تسعيير السيارات المستعملة الجزء الخامس

[sherifowahba]

استاذ شريف برجاء تسعير هذة السيارة
ماركة السيارة : نيسان
طراز السيارة : صني-مانويل
موديل السيارة : 2007
سعة المحرك : 1600 سي سي
فابريكة برة وجوة بدهان المصنع يوجد بها تجاريح و خرابيش من الركنة في الجراج
عداد الكيلومتر : 110.000
كماليات السيارة : باور و سنتر و تكييف و كاسيت فتح التنك و الشنطة من الداخل و مرايات كهربا
حالة الكهرباء : فبريكة
حالة الصالون : فبريكة بفرش الفبريكة
حالة الكاوتش و الزجاج : الكاوتش لسة متغير من شهر ولسة مرخصة 3 سنين
الحالة العامة للسيارة : ممتازة-استخدام بيتي

تعمل ٦٧ الف

[sherifowahba]

قدامي فورد focus سيدان 2008 - ماشية 46000 وفتحت سقف وجنوط وفبريكا - الرجل طالب 97000 ؟؟؟
و إيه رايك في إعادة البيع وأنا جايبها مستعملة هخسر جامد ؟؟؟
وشكراً

٩٠ الف بالحالة المذكورة كاقصي سعر

[sherifowahba]

عايز اعرف سيتروين c4 موديل 2006 أو 2007 فبريقة حالة كويسة تعمعل كام؟؟؟؟؟
وإيه رأيك فيها ؟؟؟؟

مانيوال ولا اوتوماتيك و بانوراما و لا لا و الكوبيه ولا الهاتش باك

[sherifowahba]

تويوتا celica موديل سبعينات 4 باب 2000 سي سي الدهان فابريقة مفيهاش مشاكل تعمل كام ؟

السيليكا اصدار رياضي كوبيه ٢ باب و لا قصد حضرتك نوع تاني

[sherifowahba]

السلام عليكم ورحمة الله وبركاته ،

كنت أرسلت رسالة خاصة لحضرتك ، وطلبت منى أبعث تانى مواصفات العربية علشان تحدد لى السعر المناسب للبيع :

- كيا سبكترا موديل 2003 - مانيوال – سعة المحرك 1600 سى سى .

- حالة الدهان :
رشة خارجى ، انما داخلى فابريقة.
يوجد بعض التقشير البسيط على اكصدام السيارة الخلفى .

- عداد الكيلو متر : 114000 كيلو متر

- جنوط سبور ، زجاج رافع ، جهاز انذار ، سخان للشبورة للزجاج الخلفى ، مرايات كهرباء.

- حالة الموتور والميكانيكا :

لم يحدث أى عطل بالموتور عدا مرة واحدة عندما غيرت بلف رشاش البنزين وذلك منذ حوالى 6 سنوات ، الميكانيكا بشكل عام حالتها جيدة على الاقل مش عايز أقول جيدة جدا ، مفيش حاجة ملحوظة على الميكانيكا.

- حالة الكهرباء : جيدة .
- حالة الصالون : واسع ومريح فى الجلوس وحالته جيدة .
- حالة الكاوتش: الاثنين اللى قدام عاملين حوالى 4000 كيلو متر ، واللى ورا مش عارف بس حالتهم كويسة.
- تحتاج الى كمبيريسور جديد لان الحالى لايعمل ، يعنى التكييف مش شغال .
- تحتاج الى بعض السمكرة .
- تحتاج مفاتيح تحكم زجاج جديدة لان الوحيدة التى تعمل هى التى بالباب اللى بجوار السائق.
- فرش السيارة يعتبر جيد.
- ايريال الكاسيت مكسور
الحالة العامة للسيارة ، أعتقد انها جيدة وليست سيئة .
السيارة تحتاج الى مصاريف من وجهة نظرى تتراوح مابين 1500 الى 2000 جنيها .
ملحوظة هامة : أنا رحت معرض سيارات جاب لى واحد شاف العربية قدم سعر 38000 جنيها ، والثانى قدم سعر 39000 جنيها .
حضرتك كنت اقترحت سعر 43000 جنيها .

ممكن حضرتك تقترح السعر المناسب لها بعد هذا الشرح التفصيلى لحالة السيارة .


انا عايز نصيحة أخوية من حضرتك :

هل لو العربية مجبتش السعر المناسب ليها ، أخليها معايا ، ولا لو احتفظت بيها سعرها ح يقل فى المستقبل خاصة ان الناس بتعيب على الكيا سبكترا ان قطع غيارها ممكن تخلص من السوق فى وقت من الاوقات لان التوكيل لايصنعها ، انا أصلا لو بعت مش ناوى أشترى عربية تانى لانى مش بروح بيها الشغل وبخرج بيها يوم الجمعة أو السبت فقط لشراء احتياجات المنزل.


أنا آسف للاطالة ، لكن رأيك يهمنى فى الآتى :


1- السعر المقترح .


2- فكرة الاحتفاظ بالسيارة فى حالة لو مجبتش السعر المناسب ليها لكن انا خايف من نقطة قطع الغيار اللى ممكن فى وقت من الاوقات لاأجدها فى السوق ، هل الكلام ده صحيح ؟


شكرا مقدما على مساعدتك لى برأيك ، وجزاك الله خيرا .

