التقسيط الاسلامى ..... حقيقة ام خداع

[MoH.SaLaDiN]

لا حول ولا قوة الا بالله يعنى كمان كل العربيات الزيرو سعرها غلى هى كانت ناقصة كمان وطبعا ده بسبب ارتفاع سعر الدولار بس المصيبة انو حتى لو سعر الدولار نزل فا تمن العربيات مش حينزل وده طبعا المعتاد عليه فى مصر يالا الحمد لله على كل شىء المهم انا استخرت ربنا و مش مطمن اوى من موضوع المعارض اللى بتقسط اسلامى بس ان شاء الله ححاول ادور تانى فى المستعمل وربنا يسهل والاقى حاجة كويسة

[alserag]

بعد بحث طويل في موضوع التقسيط بدون فوائد ربوية ربنا هداني للصح وإليكم الخلاصة، أي بنك فيكي يا مصر هيوافق يقسط عربية بالأسلوب الي هوضحه ده إن شاء الله يكون حلال.

وقبل ما أوضح أي حاجة عاوز أقولك إن أنا قرأت عن الموضوع كتيير وإتفرجت على فتاوى كتير بخصوص هذا الموضوع وسألت أيضاً، يعني ده مش رأي أنا ده رأي العلماء.

بس أنا حابب إني ألخص الموضوع وأفيد بيه الي عاوز يشتري عربية بالقسط..

على شان البنك يبيعلك سيارة لازم تتم العملية على خطوتين:
وهذا يتطلب أن تكون مجهز الآتي ومقدمة للبنك على شان تاخد الموافقة:
1- مفردات مرتب أو تحويل مرتبك على البنك أو يكون عندك وديعة في البنك تاخد القسط بضمانها
2- عرض أسعار بالعربية
3- إيصال مرافق حديث لمدة لا تزيد عن 3 أشهر
4- يكون عندك دفتر شيكات
5- تجيب ضامن يضمنك ويكون له حساب في البنك ودفتر شيكات


الخطوة الأولي هي شراء السيارة من المعرض باسم البنك أولاً.
وتتم بتوقيع عقد بين البنك وبين حضرتك إسمه عقد "وعد بالشراء" ويكون موضح بالعقد كل التفاصيل (نوع السيارة، الموديل، اللون، المواصفات، .... إلخ) ، بالإضافة إلي شرط جزائي على حضرتك لو رفضت تشتري السيارة بعد لما البنك يشتريها ، فائدة هذا العقد هو إلتزامك بالشراء على شان ماترجعش في كلامك بعد لما البنك يشتري السيارة الي إنت محدد مواصفتها مسبقا

تنبيه هام:
الخطوة الأولي لو سبقها أي خطوة تانية هتكون المعاملة ربوية، لإن في بنوك بيحاولوا يعملوا ناصحين وتخليك تمضي على الشيكات وتمضي على عقد البيع، ويوقلك إفرض أنا إشتريت السيارة وإنت ما أخذتهاش ... تقوم رادد عليه وتقوله إمال عقد وعد بالشراء بيعمل إيه - طبعا في بنوك لو قولتلها كلمة عقد وعد بالشراء - هيقولك يعني إيه؟؟؟!!!


الخطوة الثانية بيع السيارة لحضرتك.
1- تمضي العقد النهائي
2- تمضي الشيكات
3- الضامن يمضي


لو الخطوة الأولى تمت بشكل كامل وصحيح إمشي في الخطوة الثانية بدون أي تردد


أنا لفيت ع البنوك كلها خصوصا الإسلامي منها ، لم أجد بنك واحد رضي أن يطبق الشروط ديه

إلا بنك واحد فقط وهو بنك فيصل

وبرضو أحيانا بيحاولو يعملوا ناصحين ويخليك تمضي الشيكات قبل ما يشتري السيارة من المعرض ويتملكها

لذلك لازم تكون واخد بالك من الإجراءات وترتيبها ...

لإن الناس ديه مقتنعة إن البيع زي الربا ومافيش فرق، بس الآية الكريمة بتقول "ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا"

وديه بعض الفيديوهات للموضوع لفضيلة الشيخ على السالوس
من هنا


ولو حد عند إضافة أو له رأي مختلف ياريت يقولي


منتظر ردكم

[MoH.SaLaDiN]

بعد بحث طويل في موضوع التقسيط بدون فوائد ربوية ربنا هداني للصح وإليكم الخلاصة، أي بنك فيكي يا مصر هيوافق يقسط عربية بالأسلوب الي هوضحه ده إن شاء الله يكون حلال.

