تسعير اكسيل من فضلكم

[نور القمر]

مساعدة من فضلكم
نزلنا سوق العاشر لقينا اكسيل م 96 فبريكة من جوة ورشة برة
2 كاوتش جديد
عدادها 130 الف تقريبا
الرخصة اقل من سنة
التكييف مش شغال بيقول محتاج شحن بس
طلبت منه يشحنه عشان اطمن انه مش فيه مشكلة
العربية مجملها نضيفة ومتصانة
الرجل طلب 35 ايه رأيكم؟

[eng.octooo]

لو تقدروا تنزلوا فيها شوية لانك هاتحتاجى اول ما تجيبيها تعمليلها صيانة الى هى تغيير سيور وزيوت وفلاتر

انا شايف انها 32 او 33 حلو ولو العربية نضيفة زى ما انتى بتقولى مش خسارة فيها ال35 بس حاولى تنزلى فيها شوية

[نور القمر]

شكرا يا اكتو انا بردو قلت كفاية عليها 32 33 بس محتاجة اراءكم وخبراتكم
نسيت اقول انها 1500 سي سي
4 زجاج كهرباء
فتح االتانك والشنطة من الداخل

[Eng.Geo]

هو حضرتك كنتي معاكي أبنك وجوزك لابس نضارة سودة ؟ :)

[نور القمر]

لا كنت انا وجوزي من غير ولاد ولا نضارات :))

[Eng.Geo]

لا كنت انا وجوزي من غير ولاد ولا نضارات :))

هههههههههههه
يبقي أتنين غيركوا :)

[Eng.Geo]

ماشوفتيش عربية أكسيل زيتي ؟
وحالتها حلوة قوي ؟ :)

[behman]

لو التكييف شغال و ده مهم جدا ... 32 اخرها
و اعتقد من الكلام واضح انها مع تاجر
بالتوفيق

[أبو إياد]

كتير لان واحد جارى عارض عربيته 97 فابريقه دواخل وجميع كمالياتها شغاله ب 35

[SonaSteel]

ادام قال التكييف عايز يتشحن ... ولا عايز اي حاجة
يبقي بايظ ..... ملهاش حل

[mahmoudysf]

في واحدة معروضة في المنتدى هنا بتاعت بنت موديل 97 وفيها جنوط وشكلها نضيف
اتصلي بيها كدة وشوفي وعلى فكرة هي طالبة برضة 35

[ahmdmagdy]

دايما لما حد بعرض عربيه فيها تكييف و يكون فيه مشكله يكتب او يقول ( بس التكييف عاوز يتشحن ) و غالبا بيبقي فيه مشكله يعني ايه اللي يخليه مستحمل الحر ده و يصلحش التكييف و في رأي العربيه ممكن تعمل 32 ألف بالكتيير

[Survival]

انا معايا أكسيل و التكييف مش شغال تفتكر انى هوفر 150 تمن شحن التكييف فى الحر ده و موضوع انه يشحن التكييف و تتجرب دى برضه مشكوك فيها لان زى حالتى التكييف بيفضل شغال لمدة 5 ايام على ما تحس انه سرب و التسقيع قل. العربية بالوصف ده يبقى حلو عليها 33 الف و لان التكييف لو هيتغيير هيكلف فى حدود ال 3 الاف كمان.
واهم حاجة اساسيات العربية و ربنا يوفقك فى عربية تريحك.

[نور القمر]

ماشوفتيش عربية أكسيل زيتي ؟
وحالتها حلوة قوي ؟ :)

والله يا جيو مخدتش بالي لان اللون الزيتي مش بحبه فمكزتش مع اللون ده

[نور القمر]

لو التكييف شغال و ده مهم جدا ... 32 اخرها
و اعتقد من الكلام واضح انها مع تاجر
بالتوفيق

انا شكيت انه تاجر بس مش متأكدة

كتير لان واحد جارى عارض عربيته 97 فابريقه دواخل وجميع كمالياتها شغاله ب 35

طيب حضرتك تقدر تعرف لي كل المعلومات عنها ؟

ادام قال التكييف عايز يتشحن ... ولا عايز اي حاجة
يبقي بايظ ..... ملهاش حل

شكيت في كدة وبعدين قلت مش شرط
لان بتاعتنا المسروقة تكييفها عايز يتشحن وجوزي كان مطنش لانه مش بيحب التكييف ولانه كان بيظلم اللي قاعد ورا