السفرة اللي عمري ما قعدت عليها للبيع (صور)

[Ahmed A Rahman]

إن شاء الله ناوي ابيع السفرة اللي في الريسيبشن عشان الهانم الصغيرة عايز افضي لها اوضة واعمل الليفنج بره


تقريبا تم استخدامها 5 مرات
مرتين رمضان اللي فات
مرتين رمضان اللي قبله
مرة في العيد اللي فات !!

مواصفات اوضة السفرة
خشب زان بالكامل
قشرة تقريبا بيقولوا عليها قشرة بلوط
بوفيه كبير عليه رخام تقريبا هو الاخضر الهندي
زجاج محفور بالليزر
نيش اجناب زجاج وظهر مرايات بداخله ادراج
ادراج البوفيه مكسية بالقطيفة الحمراء
2 كرسي بمساند
6 كراسي بدون مساند


الحالة العامة
اكثر من ممتازة بحالتها لدرجة ان هناك نجار قالي ممكن حد يلمعها ويبيعها على انها جديدة ولكن طبعا ان استحرمت

لم يحدث مرة ان تناولنا عليها الطعام مثلا لاني مش من هواة الاكل على السفرة (بحب القعدات العربي)وطبعا ادام التليفزيون في الاوضة اللي جوا
لدرجة ان فيه كراسي انا اصلا مقعدتش عليها وكل الكراسي لسه بشدتها لانها غير مستخدمة

حتنفع اي حد عاوز يتجوز وبيدور على سفرة قيمة ومستغلي الاسعار الحالية



تاريخ الشراء
السفرة تم شرائها من الجارحي في المعادي في 2008
سعر الشراء 13000
بعد اسبوعين تقريبا زادت السفرة الى 16000

السعر المطلوب
8000
قابلة للتفاوض في حدود

مكان المعاينة :مدينة الرحاب

تليفوني
د.أحمد عبد الرحمن 0105194321

[Ahmed Samy]

نفسي أعمل زيك بدل المعبد اللي واكل نص الشقة و ما بندخلوش ده

فكرة ممتازة و فرصة للي هايشتري فعلا

[drahmd]

سعرها ممتاز على فكره

[Ahmed A Rahman]

نفسي أعمل زيك بدل المعبد اللي واكل نص الشقة و ما بندخلوش ده
فكرة ممتازة و فرصة للي هايشتري فعلا

توكل على الله يا باشا خليهم يعرفوا يلعبو
بكره يخلونا نبيع هدومنا

سعرها ممتاز على فكره

الف شكر يا فندم

[MohamedGafar]

نفسي أعمل زيك بدل المعبد اللي واكل نص الشقة و ما بندخلوش ده

فكرة ممتازة و فرصة للي هايشتري فعلا

حلوة معبد دي!!!

تحياتي.

[EZABY]

السعر حلو اوي يادكتور
وواضح انها فعلا بحالتها وماشاء الله اصلا ذوقها حلو

[evram]

زوقها حلو اوي و سعرة حلو اوي ربنا يباركلك و يتم البيع

[dramir1]

موفق في البيع وذوقها رائع ...

[al_manara]

موفق في البيع وذوقها رائع ...

موفق في البيع ان شاء الله

[engahmedsamy]

موفق في البيع

[Ahmed A Rahman]

السعر حلو اوي يادكتور
وواضح انها فعلا بحالتها وماشاء الله اصلا ذوقها حلو

زوقها حلو اوي و سعرة حلو اوي ربنا يباركلك و يتم البيع

موفق في البيع وذوقها رائع ...

موفق في البيع ان شاء الله

موفق في البيع

ربنا يكرمكوا يا رب

دا ذوق حماتي

[Donzi]

:e_braces[1]::e_braces[1]:
ربنا يكرمكوا يا رب

دا ذوق حماتي

طب الحمد لله ان كل الناس قالت ان ذوقها حلو

بس بجد هي حلوة فعلا و باين عليها خشب ممتاز كمان

ربنا يوفقك في بيعها و ماتنزلش في تمنها عن كدة لانها تستاهل

[Mostafa Hessen]

بالتوفيق

تحفة بسعر رائع

[Ahmed A Rahman]

طب الحمد لله ان كل الناس قالت ان ذوقها حلو
بس بجد هي حلوة فعلا و باين عليها خشب ممتاز كمان
ربنا يوفقك في بيعها و ماتنزلش في تمنها عن كدة لانها تستاهل

العفو يا باشا
الخشب فعلا رائع دهانات مط
متغلاش عليك يا باشا

[SAiF3S]

د / أحمد زى الناس ما قالت طبعا , السفره زوقها حلو تسلم ايد حماتك
لكن انت ما قلتش السفره هتتباع بالى فيها ولا فاضيه
ربنا يوفقك فى البيع