التقسيط الاسلامى ..... حقيقة ام خداع

[MoH.SaLaDiN]

السلام عليكم ورحمة الله
طبعا اكيد السؤال ده اتسأل مليون مرة هو فى تقسيط اسلامى حقيقى فى مصر ولا كل البنوك اللى بتقول انها بتعمل تقسيط اسلامى بتشتغل الناس يعنى بنك فيصل ده اشتغالة و بنك مصر فرع المعاملات الاسلامية كله كدب ولا ايه بالضبط ده حتى الناس اللى بتعمل تقسيط اسلامى فعلا بتحط فايدة 20% فى السنة الواحدة يعنى قمة الاستغلال بصراحة و طبعا حنقول اشترى مستعمل لغاية مايكون معاك فلوس الجديد ماهو الكلام ده لو كان سوق المستعمل محترم فى مصر كام واحد اضحك او اتخم او اتنصب عليه لما اشترى عربية مستعملة او مثلا اشتراها باكتر من تمانها بكتير والله الواحد من كتر ما سمع مصايب الناس اتعقد من كل حاجة المشكلة فعلا فى مصر ان حتى البديل وهو المواصلات العامة قمة البهدلة و قلة الادب للاسف الشديد
فى النهاية لو فى حد عارف فعلا حل للموضوع ده ياريت يتكرم علينا ويقولوا لحسن الواحد خلالالالالالالالالاص اتخنق
عشان طولت عليكم

[AlGazar2]

انا شايفه خدعه بامانه يعنى بياخد فوايد اكتر من الفوائد العادية بتاعه البنك و ده الربا بعينه و الاتجار فى الدين

نصيحة شوف عربيه على قد الى معاك او شوف حاجة مستعمله تكون بيتى و حالتها حلوه و مش متهانة حتى لو ازيد من تمنها الف ولا اتنين هتبقى كسبان راحه البال و ان انت مش مديون لحد

او لو عايز زيرو بقى يبقى تستلف من حد ثقة والدك او اخوك و ترجعهمله على سنه مثلا او اتنين ( مش عملى اوى )

ممكن تدخل جمعيات بالمبلغ ده و تقبض بدرى و ده احسن من البنك و فوايده و السلف

[MoH.SaLaDiN]

]انا شايفه خدعه بامانه يعنى بياخد فوايد اكتر من الفوائد العادية بتاعه البنك و ده الربا بعينه و الاتجار فى الدين
ما هو ده برده اللى انا حاسيته للاسف الكدب بقى اهل وسيلة دلوقتى عشان تتضحك بيها على الناس

نصيحة شوف عربيه على قد الى معاك او شوف حاجة مستعمله تكون بيتى و حالتها حلوه و مش متهانة حتى لو ازيد من تمنها الف ولا اتنين هتبقى كسبان راحه البال و ان انت مش مديون لحد

ما انا زى ما قولت لحضرتك للاسف سوق المستعمل فى مصر سيء معظم الناس اللى بتبيع عربياتها بتكون بعد ما اخدت خير العربية او لو العربية بدأت تظهر فيها مشاكل جامدة او لا قدر الله عمل حادثة بيها والعربية مابقتش نافعة تانى .... قليل اووووى اللى بيبيع عربية مثلا عشان عايز يجدد و تكون عربيتوا بحالة كويسة و و

او لو عايز زيرو بقى يبقى تستلف من حد ثقة والدك او اخوك و ترجعهمله على سنه مثلا او اتنين ( مش عملى اوى )

زى ما انت قولت فعلا محدش بيسلف حد فى الزمان ده

ممكن تدخل جمعيات بالمبلغ ده و تقبض بدرى و ده احسن من البنك و فوايده و السلف

وحتى دى لقيتها بس المتاحة قدامى دور بعيييييد اووى : ) يالا معلش

[mo7elmy]