وقبل ما أوضح أي حاجة عاوز أقولك إن أنا قرأت عن الموضوع كتيير وإتفرجت على فتاوى كتير بخصوص هذا الموضوع وسألت أيضاً، يعني ده مش رأي أنا ده رأي العلماء.

بس أنا حابب إني ألخص الموضوع وأفيد بيه الي عاوز يشتري عربية بالقسط..

على شان البنك يبيعلك سيارة لازم تتم العملية على خطوتين:
وهذا يتطلب أن تكون مجهز الآتي ومقدمة للبنك على شان تاخد الموافقة:
1- مفردات مرتب أو تحويل مرتبك على البنك أو يكون عندك وديعة في البنك تاخد القسط بضمانها
2- عرض أسعار بالعربية
3- إيصال مرافق حديث لمدة لا تزيد عن 3 أشهر
4- يكون عندك دفتر شيكات
5- تجيب ضامن يضمنك ويكون له حساب في البنك ودفتر شيكات


الخطوة الأولي هي شراء السيارة من المعرض باسم البنك أولاً.
وتتم بتوقيع عقد بين البنك وبين حضرتك إسمه عقد "وعد بالشراء" ويكون موضح بالعقد كل التفاصيل (نوع السيارة، الموديل، اللون، المواصفات، .... إلخ) ، بالإضافة إلي شرط جزائي على حضرتك لو رفضت تشتري السيارة بعد لما البنك يشتريها ، فائدة هذا العقد هو إلتزامك بالشراء على شان ماترجعش في كلامك بعد لما البنك يشتري السيارة الي إنت محدد مواصفتها مسبقا

تنبيه هام:
الخطوة الأولي لو سبقها أي خطوة تانية هتكون المعاملة ربوية، لإن في بنوك بيحاولوا يعملوا ناصحين وتخليك تمضي على الشيكات وتمضي على عقد البيع، ويوقلك إفرض أنا إشتريت السيارة وإنت ما أخذتهاش ... تقوم رادد عليه وتقوله إمال عقد وعد بالشراء بيعمل إيه - طبعا في بنوك لو قولتلها كلمة عقد وعد بالشراء - هيقولك يعني إيه؟؟؟!!!


الخطوة الثانية بيع السيارة لحضرتك.
1- تمضي العقد النهائي
2- تمضي الشيكات
3- الضامن يمضي


لو الخطوة الأولى تمت بشكل كامل وصحيح إمشي في الخطوة الثانية بدون أي تردد


أنا لفيت ع البنوك كلها خصوصا الإسلامي منها ، لم أجد بنك واحد رضي أن يطبق الشروط ديه

إلا بنك واحد فقط وهو بنك فيصل

وبرضو أحيانا بيحاولو يعملوا ناصحين ويخليك تمضي الشيكات قبل ما يشتري السيارة من المعرض ويتملكها

لذلك لازم تكون واخد بالك من الإجراءات وترتيبها ...

لإن الناس ديه مقتنعة إن البيع زي الربا ومافيش فرق، بس الآية الكريمة بتقول "ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا"

وديه بعض الفيديوهات للموضوع لفضيلة الشيخ على السالوس
من هنا


ولو حد عند إضافة أو له رأي مختلف ياريت يقولي


منتظر ردكم

طب اولا ان البنك يشترى العربية من المعرض دى حاجة كويسة ومخرج شرعى من الازمة اللى احنا فيها بس الربا فى عملية التقسيط من البنوك ماكنش حرام بس عشان الموضوع ده كان فى اسباب اخرى تجعله محرم وهى :
1 الزام المشترى بعمل تأمين اجبارى على العربية و التأمين يعتبر حرام شرعا والله اعلم
2 الزام المشترى بدفع غرامة او فايدة وذلك فى حالة التأخير عن سداد القسط طبعا حضرتك حتقولى ده من حقه وانا مش مختلف معاك بس عرفت برده ان شرط زى ده يبطل عقد البيع والله اعلم
3 نيجى برده لمشكلة كبيرة وهى الضامن وده للاسف صعب يتوفر لناس كتير وانا واحد منهم

