كورولا 2001

[sheco]

طلب تسعير سيارة كورولا 2001
مانيوال - تكييف و باور
150 ألف كيلو
فابريقة بالداخل مع رش بعض الأجزاء من الخارج
والحالة العامة جيدة
لا يوجد كاسيت ولا جنوط ولا وحدات رفع ولا أي كماليات

لا أخفيكم سرا فقد سألت كثير من المحيطين بي وبمن أثق في رأيهم هنا في المنتدى ولكن تباينت الأسعار جداااا
وأصبحت أنا في حيرة شديدة

لذا فكرت أن أعرض الأمر عليكم وأرجو الإفادة

ملحوظة : فضلت ألا أذكر الأسعار التي قيلت لي أو الثمن المطلوب في السيارة .

[nosha1]

خبرتي ليست كافية
أتمنى أن يفيدك الأعضاء الكرام الخبراء في هذا الأمر
وفقك الله في الشراء

[M.FOUAD]

تعمل 63 الف لو كانت فابريقة بالكامل كنت فلت 65 و متزودش عن كدة

[Ahmad Allawy]

بصراحة يا باشا انا مش عارف بالظبط.. بس خلينا نفكر بصوت عالي.. و نقارنها بحاجة زيها سعرها معروف..
وهي اللانسر موديل 2001-2002 اللي هي بيسموها المكوة..

كان في واحدة مع اخ عزيز معانا هنا ف المنتدي موديل 2002 1300 اوتو ماشية 130 الف كم فبريكة تماما و كاملة فول اوبشنز..
و باعها ب 62 الف جنيه..
هنقول ان عربية سعاتك في نفس الحالة الجيدة.. و ينقصها كماليات.. و الفتيس المانيوال بدل الاوتوماتيك..
بيتهيألي ان سعرها هيبقي في اواخر الخمسينات.. و انت نصيبك مع اللي بيتفرج عشان يشتري..
يعني ممكن نقول انك تقول 60 قابل للتفاوض البسيط.. وشوف رأي الناس ايه..
يعني بيتهيألي ممكن تخلص علي 57-58 (ده رأي شخصي.. و مبني زي ما قولت لسعاتك علي مقارنة.. و لا اقصد بيه اي خسف لتمن العربية لو ده اقل من الطبيعي بتاعها ف السوق.. و كل نيتي اني اساعد سعاتك في معرفة رينج تقريبي حتي لسعرها..)

و في الاول و الاخر ربنا يوفقك لما فيه الخير.. و يرزقك بيعه كويسة ليها.. و تبقي مرضي باذن الله..

[sheco]

يا جماعة العربية مش عربيتي لسه
دي معروضه عليا
وأتمنى لو ليا فيها خير ربنا يقسمها ليا
وفي معلومة معلش عرفتها انهارده يمكن تغير في تقديركو ليها
هي موديل 2000
الفرق مش كبير بس تغيير الشكل ممكن يغير في السعر
وأنا زي ما ذكرت ليكو مش عايز أظلم حد ولا أتظلم في الوقت ذاته
أتمنى تفيدوني
وشكرا ليكو

[yaskhl]

واحد من جيرانى اشترى زيها فابريكة بالكامل عداد 117000 بـ 55000

[Sharky]

فى حدود 58 الف جم لو موديل 2001

لو موديل 2000 يبقى فى حدود 48 - 50 الف

[M.FOUAD]

لا ما دام 2000 تبقى الرموش متزودش عن 46 الف و احسن ليك تجيب موديل 99 لان الفوانيس بتاع الرموش مش موجودة خالص و لا حتى في التوكيل لكن باقي العربية هو العيون

[M.FOUAD]

بصراحة يا باشا انا مش عارف بالظبط.. بس خلينا نفكر بصوت عالي.. و نقارنها بحاجة زيها سعرها معروف..
وهي اللانسر موديل 2001-2002 اللي هي بيسموها المكوة..

كان في واحدة مع اخ عزيز معانا هنا ف المنتدي موديل 2002 1300 اوتو ماشية 130 الف كم فبريكة تماما و كاملة فول اوبشنز..
و باعها ب 62 الف جنيه..
هنقول ان عربية سعاتك في نفس الحالة الجيدة.. و ينقصها كماليات.. و الفتيس المانيوال بدل الاوتوماتيك..
بيتهيألي ان سعرها هيبقي في اواخر الخمسينات.. و انت نصيبك مع اللي بيتفرج عشان يشتري..
يعني ممكن نقول انك تقول 60 قابل للتفاوض البسيط.. وشوف رأي الناس ايه..
يعني بيتهيألي ممكن تخلص علي 57-58 (ده رأي شخصي.. و مبني زي ما قولت لسعاتك علي مقارنة.. و لا اقصد بيه اي خسف لتمن العربية لو ده اقل من الطبيعي بتاعها ف السوق.. و كل نيتي اني اساعد سعاتك في معرفة رينج تقريبي حتي لسعرها..)

و في الاول و الاخر ربنا يوفقك لما فيه الخير.. و يرزقك بيعه كويسة ليها.. و تبقي مرضي باذن الله..

