اختى بتبيع عربيتها نوبيرا 2004

[Haitham10]

خلاصه القول في الخناقات الغريبه دي

الي جاد في موضوع الشراء يشوفها الاول وبعدين يبقي يقول رأيه
وتشتري من حد تعرفه احسن من حد متعرفوش

وربنا يسهلك بيعها يا دكتور بإذن الله

[Ahmed Samy]

شكرا يا شباب

التواصل على الخاص

الموضوع مش مستاهل كل ده ....انا عارض عربية للبيع

عربيتنا و احنا عارفيناه و شايفينها تسوى كده

حضرتك شايف صفقة أفضل يبقى الله يباركلك

بس لاحظ انك لا شفت عربيتنا و لا شفت العربية التانية

[samcar]

يا ريت لو اي حد حابب يشتري اي عربية من على المتدى يبطل اسلوب البخث دة لان دة بيخلي الواحد ميحطش سعر والعربية لو حالتها كدة ومعايا الكاشات اشتريها ربنا يباركلك فيها يا فندم ويبعد عنك الباخثين
على فكرة انا لاعرفة ولا اعرفك بس مبحبش الاسلوب دة
دة في حديث فيما معناه عشان مغلطش ان ربنا مبحيحبش ان تبخثوا الناس اشيائهم حراااااااااااااااااااااام

معلش تبخسوا بالسين

[moudy88]

السلام عليكم ورحمة الله وبركاته ...انا بس عايز اوضح حاجه بصفتي مالك للنوبيرا
النوبيرا هي من اكبر عربيات الايجار في مصر واكترهم ..وعلشان كده بتلاقيها مرميه في سوق السيارات وعالنت ..
ودائما عربيات الايجار بتبتدي من 40 الف-47 الف جنيه وطبعا حالتها بتصعب على الكافر
انما النوبيرا البيتي دائما بتبتدي من 50 الف فيما فوق على حسب الموديل والحاله
ومش اي سعر تشوفه عالنت يبقى هو ده سعر العربيه العام ...روح شوفها الاول حتى ولو ثمنها 30 الف

وكل عام وانتم بخير

[samcar]

طيب ما اللي عاوز اللي ب47 يروح يشتريها
اللي هنا ب57 للي عاوز يشتري مش للي عاوز يفاصل
ومش عارف ليه حاسس اننا عندنا نيه للكلام والفصال ومعندناش نيه للشرا
هي لو غاليه تتربي في عزه حتفضل معاه لحد ما ينزل في تمنها
ولو سعرها معقول اكيد حييجي اللي يدفع فلوسها وياخدها
ويا ريت لو الاداره تحط قاعده في البيت والشرا ان اللي داخلين يتفرجوا ويمشوا تتمسح مشاركاتهم

سيدى الفاضل - بلاش اسلوب الاداره تعمل والاداره تسوى- ده منتدى مفتوح والمثل بيقول اللى ما يشترى يتفرج
لو عايز جديه ما تحطش سعر والجاد هو اللى حيتصل بيك - ولو تم خير ياريت تبقى تفيد الاعضاء بالسعر

[Ahmed Samy]

سيدى الفاضل - بلاش اسلوب الاداره تعمل والاداره تسوى- ده منتدى مفتوح والمثل بيقول اللى ما يشترى يتفرج
لو عايز جديه ما تحطش سعر والجاد هو اللى حيتصل بيك - ولو تم خير ياريت تبقى تفيد الاعضاء بالسعر

السعر محطوط للجدية

[nabaster]

السعر محطوط للجدية

يا دكتور السعر حلو علي فكره لا يعتبر عالي اوي ولا قليل اوي

انا كنت اخدت فتره بدور علي نوبيرا مع جاري وشفت كتير اوي اوي من اول الي بـ37 لحد 65

فرق موديل وفرق حاله وكماليات

في الاخر الحمد لله ربنا اداله نصيبه

نوبيرا كامله اتوماتيك 2001 فابريكه بره جوه وعامله 43000 سودا

خلصت علي 52

يا دكتور قول السعر الي يريحك والي شايفه في توب عربيتك

انتا جاد في البيع وانتا قلت كده الي جاد في الشرا بقي يروح يتفرج وبلاش من الكلام الكتير الي لا يودي ولا يجيب من غير ما تشوف حاجه علي الطبيعه

زي الي بيشتري و بيبيع وبيفاصل علي سمك في ميه

A.Yakout

[ابوهاشم]

ربنا يحسنلك سوقها

[amr_lamor]

السلامو عليكم..
اولا احب اقول للاستاذ اللي بيقول لا تبخسو ان الراجل اللي قال ان سعرها غالي ده مبيبخسش ولا حاجه لأن سعرها غالي جدا وانا بنصحه كأخ انه ما يشتريش نوبيرا اتوماتيك لأن كلها عيوب......تاني حاجه احب اقولها انه مكانش يصح يبتدي الكلام بالطريقه دي لانه عمل مشكله من لا شئ وان هو اللي مش هيشتري وان الأستاذ اللي قال ان السعر غالي هو اللي عايز يشتري وهو ما غصبوش على حاجه عشان يقول بخس ومش بخس..لما يبقى يعرف معنى كلمه بخس البيع يبقى يتكلم.....وعلى فكره العربيه غاليه جدا....ويا استاذي الفاضل لو انت فعلا عايز تشتري عربيه نوبيرا راسلني وانشالله اجيبلك واحده ارخص منها ب 10000 وشكرا

[محمد أنور]

معلش انا مش عاوز اتدخل في الحوار .. بس انا فعلا ملاحظ ان الناس عالنت بتزود في سعر العربية بال10 الاف جنيه .. مع ان سعر العربية في السوق مش كدة خالص .. و كل ده كلام .. لأن ساعة البيع والشراء بتخلص بأقل من كدة بكتير

[MohamedGafar]

فعلا ، من الواحد بيشوفه فى المنتديات فالأفضل لما أفكر أبيع أي حاجة أعمللها إعلان على الوسيط!!!!

