تسعيير السيارات المستعملة الجزء الخامس

[محمد الهوارى]

كيا سيراتو 2011 خليجى الفتيس الجديد
جميع الكماليات فتحت سقف بدون بصمه
جنط 16 كاوتش جديد
37000 كيلو بالعداد
فبريكه بالكامل خارجى وداخلى بها بعض الخدوش بالاكصدامين ولا يحتاج الى رش
لا تحتاج لاى مصاريف بها فرش جلد اصلى كامل
متور وعفش وميكانيكا ممتازه وحاله العربيه ممتازه ودا بالكشف عليها فى محطه شل
والكبس فوق الممتاز

[houbaz]

برجاء التسعير يا استاذ شريف
ماركة السيارة هوندا سيفيك
موديل السيارة 2008 lxi
حالة الدهان فابريكا بالكامل بها خرابيش خفيفة فى الاكصدام و الابواب لا تحتاج للرش
عداد الكيلومتر 52000
حالة الموتور والميكانيكا ممتازة و صيانة دورية بالتوكيل
حالة الصالون ممتازة
حالة الكاوتش تحتاج لطقم كاوتش
الحالة العامة للسيارة وهل محتاجة مصاريف ام لا لا تحتاج لمصاريف اخرى

[sherifowahba]

شكرا لردك اوي ...

لا شكر علي واجب يا فندم

[sherifowahba]

ا\شريف ارجو نصحى لانى محتار جدا فى شراء سيارة جديدة متواضعة فى ظل ارتفاع الاسعار او سيارة مستعملة بحالة جيدة وامكانيات عالية فى رنج 90-95 الف
اولا الجديد
1- بروتون جين 2
2- نيسان صنى مانوال

ثانيا مستعملة
1-كورولا حتى موديل 2008
2-شارك حتى موديل 2008
3-بومة حتى 2010
4-سيراتو حتى 2010
5-النترا 2010 او اكسنتار بى احدث
فارجو افادتى بالافضل والسبب والموديل والمواصفات الازم البحث عنها ان امكن
علما ان عملى يستدعى سفر اسبوعى وانا اميل الى مستعمل ذو امكانيات جيدة وعدم الخسارة الكبيرة عند اعادة البيع
وشكرا جزيلا لك استاذ شريف

رايي خليك في بومة او الالنترا او السيراتو بحالانت تكون فابريقة بالكامل و عداد كيلومتر مناسب

[sherifowahba]

أستاذ شريف
السلام عليكم ورحمه الله وبركاته
كنت عاوز استفسر من حضرتك عن الدايو ليجانزا
أيه رأيك فيها كركوبه وأعتمادية وثبات
وهل قدامك عربيه تكون اوتوماتيك وحالتها حلوه عشان انا بدور علي عربية ليجانزا اليومين دول؟؟؟
ومتشكر جدا لحضرتك

الليجانزا من السيارات الي صالونها واسع و ممتاز و ثباتها جيد و يعيبها صيانتها المستمرة للفتيس و كثرة مشاكله و بعض مشاكل العفشة و حاليا انا مفيش امامي منها لكن تابع معايا الاعلانات بصفختي بالفيس

[sherifowahba]

شكرا لردك واهتمامك جدا
هي العربية فبريكة ومش راشة وعاملة 130الف كم (اسبرنزا 516 /2008) مسقطة متور متسوبيشي اتوماتك

تعمل 46 الف

[sherifowahba]

السلام عليكم ورحمة الله

انا فكرت اشترى عربية تكون على قد امكانياتى من جهتين ( اولا انى لسه مبتدئ فى القيادة يعنى من الاخر يادوب اتعلمت وطلعت بالعربية مرتين تلاتة كده لانى للاسف مبعرفش اتقل على حد بأنى اتعلم على عربيته بس الملحوظة ان الواحد استيعابه جيد جدا ) الجهة التانية هى طبعا السعر يعنى عايز حاجة فى حدود بسيطة

