تسعيير السيارات المستعملة الجزء الخامس

[afrikano]

السلام عليكم
موضوع اكتر من رائع
اتمنى تفيدنى

عاوز اشترى سيراتو كوبية موديل 2011 او 2012
تكون ماشيه اقل من 50 الف كيلو

هاى لاين .. بصمة و فتحة سقف ان شاء الله

ممكن تفيدنى .. السعر هيكون فى حدود كام لموديل 2011 و 2012
وايه الفرق بين الموديلين ؟

[hooba_eg]

السلام عليكم

اكسنت كحلى 1300 موديل 2005 حالة شاذة، تكييف ممتاز، استخدام قليل لكثرة السفر ، عداد 67500 ،5 فرد كاوتش وبطارية جديدة ، فابريكه برة وجوة ومن غير اى تجاريح والصالون زيرو.

[Ahmed Taha]

سيارة كارينز أوتوماتيك سوداء وكيل أول فئه 2012

عزيزي أ. شريف أبحث عن نصيحة فبرجاء المساعدة حيث أنه ما خاب من إستشار.

أريد بيع سيارة كارينز أوتوماتيك سوداء وكيل أول فئه 2012 28,000كم رخصة سارية سنة أول مالك تكيف سنتر لوك مرايات كهرباء cd بلوتوث جنوط سبور 15 بوصة و يوجد بها خبطه بالابواب الخلفية يمين و شمال (حسبي الله و نعم الوكيل في المكروباصات).

السؤال: ما هو الأفضل للحصول علي سعر جيد؟
1. إصلاح الخبطات و دهانها طبعا مع إبلاغ المشتري بالإصلاحات للأمانة.
2. بيعها علي حالتها علما بأن جميع أجزائها الأخري فابريكا.

برجاء الإفادة و إقتراح سعر للمساعدة.

[mhoreya]

تويوتا كرولا 2013 اوتو خليجى و ليس وكيل الفئة الاولى ( بدون طارة مالتى و الشبكة الامامية اسود و ليس نيكل ) عداد 900 كيلو صاحبها مركب لها فرش جلد و طالب نهائى 151.000 كده كويس ولا كتير ؟؟؟

[ابن سيناء]

السلام عليكم ورحمة الله

اريد مساعدتكم فى تسعير دايو لانوس 2007 زجاج عادة

العربية اول يد ماشية 100 الف كيلو
رفعتها فى البنزينة والتقرير كالتالى :

شاسية ةعفشة تمام فبريكة

راشه من بره مرمات

ماتور حالته جيدة ولم يفتح من قبل ولكنه مرشخ ذيت ومحتاج جوان بس ممكن بعد شوية ( راى الفنى )

5 جنوط اسبور - كسوة جلد - ارضية جلد -كاسيت وسماعات بايونير - رخصه 2016

العربية بيتى وانا عارف تاريخها

تعمل كام لان صاخبها قافل على 50 الف وبيقولى انزل السوق واسال هتعرف انى عامل معاك واجب

ايه رائىكم ؟؟؟

[M.ABDEEN]

السلام عليكم
ارجو تسعيير السيارة الخاصة بي وبياناتها كاتلي
سيراتو 2008
اللون فضي
الترخيص 28/12/2008 وينتهي 27/12/2014
اول يد شاريها كنت من عند محمد زكي
فابريكة بالكامل بره وجوه وبها خدشيين بس واحد في الاكصدام قدام والتاني في الجنب
العداد 58 الف كيلو وجميع الصيانات في التوكيل كما مسجل في كتيب الضمان
الكماليات : تكييف وباور وسنتر وزجاج كهربي وجهاز انذار وفوجات وسبويلر وسينسور باركينج خلفي وفرش جلد ونواكل داخلية وخارجية كوري اصلي مش صيني وجنوط سبور مقاس 16 بكاوتش عريض 205/55 هاي سبييد من شهرين مع الاحتفاظ بالجنوط السابقة الاصلية بكاوتشها مقاس 15 .هوايات اصلية كوري برده وستاير كبس للظهر وللخلف بس
الفتيس : ستيبترونييك
الحالة العامة للعربية ممتازة جدا والحمد لله والصالون واسع ووممتاز وبرده التكييف ممتاز والاستعمال راقي راقي جدا وكما زكر مفييش اي دهانات في العربية خالص كله والحمد لله فابريكة والموتور وكهربة العربية ممتازيين.....والعربية 1600 سي سي ولاتحتاج لاي مصاريف الا بعد 1500 كيلو موعد صيانة ال 60 الف كؤلو وشكرا

[M.sawy]

سيارة ريو ٢٠١٢ اتوماتيك سوداء سيدان فابريكة بالكامل , اول فئة اتوماتيك .جنط ١٥ بلوتوث usb aux .بطارية وكاوتش جديد.صيانات دورية بالتوكيل حتى ال ٥٠ الف.مافيهاش خربوش , رجاء الاهتمام

[B911]

استاذ شريف
بعد التحية و عام سعيد عليك و علي كل مصر

بعد اذنك محتاج اسعر الاتي علشان مقبل علي شراء واحدة منهم و عايز اعرف راي حضرتك في احسن اختيار منهم.

