تسعيير السيارات المستعملة الجزء الخامس

[roffa1]

ممكن يا أستاذ شريف تسعير العربيه دى
ماتركس 2011 أتوماتك نبيتى 4 أزاز - مرايات كهربه - باور- تكييف -كاسيت - ريموت - سنتر...فابريقه بره و جوه ماعدا جزء بسيط به حكه مردوده على البارد حوالى 20 * 10 سم ناحية الفانوس الخلفى من الجنب الشمال ....عامله 27000 كم
الفانوس الخلفى شمال متغير بواحد مش أصلى (ديبو)

[m7md3ssem]

كل البيانات تمام الا حاجه بسيطه
موديل كام؟

2008

[abdel samie]

أرجو تسعير سكودا رومستر ٢٠٠٩ فابريكه بالكامل معدا اكصدامين هاي لاين بنور اما وجنوط عامله ١٠٩ الف كم صيانه بالتوكيل محتاجه صيانه ال١١٠ وكاوتش

[m7md3ssem]

انا اسف يا استاذ شريف انى بتقل عليك بس عشم والله
واحد صاحبي عارض عربة للبيع ومشاء الله عربية زيرو تقريبا
نيو اكسنت rb عاملة 40 الف كيلو فيرانى فابريكا بالكامل فيها abs airbag وطارة مالتى ومركبلها كاميرا موديل 2012 انا مش بعلن بس طمعان فحضرتك انك تسعرها عشان هو نازل السوق ان شاء الله يوم الجمعة ومش عايز يخسر
وبجد انا عاجز عن الشكر

[Martin5555]

أستاذ شريف
هوندا سيتي
موديل 2005
أتوماتيك
عداد 130 ألف كم من الزيرو بالكتالوجات
فابريكة بالكامل
محتاجه حاجات بسيطة من الخارج
تعمل كام

[mnabih80]

السلام عليكم
برجاء تسعير السياره
اوبل استرا 2006
90000 كيلو متر
1600 اوتوماتيك فيركا بره وجوه بس البويه مجربه وفيه شرخ متصلح في الاكصدام
رخصه 10 شهور
برجاء سرعة الرد علشان اخلص فيها لو كويسه

[drcobra]

طلب تسعير لو سمحتوا

اكسنت ار بى اول فئة اوتوماتيك 2012 عاملة 80000 كيلو بها حكة بسيطة واخدة الرفرف الشمال الخلفى والباب الخلفى شمال اللون ازرق بيبسى تسوى كام لو سمحت

[شريف]

السلام عليكم استاذ شريف

ممكن بعد اذنك تسعير لانسر بومة 2007 1300 سي سي راشة حزام و فابريقة دواخل ماشية 100 زجاج كهرباء
و هو في منها فئات كتيرة ؟
و لو ال1600 الكلاسيك نفس المواصفات تزيد كام؟
و شكرا لحضرتك

[mmans]

ارجو تسعير
باسات 2006 بيزلاين اوتوماتك عداد 170.000 فابريقة بالكامل عدا رفرف خلفى و جزء صغير من الاكصدام الخلفى لا تحتاج اى مصاريف و الحالة العامة ممتازة و رخصة سنتان و نصف

[a7med4u]

لو سمحت انا عايز عربيىة نوبيرا 2 اوتو فبريكة دواخل و تكون سليمه
تعمل كام؟
و ياريت لو فى عربية بالمواصفات ديه يتم التواصل على الخاص
جاد جدا فى الشراء
فى انتظار الرد

[monamize4]

من فضلك يا استاذ شريف

عربية لانسر بومة سوبر اكشن عداد 100 الف كيلو , فابريكة دواخل و راشه بره كلها ماعدا السقف
فيها شوية تجاريح بسيطة ف الابواب ,, ميكانيكا و كهربا و عفشة سليمة

سيراتو 2011 الفتيس الجديدة فيها كل الكماليات عداد 60 الف كيلو
راشة اكصدامين

شكرا مقدما

[ashraf122]

الاستاذ شريف ارجو من سيادتكم تسعير سيارة ماتركس 2008 مانول عاملة 85000 كم دواخل فابريكة و الخارج فابريكة بس تم تغير فقط الشنطة و رفرف فى التوكيل و حاليا بها حكات بسيطة

[sherifowahba]

السلام عليكم
الاخ العزيز شريف برجاء تسعير
لانسر 2007 خليجى 1300 اتوماتيك
باور وتكيف و زجاج كهرباء
ماشيه 155 ألف كم
التكيف جيد
العفشه معقوله
الماتور صورته عالى
فى صفاره بس مش عارف مصدرها لسه
الكاوتش يحتاج تغير
العربيه تحتاج لتغير كل الزيوت والفلاتر و السيور كلها
حاله الصالون مش قد كده
رشه دواخل وخوارج
مخبوطه من قدام ومغير كرتيره وفانوس و اكصدام امامى و صدر و سبرنينيه معمولين بره التوكيل بقطع غيار تايوانى وتقفيل على ما تفرج
مغيره الباب الخلفى شمال وراء باب السواق نتيجه عفصه فى القائم لفتح الباب عند مرور سيارة اخرى
المفاتيح تحتاج لمفاتيح جديده و بشفره طبعا جديده

افادكم الله و شكرا مقدما

٥٣ الف

[sherifowahba]

سيارة دايو جولييت 1500 سى سى موديل 2000
كاملة مانيوال
دواخل فابريكة
راشة جنبين
شنطة وكبوت وسقف فابريكة
بيتكلم فى 47؟؟؟
انا لسة ما شوفتهاش ولسه لو فيها نصيب ان شاء الله هتكون اول عربية لية ؟؟؟
ارجو الرد جزاكم الله عنى خيرا

٤٣ الف كرينج باعتبارها بدوون مصاريف

[sherifowahba]

السياره اكسنت مواصفات خليجيه مو 99
الموتور 1500 سى سى
فول اوبشن
رشه بره
رشه اجزاء جوه
عداد الكيلو متر 150 الف كيلو
الميكانيكا والكهرباء والعفشه ....جيد جدا

٣٤ الف