المهم قدامى عربية فيات 128 هقولكم اللى اتقالى فيها من صاحبها وهو مالك للسيارة طبعا مش اول من سنه ونص
السيارة موديل 76
العربية شكلا كويسة جدا وداخليا مغيرلها فرش جديد كراسى وسقف وابواب ذوقيا رائع التابلوه الامامى نضيف فيها فتيس موديل 97
العيوب اللى قالى عليها فى السيارة على لسانه ( لسه مجبتش ميكانيكى او حد بيفهم فيها يفحصها ) ان موتورها قالى انه خفيف ولما سألته يعنى ايه باعتبارى مش خبير طبعا قالى يعنى العربية مش بتدور منك ف الاول بسرعة وخصوصا فى الجو البارد ومع ذلك هو دورها بسرعة مع العلم انى زرته فجأة يعنى مكنش مسخن العربية قبل ما اروحله ولا حاجة
وقال انه فيه مشكلة فى واحد من الكبالن الامامية بتخلى العربية تعمل هزة فى اول طلعتها وورانى الهزة فعلا وفى نفس الوقت قالى انه عشان متعود ع العربية بيتفادى الهزة دى فى طلعته وفعلا جرب بعدها طلعة تانية مكنش فيه هزة خالص
العيب التالت انه تارة القيادة او الدركسيون فيه شرخ وهو مش الدركسيون الاصلى بتاعها
العيب الرابع انا لاحظت فيها وهى دايرة وواقفة صوت تكتكة كده لما سألته قال ان ده من جسم الدركسيون ولما مسكه بايده كده الصوت اختفى تماما
رابعا العربية قال ان عفشتها كويسة
خامسا الاربع جنوط جداد ومفيهومش اى تآكل او عيوب
خامسا هو مغيرلها دايرة الكهربا كلها من فترة لاتزيد عن شهرين تقريبا

هو مقاليش سعر الصراحة بس اللى باعيتنى له قالى انه كان بيتكلم فى 12 الف
بس انا لما سالته عن السعر مرضيش يقولى وقالى هات ميكانيكى يشوف العربية ويقول السعر اللى يناسبها قبل منا اقول عشان تبقى انت مطمئن ومرتاح نفسيا
ملحوظة المالك لا اعرفه معرفة شخصية ولكن هو من نفس البلدة ( قرية ) يعنى من الاخر وشى فى وشه طول النهار واللى باعيتنى له عشان اشوف العربية هو تاجر سيارات


هل السعر اللى بيتكلم فيه التاجر اللى بعتنى له مناسب ولو مش مناسب كم سعرها المناسب من وجهة نظركم
وسؤال هل لو حبيت اعمل عمرة للموتور ده يكلف قد ايه ولو عايز اجيب موتور جديد يكلف قد ايه ( هو قالى انه عمه شارى موتور وفتيس بالكروانة بتاعته من بورسعيد استيراد عامل 1700 جنيه )

رجاء الرد السريع عليا مبدئيا وانا بكرة هشوف ميكانيكى مووثوق فيه يقيم العربية

وهل فيه حاجات تانية انا محتاج اسأل عنها او اركز عليها فى الفحص ولا ايه !!!

وشكرا مقدماااااا ومنتظر الردود لانى للاسف معنديش خبرة اوى فى شراء السيارات فانا طبيب وغير محترف فى سوق السيارات

تعمل 9 الاف جنيه باعتبارها رشة بالكامل برة وجوة
الموتور هيكون في رينج ال 2500 و لو لاقيته لانه قليل جدا

[sherifowahba]

استاذ شريف ارجو تسعير فيكترا 2002 بها مكنه 1800 اوتو بدون فتحه سقف و راشه رفرف فقط و الحاله العامه جيده جدا...وهل المكنه اللي فيها دي تعيبها؟و تنصحني بايه في نفس رينج الفلوس؟ وجزاك الله كل خير

عداد الكيلومتر كام و هل محتاجة اي مصاريف وهل هي فابريقة بالكامل برة وجوة الا رفرف من الخارج و لا رشة خارجي و رفرف من الداخل
ارجو التوضيح

هيا العداد بتاعها كان متغير مع الماتور والفتيس ... بس مش فاكر كان عامل كام.....العربيه راشه حزام والتكييف مش شغال....وفي صوت كده من العفشه قدام ناحيه الشمال ....

