تسعيير السيارات المستعملة الجزء الخامس

[sherifowahba]

ممكن رقم الموبايل علي الخاص علشان موضوع ايجار العربيات

هو موضوع ايجار السيارات معايا واقف شويه حاليا
و معذره لرقم الموبايل
لكني تحت امر حضرتك في اي وقت لاي استفسار سواء هنا علي العام او علي الخاص او علي صفحتي للتسعيير بالفيس بوك

[Merooxx]

هو موضوع ايجار السيارات معايا واقف شويه حاليا
و معذره لرقم الموبايل
لكني تحت امر حضرتك في اي وقت لاي استفسار سواء هنا علي العام او علي الخاص او علي صفحتي للتسعيير بالفيس بوك

ممكن لينك الصفحة

[Ramez_Fibo]

لو سمحتوا يا جماعه
معايا سياره نيو اكسنت 2010 مانيوال فيراني
فابريكا بالكامل
عامله 67 الف كيلو
ملاكي اسماعيليه
العربيه بحاله ممتازه مش متبهدله
لسه البلاستك اللي على الشماسات و اللي ملزوق على نور الصالون زي ما هو

ممكن تقولولي تتباع بكام
المفروض يعني تعمل كام؟؟
لزبون مش لتجار
و الف شكر ع النصيحه

[adhamibrahimm]

مازدا 3 2010 50000 . فابركا برا و جوا . اول فئة اوتو

[ahramadan]

مانيوال

[ahramadan]

السلام عليكم
نيو اكسنت موديل 2007 عداد170000 كم السيارة فابركة بالكامل من الداخل و الخارج و،الرخصة باسم المالك ، بها رفرف امامي علي البارد و خبطة صغيرة في الرفرف الخلفي و بعض التجاريح

مانيوال و لا اوتوماتيك

مانيوال

[adhamibrahimm]

اوتو مازدا 3 2010 فابريكا برا و جوا اول فئة عداد 50000

[FOREX EAGLE]

برجاء تسعير سياره النترا 2008 اول فئه اوتوماتيك اللون نبيتى عداد 65000 فبريكه بالكامل ما عدا كبوت ورفرف رشين فى التوكيل لا يوجد بها خدوش الحاله العامه ممتازه فرش جلد ودواسه جلد

[webwalid]

السلام عليكم استاذ شريف

برجاء تسعير عربية هوندا سيفيك 2010 اوتوماتيك لونها نبيتي عادية من غير فتحة سقف ولا جنوط

عدد الكيلو مترات : 19 الف كم ( 19000)
حالة الدهان : 1 -فابريكة برة وجوة
2- فيها خدوش كتير الي حد ما بسبب بعض اولاد الحلال منها مايستلزم الد هان خصوصا علي الشنطة اضافة الي تجريح في الاكصدام خلفي وامامي بسبب الاحتكاك بالرصيف او سيارات اخري

3 : حالة الصاج : فيها خبطة واحدة علي الباب اليمين الخلفي ( اشتريتها كدة ) علي شكل خط ( زي البشلة )
اضافة الي نقرتين صغيرتين في القايم الخلفي الايسر ماعدا ذلك حالة الصاج كويسة

4: حالة الزجاج : تم تغيير الزجاج الخلفي والزجاج الامامي والجانبي يوجد بة بعض الخدوش نتيجة التراب

5 حالة الاطارات : جيدة والاستبن لم يستعمل من قبل

6: الصالون الداخلي : فيها فرش جلد تفصيل لونة بيج ماكملش 10 شهور وحالة العربية من جوة كويسة ماعدا جلد الطارة متآكل الي حد ما

شكرا

[Ramez_Fibo]

لو سمحتوا يا جماعه
معايا سياره نيو اكسنت 2010 مانيوال فيراني
فابريكا بالكامل
عامله 67 الف كيلو
ملاكي اسماعيليه
العربيه بحاله ممتازه مش متبهدله
لسه البلاستك اللي على الشماسات و اللي ملزوق على نور الصالون زي ما هو

ممكن تقولولي تتباع بكام
المفروض يعني تعمل كام؟؟
لزبون مش لتجار
و الف شكر ع النصيحه

ايه يا جماعه محدش عاوز يرد عليا ليه ؟؟
انا منتظر رأيكم
و على فكرة العربيه معايا من ع الزيرو
و عاوز ابيع لشراء احدث و اوتوماتيك
عاوز اعرف اطلب كام و انا ببيع

[lordlato]

مانييوال و لا اوتوماتيك

العربية أوتوماتيك

[lordlato]

السلام عليكم يا أستاذ شريف

قدامى عربية معروضة للبيع فى شركة بنظام الأظرف المغلقة

العربية نوعها نيسان صنى موديل 2008 لونها دهبى ex saloon ماشية 53100 كم فقط

العربية كانت استخدام احد المديرين بالشركة و صيانتها بالتوكيل و دواخلها فبريكة على كلام الموظف المختص بقبول العروض

العربية بها خدوش على الأكصدامين و بعض الخبطات الخفيفة فى اماكن مختلفة مثل الأكصدام الخلفى و الجانب الأيسر و عتب الجانب الأيمن...انا معايا صور للعربية بس المشكله ما بعرفش ارفع صور على الموقع هنا

فياريت لو حضرتك تقدر تفيدنى سعرها فى حدود كام كأقصى سعر لأن نظام الأظرف المغلقة ما ينفعش تزود فيه السعر لو فى حد مقدم سعر أعلى منك

و لك جزيل الشكر

مانييوال و لا اوتوماتيك

العربية أوتوماتيك

[hmhmmam]

السلام عليكم يا بروفسير شريف
لو سمحت عايز اسعر عربيتى لانى ناوى ابيعها ان شاء الله
اوكتافياa5 اوتوماتيك 2008 الفئة الاولى وكيل فبريكا بالكامل بره وجوه عداد 65000كم عاملة صيانة 60000كم مع غيار زيت الفتيس وفلتر زيت فتيس بالفواتير
مشكور جدا واعانك الله علينا

[hamisa08]

سلام عليكم

عايز اسعر عربيتى

هيونداى اكسيل موديل 1997 ماتور مشاء الله علية 1300 سى سى ,, راشة خارج فقط نظافة من شهر
عفشة حوالى 70% فرشها كويس كاسيت وسماعت بايونير تايلاندى 2 زجاج كهرباء فبريقة دواخل رخصة باسمى فرد كاوتش جديدة

[atvi1000]

استاذ شرف

ارجو تسعير سياره بولو 99 تكييف وبور لايوجد زجاج كهربا او سنتر
عداد 84000 كيلو اللون فضي فبريكه من الداخل والخارج بالكامل حاله الدوكو نظيفه ماعدا السقف يظهر عليه علامات الشمس
اول يد من الزيرو الموتور بحاله ممتازة بيعرق مياه