السفرة اللي عمري ما قعدت عليها للبيع (صور)

[Ahmed A Rahman]

والله فكره جامده ونفسى انفذها
ربنا معاك وموفق فى البيع

اجمد يا وحش ونفذها
الف شكر على الدعاء الجميل

موفق في البيع

شكرا على الدعاء الجميل

[Ahmed A Rahman]

انا باكل على السفره كل يوم
حتى لو سندوتشات

هههههههههههههههههههههه

انا مكلتش على اي سفرة من رابعة ابتدائي
مفيش اجمل من انك تزروط حواليك في الارض

ربنا يبارك ليك فيها
ممتازه و ذوقها جميل جدا

الف شكر يا باشا

ممتازة وسعرها ممتاز بس على الله يطلع حد عاقل ويستغل الفرصة دى مش العروسة تقوله لا مينفعش ولازم تبقى جديدة نوفى

يا رب إن شاء الله

[Ahmed A Rahman]

+1111111111

اصلي للاسف عمري ما هعرف اعمل الخطوه الشجاعه ببيع السفره و الصالون الي مش بستخدمهم نهـــــــــــــــــــــــــــالي في كل يوم الوجبات كلها في السفره حتي لو لوحدي :)

يعني بتاكل على السفرة ولا لأ ؟؟؟؟

لو بتستخدمها يبقى تمام لو لأ يبقى بلاش المساحة المهدرة في الشقة

الله ينور يا د أحمد على الخطوة الجريئة
انت فين فى الرحاب ؟ أنا فى 42 ويسعدنى التعرف بيك
وبالمناسبة السعر المطلوب لقطة لأى حد عايز سفرة ماتفرقش عن الجديدة

يا راجل انا شقة العيلة اللي كنت عايش فيها في 43 وبروح كل يوم جمعة
ربنا يعينك على المول اللي ادامك

[MotorX]

ذوق راقي فعلا واكيد نوعية خشب ممتازة ، و لو سمحت يا ريت اعرف ابعاد السفرة ، يعني طول و عرض الترابيزة و البوفيه والنيش.

تحياتي

[Ahmed A Rahman]

بحمد الله تم بيع السفرة لواحد من أكثر الأعضاء ذوقا واحتراما
ربنا يبارك له فيها

تابعونا في الحلقة القادمة

أوضة النوم اللي بنام عليها كل يوم للبيع

هههههههههههههههههههههههههههههههههه
انا ورا الشقة دي لحاد ما افضيها واخليها ملعب كورة

[hanycapoo]

مبروك ياباشا للى خدها انا نفسى ابيع السفرة اللى مباكلش عليها والانترية اللى مبقعدش علية عشان ميبوزش والبانيو اللى معنديش وقت استحمى فية ومقضيها دش على الواقف

[Ahmed A Rahman]

مبروك ياباشا للى خدها انا نفسى ابيع السفرة اللى مباكلش عليها والانترية اللى مبقعدش علية عشان ميبوزش والبانيو اللى معنديش وقت استحمى فية ومقضيها دش على الواقف

الف شكر يا باشا

وانا صغير كنت بتخيل ان اي حد عنده بانيو اكيد بيقعد ويملاه ميا وصابون

ويجيب البطة الصفرا تقعد تعوم جنبه

دلوقتي لو قدرت استحمى في الحوض حعملها عشان الوقت

اتكل على الله يا باشا وبيع الحمام كله