النمر الجديدة:: سؤال مهم

[askme]

الاخوة الاعزاء في هذا المنتدى المفيد جدا
كنت اود ان اسأل عن النمر الجديدة لاني رأيت سيارات كثيرة بدأت تضعها!!! (مع التحفظات ومع المباركة لهذا الإختراع الذي لم يسبقنا اليه احد لا انس ولا جان! وعجبي)

اود فقط ان يفيدنا احد الاخوة عن التالي:

- هل هناك وقت محدد لتغيير النمر؟
- هل يتم تغييرها في وقت الفحص للسيارة ام في تجديد الرخصة العادي؟

علما بانني قمت بطلب الرخصة عبر خدمات الحكومة الاليكترونية
ولم يصلني منهم اي رد حتى الآن ولم اجد اية معلومات تخبرنا بتغيير النمرة مع تجديد الرخصة فهل هي مع الفحص فقط او الترخيص لسيارة جديدة؟

اشكركم كثيرا

[S H @ F T]

يتم تغييرها في وقت الفحص للسيارة
أو عند ترخيص سيارة جديده

[askme]

شكرا اخي العزيز

[magomago]

البداية فى مرور مدينة نصر
بس بصراحة شكلها مش حلو خالص
وياريت حد يفهمنا ال 3 حروف معناهم اية ؟

[shery103]

مش عارفة بصراحة معناهم ايه

انا النهاردة اتبهدلت فى المرور 9 ساعات ، من 8 و نص الصبح ، خارجة 5 و نص بالليل
كنت برخص عربيتى الجديدة
و برضو كنت بقول النمر الجديدة شكلها وحش ، بس مش وحشة اوى على فكرة لما ركبتها ملقتهاش بشعة كده :d

[magomago]

مش عارفة بصراحة معناهم ايه

:d

طيب اية الحروف اللى جاتلك
والارقام اكيد فيها وسايط عشان تبقى حلوة

[mazen86]

الاخوة الاعزاء في هذا المنتدى المفيد جدا
كنت اود ان اسأل عن النمر الجديدة لاني رأيت سيارات كثيرة بدأت تضعها!!! (مع التحفظات ومع المباركة لهذا الإختراع الذي لم يسبقنا اليه احد لا انس ولا جان! وعجبي)

اود فقط ان يفيدنا احد الاخوة عن التالي:

- هل هناك وقت محدد لتغيير النمر؟
- هل يتم تغييرها في وقت الفحص للسيارة ام في تجديد الرخصة العادي؟

علما بانني قمت بطلب الرخصة عبر خدمات الحكومة الاليكترونية
ولم يصلني منهم اي رد حتى الآن ولم اجد اية معلومات تخبرنا بتغيير النمرة مع تجديد الرخصة فهل هي مع الفحص فقط او الترخيص لسيارة جديدة؟

اشكركم كثيرا

مع احترامي لحضرتك

علي فكرة في بعض دول الخليج حروف وارقام ولا احنا بس عندنا لما بنعمل حاجة بتبقا جهل واختراع

[جمال]

(مع التحفظات ومع المباركة لهذا الإختراع الذي لم يسبقنا اليه احد لا انس ولا جان! وعجبي)

سبقنا الى هذا ( الاختراع ) كثير من الانس - اما الجان فليس لى اتصال بهم

[د-احمد عبد اللطيف]

اعتقد ان الحروف ليست لها معنى محدد زي الارقام بالظبط هي بس طريقة لزيادة الارقام المتوفره يعني ببساطه لو اللوحه عليها ثلاث حروف واربع ارقام لو الحروف ثابته يبقي العدد المحتمل للارقام هو 9999 اما اذا بدلت حرف واحد فهذا يعني زيادة الارقام 9999 اخرى و هكذا
مع كل حرف يبدل تزيد الاحتماليات
ودة الاسلوب المتبع في امريكا
اما اذا كان العالم العلامه والحبر الفهامه في مصر بقى له رأي ثاني فهذا ما ليس لي به علم
لان زي ما انتوا عارفين مصر دي بلد العجايب

