نيو النترا 2007

[dr.amr]

ارجو تسعير نيو النترا 2007
انا عايز ابيعها
هي عامله 10 الاف كيلو
زي ماهي بحالتها
مانيوال
ياتري تعمل كام دلوقتي؟؟؟؟؟؟؟؟

[شاهين - بنز]

أعتقد تتباع ب 92

[dr.amr]

ارجو المشاركه يا جدعان

[الريس]

هي اكيد تحت ال95 و انت و شطارتك

[dr.amr]

هي الأن ب 98 في التوكيل
لكن بره بتسليم فوري توصل 100 وابو العز بيبيعها ب102

[الريس]

مانا علشان كده باقولك .. ممكن لو حد بيدور و مش عاوز حجز و كده توصل معاك 94 او حتى 95

[ماجد يوسف وهبه]

أعتقد لو جاد فى البيع ممكن تخلص على 90 ألف لسببين:

1- انها مانيوال وقليل اللى يدفع 90 ألف فى عربية مانيوال.
2- ان اللى يدفع 90 ألف ممكن بسهولة يتصرف فى العشرة الباقى فى مقابل موديل أحدث سنه وتبقى زيرو

ممكن أسأل عايز تبيعها ليه المفروض انها عربية تضاهى التويوتا كرولا. لو سبب شخصى يبقى اعتبر اننا ما سألتش انما لو يخص العربية يهمنى أعرف لو معدكش مانع

[Hesham A.Megid]

ممكن نعرف من حضرتك سبب البيع؟

[dr.amr]

شكرا يا أستاذ ماجد
الاسباب ليست شخصيه ولا حاجه
انا هشرح لحضرتك الاسباب
1-العدادات بتزيق تخيل ....روحت التوكيل مرتين علشان يعملوها وكل مره يربطوها ويقولي خلاص تمام وبعدين ترجع تاني.
2-صوت رنه ظهر في الموتور بعد ال5 الاف كيلو روحت التوكيل قالولي ده صوت الموتور كان عالي وظبطه .........المهم توصلت معي نفسي بعد فتره انه البليه بتاعت الدبرياش مش عارف ازاي وهي زيرو.
3-العفشه ناشفه بالمقارنه مع الكرولا او الياريس.
4-لما اخد بيها مطب صناعي من الجبال اللي موجوده في شوارعنا احس فيها بصوت طقطقه في القايم اللي ناحيتي.
5-العربيه كبيره زياده عن اللزوم وتغلبك في الركنه.
6-انها كوري واصبحت لا اثق انها ممكن تفاجئني بمشكله وانا ماشي.
7-في الزحمه اثناء المشي بالعربيه بحس ان الموتور بيتنطط ومش بيقبل علي طول.

[dr.amr]

نسيت ازود اني بحس بحرارة الموتور علي رجلي

[ماجد يوسف وهبه]

فى حاجه انا مش فاهمها:

العدادات بتزيق : هل تقصد عداد السرعة وrpm هفترض فعلا انك تقدر تسمع صوته وده يدل على مدى قوة العزل عندك فى العربية ازاى التوكيل يقدر يربطه ده علشان يوصله لازم يفك التابلوه كله حته حته ده علاوه على عجلة القيادة. هل ده حصل فعلا مرتين. معلهش انا مش بفهم أوى فى الميكانيكا.

موضوع العفشة الناشفه ده انساه لأن ده بيدى ثبات على السرعات العالية اسأل حد معاه كرولا أو ياريس عامله ايه فى السرعات العالية أنا سألت واحد معاه كرولا بيقول انك تحس انها طايرة ومش ثابته

الموتور بيطنط : ده فى الغالب تصميم الجير بوكس على السرعة الأولى لأن الموتور قوته أكبر من السيارة برضه انساه لأن كنت بلاحظها فى الألنترا بتاعتى بس فى المرشدير ومعملش اى مشكلة

مشكلة الحرارة : هل راجعت الترموستات بتاعة التكييف؟ لو على السخن حتى لو المروحة على 0 واتجاه الهواء ناحية الرجل هتحس بالحرارة العلاج انك تجيب الترموستات على البارد على طول

انا حاسس وبخمن ان المشكلة فى حاجة تانية: انك حاسس انك دفعت ثمن اعلى من الأمكانيات اللى انت عايزها وخايف على الفلوس دى لتضيع فى اى وقت
لو صح قولى وانا أكمل وجهة نظرى

[Karim_Monir]

فى حاجه انا مش فاهمها:


موضوع العفشة الناشفه ده انساه لأن ده بيدى ثبات على السرعات العالية اسأل حد معاه كرولا أو ياريس عامله ايه فى السرعات العالية أنا سألت واحد معاه كرولا بيقول انك تحس انها طايرة ومش ثابته

الموتور بيطنط : ده فى الغالب تصميم الجير بوكس على السرعة الأولى لأن الموتور قوته أكبر من السيارة برضه انساه لأن كنت بلاحظها فى الألنترا بتاعتى بس فى المرشدير ومعملش اى مشكلة

استاذ ماجد مع احترامي لكلامك اسمحلي بالتعليق
العربية ناشفة عشان المساعدين بتوعها غاز مش زيت وهوا
ومساعدين الغاز بتدي ثبات عالي جدا جدا للعربية لكن للاسف ما تنفعش في شوارع مصر نهائى
عشان نوعية الطبات بتاعتنا خارج قاموس مصطلحات المطبات المتعارف عليه عالميا:)
اما عن الكرولا ادعوك لتجربه سيارتى المقابلة القادمه عشان تحكم بنفسك مش تسمع من الناس

