سحب الرخصة

[osamaelbaz]

انا انهردة على المشاية فى المنصورة قبلت ظابط رخم سحب رخصة العربية عشان مركب اكصدامات نيكل المهم سحبهم وادانى وصل انا اتصلت برأيث المباحث كوسة يعنى فجالى وخلاة ادانى الرخصة بس فية حاجة دلوقتى الوصل دة لية كعب فى الدفتر هو كدة انا اخدت مخالفة ولا كدة الموضوع انتهى .....للعلم الظابط دة من ارخم واتنك الناس الى شفتها فى الدنيا دة سحب رخص عربيتين بيزفوا عرايس قال اية عمليين ازعاج وسحب رخصة واحد عشان عندة خبطة فى الرفرف الخلفى انا شفت العجب وانا واقف جنبة لحد ما الكوثة بتعتى توصل

[nobody]

بيني وبينك من غير زعل انا نفسي كل اللي بيركبوا الاكصدامات الحديد دي رخصهم تتسحب
ليه؟
عشان لا قدر الله لو خبط واحد او واحد خبط فيه حيتبهدل
فهي مؤذية جدا للغير
غير انها تقيلة و بتحمل على الشاسيه في الخبطات
و بعدين الماتريكس مش 4x4 و بتمشي في الأدغال عشان يتركبلها دفندرات
معلش انا قلت رأيي بكل صراحة
وربنا يخليلنا الكوثة

[osamaelbaz]

يعنى حرام على اصحاب الماتريكس حلال على اصحاب 4*4 انهم يركبوها ويضيفوها على الرخص ويخبطوا فينا عادى عشان هما ركبيين 4*4 واغنية

[hazem_khidr]

الضابط دا نقيب و رفيع و رخم كده ؟؟؟
المهم
طالما رخصك معاك يبقي مفيش مشكله خلاص ما يعرفش يعمل المخالفه

[mohamed_88sk]

يعنى حرام على اصحاب الماتريكس حلال على اصحاب 4*4 انهم يركبوها ويضيفوها على الرخص ويخبطوا فينا عادى عشان هما ركبيين 4*4 واغنية

يا سيدي الفاضل nobody يقصد أن الماتركس ماهياش عربيه 4*4 ولا سيارة مهام صعبه ولا هي عربيه عاليه من الجيبات بأنواعها ..
فملوش لازمه خالص الأكصدامات الحديد والنيكل زي ال 4*4 يعني أغلب الناس بتحطها عالماتركس لمجرد تشبه بال 4*4 ده غير أن أكتر اللي راكبنها فاكرنها حاجه جيب ومش فاهمين انها مجرد سيارة فئة الهاتش باك فان يعني أولا وأخيرا هاتش باك زيها من الأخر زي الأيديا نفس الفئة (أنا عارف كلامي ممكن يزعل ناس كتير من ملاك الماتركس هنا في المنتدى بس أعذرني لازم أقول الحق)
دي نقطة التانيه فعلا حتحمل عالشاسي بتاع العربيه في الصدمات والعياذ بالله
نقطة تالته حضرتك لو تلاحظ أكصدامات السيارت الأن ومثلا من كام سنه فاتت أختلفت وبقت واخده شكل منحني ومش باظه لبره زي زمان وده حصل ليه ؟؟؟!!! عشان لاحظوا أن والعياذ بالله لما أحد الماره بيتصدم الأكصدامات القديمه بتبهدله وتطلع عين أهله وعشان كده غيروها للاشكال الحاليه .
نقطة أخيرة السيارات ال4*4 بتنزل من غير الأكصدامات الحديد دي عشان السبب اللي فات إلا بعض الشركات(مع أني ماشفتش الصراحه) والمفروض الناس بتركبها لو بقى بتوع سفاري وجبال وألخ .
فبصراحة الظابط ده يستاهل كل أحترام وتقدير أنه بيراعي أسباب السلامه معلش مش عشان أي حد يحافظ على عربيته يعرض حياة ناس تانيه بسبب الأكصدام ده لموت محقق لأن العربيات نزله بأكصدامها بغرض تخفيف الصدام ..

