إعـــــــلان

Collapse

.

,
See more
See less

الموضوع ده حرام ولا ايه !!

Collapse
X
 
  • Filter
  • الوقت
  • Show
Clear All
new posts

  • #46
    انا شايف ان الموضوع ده فيه خناق وشد وجذب بدون لزوم
    بعض الناس واخده الموضوع على اعصابها اكتر من اللازم على الرغم من ان بعضهم مش فاهم القصة بشكل كامل
    عامة وفي جميع الاحوال انا عاوز اسال سؤال
    هو القانون المصري ليه بيشترط انك لما تحب تخش بعربية ملكك ومن حر مالك لازم تبقى انت المالك الاول؟
    هيفرق معاهم في ايه؟
    وحاجة تانية الجمارك المباااااالغ فيها خصوصا لشعب وناس شقيانة وطالع عين ابوها بره قبل جوه يعني اللي مسافر يشتغل بره ده مش رايح ترفيه لا ده لانه مجبور لانه مش لاقي هنا حتى ولو ارتاحت العملية بعد كده بس قصادها غربة وقرف واستحمال ما لا يستحمله بشر نتيجة الغربة خاصة في بلاد الخليج العربي
    واللي بيشتغل جوه مرتبه يدوب معيشه وتيجي تحط جمارك باسعار مبالغ فيها تخلي سعر العربيات أضعاف سعرها الحقيقي ده حلال ولا حرام؟
    وحاجة تالتة لما حد من المغتربين بينزل اجازة وبيدخل معاه جهازين كده ولا كده من الجمرك بيقول ايه لنفسه لما بيعدي من غير ما يتجمرك لاي سبب؟
    بيحس انه حرامي وسارق مال النبي برضه؟
    ولا ايه؟ ؛)
    تحياتي للجميع

    Comment


    • #47
      المشاركة الأصلية كتبت بواسطة بومبو مشاهدة المشاركة
      انا شايف ان الموضوع ده فيه خناق وشد وجذب بدون لزوم
      بعض الناس واخده الموضوع على اعصابها اكتر من اللازم على الرغم من ان بعضهم مش فاهم القصة بشكل كامل
      عامة وفي جميع الاحوال انا عاوز اسال سؤال
      هو القانون المصري ليه بيشترط انك لما تحب تخش بعربية ملكك ومن حر مالك لازم تبقى انت المالك الاول؟
      هيفرق معاهم في ايه؟
      وحاجة تانية الجمارك المباااااالغ فيها خصوصا لشعب وناس شقيانة وطالع عين ابوها بره قبل جوه يعني اللي مسافر يشتغل بره ده مش رايح ترفيه لا ده لانه مجبور لانه مش لاقي هنا حتى ولو ارتاحت العملية بعد كده بس قصادها غربة وقرف واستحمال ما لا يستحمله بشر نتيجة الغربة خاصة في بلاد الخليج العربي
      واللي بيشتغل جوه مرتبه يدوب معيشه وتيجي تحط جمارك باسعار مبالغ فيها تخلي سعر العربيات أضعاف سعرها الحقيقي ده حلال ولا حرام؟
      وحاجة تالتة لما حد من المغتربين بينزل اجازة وبيدخل معاه جهازين كده ولا كده من الجمرك بيقول ايه لنفسه لما بيعدي من غير ما يتجمرك لاي سبب؟
      بيحس انه حرامي وسارق مال النبي برضه؟
      ولا ايه؟ ؛)
      تحياتي للجميع
      احنا ممكن ننتقد قانون الجمارك للصبح ونسب ونلعن فيه ونطالب بالغاء الرسوم ولو لسياره واحده لكل واحد مقيم في دوله اخرى لأكتر من x سنه خصوصا انه بيطبق على الشقيانين والكبار بيدخلو عربياتهم باعفاءات استثنائيه لكن طول ما القانون موجود يبقى التزوير في الاوراق للتهرب من دفع الرسوم حرام لأنك مش افضل من اللي التزم ودفع.
      مصر أنت أغلى دره ... فــوق جبين الدهـر غرَّة