ولك جزيل الشكر

تعمل 57 الف

[sherifowahba]

السلام عليكم استاذ شرف تحيه طيبه وبعد
برجائ تسعير السيارة التالي زكرها
رجاء تسعير السيارة
ماركة السيارة: هيونداي الالنترا
طراز السيارة: سيدان
موديل السيارة: 2011
سعة المحرك ال سي سي: 1600 سي سي اتوماتيك
حالة الدهان الداخلي والاساسيات والدواخل فابريقة ولكن بها خبطه بالباين اليمين لم يتم اصلاحهم وايضا بها خبطه بالعتب
والابواب اصلية ام لا:نعم أصلية
عداد الكيلومتر: 28 ألف
السيارة كامله اتوماتيك بها تحكم من الطارة واشارات المرايات وباركينج سنسور وجهاز تتبع
حالة الموتور والميكانيكا: جيدة جدا
حالة الكهرباء: جيدة جدا
حالة الصالون: ممتاز
لا تحتاج إلى مصاريف باذن الله سوي اصلاح البابين او تغييرهم
لونها باذنجاني
اول مالك
رخصة منتهيه
ولك جزيل الشكر

تعمل 95 الف

[sherifowahba]

السلام عليكم ا/شريف
بعد اذنك تسعير السياره دى

نصر شاهين 2007
1600cc تكيف هاف باور
سنتر انزار
نضيفه مش رشه بره و جوه
فيها خرابيش
متظبطه من كله عفشه و كهرابا و ميكانيكا
مش هيتصرف عليها جنيه
العداد 70000

تعمل 46 الف

[sherifowahba]

استاذ شريف لو سمحت عايز اعرف سعر هذه السيارة عشان ابيعها

كيا سيراتو 2010 خليجي
58.000 الف كيلو
فابريكا و بها بعض الخدوش البسيطة
فرامل aps
زجاج كهرباء
كاوتش جديد
فتحة usb
التحكم في الكاسيت من خلال الدركسيون
اتوماتيك
1600 سي سي
جنوط 16
air bag
الرخصة 3 سنوات
كل صياتة ليها كانت في التوكيل
يوجد شرخ في الزجاج الامامي

92 الف

[sherifowahba]

صباح الفل يا استاذ شريف
انا عايز اعرف العربية دى تعمل كام
مازدا 323 موديل 1982 فابريكة دواخل بس كانت فردة الشاسية اتفتحت و اتلحمت كحال كل المازدا
بها عمرة موتور جديدة و كهرباء و ضفيرة بالكامل جديدة و عفشة متغيرة بالكامل من سنة بس اعتقد انها محتاجة تتظبط العربية محتاجة كسوة تابلوة و وش نظافه
شكرا مقدما

17 الف

[sherifowahba]

برجاء تسعير سيارة ميتسوبيشي لانسر 1300 سي سي موديل 2003 اتوماتيك فول اوبشن بفتحة سقف
عداد 105 الف كم فابريقة برة وجوة كل صياناتها بالتوكيل
لسه مغيرة طقم كاوتش وعفشة كاملة.

بومة و لا مكواه

[sherifowahba]

استاذ شريف
السلام عليكم ورحمة الله وبركاته

برجاء تسعير السيارة التالية:
جراند شيروكى - موديل 2000 - 155000 كم - 8 سلندر - 4700 سى سى - كاملة اوتوماتيك - راشة جانبين نظافة
المفروض انها لا تحتاج الى اى مصروفات حسب تعليق صاحب السيارة

مع جزيل الشكر والتقدير

125 الف

[sherifowahba]

أ/شريف
أرجو المساعدة في تسعير هذه السيارة
دايو لانوس 2006 كاملة مانيوال - حالة شاذة
فابريكا بالكامل - لا تحتاج أي مصاريف - أول يد عداد 60 الف كيلو متر.

53 الف