ظاهرة تسليع السيارات ..... (لمن يبحثون عن شراء سيارة مٌعمرة)

[SEATLOVER]

يعني لو جبت عربيتين نفس النوع والموديل , واحدة في مصر وواحدة في بلد تانية ( ولتكن الامارات مثلا لأن شوراعها نضيفة ومافيهاش ميكروباصات والبنزين نضيف .. الخ )
تعالى بقى قارن بين العربيتين بعد خمس سنين مثلا ... هتلاقي اللي في مصر اتغير فيها كبوت واكصدام وعفشة ووووو ... واللي في الامارات مازالت برونقها وكأنها زيرو وصاحبها ماعملش فيها غير صيانة دورية

وده اللي مخلينا في مصر حاسين بموضوع " التسليع " ده

انما في الدول التانية ما اعتقدش ان المنطق يخليك تقول ان القديم احسن من الحديث

ماشى انا معاك يا دكتور
بس اللى بيظهر هنا غير اللى بيظهر هناك

هنا
المطبات والاحتكاكات و الخبطات والزحمة و الوقوف الكتير
ودة بيبان عيوبة اكتر فى الاجزاء الخارجية و الاكسسوارات

هناك
الطرق النضيفة و السرعات العالية و التسارع كل شوية و عمل كيلوات كتير فى وقت قصير
ودة بيبان اكتر فى الموتور و العفشة

والدليل على كدة ماحدش هناك بيستمر بالعربية اكتر من سنتين مش خمسة حتى ذى هنا
لآنة بيحس ان العربية اللى معاة أداءها مش ذى الاول ...وخلاص اسُتهلكت

يبقى هنا بيبان التسليع و هناك برضو بيبان التسليع ...بس بطريقة مختلفة
اما فى تغير اجزاء كتير خلال صيانات دورية
او تأثر العربية كا اداء و بالتالى عدم رغبة صاحبها فى الاستمرار بيها

[Scent7104]

الموضوع جميل جدا و ده انا اللي عمالة بافكر فيه علشان عايزة اشتري عربية زيرو و مش باحب اغير عربيات يعني عايزاها تعمر زي ما بيقولوا خصوصا ان استعمالي كويس.

و عجباني المازدا 3 شايفة فيها كماليات و صناعة محترمة و علشان انا مش بافكر ابيع فمش بيهمني سعر اعادة البيع و التوكيل كمان عرفت النهارده ان smart خد الوكالة.

بس حضرتك اظهرت لي معيار آخر "التسليع" ممكن حضرتك - بما ان لسه الجزء التاني ما ظهرش- تقول لي ايه رأي حضرتك في المازدا من حيث " التسليع"؟

[Dr.Tarek]

مجهود رائع رائع و تحليل فني منطقي
جزاك الله خيرا