وبعدين معلش حضرتك ما تساويش تمن مثلا فانوس عربية 4*4 بماتركس فطبعا صاحبها لازم يخاف عليها وتلاحظ أغلب ال4*4 الأكصدامات المعدن قدام الفوانيس وفوق الرفرف بتاعها .. وممكن تلاقي البعض منزله شويه قدام رفارفها حقول لحضرتك ليه عشان لو لاقدر الله حصل حادث مع واحد من الماره كده كده هو بعد الخابطه مش حيطلع عالكبوت غالبا يا أما تحتها أو بيطير على عكس الماتركس والهاتش باك والسيدان بيكونوا واطين فبعد الخبطه بيطلع عالكابوت فلازم الأكصدام يكون يخفف الخبطه ويساعد أنه يطلع عالكبوت وتلاحظ كمان أن ده كله في كل الفئات حتى ال 4*4 برضو الأكصدام بيحاولوا يخلوه يهون الصدمه ...
معلش أنا طولت بس كان لازم أوضح النقاط دي..

[loai-omar]

يا سيدي الفاضل nobody يقصد أن الماتركس ماهياش عربيه 4*4 ولا سيارة مهام صعبه ولا هي عربيه عاليه من الجيبات بأنواعها ..
فملوش لازمه خالص الأكصدامات الحديد والنيكل زي ال 4*4 يعني أغلب الناس بتحطها عالماتركس لمجرد تشبه بال 4*4 ده غير أن أكتر اللي راكبنها فاكرنها حاجه جيب ومش فاهمين انها مجرد سيارة فئة الهاتش باك فان يعني أولا وأخيرا هاتش باك زيها من الأخر زي الأيديا نفس الفئة (أنا عارف كلامي ممكن يزعل ناس كتير من ملاك الماتركس هنا في المنتدى بس أعذرني لازم أقول الحق)
دي نقطة التانيه فعلا حتحمل عالشاسي بتاع العربيه في الصدمات والعياذ بالله
نقطة تالته حضرتك لو تلاحظ أكصدامات السيارت الأن ومثلا من كام سنه فاتت أختلفت وبقت واخده شكل منحني ومش باظه لبره زي زمان وده حصل ليه ؟؟؟!!! عشان لاحظوا أن والعياذ بالله لما أحد الماره بيتصدم الأكصدامات القديمه بتبهدله وتطلع عين أهله وعشان كده غيروها للاشكال الحاليه .
نقطة أخيرة السيارات ال4*4 بتنزل من غير الأكصدامات الحديد دي عشان السبب اللي فات إلا بعض الشركات(مع أني ماشفتش الصراحه) والمفروض الناس بتركبها لو بقى بتوع سفاري وجبال وألخ .
فبصراحة الظابط ده يستاهل كل أحترام وتقدير أنه بيراعي أسباب السلامه معلش مش عشان أي حد يحافظ على عربيته يعرض حياة ناس تانيه بسبب الأكصدام ده لموت محقق لأن العربيات نزله بأكصدامها بغرض تخفيف الصدام ..

وبعدين معلش حضرتك ما تساويش تمن مثلا فانوس عربية 4*4 بماتركس فطبعا صاحبها لازم يخاف عليها وتلاحظ أغلب ال4*4 الأكصدامات المعدن قدام الفوانيس وفوق الرفرف بتاعها .. وممكن تلاقي البعض منزله شويه قدام رفارفها حقول لحضرتك ليه عشان لو لاقدر الله حصل حادث مع واحد من الماره كده كده هو بعد الخابطه مش حيطلع عالكبوت غالبا يا أما تحتها أو بيطير على عكس الماتركس والهاتش باك والسيدان بيكونوا واطين فبعد الخبطه بيطلع عالكابوت فلازم الأكصدام يكون يخفف الخبطه ويساعد أنه يطلع عالكبوت وتلاحظ كمان أن ده كله في كل الفئات حتى ال 4*4 برضو الأكصدام بيحاولوا يخلوه يهون الصدمه ...
معلش أنا طولت بس كان لازم أوضح النقاط دي..

