ايه رائيكم فى---------!

[khaled_2011]

ايه رائيكم اشترى لانوس 2 ولا كيا سيفيا 2000 ساعدونى لانى شوفت الكيا وشكلها عجبنى اوى واكبر ولوحد عنده معلومات عن السيفيا يفيدنى افاده الله - من حيث استهلاك البنزين ايهما افضل والثبات وقطع الغيار وغيره ويسلام لو واحد يعملى مقارنه بين السيفيا والانوس اكون شاكر ليه اوى معلش طولت عليكم بس دى اول مره اشترى عربيه وعايز اجيب حاجه محترمه ومضمونه واقتصاديه معلش ساعدونى علشان اختار باقتناع وثقه ----افيدونى افادكم الله وشكرا ليكم ورودكم السريعه وسامحونى لوطولت عليكم وشكرا:):):)

[khaled_2011]

وانا سمعت انى كان فى مشكله فى توكيل كيا يتارى اتحلت ولا لسه وايه الاخبار - وقطع غياره معمره ولا - - - - -وايه الى يفرق الكورى عن المصرى ---من الاخر انا محتار ومحتاج المساعده فى اختيار عربيه مناسبه ساعدونى

[ZALABANY]

بص ياباشا اللي يفيدك في قصة السيفيا دي الدكتور هشام فتحي هو اللي معاه السيفيا وممكن يقولك كل حاجه عنها

[hazem_khidr]

السيفيا بلا شك افضل من للانوس بكتير
بس حقولك الكلمه اللي بقولها لاي واحد بيجيب عربيه مش منتشره
لو قطع غيارها متوافره في نطاق سكنك يبقي توكل علي الله
يعني قطع غير جديده زي التيل و السيور و الزجاج الخ
و قطع استعمال زي االفوانيس و اجزاء الموتور و اكصدامات و ما الي ذلك فتوكل علي الله.
لو مش كده يبقي اللانوس افضل

[Ahmad Allawy]

في مشكلة صغيرة بس واضحة جدا فيا لسيفيا الشكل ده..
ان الصاج بتاعها ضعيف جداااااااااااااااااااااااااااااااااااااااا
دي الملاحظة الوحيدة عندي ليها..
العربية موتورها جامد جدا..و كمالياتها كويسة قوي..
باحس في صالوناه جوة كده اني راكب عربية ياباني..

[Ahmad Allawy]

اللانوس..
قطع غيار انتشارها رهيب.. رخيصة جدا جدا..
قطع غيارها معمرة الي حد كويس.. علي اساس انها جي ام يعني..
توكيلاتها منتشرة و كويسة.. في حالة انك احتجت توكيل..
قطع غيار السيفيا اكيد مش بانتشار اللانوس..و توكيلها ماعرفش عنه حاجة غير انه في المعادي ميدان الجزائر.. و من فترة طويلة مسمعتش عنه اي حاجة..
المقارنة كعربية تصب في مصلحة الكيا.. لكن كظروف ركوب العربية في مصر.. في مصلحة اللانوس..

[Karim_Monir]

اداء وشكل ومضمون سيفيا وخاصة لغاية ال 99 الكوري
روعة 2000 لغاية 2003 مصري شوية مشاكل بسيطة في التقفيل واحسن من لانوس وموتورها اقوى وقطع غيارها اغلى شوية
-----
هو ايه الاسم اللي انت مختارة ده
انت مش عارف ان اصولهم يهودية

[ecybrarian]

توكل على الله وهات السفيا..أعتقد ما ينفعش تقارن السفيا باللانوس..لو نقارن الريو باللانوس ممكن. أو نقارن السفيا بالإلنترا أو النوبيرا.. عموما كل حاجات السفيا الأصلية موجودة ومراكز الصيانة كمان موجودة وشغالة والحمد لله..لكن أهم حاجة حالة العربية لازم تكشف عليها كويس جدا..وادخل على قسم الكيا هاتلاقي كل التفاصيل.

والله أعلم

شكرا الاستاذ زلباني على الإشارة إلى الفقير إلى الله

[ecybrarian]

بص كده على

http://www.nilemotors.net/Nile/showthread.php?t=18168

[mohamed ibiza]

لو هتقارن بين لانوس و سيفيا يبقي لانوس انتشاااااااااااااااااااااااااااااااااااااااااااااا ااااااااار بدون تميز للي راكبها قطع غيار علي الرصيف و رخيييييييصة جدا عفشة تعبانة صالونها ضيق انا ركبته العربية من بره تبان كبيرة من جوه ضيفه و اللي اعد ورا هيتقرف مشاكلها اتعرفت و الميكانيكية دايسين فيها جامد السيفيا احسن كتير شكل و حجم و تحس انك راكب عربية مش راكبها البشر كلها لو كوري تبقي احسن قطع الغيار لو اصلي مش رخيصة و انا في رأيي لو عايز عربية حلوة سيبك من دول و فكر في لانسر 99 كريستالة عربية مريحة و ناعمة و ميتسوبيشي و قوية و كبيرة من جوا جدا جدا و شكلها جميل و ياباني و القرار ليك طبعا........................











Ibiiiiiiiiiiiiiiiiiiiiiiiiiiiiiiiiiiiiizzzzzzzzzzz zzzzzzzaaaaaaaaaaaaaaaaaaaaa For Ever

[Ahmad Allawy]

في في فرق سعر كبير يا محمد بك..
الكريستالة بتتكلم في 55 الف علي الاقل.. لكن السيفيا ولا اللانوس في حدود 45 تكون كويسة..

[khaled_2011]

يعنى ايه يا جماعه حيرتونى طب ايه رائيكم فى الاسبكترا كيا ولا اصرف نظر عن الكيا خالص محتاج رائيكم والنصيحه دى اول عربيه اشتريها وشكرا ليكم

[Ahmad Allawy]

طالما اول عربية..
يبقي بيتهيألي تدور علي حاجة منتشرة و سهلة في اعادة البيع.. و اي حد يعرف يصلحها
يبقي في رأيي انا خليك في اللانوس..
تبدأ بيها وبعدين ابقي ظبط براحتك بعد كده.. هتكون اخدت خبرة كويسة و تعرف تتعامل احسن مع العربيات و مشاكلها و حركاتها..
ولو حبيت تعلي بالسعر شوية يبقي الكريستالة بدون منازع..

[islamnabil]

عايز رأيي
ماتشوف سوزوكي بالينو
عربية بسم الله ماشاء الله زي الفل معايا
اصل انا كنت محتار نفس حيرتك دي بس الحمد لله ربنا وفقني في البالينو
قطع الغيار موجودة بس اغلى من اللانوس طبعا و تقريبا في نفس سعر قطع غيار السيفيا
لو دورت على النت و في السوق حتلاقيها ان شاء الله

[Akram]

اللانوس ممكن تكون بـ 45 و السيفيا ممكن تكون بـ 50 و الكريستالة ممكن تكون بـ 52 ,
ده في حالة انهم كويسين و بنفس الحالة و مش محتاجين مصاريف ,
لكن انا رأي انهم ممكن يكونوا بالترتيب ده :
1- الكريستالة.
2- الكيا .
3- اللانوس .