ليه الفيميه الدولة محرماه؟؟؟!!!

[Hussein_Ramdan]

يس اظن العربيات الى اصلا نزلة بالفامية مش بيقدرو يتكلمو معاهم زاى الماتيريا تقريبا
هل دة بيضاف على الرخصة ولاة اية العمل

[Abdo_Eldesokey]

البريليانس جالينا بتنزل الإزاز الي ورا متفيم سوبر بلاك ...
بس مش عارف ده مثبت على الرخصة ولا لأ

[Nader]

انا مع التفييم، اقل درجة منة ودي بتأدي

الغرض وهو تخفيف اشعة الشمس وبترحم

البني ادم اللي راكب العربية.


بس طبعاً البني ادم دة لازم يكون معاة

واسطة او سلطة،، غير كدة مش عارف اقدر اقول

على باقي الناس بني ادمين ولا لأ!!

ارحمنا يا رب.

[novocaine]

ما هو لو هانمنع الفيميه عشان اللي ممكن يحصل جوا العربية يبقي أقول لكل واحد و النبي ما تحطش ستاير ورا الشبابيك اللي في بيتك عشان أبقي شايف انتا بتعمل ايه!!
ما حدش يقوللي فيه فرق عشان مفيش!!!!!!!!
الاتنين ملكية خاصة

[mo3tazelgamal]

ما هو لو هانمنع الفيميه عشان اللي ممكن يحصل جوا العربية يبقي أقول لكل واحد و النبي ما تحطش ستاير ورا الشبابيك اللي في بيتك عشان أبقي شايف انتا بتعمل ايه!!
ما حدش يقوللي فيه فرق عشان مفيش!!!!!!!!
الاتنين ملكية خاصة

صح الأتنين ملكيه خاصه بس أعتقد أنه من الذوق أن مش كل حاجه تتعمل فى البيت ينفع تتعمل فى الشارع صح ولا إيه؟
يعنى بصراحه كدة لو واحد فى شقته ومعاة واحدة والجيران بلغوا - لو قال للبوليس دى صاحبتى وهى قالت أة بمزاجى (وملهاش ملف) , حضرة الظابط حينزل بسرعه يجيب إزازة شامبانيا تحيه وإعتذار من الداخليه ليهم!!!!!!!!!

[l0new0lf]

la ya mokh tel3et aut minak elmarade, fe auropa wedewal elmotakadema, lama tege tetla3 min wa7ed asasan beten2el 3ala 7ara tanya, we maleksh da3wa beeh khales talama enta mshet fel 7ara elmazbota bsor3etha elmazbota la2en barra kol 7ara leha sor3a tamam zay tare2 masr eskendreya esa7rawy, tedde esharatak we takhod watak wete3mel kol elmazbot wetetla3 minno, mesh te2ole mamno3 3ashan tbos min ezaz ele odamak 3ala ele odam ele odamak!! tinting is not is not brohibited its only the dark tinting is considered
a violation abroad.. wade link 7asal fil USA http://forums.vwvortex.com/zerothread?id=3738339

[Ramy.Gamal]

فى السعوديه ممنوع لانهم بيخافوا الارهابيين والمطلوبين امنيا يتنقلوا فى عربيات متفيمه براحتهم

[ams]

يعنى بصراحه كدة لو واحد فى شقته ومعاة واحدة والجيران بلغوا - لو قال للبوليس دى صاحبتى وهى قالت أة بمزاجى (وملهاش ملف) , حضرة الظابط حينزل بسرعه يجيب إزازة شامبانيا تحيه وإعتذار من الداخليه ليهم!!!!!!!!!

للاسف معاك حق مفيش حاجه اسمها جريمة زنا على قدر ما اعرف

[Mostafa]

بلد فاميه صحيح

[إسلام شاهين]

انا اعتقد ان دي حاجة دولية مش في مصر بس .. لأنه بيعيق الرؤية في المرايات خاصة بالليل

لأ هو مش ممنوع فعلا في كل الدول يعني هنا مثلا في الدوحة مسموح إنك تفيم إن شاء الله العربية كلها بس بتثبته وانت بترخص على الرخصة ومحدش بيسألك أساسا إنت حاطه ليه ومن وجهة نظري الشخصية موضوع الفيمية ده بيرجع لأعراف وطبيعة البلد الجغرافية يعني هنا في قطر مسموح ليه ؟ لأن الشمس هنا حارقة جدا جدا أفظع من مصر طبعا ده واحد اثنين هما هنا ليهم وجهة نظر وهي إن المرأة ليها خصوصية عن الرجل فبيسمحوا بالفيمية من باب إن لو امرأة قاعده جوه العربية تاخد راحتها (مع اعتراضي وتحفظي على ذلك )