اما قدرة موتور الالنترا هو مناسب جدا للعربية ومش كبير ولا حاجة لانها برة بتنزل 1800 و 2000
كمان وانا مش بنكر انا موتورها محترم واداءة عالي بس مش داعي انه يتنطط زي ما بتقول اكيد فيه حاجة مش مظبوطة
وانا لما سوقت الالنترا المانيوال عجبني اداءها جدا وكانت مظبوطه
واعتقد والله اعلم اني ليا نظرة في العربيات برضه اقدر احكم بيها

[Ahmed Anwer]

استاذ ماجد مع احترامي لكلامك اسمحلي بالتعليق
العربية ناشفة عشان المساعدين بتوعها غاز مش زيت وهوا
ومساعدين الغاز بتدي ثبات عالي جدا جدا للعربية لكن للاسف ما تنفعش في شوارع مصر نهائى
عشان نوعية الطبات بتاعتنا خارج قاموس مصطلحات المطبات المتعارف عليه عالميا:)
اما عن الكرولا ادعوك لتجربه سيارتى المقابلة القادمه عشان تحكم بنفسك مش تسمع من الناس

اما قدرة موتور الالنترا هو مناسب جدا للعربية ومش كبير ولا حاجة لانها برة بتنزل 1800 و 2000
كمان وانا مش بنكر انا موتورها محترم واداءة عالي بس مش داعي انه يتنطط زي ما بتقول اكيد فيه حاجة مش مظبوطة
وانا لما سوقت الالنترا المانيوال عجبني اداءها جدا وكانت مظبوطه
واعتقد والله اعلم اني ليا نظرة في العربيات برضه اقدر احكم بيها

يا جماعة حكاية عربية خفيفة و ثابتة ،، دي تقدير شخصي تماما ،،

لسه شريكي مستلم إلنترا جايبها لمراته ،، عشان هوا عنده أوكتافيا A5 ،، و كان ناوي إنه يستعبط و يركب الإلنترا من كتر إعجابه بشياكتها و فخامتها ،،

و دلوقتي مش راضي عنها تماما ،، بيقولي حاسس إنها ريشة ،، و ده طبعا لإنه بيقارنها بالأوكتافيا A5 عكس باشمهندس كريم مثلآ اللي بيشكر في أدائها و هوا مش من مالكيها

حكاية إن حد يقرر يبيع عربية لسه شاريها مش معناها إن الموديل ده وحش ،، بس بيبقي نفسه قفلت منه زي ما بيقولوا ،، و الدليل كمية الكورولا و اللانسر و غيرهم كتير اللي معروضين للبيع كسر زيرو ،، و بما إنها كوري كمان فهيتلكلها ،، و هيبقي مش مطمن عالطول ،، مش هيقول دي حاجات بسيطة و واردة ،، و بتحصل في كل الماركات

شهادة م / كريم للإلنترا ،، و إعجابه بيها دي شهادة ممتازة للعربية من خبير ،، بس برده لو قارنها بعربيات تانية مش الياباني هيلاقيها مش قد كده زي شريكي اللي بحكيلكوا عليه ،،

بالنسبة لصاحب الموضوع ،، سعرها هيكون غالبا ، أقل عشرتلاف جنية من أغلي سعر للزيرو بتاعها ،، و إنشاءالله مش هتاخد وقت في بيعها و ممكن المعرض اللي اشتريتها منك يشتريها أساسا منك و لو تستحمل و تضغط علي نفسك سنة أو سنتين كمان يبقي أفضل عشان علي الأقل يبقي خسارتك للفلوس ركبت العربية بيها ،، و خسارة تاني سنة هتبقي أقل و الثالثة أقل و كذلك ،،

[dr.amr]

1-العدادات بتاعة السرعه وال ار بي ام هي اللي بتزيق
لا سهل الوصول له التابلوه مكون من كذا جزء سهل الفك والتركيب.
الصوت واضح

2-الكرولا تنفع في مصر علشان الجبال اللي عندنا في الطرق الياريس ثابته وده عن تجربه انا بفكر حاليا في الياريس.

3-الترموستات مظبوط علي البارد والهواء غير موجه علي الاقدام

الموضوع اني اتخدعت في منظر العربيه وافتكرت اني هركب عربيه بدون مشاكل ولكن في مشاكل

انت بعت عربيتك ليه وراكب ايه دلوقتي
زود علي كده انها كوري وانها بره فعلا بتنزل 2000 سي سي
وزي ما استاذ احمد قال ان انا فعلا شلت منها و بقيت بتلكك فعلا

[Karim_Monir]

استاذ احمد اشكرك لذوقك بس احب اوضحلك حاجة
اكيد لازم شريكك يحصل معاه كدة لانه نزل من عربية وزنها مقرب على 2 طن يركب عربية وزنها طن و100 تقريبا
لازم يحس بالفرق ده طبعا
دكتور عمرو لو عايزني انزل معاك الحرفينن لحد يظبطلك المواضيع دي ماشي بس انا مستحرم تخسر جامد كدة
لو قفلت منها بقي
ربنا يحسنلك بيعها باذن الله