أو تشوف أى أثر للحم, غير أكيد البيعمل ده مفروض انع بيعفر العربية من تحت و من أثار الاستخدام ممكن بردو يخفى أثار التلحيم فى الشاسيه, و عموما أهو كل واحد و نيته و ربنا بيسترها.

[SHNORY]

انا مش فاهم حاجه من من المنقول ده يا هشام باشا ؟؟
هو عاوز ايه وايه مصدر النقل اصلا ؟؟؟

[heshamzaky]

انا مش فاهم حاجه من من المنقول ده يا هشام باشا ؟؟
هو عاوز ايه وايه مصدر النقل اصلا ؟؟؟

دة شخص عاوز يلحم عربية برضو و بيتكلم عن موضوع لحام العربية النصين

[saleh311]

شكرا للشباب علي الردود والمعلومات القيمه
أظبط حاجه كدا الواحد يجيب عربيه ويفضيها علي الشاسيه و ينقل كل حاجه منها ويركب علي الشاسيه بتاعه هيصرف صحيح شويه بس هيبقي في السليم
وممكن كمان يجمع التاني ويلعب بيها من غير نمر ولا ورق أو يعملها تكتك هههههههههه

[newcar2011]

انا ليا صديق كان عمل حادث ونص العربيه اتدمر اشترى ما تور ونص كامل امامى ولحم وركب واحتفظ برقم الشاسيه القديم وبيفحص وبيرخص بقاله 6 سنين وعادى جدا بس العربيه ليها ملف كامل فى المرور مرور مصر الجديده