تيوتا كورولا 1978 للبيع

[khaled sabry]

معايا كورولا 1978 1200cc
فابريكا دواخل (انا كنت ثانى يد و اول يد كان عمى - يعنى استعمال بيتي )
و فيها 4 زجاج كهرباء و مغير الفرش الداخلى بفرش هوندا سيفيك 93 بزراير الزجاج الكهرباء
سنتر برموت
- تكيف ثلاجه
- الكاوتش الامامى من سنه و الخلفى من 3 سنين
- كاربراتير جديد من شهرين فقط
- اقتصاديه جدا فى البنزين (بتستهلك 250 فى الصفيحه على الطوالى)

و العربيه حالتها جيده جدا و انا كنت بسافر بيها من القاهره لاسيوط عادى جداا بدون مشاكل و عمرها ماعملت معايا موقف وحش فى سفرياتى

العيوب
- مش محتاجه غير رش خارجى ( انا رشيتها من سنتين لكن اللى رشهالى حطالى معجون كتير فبدأت تفقفق من الشمس رغم ان الدهان لسه بيلمع)

عاوز ابيعها ب 17 الف و سبب البيع لأنى ورثت عربيه اخرى من والدى عليه رحمة الله و مستخسر ركنتها

ياريت المهتم يتصل ....................... و المعاينه فى عين شمس يومى الجمعه و السبت

[img3]http://farm9.staticflickr.com/8330/8138284163_6494eb5000_b.jpg[/img3]
[img3]http://farm9.staticflickr.com/8474/8138284265_43eb671769_b.jpg[/img3]
[sor2]http://farm9.staticflickr.com/8191/8138315666_f3dcf6864f_b.jpg[/sor2]
[sor2]http://farm9.staticflickr.com/8465/8138315748_fae913a545_b.jpg[/sor2]
[sor2]http://farm9.staticflickr.com/8186/8138284495_4f5e0a80f6_b.jpg[/sor2]

[khaled sabry]

طيب حد يحط اى رد
العربيه ماتسواش - موفق فى البيع - السعر اللى انتا طالبه ده عالى عليها - السعر اللى انتا طالبه ده قليل عليها
اى حد يعبرنى

[maherelabd]

موفق فى البيع إن شاء الله
أحسن الله لك سوقها

[pegpus]

السياره محتاجه للدوكو وكاوتش وطبعا حتحتاج لشوية تظبيط للفرش وبعض الميكانيكا وحضرتك لم توضح حالة المتور يعنى لوبيعت ب 15 حتوصل ل20 الف وده مبلغ مممكن يركبك انواع من السيارات مثل اللادا وغيرها فوق التسعينات وسيارات اخري اواخر الثمانينات غير ان النظره العامه للشعب ينظر لهذه السيارات الرائعه التى لن تتكرر على انها من التراث القديم واحيانا بعض الصنايعيه لاترضى تصينها للاسف ولكنى احترمها لاءنى اعرفها جيدا
عموما اتمنى لك كل التوفيق وان كان ليك سعر اخر للبيع ممكن تبلغنى على الخاص

[mohamedadelemam]

السلام عليكم..انا عجبتنى السيارة بس حضرتك شايف انها تساوى فى حدود 9000 لو حضرتك موافق انا جاد فى الشراء..وشكرا

[ahmedeihab]

ربنا يحسن سوقها ان شاء الله

^_^

[khaled sabry]

السياره محتاجه للدوكو وكاوتش وطبعا حتحتاج لشوية تظبيط للفرش وبعض الميكانيكا وحضرتك لم توضح حالة المتور يعنى لوبيعت ب 15 حتوصل ل20 الف وده مبلغ مممكن يركبك انواع من السيارات مثل اللادا وغيرها فوق التسعينات وسيارات اخري اواخر الثمانينات غير ان النظره العامه للشعب ينظر لهذه السيارات الرائعه التى لن تتكرر على انها من التراث القديم واحيانا بعض الصنايعيه لاترضى تصينها للاسف ولكنى احترمها لاءنى اعرفها جيدا
عموما اتمنى لك كل التوفيق وان كان ليك سعر اخر للبيع ممكن تبلغنى على الخاص