10/10 بس كده :)

[mohamed_88sk]

10/10 بس كده :)

أنت تؤمر يا باشا

[mohamed_88sk]

أه نسيت أكمل حاجه أعذروني
بالنسبة إن المصدوم لما يطلع عالكابوت (نلاحظ إن سيارات زمان ودلوقتي شكل المواتير زمان ودلوقت أختلف وبقى مغطى بشكل تاني وبقى مش شبه ملاصق للكابوت بالعكس بقى في مسافه بينه وبين الكابوت) وده ليه عشام بعد التصادم ويطلع المصدوم عالكابوت مايتخبطش في الماتور لأن طبعا الكابوت حيتطبق وحيدخل لجوه ...
حاجه كمان نلاحظ في الموديلات الجديده إن المساحات عالبريبريز بقت شبه متداريه في فجوة تحت الكابوت -عكس زمان كانوا زي مايكون فرحانين بالمساحات ومطلعينها عالبريبريز -
وده برضو عشان بعد التصادم ما يأزيش المصدوم .....

يعني من الأخر المخافه دي بغرض سلامة بحت ....

[iBiZa]

انا انهردة على المشاية فى المنصورة قبلت ظابط رخم سحب رخصة العربية عشان مركب اكصدامات نيكل.

دة سحب رخص عربيتين بيزفوا عرايس قال اية عمليين ازعاج

سحب رخصة واحد عشان عندة خبطة فى الرفرف الخلفى انا شفت العجب وانا واقف جنبة لحد ما الكوثة بتعتى توصل

هى دية مشكلتنا كشعب ان اللى اتعودنا علية يبقى صح و الباقى غلط و رجال المرور بقوا تقريبا بيعدوا كل حاجة.

اللى الضابط دة عملوا هو الصح, هو بيطبق القوانين حرفيا و دية حاجة متزعلكش بل بالعكس المفروض تبسطك لو انت ماشى صح.

انا دايما بحاول امشى صح عشان محدش يكلمنى و دة مش من قلة معارفى ولا حاجة بس مسالة مبدأ.

انا احيى الضابط دة جدا و يا ريت كل الضباط يطبقوا القوانين كلها على كل الناس ساعتها حال الشارع المصرى ها ينصلح و مش هانبقى ماشيين فى غابة.


وبالمناسبة دة كدة مش رخم, دة بيأدى وظيفتة كما يجب و كل المواقف اللى انت قلتها فعلا مخالفة للقانون.

[hazem_khidr]

يا استاذ ابيزا
فيه حاجه اسمها قانون و في حاجه اسمها روح القانون
واخد بالك معايا
و الضابط الصح هو اللي بيبقي عارف انه بني ادم قبل ما يبقي ضابط شرطه
....
انا بتكلم عموما لكن بالنسبه لاخونا صاحب المخالفه فهو بالطبع غلطان ما قولناش كلمه
انما كون الضابط يوقف واحد علشان خبطه في رفرف ف دا بقي الغلاسه بعينها.
و معلش اسمحلي لو هو بقي بيطبق القوانين صح
مكنش المفروض سمع كلام واسطه اخونا اسامه و رفض تسليمه الرخص تاني
انما برضه دا مثال للضابط الخواف اللي بيمشي القانون علي ناس و ناس لاء

[iBiZa]

بالنسبة لموضوع الرفرف دة انا مختلف معاك لانك لو رحت اى دولة تانية مش هتلاقى المناظر اللى عندنا دية + فية قانون اسمة امن و متانة و المفروض لو لقى عندك لمبة محروقة يسحب رخصك و واحد صاحبى فى انجلترا حصل معاة كدة فعلا.

هو طبعا الضابط غلطان و خايف على اكل عيشة و دة طبعا بيعمل مشكلة بالنسبة للناس العادية لانها بتحس ان بلدنا فيها معايير مزدوجة و دة بيخليهم يحسوا بالظلم.

