سؤال فى نقل الملكية ؟

[Shocky]

بسم الله الرحمن الرحيم

السلام عليكم ورحمة الله وبركاتة

من فضلكم كان عندى سؤال فى نقل الملكية للسيارة

دلوقتى انا كنت شارى العربية من شخص ما , والرخصة انتهت وهى طبعا بأسم الشخص دة لسة

انا عايز انقل ملكية ثم اجدد الرخصة بإذن الله

عندى سؤال

دلوقتى هروح للمرور اللى تابع لية السيارة دلوقتى (تبع محل سكن الشخص)
ولا هروح للمرور اللى انا تبعة , تبع محل سكنى يعنى ؟

وشكراً لكم مقدماً

[Ghamrawy]

ان شا الله حا تروح المرور اللى رخصة العربية طالعة منه و تعمل شهادة بيانات للعربية موجهة للشهر العقارى (بالتوكيل اللى معاك) و بعد كده حاتروح الشهر العقارى و تسجل العربية و تكع رسوم التسجيل و بعد كده على المرور بالورقة اللى حاتخدها من الشهر العقارى
المرور بقى حاتعمل الاتى :
حاتعمل فحص و ترفع البصمة
حاتجيب شهادة مخالفات بالتوكيل اللى معاك
و شوية دمغات و طوابع من اياها و ملف جديد و تدفع الضريبة و التامين الاجبارى و تقدم الورق و تستنى الرخصة
و ياريت لو حاجة وقعت منى فى النص صلاحولى

[fathisaad]

الأخ نسى يقولك على اهم حاجة

ان يكون معاك ورق فئة عشرة و عشرين جنية علشان الموضوع ده يخلص فى نفس اليوم

[Ghamrawy]

الأخ نسى يقولك على اهم حاجة

ان يكون معاك ورق فئة عشرة و عشرين جنية علشان الموضوع ده يخلص فى نفس اليوم

صح فاتتنى دى

[bee]

كلام سليم يا باشا

شهادة البيانات للشهر العقاري

وبالنسبة للورق
نموذج فحص
نموذج 351 تسيير ملاكي
تدفه الضريبة حسب السعة اللترية
تدفع التأمين الاجباري .. حسب ما انت عايز كام سنه
وطبعا التوكيل والعقد الي هتكون بعت بيه لنفسك في الشهر العقاري
وبطاقتك
الرخصة القديمة
ونصيحة اعمل الرخصة 3 سنين
وتحلى بالصبر

ومبروك عليك العربية

[Shocky]

اشكركم جدا جداً

gemino اشكرك جدا , انا معايا عقد بيع مسجل مش توكيل , نفس الاجراءات هى هى صح ؟

fathisaad شكراً لردك ياباشا , وشكراً للنصيحة الهامة جداً

bee اشكرك لإهتمامك , واهم حاجة تحلى بالصبر دى

[Ghamrawy]

اشكركم جدا جداً

gemino اشكرك جدا , انا معايا عقد بيع مسجل مش توكيل , نفس الاجراءات هى هى صح ؟

fathisaad شكراً لردك ياباشا , وشكراً للنصيحة الهامة جداً

bee اشكرك لإهتمامك , واهم حاجة تحلى بالصبر دى

العفو يا باشا
بالنسبة لنقطة عقد البيع المسجل دى انا بصراحة مش عارف حاتبقى الاجراءات عاملة ازاى بس هو فى ثوابت زى الفحص و الضريبة و التامين الاجبارى و شهادة المخالفات و لكن اعتقد انك كده حاتدخل على المرور على طول و مش حاتروح الشهر العقارى مادام البايع هو اللى سجلك

[Shocky]

العفو يا باشا
بالنسبة لنقطة عقد البيع المسجل دى انا بصراحة مش عارف حاتبقى الاجراءات عاملة ازاى بس هو فى ثوابت زى الفحص و الضريبة و التامين الاجبارى و شهادة المخالفات و لكن اعتقد انك كده حاتدخل على المرور على طول و مش حاتروح الشهر العقارى مادام البايع هو اللى سجلك

اشكر حضرتك لإهتمامك بالموضوع
وكفاية انى عرفت الاجراءات الأساسية
شكراً مرة تانية

[Ghamrawy]

اشكر حضرتك لإهتمامك بالموضوع
وكفاية انى عرفت الاجراءات الأساسية
شكراً مرة تانية

العفو يا Shoky بك و ياريت تقولنا عملت ايه علشان نعرف الاجراءات فى كل الحالات

[mshamy]

الموضوع ده اتفتح قبل كده

http://www.nilemotors.net/Nile/showthread.php?t=26662

[banboty]

عندى سؤال

دلوقتى هروح للمرور اللى تابع لية السيارة دلوقتى (تبع محل سكن الشخص)
ولا هروح للمرور اللى انا تبعة , تبع محل سكنى يعنى

------------------

بص يا باشا

تاخد العقد المسجل و الرخصة وصورة بطاقة و شهادة مخالفات حديثة ( استخراجها تم من اقل من شهر ) و تفك اللوحات ( علشان هتسلمها لما تاخد الجديدة ) و تشترى نموذج فحص واوراق تجديد + و تعمل بوليصة التأمين و تدفع الضريبة .. و تروح للمرور اللى انت تابع ليه وتسلمهم للشباك مع ورقة بريال ( عشريناية ) و تعيش الليلة ....

وعلى فكرة ممكن تعمل الموضوع على مرتين لو وحدة المرور اللى عندك زحمة

الصبح , تسلم اوراقك و تفحص ولازم يكون معاك طفاية او تدفع عشريناية تاني

و تيجي تاني الساعة ثلاثة او اربعة العصر تستكمل الاجراءات و تستلم الرخصة