السلام عليكم . ارجو المساعده

[mezo2002]

السلام عليكم
برغم من انى عضو جديد فى نايل موترز بس حابب انكم تساعدونى لانى بجد من خلال متابعتى ليكم وثقت فى المنتدى وحابب انكم تقولو ليه النصيحه
حاليا بفكر وادخل فى مشروع ان اشترى عربيه اوبل كورسا موديل 98 1000 سى سى قبل الدخول فى الكلام عن الحاله ايه تقيميكم للاوبل كورسا الموديل دا والسى سى دا وهل فعلا بيحصل فيها مشاكل كتير علما بانى مش خبره فى العربيات ومش عاوز ادخل نفسى فى حاجه تخلينى زبون للميكانيكه لان انا هجيب عربيه علشان عاوزها تنجز معايا فى شغلى لان فى الفتره الاخيره حصلى حادث فى ركبتى ومحتاج العربيه علشان الشغل فمحتاج حاجه تكون شغاله كويس معايا اسف جدا للاطاله ولكن اتمنى منكم رد يفدنى وشكراااا

[حماده المصري]

العربيه دي فيها عيوب وفيها مميزات

نبدا بالمميزات الكورسا كلها 1000 او 1200 سي سي موفره جدا جدا جدا في البنزين

ووسعها كمان معقول جدا بالنسبه لعربيه بالحجم ده

طبعا انا معرفش هيا تقفيل يا مصري يا الماني بس هي عفشه ناعمه ومريحه للاستخدام اليومي وعربيه بتستحمل
بس طبعا هي متنفعش للجري والقرص عليها موتورها مش هيستحمل طبعا
بس ممكن تحرق عليها وتجري في حدود المعقول
كثبات هي مش ثابته في الملفات اوي بس بالنسبه للفئه دي كويسه
وهي ممكن بتخدل الملفات 100 حلو بعد كده بتقلق منها بس ده برضو على حسب الحاله

في كورسات نضيفه فعلا بشوفها
في بقى واحد معاه الكورسا دي قالي لما بتبوز مش بترجع زي الاول
وفي نفس الوقت في صديق ليا معاه الكورسا دي اتبهدلت جدا جدا
ودخلها التوكيل ودفع 9 الف جنيه مساعدين على كبالن وطنابير وتيل وبارات وكلام كتيير جدا جدا والعربيه طلعت زي الزفت ولا كانها اتعمل فيها حاجات بالمبلغ المهول ده على العربيه دي
بالاضافه الى ان التوكيل اكتر من ان يقال عليه زي الزفت ومش بيفهموا في اي حاجه
بس في طبعا ميكانيكيه بيفهموا فيها
ورايي ان قطع الغيار خارج التوكيل اكيييد ارخص بمليون مره
ورايي كمان ان ممكن ترجع حالتها حلوه والله اعلم
بس فعلا في حد معاه العربيه قالي لما بتتبهدل مش بترجع زي الاول
وفعلا صديقي غير كل حاجه وطلعت وتحس انها زي ما هي
بس انا طبعا ما اثقش في شغل التوكيل ده وممكن يكون عيبهم وبوزانهم
وانا نصحته كتير نصلحها براااا بس هو ابوه موافقش ودي كانت النتيجه
مبلغ مهول بالاضافه الى ان العربيه زي ماهي

[Ahmad Allawy]

السلام عليكم..
بما اني من ملاك الكورسا.. احب اوضح لسعاتك شوية نقاط..
الكورسا ال1000 سي سي عربية كويسة جدا بس يعيبها ان فيها حساسين.. بيبوظوا كتير.. و لأسباب مش واضحة بالنسبة لينا..
ممكن يكون كفاءة القطع دي مش تمام.. او الجديد منها مضروب..
و سعرها غالي جدا..

عموما.. لو عايز كورسا هات 1200 سي سي..
كل الكلام اللي الاخ الفاضل قاله قبلي كويس جدا..
و بالنسبة للرقم بتاع الشد ف التوكيل ده مبالغ فيه جدااااااااااااااا.. عشان ف التوكيل.. في حين انك لو عملت كل الكلام ده برة..
مش هيتكلف اكتر من 2500 جنيه.. و انا واثق في الرقم ده.. عشان انا شادد عفشة عربيتي مش كلها يعني.. و اتكلفت اقل من 2000 جنيه.. مغير مساعدين و بطاحات و بيض بارات..
كل اللي كان ناقص المقصات و كان تمنهم 300 جنيه الجوز..و اتياش و دول برضه مكانش سعرهم غالي..
الكبالن بتاعتها سعرها في حدود 300 جنيه..

بغض النظر عن الكلام ده.. انا شايفها عربية كويسة جدا.. و الكلام علي ال1200 سي سي.. عشان تشتري دماغك.. و متشغلش نفسك بموضوع الحساسات اللي بتضرب دي..

و ممكن سعاتك تشوف الموضوع ده فيه مقارنة بين الموديلين ال1000 و ال1200 سي سي..

http://www.nilemotors.net/Nile/showthread.php?t=53088

و استخير.. و ربنا يوفقك لما فيه الخير ان شاء الله..

[حماده المصري]

السلام عليكم..
بما اني من ملاك الكورسا.. احب اوضح لسعاتك شوية نقاط..
الكورسا ال1000 سي سي عربية كويسة جدا بس يعيبها ان فيها حساسين.. بيبوظوا كتير.. و لأسباب مش واضحة بالنسبة لينا..
ممكن يكون كفاءة القطع دي مش تمام.. او الجديد منها مضروب..
و سعرها غالي جدا..

