إعـــــــلان

Collapse

.

,
See more
See less

طيور كوكتيل (عصافير)

Collapse
X
Collapse
 
  • Page of 5
  • Filter
  • الوقت
  • Show
Clear All
new posts
السابق 1 2 3 4 5 template التالي
  • #1

    طيور كوكتيل (عصافير)

    السلام عليكم

    كنت عرضت قبل كدا وفى ناس كتير طلبت وقولت انزل العرض هنا ميبقاش كلوا عربيات وقطع غيار
    فى جوزين كوكتيل للبيع
    ممكن بيع جوز لوحده او الجوزين مع بعض

    الطيور نوعها كوكتيل واللون سينامون وفى واحد بس رمادى
    الطيور بتاكل لب عباد الشمس وكذلك خطله حبوب العصافير العاديه
    وبرضوا يتطلب قفص يكون مساحته حلوه

    وسعر اى جوز 160 جنيه ان شاء الله
    وبعض النظر عن العرض الى عاوز يستفسر عن اى حاجه انا تحت امركوا
    بما انى هاوى قديم





    [CENTER][B]Esam Mosaad[/B]
    [B][/B][/CENTER]

    H A R D
    الكلمات الدلالية (Tags): طيور, عصافير, كوكتيل
  • #2
    حلوين قوووووووووووي طيب مفيش عندك اللون الاصفر كمان بيبقى حلو قوي في الكوكتيل

    انا كنت بربي بادجي وعاوز اجرب الكوكتيل ... نصيحتك ايه ؟؟

    Comment

    • #3
      حلوين قوووووووووووي طيب مفيش عندك اللون الاصفر كمان بيبقى حلو قوي في الكوكتيل

      انا كنت بربي بادجي وعاوز اجرب الكوكتيل ... نصيحتك ايه ؟؟

      توكل على الله اكيد الكوكتيل من اجمل الطيور الى ممكن تربيها عكس الاسترالى والفيشر
      الكوكتيل تحس ان فى تواصل بينك وبينوا
      بياخد عليك بعد فتره لما يتاكد انك الراعى بتاعه استحاله استحاله يعضك
      لما بيكون جعان او عطشان حركاته وتصفيره بتعرفك وهكذا

      بالنسبه لللون الى حضترك بتقول عليه بنقول عليه لاتينو
      والابيض خالص اسمو البينو

      للاسف انا مش عندى اللون الاصفر بس السينامون ده طالع من تحت ام لاتينى وذكر سينامون يعنى ولادهم هيرموا زى الجدو
      مش زى الاب والام
      وانا شايف ان السينامون لونه جميل وناس كتير بتطلبه
      وانا تحت امرك
      [CENTER][B]Esam Mosaad[/B]
      [B][/B][/CENTER]

      H A R D

      Comment

      • #4
        باشا عذرا على اقتحامى الموضوع
        بس بما انك خبير فى الكوكتيل فأرجو الافاده
        ---------------
        اشتريت زوج واحد رمادى و التانى اصفر على رمادى
        و القفص كبير و معاه بيت من خشب و الراجل قالى دول على وش وضع البيض
        قلت يا مسهل

        بعد يوم و نصف كده من ما جبتهم
        دخلوا البيت و قعدوا تقريبا يوم كامل ماخرجوش
        انا سامع حركتهم و سايبهم
        كملوا تانى يوم
        برضه سايبهم
        لحد مالقيت سوسه خارجه من البيت خفت عليهم و قولت اكيد من الخشب او من النشاره اللى كان حاططها الراجل
        فتحت البيت من فوق و زقتهم لحد ماخرجوا الى القفص
        طبعا نضفت القفص و اتغسل و اتغيرت النشاره بنشاره تانيه متنقيه بالفتفوته و الحمد لله مفيش سوس تانى

        بس المشكله انهم من ساعتها و راسهم و الف جزمه ما يدخلوه تانى
        شيلته من القفص شويه و رجعت حطيطته (اكن جبت واحد جديد) و لا الهوا
        ده من ايه
        و بقالهم عندى حوالى شهر و نصف و انا اللى باحط الاكل و اغير الميه
        و رغم كده اول ما ادخل ايدى فى القفص الاقى الدر يبخ فى زى ما يكون بيهوشنى
        هو اتسعر و لا ايه :)
        هايتعودا امتى على انا جايبهم مخصوص علشان الناس كلها قالت اكتر طيور صديقه .... الخ
        انا قربت ازهق منهم

        لى قريبى عنده عصفور استرالى عااادى جدا
        بيطلعه من القفص و يقف على صباعه و كمان بيقف على ايد اى حد تانى و على راسه و بيلعب معاه و لا اكنه بغبغان فى سيرك

