إعـــــــلان

Collapse

.

,
See more
See less

بعد ما دفعت المخالفة..أفتكرت نيابة المرور و أيامها...

Collapse
X
 
  • Filter
  • الوقت
  • Show
Clear All
new posts

  • بعد ما دفعت المخالفة..أفتكرت نيابة المرور و أيامها...

    السلام عليكم.........

    أخباركم ايه؟؟؟ امبارح دفعت المخالفة اللي كانت عليه اللي حكيتلكم عليها في الموضوع ده


    و الحمد لله نزلتلي 150 ريال بس (225جنيه) مش 300 (450جنيه) و قدر و لطف..........

    واه لو أحكيلكم على المعاناه في دفع المخالفة و البهدلة...القصة بدأت لما خطر في بالي أدفع المخالفة لحسن الوقت يسرقني و يفوت عليها شهر و ساعتها بتصبح الضعف تلقائيا بدون انذار فقلت الطيب أحسن...

    و هنا بدأت المعاناه مع المرور....أضطريت أختار ماكينة صراف ألي شكلها يكون عاجبني و رحت بالعربية ركنت جنبها و فتحت الشباك ومن جوة العربية حطيت كارت البنك و كتبت الرقم السري و أختارت من القائمة سداد مخالفات المرور و أدخلت رقم بطاقتي الشخصية السعودية (14 رقم شوفوا تعبوني قد ايه و انا بأنقلهم بس الحمد لله كنت محضن عالماكينة كويس و ما مديتش أيدي أوي يعني)

    و فعلا طلعتلي المخالفة و أخترت خدمة السداد فقالي لقد تمت العملية بنجاح الرجاء الأحتفاظ بالايصال و أخد البطاقة و خدتها و مشيت.........الموضوع ده كان الساعة حداشر بالليل كده كنت نازل اتمشى شوية بالعربية و أجيب شوية حاجات......................

    طبعا مجهود ذهني و عضلي خيالي و تعب و أجازة من الشغل و ارهاق و كتابة أربعتاشر رقم و رقم سري بهدلة طبعا....................!!!!!!!!!!!

    ليه الدنيا ما تبقاش كده في مصر!!!!!!!

    فين الحكومة الالكترونية!!ده انا لما كنت أروح مرور فيصل أرخص عربية جديدة أو أجدد أو أعمل اي معاملة كنت بأخد حد معايا علشان يقف في الخزنة و من بدري على ما أخلص فحص و تأمين و كده و ايصال بكربون أحمر و أصفر و لا باين منه حاجة مليان شخبطه و لازم حضرتك تستنى لما الحاجة الموظفة تحسب المسلسل و الاجمالي و تخلص الأربع ايصالات و تقطعهم بالمسطرة في نص ساعة و تدي لكل واحد الوصل بتاعه!!!!!أسوء ايصالات سداد في العالم و هيه نفسها في الشهر العقاري في الكليات في أحته حكومية!!!الاربع ايصالات اللي في الورقه دول و الجمع و الطرح اليدوي!!

    ايه المشكلة لو لغينا الطوابر في معظم الأشياء و وفرنا شوية وقت لأولادنا و شغلنا و حياتنا ليه لازم نتبهدل!!ترجع من المرور ممسوح بيك الأرض ترجع من أي جهة حكومية مش طايق نفسك من اللي أتعملك!!

    نظام الشبكة السعودية ده نظام بسيط عن طريقه تستطيع أنك تدفع مخالفات أو أيي رسوم حكومية أو رسوم تجديد الأقامات أو استخراجها أو فواتير الكهرباء او فواتير الموبيل لأي شركة موبيل أو حتى قيمة مشترياتك من على الكاشير في المحلات اللي تقبل الدفع بالبطاقة و غيرها كتير جدا جدا من الخدمات.........

    و يكفي ان كل الخدمات متاحة من أي نوع ماكينة لأي نوع بطاقة يعني بطاقة صرف بنك سين ممكن تسحب من ماكينة بنك عين أو نون أو ميم و العكس صحيح.........

    و سلملي عالطوابير.......

