تسعيير السيارات المستعملة الجزء الخامس

[sherifowahba]

هوندا سيفيك 2009 ماشية 90000km رشة بره ماعدا السقف وبحالة جيدة عايز أعرف تعمل كام
وبرضو في هوندا 2007 رشة جنبين فقط و بحالة جيدة جداً و ماشية 100000 تعمل كام ، و موضوع أن العربية تكون رشة برة ده يقلق و لا ميقلقش و لو عاملة حادثة أو في حاجة هتبان مع الكشف !؟
و شكراً مقدماً يا باشا

ال 2009 تعمل 112 الف
ال 2007 تعمل 92 الف
و موضوع رشة برة بيكون في الدرجة الثانية بعد الفابريقة لكن ليه طلب برده ما دمت كشفت عليها جيدا و تاكدت انها سليمة و اشتريتها بسعرها و ليس سعر الفابريقة

[sherifowahba]

اوبل استرا 2006 مرفوعة أربع سنوات اتوماتيك اول يد فول ابشن كاسيت سي دي فابريكه من الداخل والخارج
67000 كيلومتر

تسوي كام دي يا كبير؟

تعمل 65 الف

[legendneverdie]

تسعير هيونداي اكسنت موديل 99

ممكن تسعير للعربية ده يا أستاذ شريف أكون شاكر
تسعير هيونداي اكسنت موديل 99 مانيوال
1300 سي سي عملة 150 ألف رشة برة ، فبريكة جوا ، الكبوت والإكسدمن محتاجين يترشو

[MMamdouh]

هيونداى فرنا موديل 2008 مانيوال 77 الف كيلو فابريكة دواخل رشة كابوت و اكصدام (توكيل تبع التامين) اللون فضى

رخصة سنة + زجاج كهرباء + سنتر سلوك + فرش جلد + وحدات رفع

تسوى كام يا زعيم؟

MMamdouh

[xero4zero]

تعمل 62 الف برة وجوة بالكامل

شكرا جزيلا يا أستاذ شريف على المجهود وصلتني رسالة حضرتك على الخاص و معلش أنا تعبت حضرتك معايا جزاك الله خيرا

[MoH.SaLaDiN]

طب معلش يا استاذ شريف فى برده قدامى يارس 2006 مانيوال هاف اوبشنز ماشية 30000 كم فقط وفابريقه بره وجوه حالة ممتازة جدا مش محتاجة اى حاجة خالص الا 4 فرد كاوتش عايز اعرف سعرها العادل مع العلم ان السيارة بالاسكندرية

[alhaitham]

قدامى عربيه فيرنا موديل 2010 فابريقه بره وجوه gls عامله 60000 مانيوال , تعملها كام , جزاك الله كل خير على المجهود الجبار ده.

[Moh 405]

استاذ شريف تحيه طيبه على المجهود الرائع وارجو من سيادتكم المساعدة فى تقييم السيارة التاليه
ماركة السيارة : بيجو 405
طراز السيارة : سيدان
موديل السيارة : 1995
سعة المحرك ال سي سي : 1600
حالة الدهان الداخلي والاساسيات والدواخل : فابريقة
حالة الدهان الخارجي : فابريقة بالكامل وبها تجاريح و خرابيش تستدعي الدهان
عداد الكيلومتر :161150
كماليات السيارة : باور ، تكييف ، كاسيت جديد وسمعات ، جنوط اسبور اصليه وكاوتش جديد
حالة الموتور والميكانيكا : جيدة جداَ بنسبة 90 %
حالة الكهرباء : جيدة جداَ بنسبة 90 %
حالة الصالون : فابريكا
حالة الكاوتش و الزجاج : اربع فرد كاوتش جديد وزجاج مانوال
الحالة العامة للسيارة وهل محتاجة مصاريف ام لا : جيدة جداَ بخلاف الجروح والخدوش التى تحتاج الى دهان

[أحمد خاطر]

استاذ شريف برجاء تسعير هذة السيارة
ماركة السيارة : نيسان
طراز السيارة : صني-مانويل
موديل السيارة : 2007
سعة المحرك : 1600 سي سي
فابريكة برة وجوة بدهان المصنع يوجد بها تجاريح و خرابيش من الركنة في الجراج
عداد الكيلومتر : 110.000
كماليات السيارة : باور و سنتر و تكييف و كاسيت فتح التنك و الشنطة من الداخل و مرايات كهربا
حالة الكهرباء : فبريكة
حالة الصالون : فبريكة بفرش الفبريكة
حالة الكاوتش و الزجاج : الكاوتش لسة متغير من شهر ولسة مرخصة 3 سنين
الحالة العامة للسيارة : ممتازة-استخدام بيتي

[hossam107]

قدامي فورد focus سيدان 2008 - ماشية 46000 وفتحت سقف وجنوط وفبريكا - الرجل طالب 97000 ؟؟؟
و إيه رايك في إعادة البيع وأنا جايبها مستعملة هخسر جامد ؟؟؟
وشكراً

