محتاج نصيحتكم ( أكسنت - سيينا - رينو كليو )

[medo_love]

يا جماعه لو سمحتم عايز رأيكم في العربيات دي و انهي احسن فيهم و ليه ؟؟ و لو حد ليه اقتراح تاني لعربية في نفس السعر يقول عليها :
- هيونداي أكسنت ( 1998 - 2000 ) سواء 1300 أو 1500
- فيات سيينا 1400
- رينو كليو ( 2001 - 2004 )
و شكرا مقدما على الردود

[ahmedalaahosny]

الاكسنت او السيينا المهم الحاله الافضل بس الاكسنت ماتجييش غير 1500 سى سى انما ال1300 ضعيفه مع التكيف ف السحب لكن على جميع الاحوال الاكسنت بياعه عن السيينا بس صاج السيينا اتقل من صاج الاكسنت
السيينا محتاجه متخصص فيات ودى ميزة وعيب ف نفس الوقت ﻻن تكنولوجيا الفيات بعد ال 128 وال 132 والحاجات دى عاليه مش اى حد يشتغل فيها عشان مايعكش
انما الاكسنت فى منها كابراتير وانجكشن والشكل ده بوجه عام فضل شغال لغايه 2006 فمش هتحس انها قديمه

[medo_love]

شكرا على الرد المحترم ده بجد
طب ممكن اعرف ايه رأيك في الرينو الكليو

[hesham fawzy h]

انصحك تجيب الاكسنت 1500 .. و قولى معروضة عليك بكام و امكانياتها

السينا بلاش منها بيتهيالى اكتر عربية شفتها فى حياتى بيجلها برومة !!@

الرينو تقيل فى البيع و انا مبحبش الرينو اصلا :)

[medo_love]

انصحك تجيب الاكسنت 1500 .. و قولى معروضة عليك بكام و امكانياتها

السينا بلاش منها بيتهيالى اكتر عربية شفتها فى حياتى بيجلها برومة !!@

الرينو تقيل فى البيع و انا مبحبش الرينو اصلا :)

شكرا يا باشا على الرد
في واحده معروضه عليا 1500 سي سي موديل 2000 فبريكه جوه بس رشه بره كامل بدون معجون فيها (تكييف - باور - 2 زجاج كهرباء - سنتر) 4 كاوتش تيوبلس بطاريه جديده و كان النهائي بتاعها 42000
رأيك ايه فيها ؟؟؟؟؟

[Mr.Lawyer]

العربيات التلاته من العربيات المحترمه وكل واحده لها مميزاتها وعيوبها

بس بالنسبه للسوق المصرى فالوضع مختلف شويه

فالاكسنت عربيه محترمه وجميله و منتشره بغباء فى مصر مع سهوله صيانتها واى حد يشتغل فيها وقطع غيارها المنتشره ف كل مكان بس يعيبها الصاج الخفيف جداً والحجم الصغير

ودا مخليها الاختيار الاول ليك لسهوله صيانتها واسعار قطع غيارها الرخيصه نسبياً وانا ارشح لك الاكسنت 1500 الكامله

بالنسبه للفيات سيينا فهى عربيه محترمه جداً وكركوبه جميله انا شخصياً بحترمها وخاصه ماتور الـ 1600 اتنين كامه الجبار ولكن ف نفس الوقت تكاليف صيانتها غاليه ومش اى حد يشتغل فيها ولو اشتريت عربيه حاله متوسطه او وحشه ، هتتعب اوى لحد ما ترجعها لحالتها الاصليه ومش بعيد تصرف تمنها تانى عليها

بالنسبه للرينو كليو فهى عربيه اقتصاديه من الدرجه الاولى ومحترمه جداً ولكن يعيبها برضه ان صيانتها محتاجه متخصيين فى الرينو وبالتالى تكاليف صيانتها غاليه جداً وقطع غيارها كذلك

فى الاخير ، حدد انت احتياجك للعربيه لايه بالظبط !! ودخلك الشهرى والتزامات وتقدر تصرف عليها قد ايه شهرياً
لو عايز عربيه تكون مصاريفها حنينه عليك يبقى الاكسنت وش ، عايز عربيه ركوبه وتكنولوجيا اعلى بس هتدفع مصاريف صيانه اعلى يبقى تختار اما السيينا او الكليو

والاهم من دا كله الحاااااااااااااله ، حاله العربيه الجيده مع الكشف عليها فى مكان موثوق واكشف على كل حاجه واوعى تقبل باى حاجه ولو هايفه بايظه او مش شغاله لانها بعد كدا هتفتح معاك ف حاجات تانيه

[medo_love]

العربيات التلاته من العربيات المحترمه وكل واحده لها مميزاتها وعيوبها

بس بالنسبه للسوق المصرى فالوضع مختلف شويه

فالاكسنت عربيه محترمه وجميله و منتشره بغباء فى مصر مع سهوله صيانتها واى حد يشتغل فيها وقطع غيارها المنتشره ف كل مكان بس يعيبها الصاج الخفيف جداً والحجم الصغير