سعيد بمشاركتك و لكن ... حضرتك بتقول ان العربيه محتاجه دوكو و كاوتش و تظبيط فرش و بعض الميكانيكا اى مايوازى يعنى مصاريف 5000 جنيه
كل ده عرفته من الصور ؟؟؟
اولا العربيه مش محتاجه اى مصاريف غير موضوع الدوكو ده - و الطلاء اللى عليها جديد لكن مفقفق فى بعض الاجزاء (معظمها فى السقف ) و بالتالى مش ملحوظه اوى و فيه ناس عادى شغال معاهم زى حلاتى كده
و انا ماكنتش ناوى ارشها اصلا لو ماكنتش حبيعها
يعنى المقصود كل المصاريف اللى ممكن تصرفها على العربيه هى فى موضوع الرش (و ده مش اجبارى) و ده لا يتعدى 1500 جنيه باى حال من الاحوال - جبت منين بقى باقى 5000 جنيه دول
ولو حضرتك عارف الموديل ده كويس حتعرف ان قطع غيارها رخيصه لدرجه ان انتا لو سقط موتور ليها موتورها ب 2500 جنيه يعنى برضه مش حوصل للرقم اللى قولته
و حاله الموتور كما ذكرت جيده جدا والا ماكنتش سافرت اركان مصر بيها
و يتهيألى فيه فرق شاسع بين اللادا و اليابانى ... و ماتنساش اننا بنتكلم عن تيوتا كورولا فياريت تقارن السعر بتاعى بنفس اسعار الطراز ده فى سنين مختلفه

السلام عليكم..انا عجبتنى السيارة بس حضرتك شايف انها تساوى فى حدود 9000 لو حضرتك موافق انا جاد فى الشراء..وشكرا

سعيد جداا باهتمامك و لكن غير سعيد بالسعر اللى حضرتك قولته - ده ال 128 بتتباع 12 و 15 و ماينفعشى يتركب فيها تكييف و ماتقدرشى تروح بيها الاسماعيليه مش اسيوط

يعنى العربيه اقصاديه فى البنزين و قطع الغيار و حمارة شغل و قطع غيارها رخيصه و تجد الاصلى بسهوله (مش مضروبه زى قطع الفيات) و مكيفه و اعطالها قليله جدا و سهلة الصيانه
يعنى الاختار الامثل لمن يريد سياره رخيصه ولا يهتم بالشكل - ماعتقدشى انها تستهال اقل من السعر اللى انا حطيته
انا لا اجيد مدح العربيه لأنى انا مش تاجر و لكن ده لاينقص من قيمة السياره
على العموم المسأله تقديريه و شكرا لاهتمامكم

[wawamoha]

و الله ياباشا العربيه تحفه بجد و من احسن العربيات اللي نزلت ...و ما يعرفهاش غير اللي عاش في الخليج

ربنا يحسنلك سوقها ان شاء الله ...و الله لو معايا فلوس لاخدها من غير كلام
بتنفع جوا البلد في المشاوير الصغيره - و مريحه في السفر الطويل
و نسيت تقول ان فيها مرايات كهربا ..ههه

[hugan]

موفق في البيع
لكن متفق مع الاخوه ان 17 كتير عليها
مش علشان العربيه وحشه
لكن لانها نادره
لكن هل قطع غيارها موجوده ومتوفره
عفشه
ميكانيكا
بودي خارجي رفارف ابواب كبوت

[khaled sabry]

موفق في البيع
لكن متفق مع الاخوه ان 17 كتير عليها
مش علشان العربيه وحشه
لكن لانها نادره
لكن هل قطع غيارها موجوده ومتوفره
عفشه
ميكانيكا
بودي خارجي رفارف ابواب كبوت

