إعـــــــلان

Collapse

.

,
See more
See less

الموضوع ده حرام ولا ايه !!

Collapse
X
 
  • Filter
  • الوقت
  • Show
Clear All
new posts

  • #61
    المشاركة الأصلية كتبت بواسطة ahmed_adham مشاهدة المشاركة
    حضرتك بتسميه حق ازاي وهوه مخالف مخالفه صريحه للقانون؟ الاجازه اللي حضرتك بتتكلم عنها لما النيابه مثلا تطلب وكيل نيابه وتعلن ان الاولويه هتكون للتقدير الاعلى وانا اكون جايب امتياز وياخدو واحد جايب جيد جدا في الحاله دي فعلا الواسطه حلال مش متأكد بقى ان كانت الواسطه اللي ببلاش اللي حلال ولا اللي بفلوس بس.

    لكن حضرتك هنا شايفه حق عشان القانون مش عاجبك وبالتالي قياسا على كده كل واحد تقع عليه اي مخالفه لأي سبب ولتكن مخالفه سرعه مثلا يدفع رشوه عشان واحد من المرور يغير نمره في صوره العربيه أو يطمس اللوحات في الصوره أو يخفي الصوره من الاساس أو أي طريقه تانيه لابعاد المخالفه عن من ارتكبها.

    أنا زي حضرتك شايف ان ايراد جمارك السيارات (2 مليار جنيه سنويه) ممكن تدبيره من مورد اخر أو حتى تدبير نصه وتخفيف الجمارك للنص ومقابل كده يبقى فيه حد ادنى معقول لعدد السنين اللي تكون فيهم السياره صالحه للسير أو على الاقل رفع معايير الموافقه على صلاحيه السيارات للسير لأن فيه بالفعل هياكل سيارات كل اللي فيها هيكل وموتور وفتيس وكنبه واسمها سياره وماشيه في الشارع بدون لمبه اشاره حتى. ولكن طالما القانون قائم يبقى التحايل على القانون غير مقبول شكلا وموضوعا.
    انا مش شايف انها عادي عشان انا مش عاجبني القانون
    انا شايف انها عادي لان هو ده الواقع
    العربية فعلا مستعملة والقانون بيخفض الجمارك للمستعمل بالفعل واشتراط المالك الاول ده هو الزيتونة في الموضوع كله

    طب وايه رأي حضرتك في اللي بيتعين في النيابة بجيد بالرفع وبيكون شايل مواد واحيانا ساقط سنين وزمان كان بمقبول لمجرد ان والده او حد من قرايبة قاضي ؟

    والمخالفات المرورية بالنسبة للفئات جيش وشرطة وقضا وخلافه والوسايط بتتشال وانت قاعد في المكتب بتشرب فنجان قهوة

    وفيه ناس شايفه في الحالات دي انه حقهم وحلالي بلالي ؟

    ومرة تانية انا مش بقول ان طالما دول غلط فالكل يمشي غلط لاني شايف في الحوار ده انه مش غلط خالص

    Comment


    • #62
      المشاركة الأصلية كتبت بواسطة ahmed_adham مشاهدة المشاركة
      ربنا يجازيهم بعملهم بس نسمع منهم حيثياتهم قبل ما نحكم على كلامهم. لو عايزين يشجعو الاستثمار بجد يخلو البنوك تبني عمارات وتبيعها تقسيط وده هيبقى حلال وفعلا ينعش الاقتصاد ويصرف اموال المودعين في حاجه مفيده بدل ما يمولو حاجات مش ملكهم.



      الاتنين زي بعض. تخيل مثلا لو تكرار الموضوع ده خلى الحكومه في وقت تلغي التخفيضات اللي بتعملها للمعاقين؟ وفي نفس الوقت تلاقي اللي اقتص من حقوق البلد ده بيصرف الفلوس دي في حاجات هايفه وممكن حرام كمان.
      الحيثيات معروفة والكوميدي والمبكي في نفس الوقت ان كل الناس عارفاها واغلبيتهم بيضطر للتقسيط اضطرارا مع المعرفة بالحرمانية من باب الحاجة

      Comment


      • #63
        على فكرة انا سعيد جدا بالاسلوب الراقي للاستاذ احمد ادهم وتقبله للرأي الاخر في وقت للاسف الناس بقت بتشوف الاختلاف في الرأي يقتل كل شيء !!
        تحياتي الشديد وتقديري واكثر الله من امثاله

        Comment


        • #64
          المشاركة الأصلية كتبت بواسطة بومبو مشاهدة المشاركة
          الحيثيات معروفة والكوميدي والمبكي في نفس الوقت ان كل الناس عارفاها واغلبيتهم بيضطر للتقسيط اضطرارا مع المعرفة بالحرمانية من باب الحاجة
          أنا زيك ولا ناقه لي ولا جمل في الموضوع ان كان التقسيط ولا استيراد سياره من الخارج بشكل قانوني او غير قانوني بس الواحد والله خايف مع الوقت كل حرام يحلل بحجه الحاجه. أصل اللي اعرفه ان الحاجه دي تبقى اني ساكن في الشارع او مش لاقي العيش الحاف انما دلوقتي الحاجه وسعت قوي وبقت تتضمن عربيه زيرو وشقه تمليك مع ان العربيه اللمستعمله والشقه الايجار بيقضو الغرض والاصح ان كل واحد يتعامل مع ظروفه لحد ما يحسنها مش ياخد طرق مختصره فيها شبهات عشان يوصل بسرعه.
          مصر أنت أغلى دره ... فــوق جبين الدهـر غرَّة

          يا بلادي عيشي حره ... واسلـمي رغـم الأعــادي

          Comment


          • #65
            المشاركة الأصلية كتبت بواسطة بومبو مشاهدة المشاركة
            على فكرة انا سعيد جدا بالاسلوب الراقي للاستاذ احمد ادهم وتقبله للرأي الاخر في وقت للاسف الناس بقت بتشوف الاختلاف في الرأي يقتل كل شيء !!
            تحياتي الشديد وتقديري واكثر الله من امثاله
            متشكر جدا. الخلاف في الرأي لا يفسد للود قضيه. على الاقل معايا.
            مصر أنت أغلى دره ... فــوق جبين الدهـر غرَّة

            يا بلادي عيشي حره ... واسلـمي رغـم الأعــادي

            Comment


            • #66
              انا شايف يا جماعه إن كلكم ناس محترمه سواء اللي قال ان الموضوع ده صح أو اللي شايفه غلط أو حتى اللي قال في حقي كلام مش كويس
              بس انا كل اللي نفسي فيه اركب عربيه كويسه بتكاليف قليله زي كل الناس
              ولو الموضوع ده لو فيه شبهة حرام حتى لو كان حقي فربنا يعوضني خير والحمد لله على كل شئ
              ومتشكر على تفاعلكم جميعا واسف لو كان حد زعل من حد بسببي

              Comment

              Working...
              X