    وحشتيني يا نيابة المرور و الشبابيك الحديد و العسكر يطلع يلم الرخص و يدخلها لوكيل النيابة و يطلع ينده عالأسامي و الناس تبعتلك رخصتك لأنه فيه خمسين واحد عالشباك كأنهم متشعبطين في مقام السيدة أو الحسين بس لازم يلزقوا في الشباك و الزحام و الدكك الخشب اللي عملوها مؤخرا للناس اللي جاية في الساحة منهم للكوبري عدل ولا مبني ولا زف هوه كده عالرصيف و اديها........


    الشكوى ليك يارب................رجع بلدنا زي ما كانت أحلى بلد في الدنيا........

    برضه بنحبك يا مصر.................وحشتيني...خلاص هانت

    اسف عالأطالة
    [SIGPIC][/SIGPIC]

  • #2
    قلبت عليا المواجع ههههه
    مبروك يا باشا دفع المخالفة وان شاء الله تكون اخر مخالفة
    [RIGHT]سبحان الله وبحمده سبحان الله العظيم
    [/RIGHT]

    Comment


    • #3
      http://www.nilemotors.net/Nile/97755-450.html

      ده رابط الموضوع السابق
      [SIGPIC][/SIGPIC]

      Comment


      • #4
        الله يبارك فيك و يتقبل منك لأن الحمد لله جت في سليمة ده فيه مخالفات تهد الحيل و أغلى من كده بكتير و عقوبات مادية و حجز للسيارات و حرمان من القيادة لفترة معينة و عقوبات أشكال و ألوان يعني المخالفة بتاعتي دي تعتبر صفر عالشمال بالنسبة لباقي المخالفات

        اللهم أكفينا شرها و أسترها معانا و معاكم اللهم امين
        [SIGPIC][/SIGPIC]

        Comment


        • #5
          اللي علي علي و عقبالنا (البلد تنضف او نسيبها و نخلع و لو ان التانية اسهل !!!)
          [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

          [URL="https://goo.gl/30fu9U"]Registered Migration Agent - MARN 1575106[/URL]
          [/COLOR][/CENTER][/SIZE]

          Comment


          • #6
            يا جماعة احنا بنتكلم عن نظام معمول بيه في السعودية مش في دبي ولا أوروبا ولا سناغفورة ولا طوكيو ولا كندا ولا أمريكا ولا سول ولا بكين و لا غيرهم كتير.............

            لازم بجد يكون في أعادة نظر في الروتين و النظام الميري اللي بقاله عشرات السنين ده انته لو دورت ممكن تلاقي أبوك كان مرخص بيجو لا 128 زيرو أيام السبعينات بنفس الطريقة و نفس الايصالات

            الدنيا اتغيرت جدا جدا جدا جدا............................

            يالا بئى.....................اتأخرنا
            [SIGPIC][/SIGPIC]

            Comment


            • #7
              المشاركة الأصلية كتبت بواسطة ashraf229 مشاهدة المشاركة
              ده انته لو دورت ممكن تلاقي أبوك كان مرخص بيجو لا 128 زيرو أيام السبعينات بنفس الطريقة و نفس الايصالات
              ههههههههههههههههههههههههههههههههههههههههههههههههه
              [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

              [URL="https://goo.gl/30fu9U"]Registered Migration Agent - MARN 1575106[/URL]
              [/COLOR][/CENTER][/SIZE]

              Comment


              • #8
                عمل الحاجات دي شيء في منتهي السهوله كلها ممكن تبقي Computerized بمنتهي السهوله و هتوفر كتير جدااااااا علي المدي البعيد
                انا امبارح قلت استخدم موقع الحكومه الالكترونيه علشان اعرف قيمه المخالفات علشان هرخص قريب انشاء الله كالعادة لقيته لسة بيجهز للنمر الجديدة
                يعني النمر الجديدة نازله بقالها سنه و الموقع لسة مجهزشي
                ربنا يرحمنا من عندة

                Comment


                • #9
                  هوه انته نسيت النمر الجديدة دي نزلت ازاي أصلا

                  ما هو بطلوع الروح و قعدنا فترة بتاعة اللوحات الصاج و المكتوبة بالأيد

                  و لما نزلت أخيرا بعد فترة رجعوا شالوا منها الانجليزي و بقت عربي بس يعني برضه هتختلف من عربية للتانية

