تسعيير السيارات المستعملة الجزء السادس

[عبدالعزيز راضي]

السلام عليكم
أمامي فيتارا 2003 أربعة باب 1600 أوتوماتيك ، تم تغيير أجزاء من الموتور ، والحالة العامة جيدة جدا ، فابريكة بالكامل .

برجاء النصحية والسعر ، مع العلم أنها أول سيارة سأركبها .
وجزاكم الله خيرا

[echo7]

برجاء تسعير هذة السيارة ولكم جزيل الشكر
ماركة السيارة : شيفورليه
طراز السيارة : اوبترا مانيوال اسود
موديل السيارة : 2010
سعة المحرك : 1600 سي سي
فابريكة برة وجوة بدهان المصنع ويوجد خرابش خفيفة اووى لا تستدعى اى رش
عداد الكيلومتر : 27800
كماليات السيارة : مانيوال بها كاسيت جديد + 2 سماعه خلفيه بخلاف سماعات الباب و باركينج سينسور بخلاف الكماليات الاساسيه بالعربيه
حالة الصالون بفرش الفبريكة
حالة الكاوتش و الزجاج : كاوتش الفابريكة ولسة مرخصة 3 سنين و يوجد شرخ بالزجاج الامامي منذ سنتين ومش بيزيد
الحالة العامة للسيارة : ممتازة بها بطاريه جديده منذ شهرين

[densfog]

السلام عليكم ... جزى الله حضرتك كل خير على المعلومات المفيده اللتى تقدمها لنا بدون انتظار اى مقابل
لرجو من حضرتك تسعير العربيه دى
نوع : جيلى باندا
سنه : 2012
عداد : 18000 كم
استخدام سيده ... تانى يد ... بدون توكيلات ... فبريكه بره وجوه ... خبطه بسيطه فى باب ولحام متوسط فى اكصدام بدون رش ... فرش جلد حالته كويسه .... الفرش الاصلى فيه لسعه سيجاره ... فرش على الارضيه ... حاله موتور و فتيس كويسه ... لونها اسود ... زينون ... رخصه باقى فيها سنتين و نص ..... كاسيت غير بتاعها بحوالى 800 جنيه لان الاصلى بتاعها مفيهوش سي دى ولا ام بي 3... بطاريه جديده ... كاوتش الفابريكا ... جنوط سبور بتاعه العربيه و كماليات العربيه تعمل بكفائه
مطلوب فيها بعد الفصال 50500 ... ايه رأى حضرتك ؟
متشكر جدا

[aliabdo]

السلام عليكم
مطلوب تسعير فيات جراند بونتو موديل 2013 استلام شهر 5
العربيه منيول
اي بى اس
اي بي دي
2 اير باج
طاره مالتي
ماشيه 16000 ك
فيه حكه فى الباب اليمين وره فى البوهيه مش ماثره على الصاج غير كده العربيه كلها فبريكا الحمد لله
صيانه فى التوكيل قبل ميعادها و مفهاش اي حاجه او محتاجه اي حاجه

يا ريت اعرف اطلب فيها كام لو سمحتم

[Elsweedy]

السلام عليكم

مشكور علي هذا المجهود الرائع مهندس شريف
رجاء تسعير سيارة
لانوس 2008 عاملة 110 الف كيلو معمول لها عمرة موتور حديثا
فابريكة دواخل وخوارج ومش راشة برة ولا جوه
الكاوتشات بحالة جيدة والكهرباء شغاله وبطارية. جافه جديدة


سيارة لانشيا 92
متغيرلها موتور
التكيف محتاج شحن. حسب كلام البائع
الكاوتش محتاج تغيير
القطمة محتاجة تغيير
محتاجة ظبط السنتر وسمكره في باب يمين واحد ومحتاجة رشة نظافة
محتاجة وش فانوس امامي وخلفي

[ahmedhassancma]

بيجو ٥٠٥

اخواني الكرام اشكركم على الموضوع الهادف

اريد شراء بيجو ٥٠٥

وامامي ٥٠٥ موديل ٨٧ طيارة فبريكا جوة على حسب كلامه وموتور متغير من شهرين استيراد والمكيف محتاج كمبروسر وقطعة كمان عشان يشتغل وفرشها نظيف وتابلوه نظيف وبدون كاسيت والكاوتش بحالة جيدة وباقي سنة في الرخصة وبها زينون وكشافات شبورة

ولكم الشكر

[em_joop2005]

تسعير اسبرنزا m11

شكرا للموضوع الجميل ممكن تساعدنى فى تسعير اسبرنزا m11 موديل 2012 ماشيه 21 الف كيلو صيانه توكيل بانتظام فابريكه دواخل وخوارج فيها خربوش فى الاكصدام الامامى من الجراج

[Mohmd Elshazly]

