محتاج نصيحتكم ( أكسنت - سيينا - رينو كليو )

[A7medelfe2y]

طبعا اكسنت عربيه بتاع سوق وبياعه وحاجتها ببلاش وعند اي حد

[medo_love]

اللانوس 1 يعني موديل 1999 و2000
بتتكلم من 40 ل 45 حسب الحالة
واللانوس 2 دايو من 2001 لحد 2008 بتتكلم من 42000 لحد 50 او اكتر وحسب حالة العربية برضة
الاكسنت موديل 99 او 2000 بتتكلم لحد 40 الف
والاكسنت من 2001 لحد 2006 بتتكلم من 40 لحد ممكن 47 او 46 وحسب حالة العربية
يعني ممكن تلاقي موديل 2001 وبيبيع علي 45 بس تكون شركة برة وجوه وعموما صعب تلاقي في الموديلات المستعملة عربية شركة برة انما لاااااااااازم تبقي شركة جوة في اى موديل تشترية

شكرا يا باشا على الرد
و ان شاء الله الاقي حاجه كويسه
طب انا كان قدامي عربيه فيها ترييحه في الشنب بس مش رشه من قدام و سنه في الشنطه هل دي كده يعتبر رشه دواخل ؟؟؟؟؟؟

[medo_love]

طبعا اكسنت عربيه بتاع سوق وبياعه وحاجتها ببلاش وعند اي حد

طب الاكسنت بياعه عن اللانوس او قطع غيارها ارخص من اللانوس ؟؟؟؟؟؟

[Ahmed Tarek 00]

أنصحك بالكيا برايد ثم الاكسنت بلاش السيينا و الرينو

[Ahmed Tarek 00]

فيات سيينا 1400

[kempel]

أخى العزيز انا لى راى قلت اعرضه عليك وانت تقرر بالنسبه لاختيارات العربيات اللى حضرتك ذكرتها انا كنت هختار الرينو كليو علشان اداؤها وسمعتها عالمياً احسن من السيينا وطبعاً احسن من الهيونداى وانا يهمنى فى العربيه اللى هركبها الاداء وساعة البيع مافيش حاجه ما بتتبعش بس هى قطع غيارها غاليه شويه ففى عربيه تانيه انا شايف انها اختيار ممتاز وهى الفورد اسكورت 98/99 بتبقى 1600 بالكماليات وماتعديش ال37000 لما تبقى حاله ممتازه عربيه لا غبار عليها وقطع غيارها متوفره ومش غاليه للدرجه وفى النهايه انزل اسأل على اسعار قطع الغيار للرينو والفورد وقرر ايهما اما الاكسنت فهى عربيه زيرو فى الامان والثبات والبودى انا مره كنت مسافر بيها كنت حاسس انى راكب ريشه فى مهب الريح شوف الفورد واسعار قطع غيارها ونصيحه ماتشتريش غير النمره 1 فى العربيات والله الموفق

[eng محمد]

أ كـ سـ نـ ت