شيئ مؤسف فعلاً.......

تحياتي ورمضان كريم!

[mohamed_siko]

السلام عليم و رحمة الله و بركاته

معلش انا ليا وجهة نظر بسيطة جدا يا ريت تسمعوها فى مثل عند التجار بيقول فى الاسعار و الحاجات دى ( ابنك و انت سميه ) يعنى كل واحد بيبيع حاجة بتبقى زى ابنوا و هو يقول السعر الى هو شايفه و عايزه و مستريح ليه و مقتنع ان ده توب عربيته و من حق كل واحد ان يقول سعر عربيته براحته و مش من حق اى حد انوا يقولوا السعر حلو ولا وحش لان ده موضع بيع و شراء مش موضوع نقاش فى السعر مناسب ولا لا.
انا كان معايا نوبيرا 2003 كاملة اتوماتيك بس كنت شريها متبهدلة و كانت بتتاجر و كان الفتيس فيه مشاكل و قعدت معايا شهر و نص و ربنا كرمنى و طلعتها ب 52 الف مع انها كانت رشة دواخل و فى عضه فى القايم
البيع و الشراء نصيب من عند ربنا و رزق من عند ربنا و مع العلم الى اخدها منى ظبطها و طلعها ب 55 الف و بردوا نصيبوا و رزقوا

اسف على الاطالة

[MoToRiZeR]

يا جماعة مسألة العرض و الطلب بسيطة جداَ
انا عندي كذا .. بكذا ! عايزه ؟ عنيا .. مش عايزه و شايفه غالي .. يبقي مفيش نصيب

بس خلاص !

[mhDeeb]

نوبيرا اتوماتيك

السلامو عليكم..
اولا احب اقول للاستاذ اللي بيقول لا تبخسو ان الراجل اللي قال ان سعرها غالي ده مبيبخسش ولا حاجه لأن سعرها غالي جدا وانا بنصحه كأخ انه ما يشتريش نوبيرا اتوماتيك لأن كلها عيوب......تاني حاجه احب اقولها انه مكانش يصح يبتدي الكلام بالطريقه دي لانه عمل مشكله من لا شئ وان هو اللي مش هيشتري وان الأستاذ اللي قال ان السعر غالي هو اللي عايز يشتري وهو ما غصبوش على حاجه عشان يقول بخس ومش بخس..لما يبقى يعرف معنى كلمه بخس البيع يبقى يتكلم.....وعلى فكره العربيه غاليه جدا....ويا استاذي الفاضل لو انت فعلا عايز تشتري عربيه نوبيرا راسلني وانشالله اجيبلك واحده ارخص منها ب 10000 وشكرا

[[OVERLINE]OVERLINE][OVERLINE]اشكرك جزيلا يا استاذ عمرو لامور - على رايك وكلامك لانى فعلا كان الموضوع ده مضايقنى جدا وانت كدة ريحتنى والحمد لله.[/OVERLINE][OVERLINE][/OVERLINE][OVERLINE][/OVERLINE][/OVERLINE][OVERLINE][OVERLINE][/OVERLINE][/OVERLINE][OVERLINE][OVERLINE]
وشكرا ليك على النصيحة الغالية دى ولكن للاسف السوق مليان نوبيرا اتوماتيك للبيع لسه من ساعة واحدة في واحد مكلمنى على نوبيرا اتوماتيك 2006 عاملة 91000 كم وتخيل عايز فيها كام والله العظيم قالى 46000 جنية كاش ومعندوش مانع ياخد عربيتى اكسيل وياخد الفرق طبعا لانه تاجر .وبصراحة اتخضيت من الموديل والمبلغ مع بعض وقلتلوا احسن تكون كانت في مكتب ايجار سيارات وبيبيعها وطالع عينها قالى حشوفها تانى وافحصها كويس وارد عليك وطبعا انا قولتلو على مشكلة الاتوماتيك ورد عليا بسهولة ويسر قالى لو حصلها حاجة نحولها مانيول وعايز اعرف رايك اية في الكلام والسعر ده يا استاذ عمرو مع ان الكلام ده يؤكد كلامك بارك الله فيك. [/OVERLINE][/OVERLINE][OVERLINE][/OVERLINE][/OVERLINE]

[الغزالى]

يا دكتور السعر حلو علي فكره لا يعتبر عالي اوي ولا قليل اوي

انا كنت اخدت فتره بدور علي نوبيرا مع جاري وشفت كتير اوي اوي من اول الي بـ37 لحد 65

فرق موديل وفرق حاله وكماليات

في الاخر الحمد لله ربنا اداله نصيبه

نوبيرا كامله اتوماتيك 2001 فابريكه بره جوه وعامله 43000 سودا

خلصت علي 52

يا دكتور قول السعر الي يريحك والي شايفه في توب عربيتك

انتا جاد في البيع وانتا قلت كده الي جاد في الشرا بقي يروح يتفرج وبلاش من الكلام الكتير الي لا يودي ولا يجيب من غير ما تشوف حاجه علي الطبيعه

زي الي بيشتري و بيبيع وبيفاصل علي سمك في ميه

a.yakout

على فكرة انا خالى لسه مخلص من شهر كدة فى نوبيرا 2000 اتوماتيك كاملة فبريقا من برة ومن جوا بس وكانت يا ب47او45 مش فاكر اوى واحد صاحبى خالة بردو جايب نوبيرا بس مانوال ب45بس معرفش الموديل كام الصراحة