تسعيير السيارات المستعملة الجزء السادس

[tahayt]

السلام عليكم يااستاذ شريف
عاوز اعرف ثمن عربية رينو سانديرو اوتو 2013 عاملة 7 الاف كيلو
العربية خارجة من حادثة جامدة و تم عدل الشاسية و تغيير الصدر و الاكصدامات و الفوانيس و بعض الاجزاء المثبتة للموتور و الفتيس (لم يتم فتحهم) و علبة الدريكسون تم لحام شرخ بها و تم ايضا تغيير الايرباج لانها فتحت فى الحادثة مع العلم ان كل الشغل كان فى الحرفيين
اية اقل مبلغ اقبلة فيها مع العلم انى هاقول كل دة للمشتري

[mtageldeen]

أستاذ شريف
أرجو إفادتي برينج سعر السيارة فيات تيمبرا بفرض إنها حالة نظيفة (متحزمة أو راشة ولكن الدواخل فابريكا ومكيفة)

أعلم أن هناك أكثر من ماتور وهناك تنوع في نظام ضخ الوقود وكذا العدادات والموديلات

ولكن أرجو المساعدة والنصيحة وما رأيك بها وخاصة بالنسبة لسعرها.

وشكراً لك

[minicooper20]

بعد ازنك يا باشا
السياره فولكس فاجن باراتى
الموديل ٢٠٠٦
عامله ١٨٠ الف كيلو
فبريكه جوا راشه بره
مرفوعه بقالها سنه و نص فى جراج لانى مسافر
٤ فرد كاوتش جديد و البطاريه جديده
كل اصلحاتها فى التوكيل و القطع اصليه
ابعها بكام بقا
و تسلم

[Mohamed.Mohsen]

السلام عليكم
الأستاذ شريف خبير تسعير السيارات
اطيب تحية وتقدير لمجهوداتكم القيمة واطمئن عليك لانك غايب من كام يوم
ارجو التكرم بتسعير تويوتا كورولا 2010 جنوب افريقى فابريقة بالكامل برة وجوة صيانة توكيل تويوتا ايجيبت 75000 كم لون جري اول يد استخدام راقى تخص معرفة صديق لى اتوماتيك عادي وليس mmt لكن لا اعرف أي فئة ارجو توضيح فئاتها وتسعيرها للمعرفة من معلوماتك القيمة .
لي طلب تاني واخير ارجو ترشيح موديل سيارة سيدان اتوماتيك محترمة من 2007-2012 في رينج من 75-110 الف جنيه تكون اعتمادية اعطالها محدودة وليس بها مشكلة عويصة وصيانتها ممكنة وقطع غيار معقولة وارتفاعها عن الارض معقول ..

[mah907]

سيارة اسبرنزا تيجو 2010
2000 سي سي اتومتيك
اعلي فئة فتحه سقف وجنوط
عداد 135000 كيلو
فبريكه دواخل
فبريكه من الخارج
هناك خبطه صغيره في الشنطه مردوده علي البارد
خربيش بسيطه
اللون كحلي
الحالة الداخليه للسياره وللفرش جيد
رخصه منتهيه

السيارة محتاجه مصاريف :
1- ظبط مكنه علشان بترعش وضعيفه شوية
2- ظبط عفشه علشان محتاجه شويه تظبيط
في نظري العربية محتاجة من 2000 الي 2500 جنيه مصاريف علي المكنه والعفشه وربما اقل

بكم يقدر سعر العربية ؟

وشكرا شريف بيك

[محمود سعد]

اسبرانزا a113
موديل 2013 مسجله فى شهر ديسمبر 2012
عدد الكيلوات

7000 كيلو
فابريقه جوا وبره
عملت صيانه ال1000 بس
ياترى تبقى عامله كام ضرورى ؟

[Aboahmed2009]