- ميتسوبيشي لانسر-2009-1600 سي سي-كاملة مانيوال -عداد 110000 كم-بحالة ممتازة (الصالون-العفشة-الماتور)
كانت واخدة خبطة من قدام و اترش الاكصدام بس ماوصلتش لجوة-رخصة سنة

-هيونداي اي30 -2011-1600سي سي-كاملة مانيوال-عداد 60000 كم-فابريكة بالكامل-كل الصيانات بالتوكيل
بحالة ممتازةو كاوتش جديد من شهر

-شيفورلية اوبترا-2008-1600سي سي -كاملة مانيوال-عداد 65000كم-فابريكة بالكامل -كل الصيانات بالتوكيل
بحالة ممتازة و استبن لم يستعمل و 4 كاوتش جديد بريدج ستون ياباني -رخصة 3 سنين

الف شكر يا باشا

[د.قاسم]

السلام عليكم
كريستالة موديل 99 رياضية فتحة سقف كهربائية السيارة فابركة بالكامل داخلى ومرة واحدة فقط تم رشها خارجى ،الرخصة باسم المالك ، فرش داخلى الاصلى ، كاسيت واربعة سماعات اصلية ،تكييف ممتاز ،4 زجاج كهرباء ، سنتر لوكر ، مصابيح زينون ،4 كاويتش جديد بريدجستون ، بطارية جافة جديدة بالضمان ،مرايات كهرباء ،جنوط نيكل الاصلية ، اسبويلر خلفى اصلى ، كرسى السائق ذو ثلاثة اوضاع للضبط ، الكنبة الخلفية بها مخدع وبها امكانية الطى

[midapop]

ختنمكتمكتمك

[modyeid]

تويوتا ياريس 2008 – فريكه من الداخل و رشه بالكامل من الخارج و ردٌه في الشنطه +مكيفه+مانوال+كاوتش جديد +بطاريه جديده+لايوجد بها أى مصاريف+أول يد+الرخصه ساريه حتى شهر 9 القادم والفحص فى 2016+لايوجد بها توكيلات+ حاله جيده جدا

[wesam_salom]

استاذ شريف برجاء تسعير السياره
بيجو 607 موديل 2003 عداد 76000 كيلو صيانه توكيل فابريقيه بالكامل حاله ممتازه اوتوماتيك هاى لاين
رخصه 6شهور باسم المالك

[ahramadan]

نيو اكسنت 2007

السلام عليكم
نيو اكسنت موديل 2007 عداد170000 كم السيارة فابركة بالكامل من الداخل و الخارج و،الرخصة باسم المالك ، بها رفرف امامي علي البارد و خبطة صغيرة في الرفرف الخلفي و بعض التجاريح

[أحمد ضحا]

لـو سمحت عاوز تسعير للعربيه دى فى أسـرع وقت ممكن !
فـيات 131
موديل 83
حالة الموتور : لسه عامله عمره كامله من 8 شهور بالظبط - حالة جيده جدا
راشه بره فقط وجوه لا نهائى
الحوض نضيف جدا ومش راشش نهائى
حالة الدهان الخارجى جيد جدا - العربيه فيها بداية برومة
حالة الصالون جيده جدا
4 جنوط سبور نجمه + 4 فرد كوتش جديد
2 زجاج كهربا قدام
العفشه جيده
لسه مغيره 2 مساعدين جديد قدام اسبانى نضاف
الشنطه حالتها ممتازه
البواب حالتهم جيده
الحالة العامه للعربيه - جيده -
المشاكل :
محتاجه كرونه لان الكرونه بتاعتها فيها ونه على التالت
--------------------------------------
تعملها كام العربيه دى ؟

[شريف]

السلام عليكم استاذ شريف

برجاء تسعير نيسان صني ex موديل 2009 -تكييف ممتاز-اتوماتيك- ماشية 60 الف- باور-سنتر-زجاج كهرباء-ايرباج-فبريكه من الداخل واجزاء من الخارج(جانبين واكصدامين)-اللون اسود-فرش بيج بكياس المصنع

تعمل كام بعد اذن حضرتك

وكمان نيو اكسنت الشكل القديم 2008 فابريقة ماشية 60 الف تعمل كام؟