فيرنا فابريكه بره وجوه

[عبدالله عاطف]

للبيع هيونداي فيرنا
سنة الصنع: 2009
عدد الكيلو متر: 60000 كم
حالة الصاج: فابريكه
الشاسيه والحوض والشنطه : فابريكه
الحالة الداخليه ( الفرش والتابلوه والكراسي ) : فابريكه
مكان المعاينة : الجيزة
السعر : 60000 جنيه
اللون :فضي ميتالك
الفئة:gls full option
ناقل الحركة: مانيوال
سبب البيع : شراء باخري
صور السيارة : يوجد
لاي استفساري رقم تليفوني :01066539646
فيرنا فابريكة بالكامل بره وجوه
موجود الصور كلها في الرابط ده لاني حاول انزلها هنا ومساحتها اكبر من المسموح وطبعا بعد
اذن ادمن المنتدي وشكرالكل القائمين علي المنتدي الرائع

[gadoo30]

مطلوب كام ؟

[Mostafa.Mahran]

حضرتك متاكد من السعر

[ahmedhilmy]

موفق

[S O P H O S]

بالتوفيق ان شاء الله ..

[zoalla]

ارجو مراجعة اسعار السوق مش اوى كدة ياجماعة ارجوكم

[a7mous]

ماشاء الله موفق ان شاء الله

[عبدالله عاطف]

مطلوب 60000 يا جماعه وانا اسف جدا علي التاخير وفعلا في مراجعة لاسعار السوق ولو اي حد من حضراتكم تفضل وشاف العربيه او رفعها في محطة او جاب معاه ميكانيكي وسمكري بيثق فيهم هيعرف اد ايه العربيه نضيفه ومش مجرد كلام والله انا فعلا عاوز ابيعها بس مش معني كده اني اغش حد ربنا يكرمنا جميعا وانا كاتب برده يا جماعه السعر قابل للتفاوض واسف لو اي حد مضايقه سعرها في الاول وفي الاخر البيع والشراء ده نصيب ورزق وانا اتشرفت جدا بكل ردودكوا الي عجبته العربيه والي مش عجبته ومتشكر جدا

[عبدالله عاطف]

سبحان الله والحمدلله ولا اله الا الله والله اكبر

[kar!m]

العربيه باسم حضرتك ولا فيها توكيلات؟

[bassam92]

يا سيدى الفاضل ارجوك العربية موديل 2009 يعنى مش معقول السعر ده ,
الرحمة يا جماعة الرحمة
يا استاذ عبدالله ارجوك اكتب السعر النهائى اللى يرضى ربنا , وان شاء الله هاخدها ,,,
وشكرا ,,,,,,,,,,,

[عبدالله عاطف]

العربيه باسمي يا فندم وانا اول مالك من التوكيل

[عبدالله عاطف]

يا استاذ بسام انا بقول من الي شوفته في السوق لو حضرتك نزلت السوق في مدينة نصر سوق السيارات اكيد حضرتك والاخوه الافاضل تعرفوه هتشوف اسعار والله هتندهش وكمان حالة العربيه هناك انا والله بكلم معاكوا بكل امانه العربيه فعلا فعلا فرصه لاي حد والله علي ما اقول شهيد وده مش عشان عربيتي لو حتي دي عربية حضرتك كنت هقولك نفس الكلام وتحت امرك العربيه منغير ولا جنيه يا باشا وانا مش تاجر ولا حتي بتاجر بيها دي عربيه انا اشتريتها وبغيرها وبشتري غيرها

[عبدالله عاطف]

سبحان الله ولا اله الا الله والحمدلله والله اكبر

[alaamousa]

استاذ عبدالله نرجو اخذ رأي الاعضاء في الاعتبار ومراجعة السعر من فضل حضرتك ان شاء الله ربنا يكرمك في بيعها باذن الله
هل حضرتك عملتلها صيانة ال 60000 من تغير سيور وهكذا ....