تسعير اكسيل من فضلكم

[نور القمر]

في واحدة معروضة في المنتدى هنا بتاعت بنت موديل 97 وفيها جنوط وشكلها نضيف
اتصلي بيها كدة وشوفي وعلى فكرة هي طالبة برضة 35

مش في القاهرة فصعب السفر وفي الاخر يا عجبتنا يا لأ

دايما لما حد بعرض عربيه فيها تكييف و يكون فيه مشكله يكتب او يقول ( بس التكييف عاوز يتشحن ) و غالبا بيبقي فيه مشكله يعني ايه اللي يخليه مستحمل الحر ده و يصلحش التكييف و في رأي العربيه ممكن تعمل 32 ألف بالكتيير

الف شكر لحضرتك

انا معايا أكسيل و التكييف مش شغال تفتكر انى هوفر 150 تمن شحن التكييف فى الحر ده و موضوع انه يشحن التكييف و تتجرب دى برضه مشكوك فيها لان زى حالتى التكييف بيفضل شغال لمدة 5 ايام على ما تحس انه سرب و التسقيع قل. العربية بالوصف ده يبقى حلو عليها 33 الف و لان التكييف لو هيتغيير هيكلف فى حدود ال 3 الاف كمان.
واهم حاجة اساسيات العربية و ربنا يوفقك فى عربية تريحك.

الف شكر لحضرتك

[Ros]

بصى انا معايا اكسيل فهقولك بامانه

الاكسيل اللى فيها كماليات يعنى مثلا زينون او شبكه رياضى و جنوط و طقم صوت و مش محتاجه رش او كده ممكن توصل ل 37 الى 38 على حسب الكماليات اللى فيها و حالتها

بالنسبه للى حضرتك بتقوليه ان الاكسيل دى كمالياتها الاساسيه لو الموتور تمام ومش محتاجه حاجه غير اضافتك انت يبقى سعرها يعمل 35 الى 33 على حسب شطارتك انما بالنسبه للعربيه اللى قدامك ديه طبعا لازمى تشوفى البرومه لانها عيب الاكسيل المشهور و التكيف لان تكيف الاكسل اصلا بيبقى فيه مشاكل كتير لانه مش ليه قطع غيار خاصه بالكباس مثلا يعنى انا واقف على حته جلده زى بتاعه الحنفيه عشان الفريون ما يسربش كل شويه عندى تخيلى .. و لو مالقتهاش فى خلال الاسبوعين الجايين دول هخير الكباس بالكامل و اجيب واحد ساندان و اريح دماغى ف التكيف ده لازم تتأكدى منه لانه ممكن يدخلك فى دوامه

واعتقد سعر العربيه اللى قدامك على حسب وصفك ممكن تخلص على 31 عشان الكاوتش و مش فيها كماليات زياده او 32 بالكتير قوى على حسب سعر السوق فى الوقت الحالى انا معرفش الصراحه كام بس فى تاجر سيارات على اول الشارع عندى كان عايز يشترى العربيه منى على 36 وبيقولى ده اخرى وهخدها لنفسى و الكلام ده و انا عارف ان عربيتى تجيب اكتر عشان انا صارف عليها ف حجات كتير والحمدلله مش محتاجه ف ده سعر تاجر (ملحوظه انا مش ببيع العربيه هو اللى غلس و كل شويه يسألنى عليها ) انا بس بحكيلك عشان تفهمى التجار بيعملوا ايه

ربنا يوفقك يارب ان شاء الله

[أبو إياد]

طيب حضرتك تقدر تعرف لي كل المعلومات عنها ؟

والله انا فى موقف محرج لانه قالى مش هاقدر ابيع الا لما يشترى عربيتى وانا مش فى نيتى البيع قبل اخر السنه بس هو بيقولى على عربيه تانيه بياكدلى انها فابريقه بالكامل خارج ودواخل جميع الكماليات 1500 مانيوال وصاحبها طالب 36 بس للامانه انا ماشوفتهاش لو كده ممكن تنتظرى لما اشوفها او لو مستعجله ممكن اجيب تليفونه وزوج حضرتك يستفسر عنها

[نور القمر]

الف شكر يا ابو اياد متتعبش نفسك
اسفة اتأخرت في الرد اللاب فرقع من يومين :))

[modo88]

بما انهم 35 الف هوا لازم يعني اكسل؟ ولا ممكن اي حاجه تانيه؟

[نور القمر]

والله جوزي بيقول مدام مش نقدر على فئة اعلى دلوقت يبقى خلينا في نفس العربية لانه فهمها واتعود عليها
بس ما يمنعش اسمع اقتراحات ايه تاني عند حضرتك؟
انا عن نفسي بفكر في اللانوس

[maka]

فعلا اللانوس فرق ركوبة عن الاكسيل بس الحالة الحلوة هتكسر ال 40

و صلوا استخارة قبل الشراء و بالتوفيق

[modo88]

من رأي اكسنت موديل 98 او 99 او لانوس نفس الموديلين دول فرق كبير جدااا مابينهم وبين الاكسل
ممكن بال 35 الف دول تجيبي اكسنت حاجه تانيه خالص قطع غيار ارخص واكتر انتشار اكبر نعومه في السواقه وتكييف اقوي وشكل احسن
ومن راي مع احترامي للاكسيل لو كانت نجحت اووي كان هايبقا للاكسيل امتداد وموديلات اعلي من نفس الاسم بس لاسف نزل الموديل دا ومنزلش غيره عكس الاكسنت
وربنا يوفقك لما فيه الخير

[micho129]

30 a7'rha

[magyver]

انا باااايع واااااااااحدو اختها بس كاانت الدواخل زيروووووووووووو
والتكيف كان علي الشحن بس انا اللي شحنتة وكان تلاجة بايعها ب33.500 بس مكنتي عايزة شلن من بوية لسمكة لفوانيس لصاالون لعفشة لمكنة كلة جديد

[hishaa3]

ايه افضل عربية في الرنج ده
استخدام 60 كم يوميا علي اقصي تقدير
يوجد حوالي 5 مطبات
واحيانا الشواع مكسره
وتكون تكيف وباور
انا فكرت اوي في الدوجان

[magyver]

الاكسيل والله عربية حلوة

[samer001]

بالنسبة للسوق اليوم اخرها32 خاصة ان التكييف مش شغال وانته ونصيبك فى التصليح ممكن يكون مكلف .. مع احترامي لكافة الاراء الاخرى