ولكن البداية مبشرة بالخير كون ان البنك اشترى العربية الاول بس هل انت شوفت عقد الشراء بنفسك والله ييسر الحال ان شاء الله لاننا نبحث عن مرضاة الله والله المستعان

[alserag]

طب اولا ان البنك يشترى العربية من المعرض دى حاجة كويسة ومخرج شرعى من الازمة اللى احنا فيها بس الربا فى عملية التقسيط من البنوك ماكنش حرام بس عشان الموضوع ده كان فى اسباب اخرى تجعله محرم وهى :
1 الزام المشترى بعمل تأمين اجبارى على العربية و التأمين يعتبر حرام شرعا والله اعلم
2 الزام المشترى بدفع غرامة او فايدة وذلك فى حالة التأخير عن سداد القسط طبعا حضرتك حتقولى ده من حقه وانا مش مختلف معاك بس عرفت برده ان شرط زى ده يبطل عقد البيع والله اعلم
3 نيجى برده لمشكلة كبيرة وهى الضامن وده للاسف صعب يتوفر لناس كتير وانا واحد منهم

ولكن البداية مبشرة بالخير كون ان البنك اشترى العربية الاول بس هل انت شوفت عقد الشراء بنفسك والله ييسر الحال ان شاء الله لاننا نبحث عن مرضاة الله والله المستعان

بالنسبة لموضوع التأمين والغرامة هسأل فيها وأرجعلك تاني إن شاء الله

وموضوع العقد ده ... بصراحة أنا لسه ماشوفتوش لأن البنك لم يشترى السيارة بعد. (بسبب تأخير التسليم من المعرض)
إن شاء الله أقدر أرد على الجزئية ديه نهاية الشهر وأفيدك بإذن الله :)

[magic girl]

يا جماعة انا مش فاهمة نقطة, يا ريت اللي يفهم يقولها..

اللي اعرفه ان مثلاً سعر العربية ب 50 ألف كاش, تمام كده.. لو هتتباع بالقسط مثلاً يبقى قيه فايدة هاتوصل 70 الف و ليكن بالتقسيط على 5 سنين..

تمام..

فرقت في ايه عن ان حد يعرضلي العربية ام 50 الف ب 70 الف و يقسطها حتى لو مكتوب "بدون فوائد" ؟؟ ماهو مصطلح "مكسب المعرض في البيع بالتقسيط" = "الأرباح" !!!

و بالنسبة للبنك اللي هايشتري السيارة قبل ما يقسطها..

هل التقسيط مع البنك هايبقى من غير فوائد؟؟ أكيد لأ يعني !!! ماهو بردو هايبقى فيه فوائد و إن اختلفت فيمتها..

يعني المغزى من الأخر مفيش حاجة اسمها تقسيط إسلامي و بنك إسلامي و مش عارفة إيه..

كله في الأخر لازم يربح, عشان هو مش هايبيع العربية اللي ب 50 الف على 5 سنين من غير فائدة او مكسب عشان خاطر عيون العميل, لازم يعوض الخسارة اللي هايخسرها لإنه مبعهاش في ساعتها بالمبلغ ده..

انا شايفة إن اضمن حل يا الواحد يشتري كاش لو مش متطمن من حوار القرض و التقسيط, أو انه يدور على بنك أو معرض يقسط بأقل فايدة..

[peposupervisor]

خداع وغير حقيقي بالمرة

[MaherZzZ]

لما يكون بنك وسيط يبقي اكيد مليون ف ال 100 ربا

لان البنك بيسلفك فلوس وياخد عليها زيادة .. البنك مش بيبيع سلعة ولا منتج

انما شركة كونتكت كارز هى اصلا شركة لبيع السياااارات المستعملة وبناء عليه هى اساسا شركة سيارات وليست بنك

يعنى بمنتهى البساطة .. انت عايز تشترى عربية تمنها 100000 جنية

الشركة بتشترى السيارة من المعرض اولا بأسمها .. وتصبح مالكه ليها وبعد كدا ترجع تبيع ليك السيارة مرة اخرى بس بتحط نسبه الربح فيها .. زى بالظبط البقال الي بيشترى البيبسي ب جنية وبيبيعة للزباين بجنية ونص دى تجارة وهى شركة تجارية وليس شركة مصرفية