بص يا محمد بيه هو من ناحية خداع فهو طبعا ابو الخداع لسبيبين : سبب مادى وسبب معنوى ................
السبب المادى : ان البنك المركزى فى مصر بيطبق مع كل البنوك سياسة الاقراض والايداع حتى تلاقيه كل 3 شهور بيجتمع لتحديد نسبة الاقراض والايداع ونبقى كدة نفهم ان تنوع معاملات البنوك كلها تؤدى فى نهاية لتترجم الى سياسة الاقراض والايداع + الاستغلال الواضح فى الى بيدعوا ان عندهم نظام اسلامى ( يعنى على كلامك 20% يبقى لو خدتها على 5 سنين هضفع تمنها مرتين ما عدا المقدم ) + فوائد التأخير دى احد اهم اركان الربا ( انى اديلك 100 جنية وقولك ترجعلى اخر الشهر ولو جه يوم من الشهر الجديد يبقوا 101 دة ربا رسمى لانى هنا حولت المال لسلعة يعنى بكسب من المال نفسه )........................... اما السبب المعنوى هو الى انت شايفة من معظم من كانوا يتمسحوا بالدين بقى يخرج منهم ما يعاكس افعالهم من هنا لازم تبقى حذر من الفتاوى خصوصا فى مجتمع تنقصه الرقابة والى بيقول يقول ونسيوا ان رسولنا الكريم كان لا ينطق الا بالطيب وبعث ليتمم مكارم الاخلاق وسيدنا ابو بكر كان يضع حصوة مسننة حتى لا يتكلم كثيرا ........................ وعشان مبقاش واضحتلك المشكلة دون حل ... فالحل من وجهة نظرى هو جمعية يا اما حد من اهلك يسلفك حتى لو تستنى فترة مش مشكلة بما انى بتحاول ترضى ربنا وانت الكسبان اولا من ارضاء ربك...ثانيا من حيث الارقام لما تشترى عربية مثلا ب60000 وتدخل فى فوائد بقى حرام او حلال هتلاقى العربية هتقف عليك اقل واجب ب80000 فيوم لما تيجى تبيعها انت بتبعها من 80 مش من 60 فالخسارة هتكون اكبر هو دة المكسب بقى الى هتكسبه من الفترة الى هتلم بيها الفلوس انك هتوفر خسارة 20000 فى الهوا............. يارب اكون افدتك

[MoH.SaLaDiN]

والله انا متفق معاك فى كل اللى انت بتقولوا وانا كان نفسى الاقى حل للموضوع ده بس للاسف كل الحلول المتاحة فى الوقت الحالى مش مشجعة انا بعد فترة كبيرة من التفكير و اخذ راي ناس كتير قررت اصرف نظر تماما عن القرض لان الربا كبيرة من الكبائر وعقابها عند ربنا شديد والواحد مش ناقص ذنوب بصراحة
المشكلة يا سيدى انا كل اللى حيكون معايا 65000 و مش لاقى حاجة مستعملة عدلة او بمعنى تانى محتار اجيب انهى نوع عربية لانى كل ما فى حاجة تدخل دماغى اروح شايف اراء الناس وتقييم اعضاء المنتدى الاقيهم مطلعين فيها القطط الفطسانة وحتى لو استقريت على النوع فا مشكلة انك تلاقى واحد عنده ضمير وامين بيعلك عربيتوا من غير ما يحاول ينصب عليك دى طبعا مستحيلة ده غير انى اصلا مش بفهم فى العربيات فاسهل انى اتخم
بس عشان كده فعلا الموضوع ده خنيييق اووووى ومحير كمان

[mo7elmy]

يا سيدى انا لو ظهر حاجة ادامى من حد اعرفه هقولك والله عنينا ليك يا ابو حميد

[MoH.SaLaDiN]

والله ربنا يبارك فيييك و يعرفنا بناس ولاد حلال كده زيك بس انا ان شاء الله لسه مستنى كده على شهر 2 حكمل بقية الفلوس دعواتك بقة

[megaman]

