تسعير جين تو 2007 حادثه

[J A G U A R]

توكل على الله

بس ب 25 ومتكونش محتاجه مصاريف

وعلى فكره فى ناس متخصصه فى شراء الحوادث
يعنى متقلقش لو حبيت تبيعها وهاتبقى فى الرينج ده

[Delta Force]

الراجل بعد مااتفقت معاه على 25 الف و اتفقت معاه على يوم اجيبله الفلوس روحتله لقيته باعها ب26 الف يعنى رجع فى كلامه و بقى شكله عيل عشان الف ماهو يا اما الراجل ده عيل يا اما انا الى بيطلعلى دايما عضمه فى الكرشه

[4fun14]

اعذره يا باشا.. الراجل تلاقيه صلح خادثه قوية زي دي ب 15 الف مثلا.. يعني تقدر تقول اشتراها ب 93 الف وبيبيع ب 1٠ الاف بس وكأنها فيورا
ولقي زبون ومعاه الكاش وانت فاهم القرش صياد واكيد نفسيته م العوبيه بقت زي الزفت
ولا يهمك ياباشا اهي خدت الشر وراحت

[Delta Force]

انا عاذره بس لو كان قالى انه عايز اكتر كنت ممكن اخدها منه باكتر انا الى مضايقنى اننا بدور بقالى كتير و لقيتها فرصه بس كان المفروض ادانى كلمه كان اتصل و قالى دى جابتلى اعلى و يشوفنى هقوله ايه بس ربنا يبارك للى اخدها فعلا فرصه حلوة

[4fun14]

مش رزقك..متعرفش لو كان مكتوبلك خير فيها أصلا ولا لا
ان شاء الله ربنا شايلك الاحسن

[Karim_Monir]

الحادثه لو معموله كويس قوي خدها وانت ممن
بعد كدة لو لقيت حاجة زيها هاتهالنا الورشه في في الحرفيين نكشفلك عليها
انا سافرت بعربيه مش نصين لا متجمعه زي البازل 3 ااجزاء وسقف وكنت جايب بيها 180 ومعايا ولادي كمان اكيد عارف بعمل ايه لاننا كنا عاملينها عندنا في الورشه
وعربيه احمد قدوره اسطى الورشه عندي نصين وسقف متجمعين وبيسافر بيها كل اسبوعين طريق الفيوم هو واسرته وبرضه هو اللي عاملها
الفكره انها معموله صح ولا معموله اي كلام وتفتح معاك لحامات

[Delta Force]

الله يكرمكم يا رجاله و ردودكم و خوفكم على مصلحتى فعلا بتدل ان المنتدى اخوات
و كريم منير بنفسه لما يرد على موضوعى دة يزيدنى شرف
و ان شاء الله لو شوفت عربيه ادامى اكيد هكشف عليها فى ورشة نايل موتورز بس تكون من القاهره لانى اسكندرانى او هحاول اجبره بالسفر بيها للورشة

و طلب اخير من اعضاء المنتدى لو حد شاف ادامة حاجه زى دى يبلغنى
لان الحاجات اللقطة دى صعب تتكرر كتير للاسف

[S O P H O S]

والله تستني شوية افضل
وهتلاقي حاجات احسن