إعـــــــلان

Collapse

.

,
See more
See less

البوز بيز (قاعدة ارمي بوزك)

Collapse
X
 
  • Filter
  • الوقت
  • Show
Clear All
new posts

  • #16
    المشاركة الأصلية كتبت بواسطة venus-doom مشاهدة المشاركة
    اولا انا بحس ان اى سواق بيضايق لو حد عدى من جنبه ليييه مش عارف ؟؟
    يعنى يبقى سواق ميكروباص ماشى فى الشمال رايح فى النوم و بيعد الفلوس و يلم الاجره تيجى تعدى من اليمين يقوم و انت جنبه مديك اشاره و داخل و لو تجرأت فتحت بؤك بكلمه يبقى انت متكبر علشان ركبت ملاكى و سورى (لو انت صغير) والدتك جايبالك العربيه ..!!


    موضوع رمى البوز ده كان هيموتنى امبارح والله :
    انا جاى من اسكندريه و ماشى فى الشمال و فى واحد جاى من على الطريق التانى و عايز يلف و يدخل على طريقى و المسافه مستحيل تجيبه لانى قريب منه جداااااااااااااااااااااااااااا
    المعلم قام طالع وواقف ادامى ليييييييه ؟؟
    علشان فى ناس جايه من على يمينى !!!!!!
    يعنى بيطلع يحجز و خلاص
    طبعا انا وقفت على الفرامل واقسم بالله وقفت قبله بكام متر ..
    بصراحه معرفتش امسك نفسى و طلعتله من الشباك و شتمته و متكلمش ولا كلمه و فضل ماشى بالراحه بعدها علشان يبعد عنى ..

    حد يقولى بقى انا غلط فى ايه و انا سايق علشان اموت بسبب حمار زى ده ..؟؟
    و المشكله ان الناس بتعلم بعضها السواقه يعنى الحمار ده هيعلم ابنه مثلا و يطلعه جحش صغير و هكذاااااااااااا....
    حسبى الله و نعم الوكيل ..


    طب اشمعنى طلع وقف قدامك ومعداش قدام الى على يمينك ؟؟؟ اكيد انت كنت مهدى


    المشكلة يا جماعة ان الناس مش فاهمة ان الى بتعمله دا غلط وبالتالى لامجال انو يغير الى فى دماغة

    هو العيل طلع من يومه شايف ابوه داخل ببوزه وملوش دعوة بالناس وبالتالى هو فاهم ان كدة صح والعكس صحيح الى من يومه شايف ابوه بيستخدم المرايات يبقى بتدبحه لو قلته لف من غير ميبص.

    انا بتعجبنى جملة ما معناها
    " افضل ان اكون فرد فى قبلة النمور على ان اكون سيد النعام "
    [CENTER]سبحان الله وبحمده سبحان الله العظيم
    لا تظلمن إذا ما كنت مقتدرا --------- فالظلم يرجع عقباه الى الندم
    تنام عينك والمظلوم منتبه --------- يدعو عليك وعين الله لم تنم
    [/CENTER]

    Comment


    • #17
      المشاركة الأصلية كتبت بواسطة EslaM_NagY مشاهدة المشاركة
      طب اشمعنى طلع وقف قدامك ومعداش قدام الى على يمينك ؟؟؟ اكيد انت كنت مهدى


      المشكلة يا جماعة ان الناس مش فاهمة ان الى بتعمله دا غلط وبالتالى لامجال انو يغير الى فى دماغة

      هو العيل طلع من يومه شايف ابوه داخل ببوزه وملوش دعوة بالناس وبالتالى هو فاهم ان كدة صح والعكس صحيح الى من يومه شايف ابوه بيستخدم المرايات يبقى بتدبحه لو قلته لف من غير ميبص.