ودا مخليها الاختيار الاول ليك لسهوله صيانتها واسعار قطع غيارها الرخيصه نسبياً وانا ارشح لك الاكسنت 1500 الكامله

بالنسبه للفيات سيينا فهى عربيه محترمه جداً وكركوبه جميله انا شخصياً بحترمها وخاصه ماتور الـ 1600 اتنين كامه الجبار ولكن ف نفس الوقت تكاليف صيانتها غاليه ومش اى حد يشتغل فيها ولو اشتريت عربيه حاله متوسطه او وحشه ، هتتعب اوى لحد ما ترجعها لحالتها الاصليه ومش بعيد تصرف تمنها تانى عليها

بالنسبه للرينو كليو فهى عربيه اقتصاديه من الدرجه الاولى ومحترمه جداً ولكن يعيبها برضه ان صيانتها محتاجه متخصيين فى الرينو وبالتالى تكاليف صيانتها غاليه جداً وقطع غيارها كذلك

فى الاخير ، حدد انت احتياجك للعربيه لايه بالظبط !! ودخلك الشهرى والتزامات وتقدر تصرف عليها قد ايه شهرياً
لو عايز عربيه تكون مصاريفها حنينه عليك يبقى الاكسنت وش ، عايز عربيه ركوبه وتكنولوجيا اعلى بس هتدفع مصاريف صيانه اعلى يبقى تختار اما السيينا او الكليو

والاهم من دا كله الحاااااااااااااله ، حاله العربيه الجيده مع الكشف عليها فى مكان موثوق واكشف على كل حاجه واوعى تقبل باى حاجه ولو هايفه بايظه او مش شغاله لانها بعد كدا هتفتح معاك ف حاجات تانيه

شكرا جداااااااااااااااااااا على الرد الوافي ده
طب كنت عايز اعرف رأيك في الاكسنت المعروضه عليا دي ؟؟ و عايز اعرف الاكسنت 1500 سي سي الكامله النضيفه تعملها كام ؟؟

[hesham fawzy h]

شكرا يا باشا على الرد
في واحده معروضه عليا 1500 سي سي موديل 2000 فبريكه جوه بس رشه بره كامل بدون معجون فيها (تكييف - باور - 2 زجاج كهرباء - سنتر) 4 كاوتش تيوبلس بطاريه جديده و كان النهائي بتاعها 42000
رأيك ايه فيها ؟؟؟؟؟

الاكسنت لو فابريكة برة وجوة و جميع الكماليات اخرها 37 الف
42 كتير جدا على الاكسنت

[medo_love]

الاكسنت لو فابريكة برة وجوة و جميع الكماليات اخرها 37 الف
42 كتير جدا على الاكسنت

حتى لو 1500 سي سي مش 1300 سي سي اصل السعر بيفرق من 1500 و 1300 و لا انت رايك ايه ؟؟؟؟؟؟

[hesham fawzy h]

حتى لو 1500 سي سي مش 1300 سي سي اصل السعر بيفرق من 1500 و 1300 و لا انت رايك ايه ؟؟؟؟؟؟

كتير جدا طبعا . 37 فعلا اخيرها

[medo_love]

كتير جدا طبعا . 37 فعلا اخيرها

طب باشا معلش هتقل عليك هو كل الاكسنت 1500 سي سي فيها عداد ار بي ام و فتح الشنطه من جوه ؟؟؟؟؟؟؟؟ أصل اللي انا شايفها دي مفيهاش عداد ار بي ام و مفيهاش فتح الشنطه من جوه فكده العربيه دي مظبوطه و لا فيها حاجه

[hesham fawzy h]

طب باشا معلش هتقل عليك هو كل الاكسنت 1500 سي سي فيها عداد ار بي ام و فتح الشنطه من جوه ؟؟؟؟؟؟؟؟ أصل اللي انا شايفها دي مفيهاش عداد ار بي ام و مفيهاش فتح الشنطه من جوه فكده العربيه دي مظبوطه و لا فيها حاجه

معلش يا باشا انا فاكرك بتتكلم على الاكسل

و السعر كدة مقبول

[medo_love]

معلش يا باشا انا فاكرك بتتكلم على الاكسل

و السعر كدة مقبول

و لا يهمك يا باشا انا برضو استغربت لأن في ناس كتير بتطلب اكتر من كده كمان
طب هو بالنسبه لموضوع الار بي ام و فتح الشنطه ده هيه كده و لا ايه ؟؟؟؟؟؟؟؟؟؟

[medo_love]

و يا ريت يا جماعه لو حد معاه الاكسنت او يعرف حاجه عن موضوع العداد ده و فتح الشنطه عشان الحكايه دي مخوفاني من العربيه دي شويه

[hesham fawzy h]

ان شاء الله حد يفيدك