                  مش عايزين يعملوا حاجة مظبوطه ابدا.........لازم خمسين مشكلة و عيب
                  [SIGPIC][/SIGPIC]

                  Comment


                  • #10
                    المشاركة الأصلية كتبت بواسطة ashraf229 مشاهدة المشاركة
                    هوه انته نسيت النمر الجديدة دي نزلت ازاي أصلا

                    ما هو بطلوع الروح و قعدنا فترة بتاعة اللوحات الصاج و المكتوبة بالأيد

                    و لما نزلت أخيرا بعد فترة رجعوا شالوا منها الانجليزي و بقت عربي بس يعني برضه هتختلف من عربية للتانية

                    مش عايزين يعملوا حاجة مظبوطه ابدا.........لازم خمسين مشكلة و عيب
                    لأ هما كمان 3

                    فيه انجليزي + عربي, و عربي, و عربي بفونت أكبر شوية شكله أفلحون جدا
                    [SIZE="4"][CENTER][COLOR="DarkRed"][URL="https://goo.gl/30fu9U"]وكيل هجرة مسجل برقم 1575106 لدى سلطة تسجيل وكلاء الهجرة باستراليا[/URL]

                    [URL="https://goo.gl/30fu9U"]Registered Migration Agent - MARN 1575106[/URL]
                    [/COLOR][/CENTER][/SIZE]

                    Comment


                    • #11
                      فعلا قلبت المواجع , اخر مرة كنت فى مرور مدينة نصر بطلع شهادة مخالفات , كان الطابور على الشباك وصل للباب بتاع المرور برة قبل مالشباك يفتح أصلا الصبح , هيييه...... دنيا .....الانسان فيها ضييييييف
                      [COLOR=Sienna]اللى ناهب خير بلده فى عز النهار
                      و اللى شادد بلدنا دايما لحافة الانهيار
                      اللى همه حزننا ....و اللى قرفان مننا
                      اللى ليل نهار بيمص دمنا
                      يبقى واحد مننا...ايوة واحد مننا...[/COLOR]

                      Comment


                      • #12
                        مصر مليانة ناس ممكن تعمل الخدمات و الأنظمة دي بمنتهى السهولة سواء من عالنت او ماكينات الصراف الألي حتى لو الخدمة غليت شوية مش مشكلة لأن حضرتك بتروح و تقف و تتبهدل و تصور ورق و تركن و تروح و تيجي و تفوت عليهم بكرة و دمغة و بلاوي متلتله فعالأقل سداد الرسوم و الاستعلام عن المخالفات و شهادة المخلفات تكون بطريقة حديثة شوية

                        يا جماعة البرامج دي و برمجتها و الدعم الفني ليها مش حلم ولا خيال ده مصر مليانه مهندسين و عباقرة و ديزاينرز و كفاءات بالهبل لتطبيق الأنظمة دي

                        بس هنقول ايه بس...........اذا كان بعد السنين دي كلها الناس مش عارفة تشوف نتيجة الثانوية العامة عالنت من الموقع اللي بيخرف و بيهنج و بيقع يبئى هيدفعوا مخالفاتهم و لا يقضوا مصالحهم..........

                        ان فاتك الميري.........أحمد ربنا انه فاتك
                        [SIGPIC][/SIGPIC]

                        Comment


                        • #13
                          ما
                          [SIGPIC][/SIGPIC]

                          Comment


                          • #14
                            البركة في الحكومة بنت الذكية اللي في القرية الغبية

                            Comment


                            • #15
                              المشاركة الأصلية كتبت بواسطة ashraf229 مشاهدة المشاركة
                              السلام عليكم.........

                              القصة بدأت لما خطر في بالي أدفع المخالفة لحسن الوقت يسرقني و يفوت عليها شهر و ساعتها بتصبح الضعف تلقائيا بدون انذار فقلت الطيب أحسن...
                              اسف عالأطالة
                              يا أخي الموضوع كله كوم والجملة دي كوم تاني
                              يعني معاليك خايف تنشغل عن مشوار مدته دقيقة ونص وهتقابل الماكينة في اي حته وانت ماشي في الشارع

                              والله فعلا حسستني قد ايه هم مهتمين بوقت البني آدم عندهم قد إيه
                              ربنا يهونها علينا

                              Comment

                              Working...
                              X