بالحالة المذكورة تعمل ٤٠ الف
و رايي لو حضرتك مشمحتاجها يبقة الافضل البيع حيث انها بند مصاريف و حضرتك غيير محتاج لها

[sherifowahba]

أستاذ شريف

النترا 2010 اوتوماتيك هاى لاين فتحة سقف فبريكة برة وجوه ماشية 46000 الف

سيراتو 2010 الفئة التانية تكيف عادى وتحكم بالطارة فابريكة ماعدا الاكصدامات ماشية 62000

وشكرا مقدما

الالنترا تعمل ٩٧ الف بدوون مصاريف او تجارييح
السيراتو تعمل ٩٢ الف

[sherifowahba]

ماركة السيارة فولكس فاجن
طراز السيارة بولو
موديل السيارة 2004
سعة المحرك ال سي سي 1000 cc
حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة والابواب اصلية ام لا فابريقه
حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا فابريقه
عداد الكيلومتر 55000 كم
كماليات السيارة مع تحديد فئتها ان وجدت بيز لاين او هاف او هاي لاين او سبورت وهكذا
حالة الموتور والميكانيكا جيده جدا
حالة الكهرباء جيده جدا
حالة الصالون جيده جدا
حالة الكاوتش و الزجاج جيده جدا
الحالة العامة للسيارة وهل محتاجة مصاريف ام لا لا تحتاج نهائيا

تعمل ٥٥ الف

[sherifowahba]

ماركة السيارة شيفرولية
طراز السيارة اوبترا
موديل السيارة 2006
سعة المحرك ال سي سي 1600cc
حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة والابواب اصلية ام لا فابريقه
حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا راشة اكصدام امامي بغشامه لانه كان اتقطع منه
عداد الكيلومتر معدية ال مائة بشوية مش فاكر كام كم
كماليات السيارة مع تحديد فئتها ان وجدت بيز لاين او هاف او هاي لاين او سبورت وهكذا تكييف فيتيس مانيوال زجاج كهرباء امامي فقخلفي ع بكر
حالة الموتور والميكانيكا جيده جدا
حالة الكهرباء جيده جدا
حالة الصالون جيده جدا
حالة الكاوتش و الزجاج جيده جدا
الحالة العامة للسيارة وهل محتاجة مصاريف ام لا لا تحتاج نهائيا

تعمل ٦٢ الف

[mayofzee]

السيليكا اصدار رياضي كوبيه ٢ باب و لا قصد حضرتك نوع تاني

لا 4 باب عادية مش كوبية 2000 سي سي

[sherifowahba]

ماركة السيارة سكودا
طراز السيارة اوكتافيا a5
موديل السيارة 2005
سعة المحرك ال سي سي 1600
فبريكة بالكامل من الداخل
من الخارج راشة بابين واكصدام خلفي ورفرف خلفي
عداد الكيلومتر 95 الف كيلو
فرش جلد، كاسيت يو اس بي، اربع سماعات بيونير
حالة الموتور والميكانيكا 10/10، دايما ايدي فيها مش محتاجة اي مصاريف
حالة الكهرباء كلها تمام عاوزة بس ماتور مساحة امامي بيعمل حوالي 400 جنية مكسل اجيبة لاننا صيف
حالة الصالون زي الفل
حالة الكاوتش و الزجاج كلو تمام عدا البربيرز الامامي فيه شرخ بسيط على اليمين
الحالة العامة للسيارة وهل محتاجة مصاريف ام لا 9 من 10، تحتاج فقط ماتور مساحة امامي فقط

هي اي فئة يا فندم

[sherifowahba]

استاذ شريف، السلام عليكم
رجاء تسعير السيارة الآتية:

ماركة السيارة: نوبيرا خليجي2
معوقين وتم رفع الحظر ودفع الغرامه
موديل السيارة: 2000
سعة المحرك ال سي سي: 1600 سي سي مانيوال
حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة: فابريكا
والابواب اصلية ام لا:نعم أصلية
حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا: رشه نظافه
عداد الكيلومتر:
كماليات السيارة مع تحديد فئتها ان وجدت بيز لاين او هاف او هاي لاين او سبورت وهكذا: كلاسيك
حالة الموتور والميكانيكا: جيدة جدا
حالة الكهرباء: جيدة جدا
حالة الصالون: جيد
حالة الكاوتش و الزجاج: الكاوتش متغير من اسبوع 4 فرد هانكوك
الحالة العامة للسيارة وهل محتاجة مصاريف ام لا: لا تحتاج إلى مصاريف

وجزاكم الله خير الجزاء

تعمل ٤٣ الف

[sherifowahba]

أستاذ شريف معلش أنا تاعبك معايا بس أنا معروض عليا عربية سيراتو الفئة التانية موديل 2011 ماشية 17000km فبريكة برة و جوا جنوط 16 و ملتي من غير بصمة أو فتحة سقف عايز أعرف تعمل كم مع العلم أن صاحبها ماسك في 107

تعمل ١٠٠ الف

[sherifowahba]

السلام عليكم ورحمة الله
سيارة ماروتى مو 95
فابريكة دواخل حالتها العامة كويسة رخصة سارية
تمعل كام

تعمل ١٥ الف

[sherifowahba]

عربيه ألنترا 2006 رشه بره - فبريكه و نضيفه من جوه -
أوتوماتك كامله - عداد 110 ألف كيلو -
فيها 2ايرباج واى بى اس وجنوط

تساوى كام العربيه دى؟

تعمل ٧٠ الف

[sherifowahba]

تسعيره النترا فى اسرع وقت عشان هنشوفها بكرة

النترا 2007 كامله مانيول فابريكا جوه وبره بالكامل عدا اكصدام خلفى للنظافه من الخرابيش
ماشيه 80000 كيلو
اللون فضى
حاله السياره ممتازه جدا
تستاهل كام
ارجوك بسرعه عشان هدفع عربون بكره

تعمل ٧٣ الف