      انا بتعجبنى جملة ما معناها
      " افضل ان اكون فرد فى قبلة النمور على ان اكون سيد النعام "
      لا يا باشا انا مكنتش مهدى ولا حاجه ده انا كنت ماشى حوالى 100 بس المشكله ان الى جمبى هو الى كان طاير و ماشى حوالى 130 و ووراه واحد زيه فطبعا بتاع النقل خاف يدخله و دخل على العبد لله بس انا الحمد لله استريحت بعد ما شتمته (فى ناس هتقول عليا قليل الادب بس يا ريت حد يقولى كنت اعمل معاه ايه ؟)

      اعتقد ان حاليا مينفعش حد ميبطلجش فى السواقه لانه مش هيوصل الماكن الى رايحه ..
      كل ما ييجى يمشى واحد هيرمى بوزه و يدخله ..........
      الواحد كل يوم بلطجته بتزيد عن اليوم الى قبله
      [CENTER]
      ولا تحسبن الذين قتلوا فى سبيل الله امواتا بل احياء عند ربهم يرزقون

      [/CENTER]

      Comment


      • #18
        المشاركة الأصلية كتبت بواسطة venus-doom مشاهدة المشاركة
        لا يا باشا انا مكنتش مهدى ولا حاجه ده انا كنت ماشى حوالى 100 بس المشكله ان الى جمبى هو الى كان طاير و ماشى حوالى 130 و ووراه واحد زيه فطبعا بتاع النقل خاف يدخله و دخل على العبد لله بس انا الحمد لله استريحت بعد ما شتمته (فى ناس هتقول عليا قليل الادب بس يا ريت حد يقولى كنت اعمل معاه ايه ؟)

        اعتقد ان حاليا مينفعش حد ميبطلجش فى السواقه لانه مش هيوصل الماكن الى رايحه ..
        كل ما ييجى يمشى واحد هيرمى بوزه و يدخله ..........
        الواحد كل يوم بلطجته بتزيد عن اليوم الى قبله

        فعلا البلطجة يتزيد كل يووووم

        فين ايام ما كنت بدى اشارة وانا بلف !!!!!!!! خلالالالاص
        [CENTER]سبحان الله وبحمده سبحان الله العظيم
        لا تظلمن إذا ما كنت مقتدرا --------- فالظلم يرجع عقباه الى الندم
        تنام عينك والمظلوم منتبه --------- يدعو عليك وعين الله لم تنم
        [/CENTER]

        Comment


        • #19
          المشاركة الأصلية كتبت بواسطة EslaM_NagY مشاهدة المشاركة
          فعلا البلطجة يتزيد كل يووووم

          فين ايام ما كنت بدى اشارة وانا بلف !!!!!!!! خلالالالاص
          الاشاره حاليا بقت غلطه كبيره جدا ...
          عارف انا لو مثلا عايز ادخل يمين و الى ورايا رخم بعمل ايه ؟؟
          احدف يمين عليه جامد و ارجع تانى بسرعه
          طبعا بيتخض و يفرمل جااااااامد اقوم مدى اشره و داخل
          طبعا انا عارف ان ده غلط بس فى ناس بيكونو وراك و مش مقدر انك مثلا عايز تدخل الشارع الى جاى او تركن لسبب طارىء فبستخدم طريقه عووووووووووو و بخخخخخخخ
          [CENTER]
          ولا تحسبن الذين قتلوا فى سبيل الله امواتا بل احياء عند ربهم يرزقون

          [/CENTER]

          Comment


          • #20
            بمناسبة البلطجة، في مرة كنت مروح مع المدام و كان في إليوم دة ناس كتيرة كانت ميهايسة و مبرطعة في الشارع. المهم كانت المدام طول السكة بتهديني علشان أنا كان ليا سابق خناقة كبيرة في الشارع و هي معايا و ساعتها الشارع وقف و كان فيها بوليس و نيابة برضه بسب السواقة. المهم أبل مانحصل البيت بشوية قليلة لقيت واحد في ١٢٨ جي عكس في وشي و عايزني أنا إلي أوسعله. ببص على إلي فيها لقيته رجل حوالي ٦٠+ و معه المدام بتاعته و كان أصلع و راسه يادوب فوق الدركسيون. قلت لازم مش من هنا و عادي دة رجل كبير. وسعت و جيت جمبه بقوله بكل أدب سيادتك كدة غلط حضرتك من الاتجاه التاني. و أنا ماشي أسمعه بيقولي "غلط ولا صح هو إنت هتصلح الكون". طبعاً أنا سأمعت الكلام و اتجننت بصراحة أربكني بسب سنه لأني مش متوقع الرد و مش متعود اغلط في حد كبير. لو كنت بس قلتله و أنا ماشي يا***@#$ كنت إستريحت. المهم لاقيت نفسي مش هعرف أعد رحت مروح المدام و رجعت الشارع دة رايح جي علشان ألاقي واحد مضاد

