سحب الرخصة

[Mosso]

بالنسبه لموضوع الديفندرات دي,
كنت ماشي من كام يوم في شارع حسنين هيكل الي موازي لعباس العقاد,الي بيمشي من هناك يعرف قد ايه الشارع ضيق جدا و ياخد عربيه واحده بالعافيه....
المهم كان قدامي بنت راكبه عربيه اكسبلوجن الي هي شبه التريوس القديمه دي,
و فجأه واحده ربنا يسامحها بكرولا راحت راكنه قدامها و شغلت الwaiting و بكل لا مبالاه نزلت و سابت العربيه و دخلت محل ( منتهى قلة الذوق )
المهم انا و الاكسبلوجن اتزنقنا وورانا عربيات كتير الحل الوحيد اني سنّه سنّه احاول اتفاداها عشان اوسع للي ورايا و افتح الطريق
المهم انا كل ده بظبط نفسي لى ابعاد الاكسبلوجن دي و الحمد لله عديت و في الاخر افاجأ بصوت حكه و خبطه جامده
ابص في المرايه شايف العربيه بعيده عني
نزلت فوجئت انها مركبه ديفندر و بوظلي الباب الخلفي يمين
طبعا هي تعتبر ملهاش ذنب لان هي واقفه وانا الي خبطت فيها
بس في نفس الوقت انا مليش ذنب ....
معلش انا مطوّل عليكوا و حاكي بالتفصيل بس عشان تحسوا بحرقة الدم الي انا حاسسها

عشان كده انا مش مؤيد للديفندر ده حتي على السيارات الدفع الرباعي
يعني هي الدفع الرباعي هيفيدها بايه اذا كانت السياره بتنزل من غيره اصلا
اكيد لو ليه لازمه كانت الشركه نزلته اساسي او على الاقل في الفئه الكامله من السياره
و حتى لما بنتفرج على الافلام الاجنبيه و كل سياراتهم دفع رباعي قليل لما بلاقيه متركب

[mohamed_88sk]

عشان كده انا مش مؤيد للديفندر ده حتي على السيارات الدفع الرباعي
يعني هي الدفع الرباعي هيفيدها بايه اذا كانت السياره بتنزل من غيره اصلا
اكيد لو ليه لازمه كانت الشركه نزلته اساسي او على الاقل في الفئه الكامله من السياره
و حتى لما بنتفرج على الافلام الاجنبيه و كل سياراتهم دفع رباعي قليل لما بلاقيه متركب

+1111111111
أؤيد كلام حضرتك

[Khalid_Mostafa]

انا تابعت النقاش من الأول واحب اقول رأيي بما ان انا من التاس الي مركبه ديفيندرات..
لا انكر انه مخالف للقانون ولم أكتشف ذلك إلا بالصدفه و بعد شرائه بمده كبيره وبالمناسبه فأنا طرحه للبيع كمان. ولكن احب اسأل سؤال للناس المشتركه في المناقشه..
1-مادام بهذه الخطوره علي ارواح المشاه عند التصادم فلماذا يتم السماح ببعض السيارت النزول به لمصر من الأساس واقصد بذلك الفابريكه.

2-إن كان هذا الظابط يطبق القانون دون تعنت فلماذا تغاضي عن هذا التطبيق عند وجود واسطه ...يعني بيطبق القانون علي ناس و ناس يبقي ميستحقش الإحترام الي الناس بتديهوله ده

3-إن كان مخالف للقانون لماذا يباع في المحلات في المقام الأول ؟؟؟ (يعني انزل قانون بيمنع تداول المخدرات ومع ذلك اسمح ببيعها في المحلات)

4-علي عكس ما هو شائع و معروف من ان هذه الديفندرات تحمي السياره فأن هذه الديفندرات بالعكس لا تؤمن حمايه إضافية للسيارة لأنها مفرغه و ضعيفه جداً (توتيه) وعند التصادم لا قدر الله تتطبق و تتسطح بل انها في رأيي اضعف من الفبر بتاع الإكصدام واكيد كلنا بنشوف الديفيندرات وهي وخده خبطه و مطبقه وبالمناسبه هي لا تشكل حمل علي الشاسيه لأنها خفيفه جداً (انا بتكلم علي الي انا مركبه في عربيتي)

5- المفروض يشوفوا العربيات الي من غير نمر و الي بتطلع هباب من ورا و الي خلتني انا شخصياً اعمل حادثه بسبب عدم الرؤيا من الدخان و العربيات الي بتمش في الممنوع و الكلام ده كله قبل البحث عن واحد مركب ديفيندر و لا واحد حاطط ملصق ...يعني الضابط الهمام ده ميجييش في الهيفه و يتصدر

[احمد عبدالله]

الحمد لله جت سليمة

[mo7a_mo7a]

يا استاذ اسامة
كسر القانون والتحايل عليه واستخدام الفساد ليس ما يفتخر به
حضرتك اخدت رخصك لانك تعرف حد سهلك مهمة كسر القانون رغم انك مخطئ
والاغرب من كده انك بتورينا التباين الشديد في تطبيق القانون بين شخص غلط مرة في فرح وشخص بيغلط كل دقيقة وهو مركب دفندرات مخالفة للقانون

نصيحتي ليك شيل الدفندرات والتزم زي باقي الناس
انا حاسس انك عارف ان كل اللي حصل غلط
حاول تصححه
مصر مش حتيجي يوم قدام بالطريقة دي

لك الله يا مصر