        اعتذر مرة اخرى (و ان كنت اتمنى ان تفيدنا بخبرتك فى الاجتماعى)
        [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
        [RIGHT]------------------[/RIGHT]
        [CENTER][COLOR=blue]بسم الله الرحمن الرحيم[/COLOR][/CENTER]
        [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
        [CENTER][COLOR=blue]صدق الله العظيم[/COLOR][/CENTER]
        [CENTER][COLOR=blue]التوبة 105[/COLOR][/CENTER]
        [COLOR=#ff0000][/COLOR]

        Comment

        • #5
          حضرتك شرفتنى اكيد

          وانا تحت امرك

          بالنسبه للكوكتيل هوا فعلا من الطيور الصديقه وسهله التدريب او الترويض
          وخاصه الذكور عن الاناث

          انا مثلا عندى انثى كبيره وحاليا بتبيض من صغرها وهيا لسه حوالى اسبوعين كنت بطلعها من العش وبقعدها معايا اطول فتره على قد مقدر بحيث انها تاخد عليه
          وفعلا دون عن اخوتها ابتدت تقف على ايدى وعلى كتفى وبقت مدربه معايا انا وبس

          بس بعد فتره كان لازم ابعد عنها عشان تبتدى التزاوج مع ذكر وهكذا طبعا الموضوع اخذ وقتوا
          بس لحد دلوقتى ممكن امسكها عادى وتقف على كتفى بس اكيد مش زى الاول لان بقى عندها اهتمامات تانيه الزوج وكذلك البيض

          وكل حاجه لازم ليها وقت بمعنى فى بدايه انك تدخل ايدك القفص طبيعى جدا جدا جدا ان تلاقى الذكر بيحامى عن بيته
          وبالتالى هتلاقى حركات بانه هيعضك وممكن فعلا يعملها بيدافع عن بيته ومراته ولو فى ضغار هتلاقى صوت مع فرد الجناح وفتح الفم وكدا يعنى
          تمام ولو معملش كدا هيضرب من مراته :p

          فانت مع الوقت هيبيتدى ياخد على المكان والاطمئنان وليك وهيبتدى ياخد عليك ومش هيعضك بس مش معنى كدا انو هيقف على ايدك او هيبطل انوا يفتح بقه كل مدخل ايدك بس مش هيعضك لانو فهم انك صاحبه الى بتاكله ومهتم بيه

          فكره انك توقفوا على ايدك لازم تبقى من الصغر ويبقى فرد لوحده عشان ميتعلمش العداوه من اخواته او اى حد معاه
          زى الطفل الصغير لو حطيته مع اجانب هيتكلم اجنبى لو حطيته مع مصرين هيتكلم مصرى

          نرجع بقى لسؤال حضرتك وهوا
          ليه مدخلهوش العش تانى ده امر طبيعى
          الطيور من الانواع الحساسه عشان كدا احنا بنراعى الحساسيه ديه بمعنى
          لازم يبقى القفص مناسب وفى مكان ثابت بحيث نقدر نتمتع بشكلهم وهما كمان يتمتعوا بدون خوف
          وده محصلش مع حضرتك

          حضرتك لما شوفت السوسه كان تصرف صحيح انك شلت العش ونظفتوا كويس بس كان لازم تضحك عليهم فى وقت هما بره تشغلهم بالاكل مثلا بجانب انك تحط بودره فيلت فى ارضيه العش عشان تمنع وجود اى حشرات
          طب العمل دلوقتى ولا حاجه المره الجايه الى هتغير فيها النشاره هتحط البودره

          مش معنى كلامى ان المفروض اننا منغيرش النشاره او نشيل العش
          بس فى مراحل معينه المراحل ديه بعد نمو الزغاليل او بعد الفقص هتبتدى فضلات الزغاليل هتتجمع جوا بجانب ريحتها فلازم تدخل انسانى انك ترفع الزغاليل وتشيل النشاره وتغيرها وترجع تانى الزغاليل
          الاب والام هيتفهموا انت ليه بتعمل كدا لان هما كمان هيبقوا مش مرتاحين بسبب الفضلات والريحه بجانب ان دول عيالهم لازم وحتما يدخلوا تانى وتالت

          حضرتك لما شلت النشاره حسستهم بخوف خصوصا انهم كانوا جوه العش وبالتالى متنتظرش انهم يدخلوا دلوقتى لا لما يطمنوا ان العش ثابت وانك مش بتفحتوا كل شويه
          وبرضوا خطا تانى لما جيت شلت العش ورجعتو على انوا واحد جديد