            Comment


            • #21
              المشاركة الأصلية كتبت بواسطة venus-doom مشاهدة المشاركة
              الاشاره حاليا بقت غلطه كبيره جدا ...
              عارف انا لو مثلا عايز ادخل يمين و الى ورايا رخم بعمل ايه ؟؟
              احدف يمين عليه جامد و ارجع تانى بسرعه
              طبعا بيتخض و يفرمل جااااااامد اقوم مدى اشره و داخل
              طبعا انا عارف ان ده غلط بس فى ناس بيكونو وراك و مش مقدر انك مثلا عايز تدخل الشارع الى جاى او تركن لسبب طارىء فبستخدم طريقه عووووووووووو و بخخخخخخخ
              الحركة بعملها مع العربيات الجديدة بس عشان لو هى لادا ولا حتفرق معاه وابقى انا الخسران.

              انا بقى بستخدم طريقة 4-2-4 يعنى لما اكون حلف والشارع واسع مبديش اشارة لييييييييييه؟؟لو مثلا حلف يمين, حيجى واحد ورايا يعرف انى حلف يروح طالع من شمالى وكاسر عليا مهو ضامن انى داخل وبالتالى مفيش اشارات (على فكرة انا بعمل كدة فى الناس ) الى مدى اشارة اعديه واكسر عليه

              المشاركة الأصلية كتبت بواسطة i_engineer مشاهدة المشاركة
              بمناسبة البلطجة، في مرة كنت مروح مع المدام و كان في إليوم دة ناس كتيرة كانت ميهايسة و مبرطعة في الشارع. المهم كانت المدام طول السكة بتهديني علشان أنا كان ليا سابق خناقة كبيرة في الشارع و هي معايا و ساعتها الشارع وقف و كان فيها بوليس و نيابة برضه بسب السواقة. المهم أبل مانحصل البيت بشوية قليلة لقيت واحد في ١٢٨ جي عكس في وشي و عايزني أنا إلي أوسعله. ببص على إلي فيها لقيته رجل حوالي ٦٠+ و معه المدام بتاعته و كان أصلع و راسه يادوب فوق الدركسيون. قلت لازم مش من هنا و عادي دة رجل كبير. وسعت و جيت جمبه بقوله بكل أدب سيادتك كدة غلط حضرتك من الاتجاه التاني. و أنا ماشي أسمعه بيقولي "غلط ولا صح هو إنت هتصلح الكون". طبعاً أنا سأمعت الكلام و اتجننت بصراحة أربكني بسب سنه لأني مش متوقع الرد و مش متعود اغلط في حد كبير. لو كنت بس قلتله و أنا ماشي يا***@#$ كنت إستريحت. المهم لاقيت نفسي مش هعرف أعد رحت مروح المدام و رجعت الشارع دة رايح جي علشان ألاقي واحد مضاد
              على الرغم من انى مبحبش اكلم حد وانا سايق عشان لو رد عليا معنديش ادنى مشكلة انى اطلعه فوق الرصيف - فالطيب احسن - الا اننى لا اتمالك نفسى لما الاقى واحد جاى فى وشى وبيقلب نوور عشان اوسعله اووووول حاجة النور العالى فى وشه دا من غير كلالام بعديها لو عدى من جنبى بديه من المنقى خياااار وهو ونصيبه ساعتها.
              اصل لاقدر الله لو اتنين خبطوا فى وش بعض حتبقى مصيبة بكل المقاييييس, لنفترض الاول ماشى بسرعة 30 والتانى جى فى وشه على 30 ساعة الخبطة يبقى سرعة الخبطة 60 كيلوووووووو كفيلة بتدمير وش العربية وتوصيل الفوانيس الى الدريكسيون.
              [CENTER]سبحان الله وبحمده سبحان الله العظيم
              لا تظلمن إذا ما كنت مقتدرا --------- فالظلم يرجع عقباه الى الندم
              تنام عينك والمظلوم منتبه --------- يدعو عليك وعين الله لم تنم
              [/CENTER]