العربيه مش نادره اوى زى ماحضرتك متخيل
قطع غيارها موجوده جديد و استيراد بسهوله
استيراد : عند تامر حرنكش فى عزبة شلبى - واول لما حتروحله دلوقتى حتلاقيه معلق 3 ارباع ليها و حتلاقى عنده الصاج و كل حاجه
جديد عند محمد نصر فى ميدان ابن الحكم فى الحلميه جنب البنزينه اللى هناك (ماعرفشى اماكن تانيه لأنى ماحتجتش انى اسأل فى حتت تانيه و الميدان ده جنب بيتي)

و هى قطع غيارها نفس قطع غيار الكورولا 1982 (الشكل اللى بعدها ) اللى مغرقه شوارع القاهره و الاختلافات فى الصاج الخارجى فقط و تلاقيه زى ماقولتلك عند كذا واحد فى عزبة شلبى و اشهرهم تامر حرنكش

يعنى مثلا من شهرين حصلت مشكله فى الكربراتير بتاعها و زهقت من تصليحه و قررت اغيره
فى العادى الواحد بيشترى كربراتير استيراد بسبب غلو الجديد
روحت بالفعل ولاقيت الاستيراد عند تامر حرنكش ب 300 جنيه و لاقيت الجديد (اليابانى الاصلى) ب 750 جنيه عند محمد نصر
فاشتريت الجديد و لسه بلمعته لغايه دلوقتى
حضرتك بقى قارن سعر الكربراتير بسعر كربراتير الشاهين اللى الصيني منه ب 700 جنيه

[hugan]

العربيه مش نادره اوى زى ماحضرتك متخيل
قطع غيارها موجوده جديد و استيراد بسهوله
استيراد : عند تامر حرنكش فى عزبة شلبى - واول لما حتروحله دلوقتى حتلاقيه معلق 3 ارباع ليها و حتلاقى عنده الصاج و كل حاجه
جديد عند محمد نصر فى ميدان ابن الحكم فى الحلميه (ماعرفشى اماكن تانيه لأنى ماحتجتش انى اسأل فى حتت تانيه و الميدان ده جنب بيتي)

و هى قطع غيارها نفس قطع غيار الكورولا 1982 (الشكل اللى بعدها ) اللى مغرقه شوارع القاهره و الاختلافات فى الصاج الخارجى فقط و تلاقيه زى ماقولتلك عند كذا واحد فى عزبة شلبى و اشهرهم تامر حرنكش

انا باستفسر بس ن العربيه ماشفتهاش كتير
لكن لو علي كده اكيد هاتكون افضل من للادا وال28

[khaled sabry]

انا باستفسر بس ن العربيه ماشفتهاش كتير
لكن لو علي كده اكيد هاتكون افضل من للادا وال28

و انا بشكرك على الاهتمام ده
و هى الشكل ممكن يكون قليل لكن زى ماقولتلك حاجتها معروفه و متوفره لأنها من جوه نفس الجيل اللى بعدها مع اختلاف الصاج الخارجى
و ياسيدي لو عجبت حد حوديه لبتوع الاستيراد و الجديد يسألهم بنفسه عن توافر قطع غيارها قبل مانمضى العقد

[mazdaprotege]

موفق فى البيع

[ahmedzizo131]

بسم الله الرحمن الرحيم
بالتوفيق فى البيع بأذن الله
و ربنا يحسن سوقها ان شاء الله

[kaity]

فعلا المبلغ اللى حضرتك طالبه ده عالى حبتين

لسه عايزه رش طبعا الدوكو هايخش ف2000 جنيه بالراحه
+ كسوه داخليه لان كسوتها مقطعه وشغل سروجى من 500 الى 1000
+كاوتش لانه بقاله كتير وحضرتك بتقول بتسافر بيها اسيوط ادى كمان 2000 جنيه
+لو فيه شغل فى الميكانيكا والعفشه ودى لوحدها ميزانيه

يعنى زى ماقالك احد الاعضاء 9000 حلو قوى وممكن توصل ل10000

وربنا يحسن لك سوقها

وماتزعلش منى