ليه الفيميه الدولة محرماه؟؟؟!!!

[شاهين - بنز]

سؤال يفرض نفسه
يعني انا عندي مفيم الزجاج الخلفي تفييم بسيط مش غامق عشان الركاب اللي ورا ما يتلسعوش من أشعة الشمس ليه بقى الحكومة مدايقة من الكلام ده و لاهو غلاسة على الشعب وخلاص؟؟؟

[OlaOsman]

متهيألي عشان البلاوي اللي ممكن تحصل جوه العربيات و اللي جواها مش بيكونوا باينين.. يعني بتبقى عاملة زي شقة مقفولة بس في الشارع.

ده اجتهاد مني مش اكتر.. بس متهيألي هو ده السبب.

[MoToRiZeR]

انا اعتقد ان دي حاجة دولية مش في مصر بس .. لأنه بيعيق الرؤية في المرايات خاصة بالليل

[zozza]

لا مش محرم في الامارات
هنا في الامارات الفيميه مسموح بيه و معظم العربيات بتستعمله

[Nile_Storm]

هههههههههههههههههههههههههههههههههههه

[M_HaFeZ]

زى ما قالت الاخت علا
كتير اوى من الفيميه بيستغل فى بلاوى بدون ذكرها

[nobody]

لأ على فكرة في أروبا والخليج والدول المتقدمة ممكن تفيم بس بنسبة معينة لازم ما تعديش درجة الغمقان نسبة معينة بحيث يبقى الزجاج مرئي
لكن في مصر لو حاطط ورق جرايد حياخدوه مخالفة مفيش مخ ولا تفكير
المفروض اللي ياخد مخالفة الاسود القاتم اللي لايبين ما بداخل السيارة غير كده عادي
ولا هو حلال على اللي عندهم كوسة وغيرهم لأ!!!!!!!!!!

[mohamed ismail]

طيب بالنسبة لتفييم الفوانيش الخلفية بلون احمر مثلا هل ده ممنوع مروريا برده ولا لا؟

[Xpert]

في اوروبا و الدول المتقدمه .. مش مسموح ...
علشان حضرتك السواق اللي وراك بيستخدم الزجاج بتاع حضرتك علشان يشوف قدامك .. علشان لما يعديك و كده ...
يعني بيعيق الرؤيه ليك و لغيرك ...ده غير طبعاُ انه مش امان .. علشان زي ما اتقال .. البلاوي اللي ممكن تحصل ...

[أبو عبدالله]

مع احترامي لوجهات النظر
ولكن الفاميه في مصرنا العزيزه ليس الهدف من منعه ما ذكر منكم
وانما هدف اخر الا وهوا دواعي أمنيه

لو هيا مسألة حد بيعمل حاجات في العربيه زي الشقه
فده هما بيتركوا اللي بيعمل من غير فاميه خالص
لو كان علشان الرؤية كانو مسكوا اللي ماشيين قافلين المرايات الجانبيه او مش موجوده اصلا

وانما الهدف

دواعي امنيه


وربنا يرحمنا ان شاء الله

[AhmedElsayed]

يجماعة انا مبكرهش حاجة اكتر لما ابقى ماشى ورا واحد مفيم ولا اتوبيس عالى
ولا ببقى شايف حاجة من قدامه ولا عارف اعديه ولا عارف اى حاجة

ورغم انه بيحمى من الحرارة لكن انا ضد الفيميه قلباً وقالباً

[NaderNabil]

وانما الهدف

دواعي امنيه

مش فاهم يا أبو عبدالله...يعني ايه دواعي أمنيه!

انا ضد الفامية الغامق تماما....بحس ان العربية شبهه علطول....منظرها مابيبقاش مريح.

لكن لا أري مشكله في الفاميه الفاتح...أخف درجة...لا يؤثر اطلاقا علي الرؤية سواء صباحا أو مساءا...و يمنع الشمس بدرجة كبيرة...غير ان منظره لطيف علي العربية..بس ده شئ ثانوي

[Ghamrawy]

يمكن علشان قانون الطوارئ ؟؟

[KoDaK_Gti]

مع احترامي لوجهات النظر
ولكن الفاميه في مصرنا العزيزه ليس الهدف من منعه ما ذكر منكم
وانما هدف اخر الا وهوا دواعي أمنيه

كلامك صح انا كنت مفيم ولجنة وقفتنى لقيت الظابط بيقولى هو حضرتك مستهدف ولا ايه ؟؟؟
قولتله اه بصراحة ههههههههه كنت هربان من السجن هههههه بس اوعة تقول لحد
قالى انت بتهزر قولتله اه قالى طيب هات رخصتك قولتله اتفضل وسيبتهاله ومشيت اعمله ايه يعنى ونبى ده

[nobody]

مش فاهم يا أبو عبدالله...يعني ايه دواعي أمنيه!

انا ضد الفامية الغامق تماما....بحس ان العربية شبهه علطول....منظرها مابيبقاش مريح.

لكن لا أري مشكله في الفاميه الفاتح...أخف درجة...لا يؤثر اطلاقا علي الرؤية سواء صباحا أو مساءا...و يمنع الشمس بدرجة كبيرة...غير ان منظره لطيف علي العربية..بس ده شئ ثانوي

هو ده اللي أنا أقصده بالزبط الفاتح وده مسموح بيه في اروبا و الخليج والدول المتقدمة
وانا زيك برضه ضد الغامق ومش لطيف