              Comment


              • #22
                إتعمل فيا موقف مجننى جدا
                انا ماشى فى طريقى عادى خالص و فى يوتيرن قبله مطب فى اليو تيرن عربيات واقفين جنب بعض و حيدخلوا معايا فى نفس الإتجاه أولهم عربية نص نقل أنا نزلت من على المطب من هنا و لأنى سايب مسافه عشان كان قدامى ميكروباص من غير نور ورا راح النص نقل رامى نفسه انا فرملت و و زمرتله بطريقة سيئة ألاقيه بيقولى معلش معلش إيه يا بن ستين فى سبعين
                المشكلة هنا بقى لو أنت الى عملت فيه كدا حتلاقيه قفل عليك و نازل يضربك و يتخانق
                زى العالم المسطولة الى بتمشى فى الشارع من غير ما تبص على العربيات الى بتزمرلها و يقولك دوست على رجلى دا بنى أدم كنت ححرق الزمارة عشان ياخد باله و هو مش سامع و لما عديت من جنبه راح خابط على العربية كنت حنزل أضربه لولا العسكرى صفرلى
                دا غير غباء سواقين التاكسى الى يعديك من الشمال و يدخل فى شارع جانبى يمين أو يعديك يمين و يروح كاسر عليك و واقف عالم معندهاش دم و لو راعيت حد حيستغلك أحلى إستغلال زى ما يكون واجب عليك تقفله إلا من رحم ربى
                و فى الأخر
                ربنا يهدى الجميع و كل السواقين يسوقوا زى أوروبا و نبطل شغل الفهلوة و الفتى بتاع الشعب المصرى اللى بيفهم فى كل حاجة و بيفتى فى كل حاجة
                [CENTER][URL="http://www.facebook.com/pages/Opel-Vectra-B/118286498828"][sor2]http://badge.facebook.com/badge/118286498828.2713.630313105.png[/sor2][/URL]


                [B][SIZE=4]لما نعيش فى تبات و نبات و نجيب صبيان و بنات إسمى هو الى هيخدوه منى و بس[/SIZE][/B]


                [/CENTER]

                Comment


                • #23
                  المشاركة الأصلية كتبت بواسطة lancerevolution مشاهدة المشاركة
                  دا بنى أدم كنت ححرق الزمارة عشان ياخد باله و هو مش سامع
                  الحمد لله امبارح عندى فردة ضربت عشان بزمر لميكروباظ بيرجع عليا والحمد لله استقر فى الاكصدام عندى.

                  تخيل بقى بزمرله مدة اد ايه والبيه مش واخد باله.
                  [CENTER]سبحان الله وبحمده سبحان الله العظيم
                  لا تظلمن إذا ما كنت مقتدرا --------- فالظلم يرجع عقباه الى الندم
                  تنام عينك والمظلوم منتبه --------- يدعو عليك وعين الله لم تنم
                  [/CENTER]

                  Comment


                  • #24
                    مش كان فيه مثل بيقولك السيئه بتعم والحسنه بتخص
                    مهو لو كل واحد مشى صح الى ماشى غلط هيتكسف على دمه وهيمشى صح هو كمان
                    [SIZE=3][FONT=Georgia][COLOR=blue][SIZE=3][FONT=Georgia][COLOR=blue][COLOR=blue]:hang:.!! People should not be afraid of their government.....the government should be afraid of their people[/COLOR][/COLOR][/FONT][/SIZE]
                    [/COLOR][/FONT][/SIZE]
                    [LEFT][FONT=Comic Sans MS][COLOR=#0000ff][COLOR=silver][COLOR=plum]:afro:[/COLOR][COLOR=magenta]Opel[/COLOR][COLOR=plum],[/COLOR] 1[COLOR=gray] Team, 1 Goal, 1 Family[/COLOR]:friends:[/COLOR][/COLOR][/FONT][/LEFT]