          اولا ده غلط لانك لثانى مره حسستهم بعد الامان وبالتالى استحاله يدخلوا العش زى ليله الدخله
          استحاله هتقدر تدخل على مراتك مع احترامى ليك طبعا طول مفى حد واقف على باب الاوضه او فى شخص فى الشقه اصلا صح ولا ايه ؟

          ثانيا الطيور بكل انواعها ذكيه يعنى حضرتك شلت العش على اساس انك هتجيب واحد جديد هما عارفين ان ده هوا هوا نفس العش ومتتهونش بذكاء الطيور ابدا
          بيبقوا عارفين من ريحه العش او من حجات تانيه الله اعلم بيها
          زى محضرتك ممكن ترجع البيت تلاقى الانتريه متجدد بس هوا هوا نفس الانتريه لانك مش هتهوه عن الانتريه بتعتكوا حتى لو حد قالك انوا جديد

          حضرتك اديهم فرصه فعلا يحسوا بالاستقرار او الاطمئنان بدون ازعاج حاول تعاملهم على انهم بنى ادمين مش مجرد طيور لا بنى ادمين

          وكذلك الاكل يعنى مره لب عباد الشمس ومره خلطه حبوب ومره بيضه ومره جرجير ومره قمح
          زى برضوا كدا ليله الدخله تلاقيها قبلها الوالده عامله اكل بانواع كثيره عشان تديلك قوه وصحه وتقدر تقوم بالواجب
          نفس الشىء برضوا حفذ الذكر انوا يبتدى يشتغل ويكسر النتايه

          الموضوع ابسط من كدا صدقنى وكل حاجه هتيجى بالصبر اهم شىء وان شاء الله ربنا يكرمك فيهم

          ولو فى نقطه مش واضحه بلغنى بيها او اى استفسار تانى انا تحت امرك
          ومش تنسى تدفيهم كويس لو فى بلكونه او حتى فى لشقه
          ويفضل وجودهم فى البكلونه عشان يبقوا بقدر الامكان فى خصوصيه
          [CENTER][B]Esam Mosaad[/B]
          [B][/B][/CENTER]

          H A R D

          Comment

          • #6
            يا باشا مش عارف اقولك ايه
            بجد الف شكر و هاتقل عليك مرة تانيهه فى موضوع الاكل
            انا فى مكانى لا يوجد الا لب (سورى او صينى حسب ما يتسمى) و بلكم
            و ده اللى انا باجيبه و كل يوم احطلهم مقدار قبضة اليد من الصنفين

            حطتلهم فاكهه زى برتقال و تفاح وموز و لا عبروها
            حبوا الشبت و الكرنب الملفوف

            ايه حوار البيض ده (يعنى اسلقه و احطه ازاى)
            و ايه الاحاجات اللى ممكن يحبوها من الخضار او الفاكهه
            [RIGHT][FONT=Tahoma][SIZE=2][COLOR=darkred][I]كيميائى / محمد طه[/I][/COLOR][/SIZE][/FONT][/RIGHT]
            [RIGHT]------------------[/RIGHT]
            [CENTER][COLOR=blue]بسم الله الرحمن الرحيم[/COLOR][/CENTER]
            [CENTER][COLOR=green]وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ[/COLOR][/CENTER]
            [CENTER][COLOR=blue]صدق الله العظيم[/COLOR][/CENTER]
            [CENTER][COLOR=blue]التوبة 105[/COLOR][/CENTER]
            [COLOR=#ff0000][/COLOR]

            Comment

            • #7
              اللب اساسى كل يوم
              البنكم لوحده غلط لازم يكون معاه دنبه لو هتجيب كيلو دنبه هات معاه نص بنكم
              البنكم لوحده هيعمل على التليث بمعنى دهون وشحوم كتير وده هياثر عليهم فى التفريخ
              فى نوع تالث اسمو فلارس بس ده لما يبفقسوا ان شاء الله
              او حاول تشتريها برضوا وحط ليهم مره او مرتين فىا لاسبوع فلارس صافى
              ومتسمعش كلام تانى غير ده

              البيض هتسلق البيضه وتهرسها كويس وتقدمها وهما جعانين مش شرط انهم يكلوا كل حاجه بس ممكن تعوض حاجه بحاجه
              متكترش فى الضروات هوا الخس والجرير وسبانخ دول اامن حاجه ابعد عن الباقى

              خلى البيض مرتين فى الاسبوع او مره على حسب مزاجك وكذلك الخضروات
              ولو تجيب كمان قمح
              ده رخيص مش غالى انقعوا 3 ايام مع تغير الميه كل يوم وقدموا ليهم برضوا بس شويه صغيره كل يوم هيكلوا ومفيد جدا