[MoToRiZeR]

مش عارفة بصراحة معناهم ايه

انا النهاردة اتبهدلت فى المرور 9 ساعات ، من 8 و نص الصبح ، خارجة 5 و نص بالليل
كنت برخص عربيتى الجديدة
و برضو كنت بقول النمر الجديدة شكلها وحش ، بس مش وحشة اوى على فكرة لما ركبتها ملقتهاش بشعة كده :d

ممكن تصوريلنا العربية بالنمر الجديدة ؟
شكرا

[D . a .\ AYMAN]

على حد علمي الحروف ليها علاقة بالمحافظة اللى العربية تابعة ليها
اللى قريته ان القاهرة تلات حروف وتلات أرقام .. والجيزة حرفين وأربع أرقام .. وبقيت المحافظات تلات حروف واربع أرقام

بس انهاردة لاقيت واحدة مترخصة في مدينة نصر والحروف اللى عليها كانت ص س أ ...... !!!!!! معرفش بصراحة يعني إيه خالص بعد تجربة كل الإحتمالات في دماغي ومالقيتلوهمش معنى برضه

[NaderNabil]

بس انهاردة لاقيت واحدة مترخصة في مدينة نصر والحروف اللى عليها كانت ص س أ ...... !!!!!! معرفش بصراحة يعني إيه خالص بعد تجربة كل الإحتمالات في دماغي ومالقيتلوهمش معنى برضه

ال (أ) ترمز الي محافظة القاهرة

[D . a .\ AYMAN]

مع احترامي لحضرتك

علي فكرة في بعض دول الخليج حروف وارقام ولا احنا بس عندنا لما بنعمل حاجة بتبقا جهل واختراع

انا الجملة عجبتني التريقة اللى فيها لسبب تاني خالص همة برضه عاملين النمر بمقاس مش موجود في كل العالم

يعني حضرتك لو لاحظت ان كل العربيات الزيرو دلوقتي ليها مكان للنمر والمكان ده ليه مقاس موحد في كل العالم ماعدا النمر المصرية بتبقى كبيرة عليه لما قالوا يانمر جديدة قلت يبقى انشاءالله هيظبطوا مقاسها بقى عشان تبقى مناسبة للعربيات الجديدة لكن برضة اللى فيه داء ... عاملينها برضه بنفس المقاس الكبير اللى هايكون كبير على مقاسها في الربيات الجديدة كلها

وبعدين موضوع الألوان ده مالوش أي لازمة يعني عربية لونها ذهبي مثلا زي عربيتي أعلق عليها نمر لونها لبني أو أزرق فاتح ياترى شكلها هايبقى عامل إزاى ....؟؟؟!!! ماكل الدنيا النمر فيها لونها أبيض فقط والأرقام والحروف بقى هية اللى بتحدد ملاكي ولا أجرة ولا نقل ولا .... يبقى لازمتها إيه الألوان بقى؟؟

[د-احمد عبد اللطيف]

نقول تانى عشان الحبايب

اعتقد ان الحروف ليست لها معنى محدد زي الارقام بالظبط هي بس طريقة لزيادة الارقام المتوفره يعني ببساطه لو اللوحه عليها ثلاث حروف واربع ارقام لو الحروف ثابته يبقي العدد المحتمل للارقام هو 9999 اما اذا بدلت حرف واحد فهذا يعني زيادة الارقام 9999 اخرى و هكذا
مع كل حرف يبدل تزيد الاحتماليات
ودة الاسلوب المتبع في امريكا
اما اذا كان العالم العلامه والحبر الفهامه في مصر بقى له رأي ثاني فهذا ما ليس لي به علم
لان زي ما انتوا عارفين مصر دي بلد العجايب

[shery103]

انا الحروف بتاعتى و س أ

ربنا يشفيهم يارب

و هصورلكو العربية بالنمر الصبح ان شاء الله