سيارات تقطيع

[m_gewelly]

انا معلوماتى البسيطة عن الموضوع ده ان العربية الى انت عايزها بتتقطع بمكنة معينة برة نصفين وبتيجى هنا الحرفين لناس متخصصة بردة فى الموضوع ده تجمعها تانى وتاخد رقم شاسية عربية قديمة من المرور تترخص بيها بس الموضوع ده لية ناسه مش اى حد يعمله لانة ممكن يسببلة مشاكل على ما اعتقد
ولو حد عندة معلومة اكيدة ياريت يفدنا بية

كلامك صح مليون فى الميه وعن تجربه ممكن يؤدى للحبس

[egypto]

اسف ع التاخير كل سنة ونتو طيبين
اوضح تقطيع يعنى اية يعنى العربية بتجيلك نمر جمرك وملهاش افراج جمركى ونتا تاخدها طبعا بسعر احسن بكتير من السوق عربية مستعملة شغالة بحالة ممتازة ونتا زى ما قلنا تشتريها تعمل فيها الى انتا عيزة تبعها خردة تضرب لها ملف ف المرور ودة منتشر اوى طبعا ياريت اكون وصلت الفكرة ودة تلفونى لو حد عايز يعرف تفاصيل 00218914086191 محمد

[TIMODAX]

تضرب لها ملف ف المرور

رمضان كريم

[kero25]

طيب لو حد عنده فكرة عن ضرب ملف فى المرور دة ازاى ياريت يفدنا

[mshamy]

طيب لو حد عنده فكرة عن ضرب ملف فى المرور دة ازاى ياريت يفدنا

أعتقد إن الطريقة الوحيدة لضرب الملف بطريقة لا تثير الشبهات و لا يعقبها مسألات قانونية هو الأتي:
1- تذهب لأي مكتبه و تشتري ملف
2- تأخذ الملف و تطلع بيه على المرور
3- تنزل ضرب في الملف لحد ما يبانله -أو مايبنلوش- أصحاب


وبالتالي لو حد شافك وأنت بتضرب الملف مش حيقدر يعملك حاجة....


يا جماعة أنا بصراحة مش عارف أقولكم إيه..... دا إحنا في شهر رمضان
بس أذكركم بقوله تعالى: (( وَتَعَاوَنُوا عَلَى الْبِرِّ وَالتَّقْوَى وَلاتَعَاوَنُوا عَلَى الأِثْمِ وَالْعُدْوَانِ )) [المائدة: من الآية2].

[MoToRiZeR]

أعتقد إن الطريقة الوحيدة لضرب الملف بطريقة لا تثير الشبهات و لا يعقبها مسألات قانونية هو الأتي:
1- تذهب لأي مكتبه و تشتري ملف
2- تأخذ الملف و تطلع بيه على المرور
3- تنزل ضرب في الملف لحد ما يبانله -أو مايبنلوش- أصحاب


وبالتالي لو حد شافك وأنت بتضرب الملف مش حيقدر يعملك حاجة....


يا جماعة أنا بصراحة مش عارف أقولكم إيه..... دا إحنا في شهر رمضان
بس أذكركم بقوله تعالى: (( وَتَعَاوَنُوا عَلَى الْبِرِّ وَالتَّقْوَى وَلاتَعَاوَنُوا عَلَى الأِثْمِ وَالْعُدْوَانِ )) [المائدة: من الآية2].

ربنا يباركلك بجد .

[evoo90]

شغل الملفات خلاص راح وقته دلوقتى وحدات المرور كلها شغاله بالكمبيوتر وبتخزن عليه كل حاجه و90% من الشغل فى المرور بقى على الكمبيوتر

[wwael12345]

يبقى الحل اية=-
من وجهة نظرى ان دا ينفع لو حد معاة عربية و مخلصة خالص --موتور و عفشة
او ممكن خارج حوادث و نغير النمر فقط و رقم الشاسية

[kero25]

أعتقد إن الطريقة الوحيدة لضرب الملف بطريقة لا تثير الشبهات و لا يعقبها مسألات قانونية هو الأتي:
1- تذهب لأي مكتبه و تشتري ملف
2- تأخذ الملف و تطلع بيه على المرور
3- تنزل ضرب في الملف لحد ما يبانله -أو مايبنلوش- أصحاب


وبالتالي لو حد شافك وأنت بتضرب الملف مش حيقدر يعملك حاجة....


يا جماعة أنا بصراحة مش عارف أقولكم إيه..... دا إحنا في شهر رمضان
بس أذكركم بقوله تعالى: (( وَتَعَاوَنُوا عَلَى الْبِرِّ وَالتَّقْوَى وَلاتَعَاوَنُوا عَلَى الأِثْمِ وَالْعُدْوَانِ )) [المائدة: من الآية2].

حضرتك انا مش فاهم اصلا يعنى ايى ضرب ملف ديى فبقول معناه اية و لو حد عندوة فكرة بتكون ازاى يعنى انا سوال استفسارى عن معنى كلمة ضرب ملف مش على ازاى اضرب ملف ورمضان كريم

[khaledfox]

ممكن نستورد ارباع او انصاص او مواتير ؟؟؟؟؟؟؟؟؟؟؟

[islambana]

انا كان معروض عليا عربيه مرسيدس e230 موديل 2009 متهربه من ليبيا فابريكا ب75000 جنيه بس وتاخدها تضربلها ملف بمعرفتك بس طبعاربنا يغنينا بالحلال

[zezo13178]

انا معلوماتى البسيطة عن الموضوع ده ان العربية الى انت عايزها بتتقطع بمكنة معينة برة نصفين وبتيجى هنا الحرفين لناس متخصصة بردة فى الموضوع ده تجمعها تانى وتاخد رقم شاسية عربية قديمة من المرور تترخص بيها بس الموضوع ده لية ناسه مش اى حد يعمله لانة ممكن يسببلة مشاكل على ما اعتقد
ولو حد عندة معلومة اكيدة ياريت يفدنا بية

موضوع لصق الرقم ع العربيه الجديده بيتم في عربيات الحوادث فقط وطبعا هو مش قانوني واللي بيعمله بيروح في داهيه والعربيات الليبي دي كانت انتشرت فتره في الاكسنت زمان
العربيات المتقطعه اللي بتتباع في الحرفيين دي حاجه تانيه

[alkhmary]

جزاكم الله خيرا على الافاده وارجو من اخواتى تحرو الحلال فى كل شىء علشان ربنا يبارك ويحسن ختامنا

[TOOLA]

ادخلوا الرابط ده للتوضيح:

http://www.nilemotors.net/Nile/145537-a.html#post3872604555

[mr_sameh]

الموضوع خطير وليه ناس معينه وملهاش لازمه المخاطره