يا راجل يا طيب انت عايز تقارن تويوتا بلانسر شوف فرق سعر الزيرو ايامها كام
و بعدين مش معنى ان حد باعها بالسعر 62 الف يبقى ينطبق على كلة السعر دة عالي حوالي 6 او 7 الاف جنية لان لانسر 2003 كاملة مانيوال فابريقة بالكامل متباعة قدامي ب57الف

[Ahmad Allawy]

يا راجل يا طيب انت عايز تقارن تويوتا بلانسر شوف فرق سعر الزيرو ايامها كام
و بعدين مش معنى ان حد باعها بالسعر 62 الف يبقى ينطبق على كلة السعر دة عالي حوالي 6 او 7 الاف جنية لان لانسر 2003 كاملة مانيوال فابريقة بالكامل متباعة قدامي ب57الف

والله يا سيدي انا قولت اني مش متابع قوي لسعر السوق..
و العربية اللي باتكلم عنها عربية احمد سامي صديقنا و معانا هنا ف المنتدي..
وهو فعلا باعها ب 62 الف جنيه.. و حبيت اقارن بس عشان نساعد الراجل يوصل لسعر مبدئي حتي او رينج سعر..
وكويس انك متابع و دخلت انت و الاخوة اللي عندهم دراية اكتر بالسعر.. و نصحتوا الراجل..

الف شكر ليك و للاخوة اللي ردوا و حددوا رينج السعر..
وربنا يوفق اللي بيشتري للخير..

[M.FOUAD]

والله يا سيدي انا قولت اني مش متابع قوي لسعر السوق..
و العربية اللي باتكلم عنها عربية احمد سامي صديقنا و معانا هنا ف المنتدي..
وهو فعلا باعها ب 62 الف جنيه.. و حبيت اقارن بس عشان نساعد الراجل يوصل لسعر مبدئي حتي او رينج سعر..
وكويس انك متابع و دخلت انت و الاخوة اللي عندهم دراية اكتر بالسعر.. و نصحتوا الراجل..

الف شكر ليك و للاخوة اللي ردوا و حددوا رينج السعر..
وربنا يوفق اللي بيشتري للخير..

انت زعلت و لا اية انا بس بصححلك المعلومة و اللة
انا عارف انك تقصد العربية بتاع احمد سامي لان انا اصلا بدور على مكوة و هو اللي شجعني عليها و قاللي انا بعها ب62 الف فعلا و كان مبسوط بالسعر و بعد كدة انا دورت على اعلان العربية لقيتة ان البيع في المنصورة و دة اللي فسر ازاي اتباعت بالسعر دة لان لو حضرتك سالت هناك هتلاقي بعض الموديلات ماسكة سعلر بطريقة غريبة زي المكوة و التويوتا الهضبة مثلا 2004 ممكن توصل ل85 الف و 2003 ممكن تعمل 77 و 78 الف و الاكسنت ز البيجو 504 و الاكسيل لدرجة ان كثير من التجار بيشتروا من القاهرة و يروحوا يبيعوا في المنصورة و دمياط لان الاسعار هناك اعلى شوية
في بعض الاعضاء نصحوا صاحب الموضوع بان ثمن العربية 2001 تعمل 58 الف ياريت اللي يلاقي عربية بنفس الحالة المذكورة و ب58 الف يبعتلي و انا مش بهرج و اللة و مستعد اعتبرة كوسيط و اعطيلة حقة انا بدولر بقلي فترة و مش لاقي الاسعار دية في تويوتا من اول 2001

[Ahmad Allawy]

انت زعلت و لا اية انا بس بصححلك المعلومة و اللة
انا عارف انك تقصد العربية بتاع احمد سامي لان انا اصلا بدور على مكوة و هو اللي شجعني عليها و قاللي انا بعها ب62 الف فعلا و كان مبسوط بالسعر و بعد كدة انا دورت على اعلان العربية لقيتة ان البيع في المنصورة و دة اللي فسر ازاي اتباعت بالسعر دة لان لو حضرتك سالت هناك هتلاقي بعض الموديلات ماسكة سعلر بطريقة غريبة زي المكوة و التويوتا الهضبة مثلا 2004 ممكن توصل ل85 الف و 2003 ممكن تعمل 77 و 78 الف و الاكسنت ز البيجو 504 و الاكسيل لدرجة ان كثير من التجار بيشتروا من القاهرة و يروحوا يبيعوا في المنصورة و دمياط لان الاسعار هناك اعلى شوية
في بعض الاعضاء نصحوا صاحب الموضوع بان ثمن العربية 2001 تعمل 58 الف ياريت اللي يلاقي عربية بنفس الحالة المذكورة و ب58 الف يبعتلي و انا مش بهرج و اللة و مستعد اعتبرة كوسيط و اعطيلة حقة انا بدولر بقلي فترة و مش لاقي الاسعار دية في تويوتا من اول 2001

لا والله خالص.. مفيش زعل ولا حاجة.. انا باتكلم جد جدا..
انا باشكرك بجد انك ساعدته بالسعر اللي ف السوق دلوقتي..
وجزاك الله خيرا علي التصحيح.. وعلي المساعدة

[dr_mak]

من 46 الى 50 على حسب حالة العربية بس مش هتزيد عن خمسين

[sheco]

يعني حوالي

[sheco]

يعني حوالي فرق 10 ألاف جنيه بين موديل 2000 وموديل 2001
هو موديل 2000 سيء للدرجة دي؟
هي عموما معروضه عليا بـ 47 ألف
وزي ما قلت مفيش كماليات ولا حتى كاسيت
والحالة العامة جيدة
أنا فعلا من كلامكو ورينج السعر في الموديل اللي بعدها على طول
بدأت أحس اني لو جبتها هبقى خسرت
مش كده؟؟