النمر الجديدة:: سؤال مهم

[D . a .\ AYMAN]

ممكن كلمة صغيرة بس كل الكلام تقريبا علي حسب ما انا قهمت بناء علي ان حد سمع

انا بوجه سؤالي لاي واحد ركب النمر الجديدة هل تم عمل اخرام جديدة في سيارتك

كل دا وتاني بقول انا بحترم حضرتك جدا واختلافي مع حضرتك مجرد اختلاف في الراي فقط لاغير

وليس هجوم او اي حاجة تانية

انا عارف ان حضرتك ممكن تكون واخد الموضوع بعصيبة شوية بس انا مختلف مع حضرتك في الراي فقط لاغير

لكن احترامي الكامل لحضرتك لان واضح ان حضرتك اكبر مني في السن

شكرا

طبعا ياباشا لازم يتعمل اخرام عشان البشام اللى بيحطوه في النمرة والعربية لازمله اخرام جديدة وجامدة وبتكون في الإكسدام بس

يعني اللى النمر راكبه عند في الصاج هايغروا مكانها عشان تركب في الإكسدام

انا وقفت شفتها وهية فعلا البرشام بتاعها غبي جدا لو جيت تشده يكسر الإكسدام ومايتكسرش


تعليقا على كلام أحد الأعضاء (مش لاقي البوست بتاعته دلوقتي عشان اقتبسها)

انا شايف ان مافيش حد من الإنس سبقنا وعمل اللوحات ملونة إحنا أول ناس نعمل كده في الدنيا (ودي ممكن تكون ميزة عشان نبقى متفردين مش زي أي حد)
بس اللى عربيته حمرا أو ذهبي زي حالاتي يركب عليها نمر لونها أزرق إزاااااااااااااااااااااااااااااااااااااااااااااااا ااااااااااي

وبرضه مافيش حد من الإنس عمل اللوحات غير قابلة للتزوير وحط عليها باركود بعلامة مائية وختم غير قابل للتزوير

يمكن زمان الناس كانت بتعمل المقاس ده ... قبل سنة 1960 كده ولا حاجة بس خلاص بقى مابقاش موجود وبقى في مقاس استاندارد في كل الدنيا يبقى لما نعمل احنا تطوير نعمل نفس المقاس برضه ليه يعني


لكن الجن برضه انا كمان ماليش اتصال بهم دلوقتي خالص فـ مقدرش أقول هما عاملين النمر بتاعتهم ازاي

[Defender]

شكلها كويس وكمان دي لمسه سماوي والباقي ابيض مش هتفرق جامد مع لون العربيه الزرقاء ول الحمرا بس مفيش حد يتزاكي ويروح يدهن اللوحه او يكتب لوحمه بايدة زي ما بشوف

[magomago]

صورتلكو عربيتى بالنمر الجديدة :D

ماشاء الله
العربية الكيا مظبطة المكان على مقاس اللوحة بالظبط
اكيد هو دة المقاس العالمى
بس لو كنتى روحتى بدرى شويه كنتى لحقتى رقم 900
كان يبقى تمام ...بس الجايات احسن

[mazen86]

طيب ماتقولنا حسبتها ازاي زي ما انا وضحت الطريقة الحسابية بتاعتي


اعتقد انت ممكن حسبت على اساس ان الحرف زية زي الرقم بيبقى لة 10 تباديل مختلفة و بس (الارقام من صفرإلى التسعه يعني)



بينما انا حسبت على اساس ان الحرف بيبقى 28 تبديلة مختلفة (الحروف من أ, ب, ت, ث, ج, ح, خ, د, ذ, ر, ز........... إلى الياء)

او انت حسبت على اساس 6 ارقام بس هيه 3 حروف و 3 ارقام

وهي دي الطريقة الصحيحة

حضرتك فهمتني غلط انا كان قصدي علي النمر القديمة الي هيا ست ارقام بس تطلع معاك رقم صغير جدا مقارنة بالحروف والارقام

لكن تعالي نعمل حسبة تانية

28حرف و10 ارقام (0-9)

28حرف لو افترضنا اننا عندنا 3حروف يبقا 28*28*28=21952

10ارقام يعني برضة 10*10*10=1000

اضربهم بقا في بعض يطلع الرقم 21952000 (مش عارف لية حاسس اني شغال غلط انا نسيت الرياضة ولا اية لو غلط قولي )

تعالي بقا نحسب لو النمر 6 ارقام بس زي الاول

10*10*10*10*10*10=1000000

تعالي بقا نطرح الرقمين من بعض ونشوف الفرق كام رقم

21952000-1000000=20925000

يعني شوفوا وفرنا كام رقم زيادة 20925000

طبعا مش هينفع نحسب اربع حروف وتلات ارقان لان فيه حرف هيبقا ثابت فا هتتطلع نفس الحسبة

اتمني تكون الحسابات صحيحة ولو فيه غلطة حد يقولي

[NaderNabil]

علي فكرة تم إلغاء الرقم صفر أو 0

يبقي اعملوا الحسبة من الأول معلش:)

[aboalm]

مش لاقى مشكله اصلا . لا فى لون اللوحات و لا فى انها ارقام و حروف .
يعنى لما الدول العربيه بتعمل حاجه نعد نقول دى دول الخليج كلها عامله كده احنا فين و هما فين دول كانو كذا و كذا و دلوقتى سبقونا بكتير
و بعدين مين قال اصلا انها لازم تكون بلون يمشى مع كل ألوان العربيات الموجوده؟؟؟؟؟؟؟؟؟؟؟؟
مش فاهم ليه دايما مش عاجبنا حالنا بصراحه النمر مش فيها مشكله خالص بل بالعكس أحنا إتأخرنا قوى فيها

[shery103]

تخيلو لما رحت ارخص العربية وصلت عند المرور 8.30 الصبح

خارجة من المرور 5.30 بعد الضهر

كان يوم عذاب بجد

لأ و كان اغلب الناس اللى جايين مش جايين يرخصو ، كانو جايين يبدلو النمر عشان يبقو مركبين النمر الجديدة

شفتو فراغ اكتر من كده ؟

[M_HaFeZ]

من وقت تطبيق النمر الجديده ومرور مدينه نصر زى الزفت
الناس رايحه تغير وخلاص وانا مش فاهم ازاى ؟ هو اى حد يغير بس فعلا المنطقه دى زحمه جدا ويخلينا نتسأل المرور ليه يبقى فى مكان حيوى كده وفى اماكن تانيه اهدى بكتير ومش هتشل الطريق زى دلوقتى
بس شوفت شويه تعليقات هنا توضح ان فعلا فى ناس مش عاجبها العجب وخلاص مشاكل البلد وفاضل التفاهات