ما رأيكم بمشروع شراء سيارات الحوادث واعادة اصلاحها ثم بيعها مره اخرى؟

[Akram]

ممكن تكون محتاجة سمكرة و دوكو و ميكانيكا , فتاخدها بسعر كويس و تعمل الشغل ده و تبيعها و يكون فيها مكسب الفين ولا تلاتة , بس مفيش حرمانية إن شاء الله بس ميكونش فيه مشكلة في الأساسيات ,
و لو خت بالك هتلاقي ناس بتبيع عربية و يقولك متجددة بالكامل ,
دي هي اللي قصدي عليها ,
أما عربية فيها مشكلة في الأساسيات فلازم تكون صريح مع اللي هيشتريها.

[Dr.A.Nabil]

هو فعلا الواحد ممكن يقول انها متجدده بالكامل

واللي هايشتري برضه كسبان لانها أكيد هاتكون ارخص من سعر السوق ب 10 الف ج مثلا

[madyyuri]

طيب لو انا عاوز اعمل الموضوع دا لنفسي
يعني اشتري عربية من دول كده واصرف عليها واركبها انا مش هابيعها
ممكن الواحد يلاقي العربيات دي فين؟

[MMamdouh]

انت ممكن تجيبها و تعملها و تركبها انت
و تبقي برضو كسبان

او تاجرها تبع مكتب تاجير سيارات

MMamdouh

[karetha]

طيب لو انا عاوز اعمل الموضوع دا لنفسي
يعني اشتري عربية من دول كده واصرف عليها واركبها انا مش هابيعها
ممكن الواحد يلاقي العربيات دي فين؟

حد يعرف مكان لبيع العربيات دي؟

[msobhy]

يا جماعة الموضوع ده حراااااااااااااااااااااااااااااااااااااااااااااااا اااااااااااام
ليه صديق اشترى عربية على انها كسر زيرو وعلى انها مكنتش بتتحرك وطلعت مغيره شنب او ربع كامل الله اعلم
المهم ان الحيوان اللى اشتراها منه لما كلمه وقاله العربية مغيره ربع قاله باللفظ
مغيرة ربع ولا نص انت المهم انك اخدت العربية منى عروسة وشبة قفل السكة فى وشة
بجد حسبنا الله ونعم الوكيل
صاحبى باع العربية لتاجر وتقريبا خسر 13000 جنية

[analyzer]

طيب يا جماعه اذا كنت انا الى هاخدها وشغلها
هل ده حرام ؟

واذاكان مش حرام فى حد يعرف مكان عربيه فيرنا ولا لانوس ولا افيو للبيع

شكرا مقدما ليكم

[meeezo333eg]

اذا ما كنتش انت نفسك سمكرى و صاحبك بوهيجة مش هتطلع منها حاجة لان الصنايعية هيقرفوك و مش هتعرف تاخد شغل حلو يظبط العربية تانى

[fadynabil]

في ناس بتعمل كده فعلا .. وأعتقد أنك ممكن تستخدمها في عملية الإيجار لمعارض .. لأن كدة كدة العربيه بتتبهدل في الإيجار فالأفضل إنها تكون عربيات حوادث مش زيرو عشان متزعلش لو إتبهدلت

[د./اليشع ثابت]

يا جماعة غير دة و دة كمان
مش زى مانتوا متخيلين انك تشترى عربية الحادثة ب 20 و تصرف عليها 20 ويبقى الاجمالى 40 الف علشان تبيعها ب 80 الف
لالالالالالالالالالالالالالالالالالا مستحيل اساسا
لانك لو اشتريت عربية حادثة ب 20 الف جنية معناه انة العربية مدمرة اساسا
يعنى من الاخر انت كدة مشترى ورق فقط
وبعد كدة العربية هتصرف كتيرررررر جداااااااااا
ماتتخيلوش ان الموضوع ايزى قوووووى كدة
دة غير قرف التعامل مع الصنايعية و المغالاة بتاعتهم
و ناهيك عن اضاعة الوقت و الجهد و المااااااال
الى ممكن فى النهاية تصل مش اقل من 70 الف مثلا
و اسمها برضة راشة خارج و ايضا دواخل
ولكم كل الحب