فيرنا فابريكه بره وجوه

[عبدالله عاطف]

استاذ علاء انا يشرفني اخد اراء الاعضاء المحترمين في المنتدي وصيانة العربيه كلها هتلاقيها حضرتك مكتوبه بالورق والقلم وبالتاريخ كمان اخر تاريخ صيانه اما بخصوص السيور لا لسه متعملتش بس كنت بعمل الصيانه الدوريه من زيوت وفلاتر وغيرت البطاريه باخري جديده والعربيه في الجراج واي حد يحب يتفرج عليها ياريت يشرفني باتصاله وننسق سوا واكيد المعاينه خير دليل علي كل كلامي مش كده برده

[mxz911]

انا أعرف ان الفيرنا كسر زيرو بتتباع بالسعر ده بصراحه

لكن اللى شايفه انها ولا كسر زيرو ولا مثل موديل السنه والعداد مش قليل برضه ف رأى السعر ده مش تمن الفيرنا ولا سعرها ف السوق خالص

[أبو يوسف]

مهما كانت حالتها ماتوصلش 60000 جنية
دة أحنا شاريين ماتريكس مانيول 2006 بـ 62000 جنيه
أشترى فيرنا 2009 بـ 60000 ألف
غريبة

[عبدالله عاطف]

استاذ mxz حضرتك حر في رائيك وانا بحترم رائيكوا جميعا وامابخصوص الفيرنا كسرالزيرو فاكيد مش هتتباع ب 60 لسبب بسيط ان سعرها جديده 72500 وده سعرها في التوكيل وكسرالزيرو مبينزلش اكتر من 5000 الا لو رشة او عملت حادثة وزي ما حضرتك عارف البيع عرض وطلب

[عبدالله عاطف]

استاذ ابو يوسف الف مبروك علي الماتريكس وربنا يكفيك شرها ويطعمك خيرها اما بخصوص ليه 60 لان عربيتي فابريكه بره وجوه هيه زي ما حضرتك قولت 2009 فعلا بس فرق كبير اوي بين عربيه تعبت واتبهدلت وركبتها مية رجل وعربيه مبيركبهاش غير صاحبها وهوا اول مالك ليها وبرده اتشرفت برائي حضرتك

[عبدالله عاطف]

متشكر جدا استاذ طاهر

[osama_ahmed1]

هو محدش عرف ان سعر الفيرنا جديد وصل ل 79000 الف ولا ايه وان ده السعر اللى بيطلب فى الفيرنا فى السوق وعلى مواقع البيع والسوق فى الحى العاشر يا جماعه الاسعار كل يوم بتغلى بال 3 الالف و الخمسه الاف انت لو جايب عربيه من اسبوع ب 50 دلوقتى هتلاقيها ب 55 ويمكن اكتر لاى نوع عربيه مش هيونداى بس و العربيات كلها غليت مش غبور بس

لسبب ان الجنيه المصرى بينزل قدام الدولار و بالتالى ارتفاع سعر العربيه كمجمل سواء محلى او لا

الفيرنا فى اواخر 2012 كانت كامله ب 68000 دلوقتى شوفتوا بقت بكام

وربنا يوفقك يا بيع العربيه ان شاء الله

[moh_faheem]

سيدى الفاضل
انا جاد فى الشراء ارجو من حضريتيك ان تكتب لى سعرها النهائى على الخاص
وربنا يوفقنا جميعا

[M_SALLAM]

برجاء مراجعة سعر السوق لأن الرينج بتاعها من 45 الى 50 الف !!