      يا بلادي عيشي حره ... واسلـمي رغـم الأعــادي

      Comment


      • #48
        المشاركة الأصلية كتبت بواسطة ahmed_adham مشاهدة المشاركة
        احنا ممكن ننتقد قانون الجمارك للصبح ونسب ونلعن فيه ونطالب بالغاء الرسوم ولو لسياره واحده لكل واحد مقيم في دوله اخرى لأكتر من x سنه خصوصا انه بيطبق على الشقيانين والكبار بيدخلو عربياتهم باعفاءات استثنائيه لكن طول ما القانون موجود يبقى التزوير في الاوراق للتهرب من دفع الرسوم حرام لأنك مش افضل من اللي التزم ودفع.
        انت قولتها اهو الكبار بياخدوا اعفاءات استثنائية وهو مش محتاجنها !!
        وعلى فكرة انا مقولتش في كل بوستاتي كلمة تهرب دي خالص
        انت بالفعل هتدفع جمارك ومبلغ وقدره برضة في العملية دي على فكرة!
        بس كل الفكرة انه هيبقى اقل من جمارك الزيرو وهي فعلا العربية مش هتبقى زيرو هتبقى مستعملة وكل اللي حصل ان صاحبها اشتراها مستعملة لان اللي انا اعرفه ان العربيات سعرها بينزل جامد في كل الدول في العالم في اعادة البيع وده لانهم مبياخدوش جمارك مبالغ فيها زي حالتها وفي نفس الوقت الناس مرتاحة فبتقدر تجيب الزيرو اولا بأول!

        Comment


        • #49
          المشاركة الأصلية كتبت بواسطة بومبو مشاهدة المشاركة
          انت قولتها اهو الكبار بياخدوا اعفاءات استثنائية وهو مش محتاجنها !!
          وعلى فكرة انا مقولتش في كل بوستاتي كلمة تهرب دي خالص
          انت بالفعل هتدفع جمارك ومبلغ وقدره برضة في العملية دي على فكرة!
          بس كل الفكرة انه هيبقى اقل من جمارك الزيرو وهي فعلا العربية مش هتبقى زيرو هتبقى مستعملة وكل اللي حصل ان صاحبها اشتراها مستعملة لان اللي انا اعرفه ان العربيات سعرها بينزل جامد في كل الدول في العالم في اعادة البيع وده لانهم مبياخدوش جمارك مبالغ فيها زي حالتها وفي نفس الوقت الناس مرتاحة فبتقدر تجيب الزيرو اولا بأول!
          معلشي ايه المنطق في كده؟ يعني انت مش بتعمل الحرام عشان محدش غيرك بيعمله ولا عشان ربنا أمرك بكده؟

          هل معنى ان فيه مليون بيسرقو اني اسرق ويبقى حلال؟ لو الكون كله بيسرق هل ده يحلل السرقه؟ القانون بيقول لازم تكون المالك الاول يبقى لو زورت ورق يقول كده والحقيقه غير كده يبقى حرام.

          اللي ممكن نتكلم فيه ازاي نقنع الحكومه عن طريق مجلس الشعب مثلا انها تقلل الجمارك أو تلغيها وتدور على مصدر تاني للدخل يعوض قيمه الدخل اللي بتجيبه الجمارك. تجميع السيارات محليا اللي اتعملت الجمارك العاليه عشان جمايته مش بيفيد حد قد ما بيفيد صاحب المصنع فقط لأن صناعه تجميع السيارات مش كثيفه العماله وصناعه المنسوجات والمفروشات والملابس أولى بالدعم الحكومي عنها لأنها بتشغل ناس كتيييييييييير وسهل تنفيذها بمكونات محليه.
          مصر أنت أغلى دره ... فــوق جبين الدهـر غرَّة

          يا بلادي عيشي حره ... واسلـمي رغـم الأعــادي

          Comment


          • #50
            وعلى فكرة وللعلم انا عمري ما سافرت اشتغل بره وعاوز اجيب عربية وللاسف الشديد الاسعار اللي هنا بتخليني افكر في موديلات محدوده وعربيات عليها مليارات علامات استفهام على الرغم من اني لو عايش مثلا في السعودية ومعايا نفس المبلغ ده اركب موديلات تانية خاااااااالص !!
            يعني كلامي مجرد رأي مش بحلل لنفسي !