                    Comment


                    • #25
                      المشاركة الأصلية كتبت بواسطة A.Elsheikh.01 مشاهدة المشاركة
                      مش كان فيه مثل بيقولك السيئه بتعم والحسنه بتخص
                      مهو لو كل واحد مشى صح الى ماشى غلط هيتكسف على دمه وهيمشى صح هو كمان
                      المثل دا أو المبدأ دا فى التعامل هو الى جايبنا ورا يا ريت نبطل نمشى بيه
                      [CENTER][URL="http://www.facebook.com/pages/Opel-Vectra-B/118286498828"][sor2]http://badge.facebook.com/badge/118286498828.2713.630313105.png[/sor2][/URL]


                      [B][SIZE=4]لما نعيش فى تبات و نبات و نجيب صبيان و بنات إسمى هو الى هيخدوه منى و بس[/SIZE][/B]


                      [/CENTER]

                      Comment


                      • #26
                        المشاركة الأصلية كتبت بواسطة EslaM_NagY مشاهدة المشاركة
                        الحمد لله امبارح عندى فردة ضربت عشان بزمر لميكروباظ بيرجع عليا والحمد لله استقر فى الاكصدام عندى.

                        تخيل بقى بزمرله مدة اد ايه والبيه مش واخد باله.
                        أكيد مكنش سامع
                        [CENTER][URL="http://www.facebook.com/pages/Opel-Vectra-B/118286498828"][sor2]http://badge.facebook.com/badge/118286498828.2713.630313105.png[/sor2][/URL]


                        [B][SIZE=4]لما نعيش فى تبات و نبات و نجيب صبيان و بنات إسمى هو الى هيخدوه منى و بس[/SIZE][/B]


                        [/CENTER]

                        Comment


                        • #27
                          طيب تيجي نتفق نبلطج

                          ما دام الناس ال المفترض تكون كريمة المجتمع بتفكر كده، ومش عارفين نتفق على الصح طب متيجو نتفق نبلطج كلنا ونجرب الحل ده هل هيصلح الهمج ولا إيه رايكم؟

                          Comment


                          • #28
                            يا جماعة واحدة واحدة
                            اولا بدون حكاوي وانا كنت ماشي وانا كنت رايح وواحد كان هايموتني
                            لاننا اتولدنا في البلد دي سوا وطالما مش قادرين ننفذ كلام ربنا اننا نهاجر من البلد الظالم اهلها يبقى نحاول نصلح ونغير فيها وان شاء الله ربنا هايساعدنا
                            محدش يقول انا حاولت مرة واتنن وتلاتة
                            انا اكتر من مرة وقفت عشان اعدي عربية عشان الطريق مايتقفش عليها وسبحان الله الاقي في نفس المشوار حد يقفلي عشان اعدي
                            لازم نبدأ بنفسنا
                            ندي وقت كفاية لنفسنا ومانبقاش مستعجلين على طول
                            ماهو انت لو قدمت بوز عربيتك ومش هاقول اتخبطت خبطة جامدة لاء خبطة بسيطة لانه مش كل مرة هاتسلم الجرة
                            هاتقعد شوية عند السمكري وشوية عند بتاع البلاستك للاكصدام ولا الفوانيس وشوية عند بتاع الدوكو
                            وهاتتكدة في 200 ولا 300 جنية غير العطلة
                            غير لو كنت عصبي ونزلت شتمتة وشتمك ومسكتو في بعض واتهانت قدام الناس كلها حتى لو ضربتة نزولك من عربيتك في حد ذاته قلة قيمة ليك
                            في ناس ممكن مايعجبهاش كلامي
                            لكن اكيد في ناس كتير عارفة اني بتكلم صح
                            ونبدأ احنا حملة تصحيح وليكن من نفسنا
                            وما نسيبش نفسنا للنزعة الهمجية اللي جوة كل واحد فينا
                            تخيل نفسك لما تنزل تتخانق ويبقى شكلك زبالة قدام الناس كلها وواحد يطلع موبايلة ويصورك فيديو ويرفعه على اليوتيوب ويقوللك ده نموذج لسواقين مصر
                            اكيد هاترفض ومش هاترضاه لنفسك
                            الموقف ده مش من خيالي لان كان معايا وحد من فرع شركتي نرويجي وكنت في جولة حرة ترفيهية معاه في شوارع القاهرة وحصل موقف بايخ زي ده في شارع الازهر وطلع الكاميرا يصورة وانا رفضت انه يصورة علما انه مدير مديري لكني رفضت ان الصورة دي تتنقل
                            وفيكم كتير هايقول ماهو في لالاف الصور والفيديوهات عن بلاوي مصر على النت هاقول اه بس ماكنش واحد من اللي ساعدو في نشرها باي شكل
                            يا ريت كلنا نبدا سوا حملة للقيادة الصحيحة في مصر