بص يا باشا انا شارى عربيتى من شركة كونتكت والعقد نظام اسلامى الا وهو انه بيتفق معاك انه حيبيع لك سيارة ماركة كذا بمبلغ 100000 دفعت منهم 30000 الباقى على 48 قسط مثلا كل قسط قد كده لا هو اقرضك فلوس ولا حاجه هو اشتلرى لك السياره وباعهالك بكذا بمكسب وفايده مقابل الاجل وهذا جائز شرعا والله اعلم وولخدين بيه فتوى المهم بقى لو عملت سداد مبكر هى هى ب100000 برضه لانك كاتب عقد اشتريتها بالمبلغ ده فانا مطمن لهم وحاسس ان الموضوع تمام توكل على الله معاهم وهم ليهم موقع على النت

[abogharib]

بص يا باشا انا شارى عربيتى من شركة كونتكت والعقد نظام اسلامى الا وهو انه بيتفق معاك انه حيبيع لك سيارة ماركة كذا بمبلغ 100000 دفعت منهم 30000 الباقى على 48 قسط مثلا كل قسط قد كده لا هو اقرضك فلوس ولا حاجه هو اشتلرى لك السياره وباعهالك بكذا بمكسب وفايده مقابل الاجل وهذا جائز شرعا والله اعلم وولخدين بيه فتوى المهم بقى لو عملت سداد مبكر هى هى ب100000 برضه لانك كاتب عقد اشتريتها بالمبلغ ده فانا مطمن لهم وحاسس ان الموضوع تمام توكل على الله معاهم وهم ليهم موقع على النت

طب ممكن توضح هى الفايده بتبقى كام % ؟ و هل بتدفع تامين او اى حاجه زياده ؟

[MoH.SaLaDiN]

طب انت لما بتدفع القسط الشهرى بتدفعه للشركة ولا فى بنك داخل فى القصة دى يعنى اقصدى الاقساط مكتوبة لانهى جهة وهل حضرتك معاك عقد بيع بينك وبين شركة كونتاكت ولا من معرض تابع للشركة
وطبعا موضوع التأمين ده مهم بعض الشركات بيتجبرك على عمل تأمين على السيارة او تأمين على الحياه ولو ممكن توضح مثلا دفعت كام مقدم و قسط اد ايه يعنى فى الاخر الزيادة كانت عليك اد ايه

[mohamed_rhem]

طلع حقيقة

انا مقسط مع شركة تقسيط اسلامي

اولا العربية بتاعتهم وبالمناسبة هما الوكيل كمان

ثانيا مفيش بنك

ثالثا مفيش تأمين شامل

رابعا مفيش حاجة اسمها غرامة تأخير

حاجة اسمها البيع بالمرابحة

[MoH.SaLaDiN]

طيب ممكن تفاصيل عن الشركة دى وهل الفرق فى سعر العربية بيكون كبير يعنى ممكن يكون اسلامى بجد بس بلاحظ انهم بيأخدوا فرق سعر كبييييييير اووي بطريقة مبالغ فيها

[khalid_adel]

طيب ممكن تفاصيل عن الشركة دى وهل الفرق فى سعر العربية بيكون كبير يعنى ممكن يكون اسلامى بجد بس بلاحظ انهم بيأخدوا فرق سعر كبييييييير اووي بطريقة مبالغ فيها

متابع باهتمام

[megaman]

بص يا سيدى لايوجد تامين ولا غرامة تاخير انا كنت دافع 31500 سعلر العربيه كاش ب77000 العقد كان على 99 وكسور قول 100000 القسط الشهرى 1409 ممكن تحسبها حضرتك حتلاقيها ارخص من القسط العادى + التامين يبقى هما ارخص

[khalid_adel]

طب الكلام ده مع شركة ايه وهل ينفع في اي عربيه ؟؟؟ يعني انا مثلا بفكر في لوجان اوتو
هل في تقسط مع المعرض مباشره ولا ؟؟