            Comment


            • #51
              المشاركة الأصلية كتبت بواسطة بومبو مشاهدة المشاركة
              وعلى فكرة وللعلم انا عمري ما سافرت اشتغل بره وعاوز اجيب عربية وللاسف الشديد الاسعار اللي هنا بتخليني افكر في موديلات محدوده وعربيات عليها مليارات علامات استفهام على الرغم من اني لو عايش مثلا في السعودية ومعايا نفس المبلغ ده اركب موديلات تانية خاااااااالص !!
              يعني كلامي مجرد رأي مش بحلل لنفسي !
              أنا اشتغلت بره ولما رجعت اشتريت العربيه من هنا عشان مش لاقي ميزه في اني اجيب العربيه من بره ده حتى التقسيط في مصر بقى سهل مش زي زمان يعني لو ده السبب ان الناس بتجيب العربيات من بره. وبعدين على ما قسطها بره يخلص والواحد ينزل بيها تكون العربيه قدمت شويه وزهوتها راحت واللي بيرجع من بره بيحب الحاجه الجديده اللي تحسسه ان مرمطه الغربه جت بفايده بس لكل واحد وجهة نظر تحترم ومريحاه.
              مصر أنت أغلى دره ... فــوق جبين الدهـر غرَّة

              يا بلادي عيشي حره ... واسلـمي رغـم الأعــادي

              Comment


              • #52
                المشاركة الأصلية كتبت بواسطة ahmed_adham مشاهدة المشاركة
                معلشي ايه المنطق في كده؟ يعني انت مش بتعمل الحرام عشان محدش غيرك بيعمله ولا عشان ربنا أمرك بكده؟

                هل معنى ان فيه مليون بيسرقو اني اسرق ويبقى حلال؟ لو الكون كله بيسرق هل ده يحلل السرقه؟ القانون بيقول لازم تكون المالك الاول يبقى لو زورت ورق يقول كده والحقيقه غير كده يبقى حرام.

                اللي ممكن نتكلم فيه ازاي نقنع الحكومه عن طريق مجلس الشعب مثلا انها تقلل الجمارك أو تلغيها وتدور على مصدر تاني للدخل يعوض قيمه الدخل اللي بتجيبه الجمارك. تجميع السيارات محليا اللي اتعملت الجمارك العاليه عشان جمايته مش بيفيد حد قد ما بيفيد صاحب المصنع فقط لأن صناعه تجميع السيارات مش كثيفه العماله وصناعه المنسوجات والمفروشات والملابس أولى بالدعم الحكومي عنها لأنها بتشغل ناس كتيييييييييير وسهل تنفيذها بمكونات محليه.
                تاني برضة سرقة ؟
                يا باشا اللي انا اعرفه ان السرقة دي انك تاخد حاجة مش من حقك و(بتاعت حد تاني) بنية التملك كمان!
                العربية بتاعتك من حر مالك وهتدفع عليها جمارك من حر مالك برضة
                فييييييين السرقة؟
                يعني لو انت اشتريت العربية زيرو من البلد اللي انت شغال فيها وقعدت معاك سنتين مثلا ونزلت بيها وجيت تدفع جمارك هتدفع اقل صح؟
                نفس الفكرة واحد اشترى عربية مستعملة وعاوز ينزل بيها لكن القانون بيشترط شرط عقيم انك تكون المالك الاول لمجرد انه يمص دمك ايه السرقة بقى انه يعمل ورقة تقول انه المالك الاول لمجرد انه يعدي من شرط مجحف؟

                Comment


                • #53
                  المشاركة الأصلية كتبت بواسطة ahmed_adham مشاهدة المشاركة
                  أنا اشتغلت بره ولما رجعت اشتريت العربيه من هنا عشان مش لاقي ميزه في اني اجيب العربيه من بره ده حتى التقسيط في مصر بقى سهل مش زي زمان يعني لو ده السبب ان الناس بتجيب العربيات من بره. وبعدين على ما قسطها بره يخلص والواحد ينزل بيها تكون العربيه قدمت شويه وزهوتها راحت واللي بيرجع من بره بيحب الحاجه الجديده اللي تحسسه ان مرمطه الغربه جت بفايده بس لكل واحد وجهة نظر تحترم ومريحاه.
                  طب والتقسيط بالفوايد الربوية حلال ولا حرام :)

