كورولا 2001

[dr_mak]

كرولا 2000 الي هي العيون عربية ضعيفة شوية يعني مهتحسش فيها بقوة التويوتا ......وفرق السما عن الارض بين 2001 و2000

لانسر في الموديلات 99 و2000 احسن من الكرولا

[WaleeD-ZidaN]

مناسب يا باشا 45 الفو ممكن تنزل كمان من 2 ل 3 الف على حسب البائع
اما بالنسبة لموضوع الفوانيس فاكيد موجود فى الحرفيين
بس مش عارف ليه العيون ناس كتير مبتحبهاش
ربنا يوفقك الخير

[ahmed000]

نصيحة من مجرب
حسن السوق ولا حسن البضاعه
الكورولا العيون والرموش عربيات كويسة طبعا لأنها ياباني ومن تويوتا
بس السوق مش حاببها خالص
ممكن بسبب قطع الغيار وممكن لأي سبب تاني
ماعلينا
هانفترض حضرتك اشتريت العربية دي
ولأي سبب مش هانفترض انه لا قدر الله وحش
بالعكس هانفترض انك لسبب كويس جدا احتجت فلوس العربية
يعني مثلا ربنا كرمك بمبلغ حلو وعاوز تغير العربية او اي سبب تاني
شوف الوقت اللي هتاخده في بيع العربية دي أد ايه(ده لو فرضنا انك مش هاتخسر فيها كتير ودي اعتقد انها صعبة)
وشوف الوقت اللي هتاخده في بيع عربية تانية السوق راغبها وتكون في نفس الفئة السعرية بتاعتها زي لانسر كريستالة او دايو لانوس او حتى شاهين (وخد في اعتبارك انك خسارتك لاقدر الله في الحالة دي هاتكون اقل بكتير)
ممكن الكورولا الرموش برقبة اي عربية من دول
بس لتاني مرة بافكرك :حسن السوق ولا حسن البضاعه
بالتوفيق ان شاء الله

[Dr_Smart]

هي الكورولا 2001 هي عيون ( او رموش ) ولا الشكل اللي بعده زي ال 2003 كده ؟

[M.FOUAD]

هي الكورولا 2001 هي عيون ( او رموش ) ولا الشكل اللي بعده زي ال 2003 كده ؟

كورولا 2001 هي الهضبة زي ال2003
هو كان صاحب الاعلان متلخبط بس في الموديل و طلعت موديل 2000 اللي هي الرموش