              والفتره ديه طالما علىا لشغل اهتم بالبيض بالبسقماط او بيض ساده
              معاه جرجير اكيد انت عارفه فايده مع مثلا لباب عيش
              وان شاء الله كل حاجه هتبقى تمام
              [CENTER][B]Esam Mosaad[/B]
              [B][/B][/CENTER]

              H A R D

              Comment

              • #8
                لا اله الا الله سيدنا محمد رسول الله
                [CENTER][B]Esam Mosaad[/B]
                [B][/B][/CENTER]

                H A R D

                Comment

                • #9
                  طيب ممكن نعرف عمرهم قد ايه ؟ وهل ممكن تمييز الدكر عن النتايه ؟

                  Comment

                  • #10
                    طيب ممكن نعرف عمرهم قد ايه ؟ وهل ممكن تمييز الدكر عن النتايه ؟

                    دول حضرتك عندهم 5 شهور والفرد الرمادى عنده 6
                    يفضل طبعا انك تحدد العمر بعد الشهر السابع يكون الفدر قلش
                    مش عارف حضرتك تعرف يعنى ايه قلش
                    بس القلش عامتا تغيير الريش ووبيبتدى الطير يبان اكتر اذا كان ذكر وانثى

                    بس عامتا فى طرق تانيه بنقدر نعرف بيها ذكر وانثى من تحت الجناج والدماغ والديل وهكذا

                    [CENTER][B]Esam Mosaad[/B]
                    [B][/B][/CENTER]

                    H A R D

                    Comment

                    • #11
                      للرفــــــــــــــــــــــــــــــــــــــــــــــ ع
                      [CENTER][B]Esam Mosaad[/B]
                      [B][/B][/CENTER]

                      H A R D

                      Comment

                      • #12
                        العصفير لسة موجودة واله اتباعت واخر سعر ال3 كام وانتا منين
                        [rmade]http://www12.0zz0.com/2012/05/14/10/951928658.jpg[/rmade]

                        Comment

                        • #13
                          العصفير لسة موجودة واله اتباعت واخر سعر ال3 كام وانتا منين

                          حضرتك هما 4 فرود مش 3
                          ولو هحضرتك هتاخد الاربع فرود يعنى جوزين هحسب لحضرتك الجوز الفاتح على 150
                          والجوز التانى الى فى واحد فاتح وواحد غامق 140 عشان الغامق
                          حضرتك لو فعلا بتنزل السوق او عند حضرتك محلات تجاريه هتلاقى الاسعار اغلى من كدا بكتير ولو فى الوان تانيه افتح هتبقى اغلى واغلى وكمان احنا فى شتا بتبىقى الاسعار عاليه اوى
                          بس انا بابيبع عشان فلوس وكدا وحضرتك اكيد هتاخد حاجه مضمونه متربيه فى بيت

                          وبرضوا لو انت مش عاوز الفرد الرمادى هتبقى الحته الواحده ب 70
                          وانا تحت امرك

                          وانا من القاهره وممكن اقابل حضرتك فى اى مكان جوا القاهره وده رقمى
                          01006968334
                          عصام
                          [CENTER][B]Esam Mosaad[/B]
                          [B][/B][/CENTER]

                          H A R D

                          Comment

                          • #14
                            حضرتك انا خبرتي في العصفير قليل جدا جدا جدا وانا هشتريهم مش ليا انا.. انا هشتريهم لحد هدية لحد
                            انا هشتريهم الجوزين لو هينسبك 120 في الجوز انا هكلمك وهاجي اخدهم منك
                            [rmade]http://www12.0zz0.com/2012/05/14/10/951928658.jpg[/rmade]

                            Comment

                            • #15
                              حضرتك انا خبرتي في العصفير قليل جدا جدا جدا وانا هشتريهم مش ليا انا.. انا هشتريهم لحد هدية لحد
                              انا هشتريهم الجوزين لو هينسبك 120 في الجوز انا هكلمك وهاجي اخدهم منك
                              طالما هديه مينفعش اكتر من زوج وطالما مش تعرف سعرهم يبقى مينفعش حضرتك تقدرهم
                              مع احترامى لحضرتك ممكن تجيب جوز عصافير ب 70 جنيه وقفص ب 25 جنيه يعنى 95 جنيه وشكلهم حلو برضوا
                              النوع استرالى ولو عاوز عندى برضوا
                              [CENTER][B]Esam Mosaad[/B]
                              [B][/B][/CENTER]

                              H A R D

                              Comment

                              السابق 1 2 3 4 5 template التالي
                              Working...
                              X