                  Comment


                  • #54
                    المشاركة الأصلية كتبت بواسطة بومبو مشاهدة المشاركة
                    تاني برضة سرقة ؟
                    يا باشا اللي انا اعرفه ان السرقة دي انك تاخد حاجة مش من حقك و(بتاعت حد تاني) بنية التملك كمان!
                    العربية بتاعتك من حر مالك وهتدفع عليها جمارك من حر مالك برضة
                    فييييييين السرقة؟
                    يعني لو انت اشتريت العربية زيرو من البلد اللي انت شغال فيها وقعدت معاك سنتين مثلا ونزلت بيها وجيت تدفع جمارك هتدفع اقل صح؟
                    نفس الفكرة واحد اشترى عربية مستعملة وعاوز ينزل بيها لكن القانون بيشترط شرط عقيم انك تكون المالك الاول لمجرد انه يمص دمك ايه السرقة بقى انه يعمل ورقة تقول انه المالك الاول لمجرد انه يعدي من شرط مجحف؟
                    "يعمل ورقه" ولا يزور ورقه ويدفع رشوه للمزور؟ قولي كمان ان الرشوه حلال.
                    مصر أنت أغلى دره ... فــوق جبين الدهـر غرَّة

                    يا بلادي عيشي حره ... واسلـمي رغـم الأعــادي

                    Comment


                    • #55
                      المشاركة الأصلية كتبت بواسطة بومبو مشاهدة المشاركة
                      طب والتقسيط بالفوايد الربوية حلال ولا حرام :)
                      أنا اشتريت كاش. اللي عايز يشتري تقسيط يدور على الفتوى ان كان حلال ولا حرام. وكقاعده عامه من باع ما لا يملك ابعد عنه. وقاعده عامه تاني مفيش بنك اسلامي في مصر أو بمعنى أخر مفيش في مصر بنك بيبيع تقسيط متفق مع الشريعه لأنهم بيبيعو ما لا يملكو.
                      مصر أنت أغلى دره ... فــوق جبين الدهـر غرَّة

                      يا بلادي عيشي حره ... واسلـمي رغـم الأعــادي

                      Comment


                      • #56
                        المشاركة الأصلية كتبت بواسطة ahmed_adham مشاهدة المشاركة
                        "يعمل ورقه" ولا يزور ورقه ويدفع رشوه للمزور؟ قولي كمان ان الرشوه حلال.
                        ياباشا انا مش بحلل ولا بحرم
                        من ناحية القانون التزوير عشان يبقى جريمة لازم يكون فيه "ضرر" وقع على حد ما
                        في الناحية دي مفيش ضرر ولا حاجة لان العربية "مستعملة" بالفعل والقانون المصري بيقلل من قيمة الجمارك بالنسبة للعربيات المستعملة!
                        كونك مش المالك الاول دي قصة ممكن تسأل فيها عالم دين زي ما قولت لصاحب الموضوع في اول رد
                        حاجة تانية دفع اموال لشخص ما للحصول على الحق فيه كلام كتير جدا فيه والاغلبية العظمي من العلماء بيجيزه حتى ولو هيندرج تحت بند الرشوة ويآثم اخذها دون عاطيها !

                        Comment


                        • #57
                          المشاركة الأصلية كتبت بواسطة Ahmed_Adham مشاهدة المشاركة
                          أنا اشتريت كاش. اللي عايز يشتري تقسيط يدور على الفتوى ان كان حلال ولا حرام. وكقاعده عامه من باع ما لا يملك ابعد عنه. وقاعده عامه تاني مفيش بنك اسلامي في مصر أو بمعنى أخر مفيش في مصر بنك بيبيع تقسيط متفق مع الشريعه لأنهم بيبيعو ما لا يملكو.
                          طب وايه رأيك ان فيه بعض العلماء في مشيخة الازهر وفي دار الافتاء اللي بيجيزوا التقسيط من البنوك وبيعتبروه مساعدة على الاستثمار ؟

                          Comment


                          • #58
                            طب حاجة تانية
                            الحوار بتاع الورقة دي ولا حوار السيارات المجهزة لمتحدي الاعاقة واللي كان شغال الله ينور في فترة ما؟
                            وبرضة عشان الجمارك والضرائب المبالغ فيها