ماروتى 2013 عاملة 15000 كيلو لكن في عربية مريحة ع الكبوت بتاعها

لو سمحت أستاذ شريف عاوزة أسعر العربية دى:
ماروتى 2013 عاملة 15000 و في عربية ريحت ع الكبوت بتاعها و اترد ع البارد, و الباب فيه سمكرة خفيفة برضه نتيجة حكة وقت الركنة و برضه مردودة ع البارد, الباقى كله فبريكة مية مية بره و جوه
مع جزيل الشكر على مجهود حضرتك

[ma7dy]

رجاء تسعير سيارة


ماركة السيارة: دايهاتسو
طراز السيارة: تريوس بلاتينوم
موديل السيارة: ٢٠١٠
سعة المحرك ال سي سي : ١٥٠٠
فابريقة بالكامل
حالة الدهان الخارجي:ممتازة
عداد الكيلومتر :١٢٠٠٠ (اثنا عشر الف)
كماليات السيارة: هاي لاين
حالة الموتور والميكانيكا: ممتازة
لا تحتاج لمصاريف

[em_joop2005]

محدش بيرد ليه

[maikymak]

تحياتى لصاحب الموضوع الجبار دة.
برجاء تسعير السيارة بالمواصفات الاتية:

كيا سيراتو موديل ٢٠١١ - ١٦٠٠ سى سى
حالة الدهان الداخلى والاساسيات والدواخل فابريقة والكابوت والشنطة والابواب اصلية
حالة الدهان الخارجى - رش الابواب نظافة فقط وفى التوكيل وبها خربوشين خفاف ولا تحتاج الى الدهان
العداد - ٥٤,٠٠٠ كيلو

فئة السيارة الفئة الثانية بعد الهاى لاين - سمارت كى-سينسور باركينج- فرش جلد-مرايات ضم- جنط ١٧-تكييف تاتش
حالة الموتور والميكانيكا حالة ممتازه - جميع الصيانات تمت بالتوكيل ولم يتم تغيير اى شىء بالسيارة غير البطارية بعد ٣ سنوات
حالة الكهرباء ممتازه - حالة الصاون ممتازه كراسى جلد طبيعى وارضية جلد طبيعى وبحالة الفابريكة
تم تغيير الكاوتش بكاوتش كونتنينتال المانى17/255/50 ماشيين ١٤,٠٠٠ كيلو - والزجاج بحالة ممتازه بدون اى خرابيش

السيارة بها جى ام ٦٥٠ وات اربع مخارج وسماعة subwoofer JBL

السيارة لاتحتاج الى اى مصاريف.

اسف على الاطالة بس قولت اكتب كل البيانات

وشكرا....

[شريف]

السلام عليكم رمضان كريم أستاذ شريف

بيانات العربيه

1-ماركة السيارة : دايو - لانوس
2-الموديل/السنة : 2006
3-عدد الكيلومترات : 121،000
4- نوع ناقل الحركة : مانيوال
5-لون السيارة : سماوي
6-الكماليات (كاسيت-تكييف)
7-حالة الصاج او الخوارج : فبريكا و لكن بها كام تريحه
8-حالة الدواخل :فابريكة
9-حالة الصالون : جيد جدا
10-الحالة العامة او التقييم العام للسيارة : ممتاز
11-حالة البطارية : جيد جداً
12-حالة الكاوتش : 3,000 ك
13-حالة الموتور : ممتاز
14- سعة المحرك اللترية و عدد السلندرات : 1500 سي سي

ولكم جزيل الشكر

[Hanyeid]

شكرا جزيلا علي هذا الموضوع المفيد برجاء التكرم بتسعير
جيتا هاى لاين موديل ٢٠٠٨ فبريكة بالكامل دواخل و خوارج جنوط ١٧ عفشة رياضية مثبت سرعة زينون فبريكة فتحة سقف جميع الكمليات تعمل بكفاءة

[algd2006]

لانسر شارك مو2011 اوتوماتيك

لانسر شارك مو2011 اوتوماتيك -جنوط اسبور-طارة مالتي-وابنوس-السيارة حالة ممتازة تعتبر زيروا ماشية 18000 كيلو بس-ومن اول يد وفابريكة بره وجوه معادا ترييحات خفيفه علي الاقصدام -ورشة الكبوت وللاسف هيا جايه من المعرض وهي رشه الكبوت(غش) المهم انا مش عايز اظلمه ولا اظلم نفسي تقدرهالي بكام او علي الاقل الرنج بتاعها.
بالمناسبه العربية 1500 سي سي وياريت لو تقولي رأيك في الموديل د عموما.

[ابو فرح]

النترا 2012 خليجى بيضاء فابريكه بالكامل فتحه سقف جنوط اسبور الشكل الجديد الفتيس الجديد زينون عالى وواطى ايرباج حساسات خلفيه الكاوتش معقول ماشيه 27000 الف كيلو صالون بحاله ممتازه فاميه على الرخصه