[magnet]

عايز اعرف سيتروين c4 موديل 2006 أو 2007 فبريقة حالة كويسة تعمعل كام؟؟؟؟؟
وإيه رأيك فيها ؟؟؟؟

[mayofzee]

تويوتا celica موديل سبعينات 4 باب 2000 سي سي الدهان فابريقة مفيهاش مشاكل تعمل كام ؟

[AYMAN4PLUS]

السلام عليكم ورحمة الله وبركاته ،

كنت أرسلت رسالة خاصة لحضرتك ، وطلبت منى أبعث تانى مواصفات العربية علشان تحدد لى السعر المناسب للبيع :

- كيا سبكترا موديل 2003 - مانيوال – سعة المحرك 1600 سى سى .

- حالة الدهان :
رشة خارجى ، انما داخلى فابريقة.
يوجد بعض التقشير البسيط على اكصدام السيارة الخلفى .

- عداد الكيلو متر : 114000 كيلو متر

- جنوط سبور ، زجاج رافع ، جهاز انذار ، سخان للشبورة للزجاج الخلفى ، مرايات كهرباء.

- حالة الموتور والميكانيكا :

لم يحدث أى عطل بالموتور عدا مرة واحدة عندما غيرت بلف رشاش البنزين وذلك منذ حوالى 6 سنوات ، الميكانيكا بشكل عام حالتها جيدة على الاقل مش عايز أقول جيدة جدا ، مفيش حاجة ملحوظة على الميكانيكا.

- حالة الكهرباء : جيدة .
- حالة الصالون : واسع ومريح فى الجلوس وحالته جيدة .
- حالة الكاوتش: الاثنين اللى قدام عاملين حوالى 4000 كيلو متر ، واللى ورا مش عارف بس حالتهم كويسة.
- تحتاج الى كمبيريسور جديد لان الحالى لايعمل ، يعنى التكييف مش شغال .
- تحتاج الى بعض السمكرة .
- تحتاج مفاتيح تحكم زجاج جديدة لان الوحيدة التى تعمل هى التى بالباب اللى بجوار السائق.
- فرش السيارة يعتبر جيد.
- ايريال الكاسيت مكسور
الحالة العامة للسيارة ، أعتقد انها جيدة وليست سيئة .
السيارة تحتاج الى مصاريف من وجهة نظرى تتراوح مابين 1500 الى 2000 جنيها .
ملحوظة هامة : أنا رحت معرض سيارات جاب لى واحد شاف العربية قدم سعر 38000 جنيها ، والثانى قدم سعر 39000 جنيها .
حضرتك كنت اقترحت سعر 43000 جنيها .

ممكن حضرتك تقترح السعر المناسب لها بعد هذا الشرح التفصيلى لحالة السيارة .


انا عايز نصيحة أخوية من حضرتك :

هل لو العربية مجبتش السعر المناسب ليها ، أخليها معايا ، ولا لو احتفظت بيها سعرها ح يقل فى المستقبل خاصة ان الناس بتعيب على الكيا سبكترا ان قطع غيارها ممكن تخلص من السوق فى وقت من الاوقات لان التوكيل لايصنعها ، انا أصلا لو بعت مش ناوى أشترى عربية تانى لانى مش بروح بيها الشغل وبخرج بيها يوم الجمعة أو السبت فقط لشراء احتياجات المنزل.


أنا آسف للاطالة ، لكن رأيك يهمنى فى الآتى :


1- السعر المقترح .


2- فكرة الاحتفاظ بالسيارة فى حالة لو مجبتش السعر المناسب ليها لكن انا خايف من نقطة قطع الغيار اللى ممكن فى وقت من الاوقات لاأجدها فى السوق ، هل الكلام ده صحيح ؟


شكرا مقدما على مساعدتك لى برأيك ، وجزاك الله خيرا .

[us_ahmedsamir]

أستاذ شريف

النترا 2010 اوتوماتيك هاى لاين فتحة سقف فبريكة برة وجوه ماشية 46000 الف

سيراتو 2010 الفئة التانية تكيف عادى وتحكم بالطارة فابريكة ماعدا الاكصدامات ماشية 62000

وشكرا مقدما

[ecco]

ماركة السيارة فولكس فاجن
طراز السيارة بولو
موديل السيارة 2004
سعة المحرك ال سي سي 1000 cc
حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة والابواب اصلية ام لا فابريقه
حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا فابريقه
عداد الكيلومتر 55000 كم
كماليات السيارة مع تحديد فئتها ان وجدت بيز لاين او هاف او هاي لاين او سبورت وهكذا
حالة الموتور والميكانيكا جيده جدا
حالة الكهرباء جيده جدا
حالة الصالون جيده جدا
حالة الكاوتش و الزجاج جيده جدا
الحالة العامة للسيارة وهل محتاجة مصاريف ام لا لا تحتاج نهائيا