يعنى قول بتضيف حوالي نسبة 30 الف جنية يبقي السيارة بتكلف حوالي 130 الف

اعتقد ان دا مش ربا وعلماء كتير قالوا الكلام دا

ومفيش تأمين

وعنوان الشركة ابو رواش علي طريق مصر اسكندرية الصحراوى امام كارفور

ولو عاوز روح اى معرض وقول انا عايز اقسط عربية من كونتكت معظم معارض مصر عندها تقسيط لكونتكت

ولو احتجت اى حاجة بالنسبة للشركة كلمنى انا هقدر اساعدك ان شاء الله

[Waleed_Fathy]

لا حول ولا قوة إلا بالله
الناس هنا بتقول علي التقسيط الاسلامي ربا
يا شباب انا مقسط عربيتي تقسيط إسلامي بعد ما طلع عيني في البحث عن تقسيط إسلامي فعلا و سئلت و بخثت كتير جدا والحمد لله ربنا هداني له... ياريت بس الناس تعرف اي هي شروط التقسيط ده
علي حد علمي :
1- ان تكون السياره في حوزته بالكامل و عنده في مخزنه و بعد ذلك يبعهالك
2- لا يدخل البنك بينك و بين المعرض ابداً في اي تعاملات ماليه
3- لا يوجد تأمين إجباري علي السياره
4- لا يوجد غرامات علي تأخير القسط لكن يوجد إجرءات اخري
5- يحتوي العقد بينكما عن ( ثمن السياره كامل و يشمل مكسب المعرض في البيع بالقسط) - ( المقدم الذي سوف تقوم بدفعه ) = ( المبلغ المتبقي ) ÷ ( عدد الشهور المراد التقسيط عليها )
6- لا يلزمك المعرض بغرامه إن لم تأخذ منه السياره بعد ان يشتريهالك هو ( بنك فيصل بيعمل كده و طبعا ده حرام )
وممكن نقرأ فقه البيوع علشان نتأكد من الكلام ده
ولو عاوز اي خدمه في الموضوع ده انا تحت امركم
كل بياني موجوده في ملفي الشخصي
السلام عليكم

باقي نقطه كنت حابب اعرفها و هي هل في حظر بيع او بيحتفظ بنسخه من المفتاح

[hossam_abdo]

بالنسبه للمعرض ده، العربيه بتكوت باسمك بس فيه حظر بيع ومش بيحتفظ بأي نسخ مفاتيح وبيكون في تأمين إجباري بطريقة التكافل، المعلومات دي عرفتها بعد ما اتصلت بيهم

[أبو_يوسف]

يا جماعة انا مش فاهمة نقطة, يا ريت اللي يفهم يقولها..

اللي اعرفه ان مثلاً سعر العربية ب 50 ألف كاش, تمام كده.. لو هتتباع بالقسط مثلاً يبقى قيه فايدة هاتوصل 70 الف و ليكن بالتقسيط على 5 سنين..

تمام..

فرقت في ايه عن ان حد يعرضلي العربية ام 50 الف ب 70 الف و يقسطها حتى لو مكتوب "بدون فوائد" ؟؟ ماهو مصطلح "مكسب المعرض في البيع بالتقسيط" = "الأرباح" !!!

و بالنسبة للبنك اللي هايشتري السيارة قبل ما يقسطها..

هل التقسيط مع البنك هايبقى من غير فوائد؟؟ أكيد لأ يعني !!! ماهو بردو هايبقى فيه فوائد و إن اختلفت فيمتها..

يعني المغزى من الأخر مفيش حاجة اسمها تقسيط إسلامي و بنك إسلامي و مش عارفة إيه..

كله في الأخر لازم يربح, عشان هو مش هايبيع العربية اللي ب 50 الف على 5 سنين من غير فائدة او مكسب عشان خاطر عيون العميل, لازم يعوض الخسارة اللي هايخسرها لإنه مبعهاش في ساعتها بالمبلغ ده..

انا شايفة إن اضمن حل يا الواحد يشتري كاش لو مش متطمن من حوار القرض و التقسيط, أو انه يدور على بنك أو معرض يقسط بأقل فايدة..

الربا ليس الزيادة عن سعر السلعة
الربا هو الاقتراض ورد القرض بالزيادة ... يعني فلوس قصاد فلوس بزيادة.. مهما قل مبلغ الزيادة...

اما إذا "توسطت السلعة" فلا يوجد ربا مهما كانت الزيادة عن السعر الاصلي مقابل التقسيط.. في الحالة دي اصبح اسمه ربح.. لان المعاملة دي بيع وشراء..