                            Comment


                            • #59
                              المشاركة الأصلية كتبت بواسطة بومبو مشاهدة المشاركة
                              ياباشا انا مش بحلل ولا بحرم
                              من ناحية القانون التزوير عشان يبقى جريمة لازم يكون فيه "ضرر" وقع على حد ما
                              في الناحية دي مفيش ضرر ولا حاجة لان العربية "مستعملة" بالفعل والقانون المصري بيقلل من قيمة الجمارك بالنسبة للعربيات المستعملة!
                              كونك مش المالك الاول دي قصة ممكن تسأل فيها عالم دين زي ما قولت لصاحب الموضوع في اول رد
                              حاجة تانية دفع اموال لشخص ما للحصول على الحق فيه كلام كتير جدا فيه والاغلبية العظمي من العلماء بيجيزه حتى ولو هيندرج تحت بند الرشوة ويآثم اخذها دون عاطيها !
                              حضرتك بتسميه حق ازاي وهوه مخالف مخالفه صريحه للقانون؟ الاجازه اللي حضرتك بتتكلم عنها لما النيابه مثلا تطلب وكيل نيابه وتعلن ان الاولويه هتكون للتقدير الاعلى وانا اكون جايب امتياز وياخدو واحد جايب جيد جدا في الحاله دي فعلا الواسطه حلال مش متأكد بقى ان كانت الواسطه اللي ببلاش اللي حلال ولا اللي بفلوس بس.

                              لكن حضرتك هنا شايفه حق عشان القانون مش عاجبك وبالتالي قياسا على كده كل واحد تقع عليه اي مخالفه لأي سبب ولتكن مخالفه سرعه مثلا يدفع رشوه عشان واحد من المرور يغير نمره في صوره العربيه أو يطمس اللوحات في الصوره أو يخفي الصوره من الاساس أو أي طريقه تانيه لابعاد المخالفه عن من ارتكبها.

                              أنا زي حضرتك شايف ان ايراد جمارك السيارات (2 مليار جنيه سنويه) ممكن تدبيره من مورد اخر أو حتى تدبير نصه وتخفيف الجمارك للنص ومقابل كده يبقى فيه حد ادنى معقول لعدد السنين اللي تكون فيهم السياره صالحه للسير أو على الاقل رفع معايير الموافقه على صلاحيه السيارات للسير لأن فيه بالفعل هياكل سيارات كل اللي فيها هيكل وموتور وفتيس وكنبه واسمها سياره وماشيه في الشارع بدون لمبه اشاره حتى. ولكن طالما القانون قائم يبقى التحايل على القانون غير مقبول شكلا وموضوعا.
                              مصر أنت أغلى دره ... فــوق جبين الدهـر غرَّة

                              يا بلادي عيشي حره ... واسلـمي رغـم الأعــادي

                              Comment


                              • #60
                                المشاركة الأصلية كتبت بواسطة بومبو مشاهدة المشاركة
                                طب وايه رأيك ان فيه بعض العلماء في مشيخة الازهر وفي دار الافتاء اللي بيجيزوا التقسيط من البنوك وبيعتبروه مساعدة على الاستثمار ؟
                                ربنا يجازيهم بعملهم بس نسمع منهم حيثياتهم قبل ما نحكم على كلامهم. لو عايزين يشجعو الاستثمار بجد يخلو البنوك تبني عمارات وتبيعها تقسيط وده هيبقى حلال وفعلا ينعش الاقتصاد ويصرف اموال المودعين في حاجه مفيده بدل ما يمولو حاجات مش ملكهم.

                                المشاركة الأصلية كتبت بواسطة بومبو مشاهدة المشاركة
                                طب حاجة تانية
                                الحوار بتاع الورقة دي ولا حوار السيارات المجهزة لمتحدي الاعاقة واللي كان شغال الله ينور في فترة ما؟
                                وبرضة عشان الجمارك والضرائب المبالغ فيها
                                الاتنين زي بعض. تخيل مثلا لو تكرار الموضوع ده خلى الحكومه في وقت تلغي التخفيضات اللي بتعملها للمعاقين؟ وفي نفس الوقت تلاقي اللي اقتص من حقوق البلد ده بيصرف الفلوس دي في حاجات هايفه وممكن حرام كمان.
                                مصر أنت أغلى دره ... فــوق جبين الدهـر غرَّة

                                يا بلادي عيشي حره ... واسلـمي رغـم الأعــادي

                                Comment

                                Working...
                                X