عموما.. لو عايز كورسا هات 1200 سي سي..
كل الكلام اللي الاخ الفاضل قاله قبلي كويس جدا..
و بالنسبة للرقم بتاع الشد ف التوكيل ده مبالغ فيه جدااااااااااااااا.. عشان ف التوكيل.. في حين انك لو عملت كل الكلام ده برة..
مش هيتكلف اكتر من 2500 جنيه.. و انا واثق في الرقم ده.. عشان انا شادد عفشة عربيتي مش كلها يعني.. و اتكلفت اقل من 2000 جنيه.. مغير مساعدين و بطاحات و بيض بارات..
كل اللي كان ناقص المقصات و كان تمنهم 300 جنيه الجوز..و اتياش و دول برضه مكانش سعرهم غالي..
الكبالن بتاعتها سعرها في حدود 300 جنيه..

بغض النظر عن الكلام ده.. انا شايفها عربية كويسة جدا.. و الكلام علي ال1200 سي سي.. عشان تشتري دماغك.. و متشغلش نفسك بموضوع الحساسات اللي بتضرب دي..

و ممكن سعاتك تشوف الموضوع ده فيه مقارنة بين الموديلين ال1000 و ال1200 سي سي..

http://www.nilemotors.net/Nile/showthread.php?t=53088

و استخير.. و ربنا يوفقك لما فيه الخير ان شاء الله..

الاسعار دي مش اسعار توكيل اكييد

بس ياريت تقولنا الحاجات دي كويسه كجوده او مش معمره وصناعتها ايه

عشان صاحبي ميلبسش نفس المبلغ تاني

[Ahmad Allawy]

ايوة طبعا يا باشا دي مش اسعار توكيل..
بس حاجات اصلي و الماني..
المساعدين ماركة بلشتاين الماني و تمنهم ال4 كان حوالي 1100 جنيه.. و بيض البارات كان توبران و في منه فيبي كمان..و ال2 الماني..
المقصات كانت الماني برضه مش فاكر نوعها بالظبط..
الكبالن الالماني كان نوعها فيبي.. بس مش عارف سعرها بالزبط.. بس هاغيرها قريبا باذن الله.. و هاعرف السعر بالظبط


ممكن تبص بصة كده علي الموضوع ده
اي نعم هو طيل شويتين.. بس فيه ملخص لأسعار تقريبا كل قطع غيار الاوبل اللي ممكن تغيرها في عربية..

http://www.nilemotors.net/Nile/showthread.php?t=25137

[حماده المصري]

تمام كده ياباشا

شكرا على التفاعل

اول لينك قريته عجبي جدا جدا و هشوف التاني اهو

وللعلم انا العربيه دي بحبها جدا عفشه حلوه ووسع مميز بالنسبه للفئه دي

بس فعلا عربيه صاحبي دي صعبانه عليا جدا جدا جدا
عشان بالمبلغ ده برا التوكيل كان صل العربيه ميا ميا ورشها وجنطها كمان

[Ahmad Allawy]

تمام كده ياباشا

شكرا على التفاعل

اول لينك قريته عجبي جدا جدا و هشوف التاني اهو

وللعلم انا العربيه دي بحبها جدا عفشه حلوه ووسع مميز بالنسبه للفئه دي

بس فعلا عربيه صاحبي دي صعبانه عليا جدا جدا جدا
عشان بالمبلغ ده برا التوكيل كان صل العربيه ميا ميا ورشها وجنطها كمان

متزعلش و متخليهوش يزعل.. كل شيء نصيب..
هو نصيبه يصرف عليها كده..
كده افضل من انه يكون عملها برة. و لا قدر الله عمل بيها حادثة و دفع فيها اكتر من كده تصليح..

فداه.. و الفلوس بتروح و تيجي..

[mezo2002]

مشكور جدا والله ودى كانت حاجه متوقعه من ناس محترمه وخبره زيكم

هو للاسف المشكله معايا الميزانيه الى حاططها للشراء العربيه لان انا مش احتجت العربيه غير للظروف حادث لركبتى وطبعا الدكاتره المصرين العباقره قامو بالواجب معاياا فى الفلوس
فبصراحه المبلغ الى انا حاطه للعربيه مش كبير وال 1200 تمنها اكتر من الى معايا انا حاطط حد 30 الف مش تعديه العربيه فمش عارف كدا هيبقى ايه الحل الامثل
انا قولت يا اسكودا فيليشا يا اوبل كورسا يا كيا برايد

[Ahmad Allawy]

مشكور جدا والله ودى كانت حاجه متوقعه من ناس محترمه وخبره زيكم

هو للاسف المشكله معايا الميزانيه الى حاططها للشراء العربيه لان انا مش احتجت العربيه غير للظروف حادث لركبتى وطبعا الدكاتره المصرين العباقره قامو بالواجب معاياا فى الفلوس
فبصراحه المبلغ الى انا حاطه للعربيه مش كبير وال 1200 تمنها اكتر من الى معايا انا حاطط حد 30 الف مش تعديه العربيه فمش عارف كدا هيبقى ايه الحل الامثل
انا قولت يا اسكودا فيليشا يا اوبل كورسا يا كيا برايد

ممكن تشوف بقي برايد فعلا. او سوزوكي التو موديل جديد شوية.. و هتبقي مكيفة.. و زي الفل..
الكورسا ال1200 فعلا سعرها مش هيقل باي حال عن 35 الف..