خواطر..فى الاختيار بين الزيرو والمستعمل

[SEATLOVER]

يا جماعة الاول السلام عليكم

انا بفكر اشتري عربية وعاوز العربية تكون في حدود من 50 الي حد اقصي 60 ومش عار ف اشتري ايه وعاوز تكوم ثابتة علي الارض وبفكر في كزه عربية

اهلاً بيك يا محمد معانا
بص على الموضوع دة
استمارة استشارة فى الشراء
بعدين افتح موضوع جديد بكدة فى نفس القسم .. وياريت لو تعمل كوبى من الاسئلة فى الموضوع اللى فات دة و تحط المعلومات المطلوبة فية
وإن شاء الله نجاوب عليك فى موضوعك

[marsleno]

شكرا كتير وفعلا الموضوع لازم يتثبت وعندي معلش طلب هو الواحد لما يشتري عربية جديدة كل اد ايه بيروح الصيانة ويغير تيل الفرامل والزيت وبردة كل اد ايه بالنسبة للعربية المستعملة رجاء الرد بسرعة ويريد النهاردة وشكرا كتير مرة تانية

[SEATLOVER]

شكرا كتير وفعلا الموضوع لازم يتثبت وعندي معلش طلب هو الواحد لما يشتري عربية جديدة كل اد ايه بيروح الصيانة ويغير تيل الفرامل والزيت وبردة كل اد ايه بالنسبة للعربية المستعملة رجاء الرد بسرعة ويريد النهاردة وشكرا كتير مرة تانية

اهلاً بيك يا marsleno وشرفت الموضوع بسؤالك
بص يا سيدى
بالنسبة للعربيات الزيرو : فأحسن حاجة فى الصيانة الدورية لها .. هى باتباع المواعيد المذكورة فى كتيب الضمان بتاعها (جدول الصيانات الدورية )
..و بالتنسيق مع التوكيل للعربية
-لان الصيانة الدورية و تغيير قطع الاستهلاك بتختلف من عربية للتانية و ماتسمعش كلام حد بيقولك انا غيرت او ماغيرتش لسة كذا ..لان عربيتة مش ذى عربيتك

بالنسبة للعربيات المستعملة : اول ما تجيب العربية لازم تعمل شوية حاجات الاول
وتعد عليهم او بعدهم المدة بعد تركيبهم و الكيلوات المقطوعة بالعربية
-سير كاتينة -فلتر بنزين-تغيير زيت موتور-كشف على زيت فتيس لو محتاج زيادة -فلتر هوا-بوجيهات وطقم كهرباء-كشف على مياة التبريد-التأكد من تيل الفرامل على الاقل الخلفى -الكشف على مياة البطارية و شحن الدينامو

وبعد كدة كل حاجة من دول لها مدة زمنية او عدد كيلومترات ..تتغير عندها تانى

الكلام دة مذكور لكل ماركة وكل موديل للعربيات ..حاول تتدور علية فى قسم العربية بتاعتك ..عشان يبقى الكلام مطابق تماماً لمواعيد و ظروف الموديل عندك

ولو احتجت اى مساعدة احنا معاك

[TAHA]

يا جماعة حد يفيدنى نفسى أشترى عربية فولكس 1303و خايف من الأحلال و التجديد ممكن حد يفيدنىيطبق عليها ممكن تفيدونى يا باشوات

[tarek1500]

سعدت بكم و ارجو ان اكون قد افدتكم .

والله بنستفاد جدا منك جزاك الله خير يا اخى