                            جروب ورشة نايل موتورز علي الفيس بوك


                            صفحة ورشة نايل موتورز على الفيس بوك

                            Comment


                            • #29
                              الله ينور عليك يا كريم
                              [SIZE=5][B][COLOR=SeaGreen][/COLOR][/B][/SIZE]
                              مهندس أحمد سمير

                              Comment


                              • #30
                                أنا ليه كام تعليق على كلام أستاذ كريم أرجو أن يتسع صدره لها:

                                * (بدون حكاوي وانا كنت ماشي وانا كنت رايح وواحد كان هايموتني) يا فندم دي فضفضة الواحد مش مصدق إلي بيحصل في الشارع فأرجوك متستكترهاش علينا إنت نفسك أكيد في مواضيع بتتكلم فيها عن حاجة مديئاك.

                                * ( وما نسيبش نفسنا للنزعة الهمجية اللي جوة كل واحد فينا) يا أستاذي احنا مش ماشيين نقطع في هدوم بعض أو نازلين من بيتنا بنقول يا شر اشتر ، أنا مش بقلل من شأن كلام حضرتك صدقني، بالعكس بس أنا عايز أعرف إنت هتعمل إيه لو في يوم كنت مستعجل لظرف ما أي كان و لقيت الطريق مقفول لفترة و اكتشفت إن إلي أفل الطريق موكب عريس علشان يسمحوا لشوية عيال على موتوسيكلات يعملوا شألبظات تحية للعريس و العروسة يا راجل دول مرة قفله كبري قصر النيل و لو اعترضت أبئة همجي؟! أو تلاقي عيل بتكتك جي أصادق جري أكنه هيخبطك و يحود في أخر لحظة (ال يعني بيخضك ) أو واحد يكسر عليك فجأة و كان هيطيرك من فوء كوبري و يقولك أعمل إيه يعني؟! ..إلخ إلخ يا راااجيل دة احنا في سيرك.

                                * (حتى لو ضربتة نزولك من عربيتك في حد ذاته قلة قيمة ليك) صحيح بس ده معايير أولاد الناس إلي ملهاش دعوة بالحاضر بتاعنا علشان أهالينا معرفوش يربونا و طلعونا محترمين و مؤدبين.

                                *(يا ريت كلنا نبدا سوا حملة للقيادة الصحيحة في مصر) يا فندم معظمنا بيعمل كدة من غير حملة أو حاجة علشان كل واحد بيعمل أصله و تربيته في السواقة و غير السواقة. بس لو حضرتك متعشم إن الناس تتعدي يبقى دة كلام متفائل أوي و غير واقعي و دة رأيي الشخصي المتواضع لأن ما يحدث في الشارع أو الطريق هو مجرد عرض من أعراض المرض. بيت الداء هي حالة الفساد المزمنة و إنهيار الاخلاق و غياب الضمير. حضرتك عالج دول و كل حاجة بعد كدة هتبقى فل. و شكراً

                                مع الاعتذار لصاحب الموضوع علشان أنا بعدت عن التوبيك شوية، سوري يا باشا أصلي اندمجت. تحياتي

                                Comment

                                Working...
                                X