[osamaelbaz]

كلكم دلوقتى بقيتوا مع القانون احنا الى مشيين فى وسط البلد بقينا مخالفيين وسيبيين سوقيين النقل على الطرق السريعة الى شربيين والى طيرين وسوقيين الملاكى والميكروباصات الى بيطيروا على الطرق السريعة وكل يوم مئات الناس ميتيين دول مفيش مخالفات والكارو الى ماشى مخالف على السريع والجرارات الزراعية الى مفهاش انوار على الطرق السريعة وكمان مشيين مخالف كل دول مش مخالفيين اما احنا الى مشيين فى وسط البلد على سرعة 5 كيلو خطر على الامن العام انا هعمل الى انا عايزة فى عربيتى وهعدى بالوسايط لحد ما حال البلد ينصلح ويبقوا يعالجوا الحجات الى بتأدى للمووت والضحايا الاول وبعديين يبصوا على الحجات التافهة قال الظابط مش عاجبة ناس ماشية فى زفة ويسحب رخص عربية العريس والله عربية العريس معملت اى حاجة ولا كان فيها مخالفات ولا كلكسات هو مصدق شافها متزوقة قال اعكنن عليهم قانون مين يا رجالة الواسطة فوق القانون

[hazem_khidr]

بالنسبة لموضوع الرفرف دة انا مختلف معاك لانك لو رحت اى دولة تانية مش هتلاقى المناظر اللى عندنا دية

ماهو دا يا ابيزا اللي اقصده بروح القانون
يعني عربيه حالتها كويسه و صاحبها شكله كويس بس واخده خبطه و مالحقش يروح يصلحها ليه تسحب رخصه
انما لو عربيه متبهدله و متخبطه من كل جنب يبقي عنده الحق لانها كده بتضر اللي ماشيين حواليه فاهم قصدي.

الظابط مش عاجبة ناس ماشية فى زفة ويسحب رخص عربية العريس والله عربية العريس معملت اى حاجة ولا كان فيها مخالفات ولا كلكسات هو مصدق شافها متزوقة قال اعكنن عليهم

معلش في نقطه زي دي عنده حق لان معظم اللي بيمشوا في زفه بيستهبلوا.
يعني في مره كنت راجع من القاهره و علي مدخل المحله الاقي زفه خلتني امشي كيلو في تلت ساعه بدون مبالغه و معطلين الطريق علشان يزفوا البيه العريس
يبقي كده حلال يتسحب رخصهم ولا لاء؟؟؟؟
افرض حد مريض او تعبان و عاوز يروح و جاي مرهق ؟؟
انا بعد ما عديته جيت جنب عربيه العريس و هزقت السواق و العريس كمان قدام عروسته ههههههه

[major_memo]

استاذ اسامة انا اتفق معاك انت في كل الي قولتة ال يعني خلاص خلصوا كل المخالفات مش ناقص غير الاكصدام وبعدين من حق الماتريكس ومن حق السيات 133 حتي انة يركب حاجة تحمي عربيتة من الاغبية الي في الشارع وبعدين مفيش ظابط في جمهورية مصر العربية بيطبق القانون صح والنبي اهدوا كدة وبصو البلد ماشية ازاي احنا في مصر مش في انجلترا

(((انا هعمل الى انا عايزة فى عربيتى وهعدى بالوسايط لحد ما حال البلد ينصلح ويبقوا يعالجوا الحجات الى بتأدى للمووت والضحايا الاول وبعديين يبصوا على الحجات التافهة قال الظابط مش عاجبة ناس ماشية فى زفة ويسحب رخص عربية العريس والله عربية العريس معملت اى حاجة ولا كان فيها مخالفات ولا كلكسات هو مصدق شافها متزوقة قال اعكنن عليهم قانون مين يا رجالة الواسطة فوق القانون))))

كمل ربنا معاك يا باشا واوعي تشيل الاكصدامات شيك جدا علي الماتريكس اشيك من ال 4*4

[calipha3]

احلي من الواسطه مفيش وسلملي علي روح القانون!