[OlaOsman]

هما هنا ليهم وجهة نظر وهي إن المرأة ليها خصوصية عن الرجل فبيسمحوا بالفيمية من باب إن لو امرأة قاعده جوه العربية تاخد راحتها (مع اعتراضي وتحفظي على ذلك )

ليه يا إسلام؟

[إسلام شاهين]

ليه مع اعتراضي ؟ ولا ليه هما ليهم وجهة نظرهم الخاصة بالمرأة ؟

عامة أنا هجاوب على الاثنين :-
مع اعتراضي طبعا من اللي الواحد شافه هنا إن هنا الموضوع زيه زي مصر بالضبط بتحصل حاجات مش تمام ومش من المفروض إن يكون سبب السماح هو ده بس ، لكن أنا فعلا لما اتكلمت مع واحد من المرور هنا (وأنا في رحلة عذابي لاستخراج الرخصة) قالي إن السبب الأكبر بيرجع للحرارة الشديدة في الصيف واللي لا يمكن أي تكييف عربية هيأثر عليها علشان كده بيسمحوا بالفيمية عادي .

باقي الأسباب أرسلتها لحضرتك على الخاص

[amir]

يا جماعه هو ليه الناس تتطبعت بطبع الحكومه و بقت بتكره نفسها؟!!!!
الاخت علا شايفه انه ممكن تتعمل حاجات غير اخلاقيه داخل العربيه و بقيت الناس مشيت وراها بس محدش خد باله ان البهوات مسموح ليهم بالفاميه السوبر دارك طب معني كده ايه؟؟
و لغايه فتره مش بعيده كنت رايح مرور مدينه نصر علشان رخصي اتسحبت علشان الفيميه (الترا لايت!!!!)
و اروح المرور الاقي الغندور البيه معرض عربيتو جوه ساحه المرور و لو جدع شوف حاجه من جوه في عز الشمس ده غير انه كان حاطط نمر تليسكوبيه و عليها ميزان الكوسه
يا جماعه احنا مش متهمين و هدفنا اثبات برائتنا كل اللي احنا عايزينه الهروب من اشعه الشمس الحارقه و ده مكنش موجود ايام ما حطو قواعد المرور الحاليه, و لو حجه دواعي امنيه دي اقنعت اي حد فيكو فياللا نمنع السكاكين بردو لنفس السبب خاصه ان في المواكب العربيات بتبقي متشاله لحد الشوارع الجانبيه و اللي مش مصدق ييجي مدينه نصر عندنا و يشوف الدواعي الامنيه تستدعي منع الفيميه ولا لاء!!!

[blackeagle]

بالنسبة لموضوع اللي عاوز يعمل حاجة قليلة الادب في العربيه عدم وجود فاميه مش هيمنعه هيروح المقطم او طريق المطار و لو معاه 4*4 هيخش كام كيلو في الصحرا
مش هيركب فاميه و يقعد في ميدان التحرير
اما لو عشان سياتك ارهابي فمستحيل تشوف عربيه ماشيه يقوم رجل المرور بنظره الخارق يعرف ده ارهابي ولا لا وطبعا بعد ما يراجع ملف المطلوبين في ذاكرته الجبارة اللي زويل استلفها منهم عشان ياخذ جايزة نوبل ....يا راجل انا ابويا كان راكب جنب و احد صاحبة و وقف جنبي في الاشارة م مخدش بالي منه
يعني لازم توقف العربيه لجنة مرور عشان تشوف مين اللي فيها مش الفاميه هو اللي هيحمي البلد
اما بخصوص الرؤيه بلاش تركب فاميه في الزجاج الخلفي و المريات الامامية بترك جزء امامها مش متفيم عشان الرؤيه
يعني مش مشكلة و اراهنك اني اللي منع الفاميه في القانون مش عارف هو منعه ليه
عمار يا مصر

[1.8Tee]

للبيقول برة ممنوع.

فى بعض الولايات الامريكية و البلدان الأخرى ممكن تفيم أى درجة على الزجاج الخلفى و الجانبى الخلفى, مادام فى مرايات جانبية و الزجاج الأمامى و الجانبى الأمامى متفيمش و فى بلدان كمان بتسمح بدرجات معينة.