اختى بتبيع عربيتها نوبيرا 2004

[yahiahelaly]

السلامو عليكم..
اولا احب اقول للاستاذ اللي بيقول لا تبخسو ان الراجل اللي قال ان سعرها غالي ده مبيبخسش ولا حاجه لأن سعرها غالي جدا وانا بنصحه كأخ انه ما يشتريش نوبيرا اتوماتيك لأن كلها عيوب......تاني حاجه احب اقولها انه مكانش يصح يبتدي الكلام بالطريقه دي لانه عمل مشكله من لا شئ وان هو اللي مش هيشتري وان الأستاذ اللي قال ان السعر غالي هو اللي عايز يشتري وهو ما غصبوش على حاجه عشان يقول بخس ومش بخس..لما يبقى يعرف معنى كلمه بخس البيع يبقى يتكلم.....وعلى فكره العربيه غاليه جدا....ويا استاذي الفاضل لو انت فعلا عايز تشتري عربيه نوبيرا راسلني وانشالله اجيبلك واحده ارخص منها ب 10000 وشكرا

بص يا فندم انتة زدت الطين بلة هتكلم مع حضرتك في نقاط عشان الاطالة
1-الراجل الي حاطط السعر دة من حق يطلب فيها 100000 لان الي بيشتري مش اهبل وبيسئل ويفصص ويمحص مليييييييييون مرة
2- التدخلات الي بتحصل من الافراد ممكن تشتت ناس كتير وتلغبطهم وتضيع على الاتنين صفقة رابحه زي مبيقولوا
3-مهما كان رئينا مينفعش يكون صائب لاننا مش مختصين اوي احنا بنقول رئينا في حدود السعر المعروض
4-انا لما كنت بدور على اكسنت شوفت من اول 30ال لغاية 50 بدون مبالغه وفي من الرخيص كان عدادة قيليل ومش قالب بس بيبقى طالع عينها حادثة مثلا (ومش اي حد بيعرفها)
5 -جيت انتة زودت الطين بلة وقولت رئيك في النوبيرا وانها عربية سيئة ومع احترامي ليك محدش طلب رئي حد هنا لانة مش قسم مقارنات او مختص بالدايو او النوبيرا مثلا
6-عرضت عرض ومن الواضح جدا فيها انك تاجر او سمسار والا بتعرضة لية وعلى الخاص كمان مش اعمل موضوع وتفدني فية مطلوب نوبيرا مثلا

وللمرة الف انا لاعرفوة ولا اعرفك ولا هاخد نسبة منه لما يبيعها
وفي النهايه انا مرديتش عليك في حجات انتة غلطت فيا فيها ومش هرد عشان الشهر الكريم(عشان يقول بخس ومش بخس..لما يبقى يعرف معنى كلمه بخس البيع يبقى يتكلم..)
في اسلوب ارقى من كدة في الحوار احنا مش في سوق الجمعه

[amr_lamor]

استاذ يحيى العزيز ......مبدأيا انا مش سمسار ولا تاجر حتى لو انا كده دي حاجه مش عيب لأني بمنتهى البساطه مبتاجرش في المخدرات....ثانيا..بما ان انا محدش طلب رأيي انت كمان محدش طلب رأيك ..انت تدخلت بين واحد بيشتري وواحد بيبيع بدون اي داعي..والحمدلله انا بعرف اتكلم ازاي وأقول ايه وحضرتك فعلا ياريت تقرا في التفسير معنى كلمه بخس بيع...وبالنسبه للاسلوب الراقي والكلام الجميل ده انا اصلا ما بشاركش في المنتديات لعلمك و مش متعود ارد بس استفزني جدا تعليقك الغريب على الأستاذ المحترم mhdeeb فكان لازم ارد الصراحه.....وانا اعتذر بشده لصاحب الموضوع ده اللي عارض عربيته للبيع وبقوله انا اسف انا مبفهمش في العربيات ولا حاجه انا على قدي بس ده الكلام اللي انا سمعته واتحكالي عنه...ووجهه نظري الشخصيه للاستاذ mhdeep بلاش تشتري من تجار احسن لانهم بيبقو لاعبين في العربيات جامد وبيبقى صعب يتكشفو ولو نويت فعلا تشتري عربيه افحصها في التوكيل وبلاش تفحصها في بنزينه وموضوع تحولها منويل ده موضوع منتهي مينفعش بتاتا لانه هيبوظ العربيه طبعا ...حضرتك اكتبلي المايل بتاعك وانا هكللمك عليه لو حضرتك تحب ...اه و على فكره انا مش تاجر ولا سمسار وبقالي فتره بدور على عربيه قرطبه وعارف اللي بيدورومش لاقي بيبقى مضايق قد ايه ....كل سنه وانتم طيبين :):)

[ahmad--ezzat]

والله انا راى الموضوع يتقفل ويتفتح على نضافه بدل الخناق دة

[yahiahelaly]

والله انا راى الموضوع يتقفل ويتفتح على نضافه بدل الخناق دة

+1000000

[nabaster]

الراجاء من الاداره حذف المشاركات التي غير ذات صله

A.Yakout

[MohamedGafar]

الراجاء من الاداره حذف المشاركات التي غير ذات صله

a.yakout

فعلاً ، عندك حق.

تحياتي.

[askanas]

بوظتو للراجل موضوعو
:s

[Afraim]

عملو معايا نفس الحركة في الكورولا بتاعتي و 100 واحد قعد يفتي و يقول هي كانت بكام و هي زيرو و واحد يقول الموديل ده وحش و اهو كلو فتي وخلاص

[babaro500]

الاخ الكريم

يا ريت لو اي حد حابب يشتري اي عربية من على المتدى يبطل اسلوب البخث دة لان دة بيخلي الواحد ميحطش سعر والعربية لو حالتها كدة ومعايا الكاشات اشتريها ربنا يباركلك فيها يا فندم ويبعد عنك الباخثين
على فكرة انا لاعرفة ولا اعرفك بس مبحبش الاسلوب دة
دة في حديث فيما معناه عشان مغلطش ان ربنا مبحيحبش ان تبخثوا الناس اشيائهم حراااااااااااااااااااااام

انا معاك في هذا الموضوع بشدة لانها اصبحت عادة ولكنها ايضا راي يحترم , والكلمة اللي حضرتك قولتها هي ( بخس ) ةليست ( بخث ) وبعدين اللي تقصده بالحديث هو ليس بحديث عن المصطفى صلى الله عليه وسلم ولكنها اية في كتاب الله يوق عز من قائل ( وَإِلَى مَدْيَنَ أَخَاهُمْ شُعَيْبًا قَالَ يَا قَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ قَدْ جَاءَتْكُمْ بَيِّنَةٌ مِنْ رَبِّكُمْ فَأَوْفُوا الْكَيْلَ وَالْمِيزَانَ وَلَا تَبْخَسُوا النَّاسَ أَشْيَاءَهُمْ وَلَا تُفْسِدُوا فِي الْأَرْضِ بَعْدَ إِصْلَاحِهَا ذَلِكُمْ خَيْرٌ لَكُمْ إِنْ كُنْتُمْ مُؤْمِنِينَ ) الاعراف اية 85