ارجو الإفادة ولكم جزيل الشكر

السلام عليكم
الأستاذ شريف خبير تسعير السيارات
اطيب تحية وتقدير لمجهوداتكم القيمة
ارجو من حضرتك التكرم بتسعير السيارة التالية.
ماركة السيارة : بروتون
طراز السيارة : بيرسونا اوتوماتيك
موديل السيارة : 2009
سعة المحرك ال سي سي : 1600
عداد الكيلومتر : 99الف كم
حالة الموتور والميكانيكا و العفشة : ممتازه.
حالة الكهرباء : ممتازة.
اللون : ذهبى 131.
حالة الدهان: الدواخل والخوارج فابريقه بالكامل ( خدوش بسيطة من الخارج غير ملفتة للنظر)
كماليات السيارة : هاف اوبشن.
حالة الصالون : فرش جلد وحالته جيدة جدا.
حالة الكاوتش و الزجاج : جيدة والكاوتش جديد شغال حوالى 10 آلاف كيلو فقط.
الحالة العامة للسيارة : جيدة جدا.
اشكر لحضرتك سعة صدرك وبرجاء الرد فى اقرب فرصة متاحة...

[mah907]

هو الاستاذ شريف فين معتش بيظهر ليه بقاله فتره متغيب عن المنتدي
عايزين نطمن عليه ياجماعه

[Dr Ahmed]

فيه حد على المنتدى ليه خبرة فى التسعير مع أ شريف؟

[ashawkyh]

تسعير ياريس هاتشباك 2014 أوتوماتيك هاى لاين

برجاء المساعدة فى تسعير ياريس هاتشباك 2014 أوتوماتيك 1330 سى سى 99 حصان هاى لاين اللون تراكواز 4500كم / 4 أيرباج / abs / سمارت كى / تشغيل السيارة بدون مفتاح / حنوط سبور / حساس مطر و ضوء / شاشة تاتش / طارة مالتى فانكشن / بلوتوث و usb و aux/ كاميرا خلفية / الأستبن جنط سبور لم يستعمل/ بها 2 خربوش صغير فى الصاج و حكة فى الأكصدام الأمامى / زجاج فاميه فابريقة جانبى و خلفى مثبت على الرخصة / ترخيص 3 سنوات / بلد المنشأ فرنسا
سعر السيارة الحالى زيرو 167500

[sameh295]

طلب تسعير

استاذ شريف
ارجو تسعير السيارة الاتية

ماركة السيارة:بيجو

طراز السيارة 307 sw

موديل السيارة 2007

سعة المحرك ال سي سي 1600cc

حالة الدهان الداخلي والاساسيات والدواخل فابريقة ام رشة اي اجزاء من الدواخل ام تم استعدال اي جزء من الدواخل او السدر او الشنب علي البارد وهل الكابوت والشنطة والابواب اصلية ام لا

لأ

حالة الدهان الخارجي هل فابريقة بالكامل ام رشة اجزاء مع تحديدها وحالة الدهان سواء فابريقة ام رشة هل بها تجاريح او خرابيش ام لا وهل هذه الخرابيش تستدعي الدهان ام لا

رشة البابين اليمين

يوجد خبطة في الرفرف الخلفي شمال

عداد الكيلومتر 110000 km

كماليات السيارة مع تحديد فئتها ان وجدت بيز لاين او هاف او هاي لاين او سبورت وهكذا: هاى لاين 2 كرسى شنطة

حالة الموتور والميكانيكا:جيدة
حالة الكهرباء: جيدة
حالة الصالون : جيدة
حالة الكاوتش و الزجاج؟؟جيدة
الحالة العامة للسيارة وهل محتاجة مصاريف ام لا؟؟جيدة

[mohamedhassaan]

سلا م عليكم كنت محتاج اعرف سعر كيا سيفيا موديل 99 عداد 230000 فابريقه بره وجوه بالكامل صالون زيرو كازتش جديد شنطه بحالة الزيرو برأى مش محتاجه مصروف الا طنبورة التكيف فيها خشونه مش عارف هتتغير ولا ﻷ ارجو الافاده فى اسرع وقت عشان ممكن اشتريها يوم الجمعه انشاء الله مسيت مانويل

[blazer]

ارجو تسعير سياره رينو لوجان 2012 فبريكا بلكامل عداد 40 الف كيلو مانوال فول اوبشن

[hashour]

هو الاستاذ شريف فين ... مافيش ولا بوست ليه هنا .. خير اللهم اجعله خير .. ولا احنا ب نبوست في حته غلط ولا ايه

[sherifowahba]

اسف يا جماعه للتاخيير و سيتم الرد بناء علي اسبقيه المشاركه