طيور كوكتيل (عصافير)

[bmya]

هارد باشا انت وقعتلي من السماء بجد
انا عند جوززززززززززز ومطلعين عيني ممكن تساعدني
انا بحبهم اوي بس صعبانين عليه عشان مش عارف اعاملهم

[Esam Mosaad]

هارد باشا انت وقعتلي من السماء بجد
انا عند جوززززززززززز ومطلعين عيني ممكن تساعدني
انا بحبهم اوي بس صعبانين عليه عشان مش عارف اعاملهم

ولا يهمك يا باشا كلنا كنا مطلعين عنيهم فى الاول
فى البدايه بس اقرى المشاركات بتعتى فى اول صفحه تمام لان فيها كلام حلو

ولو فى حاجه مش واضحه او حاجه تانيه تحب تعرفها انا معاك

[karembob]

انا اشتريت استرالي ومات قبل كدة مرتين انتا عاوز فيهم كام الاخر وهشتري قفص منك معاهم

[Esam Mosaad]

انا اشتريت استرالي ومات قبل كدة مرتين انتا عاوز فيهم كام الاخر وهشتري قفص منك معاهم

قدر الله وما شاء فعل وبرضوا استاذن حضرتك تشوف اول المشاركات انا كاتب حجات كتير عن الطيور ولو فى حاجه مش واضحه انا تحت امرك برضوا
لو حضرتك هتاخد الاربعه هحسبهملك 270 بدل 290
لو حضرتك هتاخد الفواتح بس وانا افضل الجوزين عشان كل ذكر مع انثى يبقى 210
وهسالك على ثمن القفص بس مستنى ردك عليه وانا والله كدا مقصرتش معاك فى حاجه ولو حضرتك سالت اى محل تعرفه هتعرف فعلا ان الاسعار غاليه ومش هتبقى حاجه مضمونه

بالنسبه للاسترالى او الطيور عامتا ممكن يكون الموت بسبب الجوع او الساقعه
فسواء الاسترالى او الكوكتيل او اى طير لازم التدفيه كويس ليه مع التغذيه

والكوكيتل موجود والاسترالى كذلك موجود وان اتحت امرك ومش هختلف معاك
حتى لو عجبتك حاجه موجوده بره وعاوز تعرف حاجه مش هتاخر عنك

اخوك عصام
01006968334

[bmya]

دي صورتهم ياباشا

[bmya]

انا جايبهم في شهر رمضان اللي فات ومعرفش انا اضحك عليه في سعرهم ولا ايه بس انا مش بعرف فيهم
المهم انا ببلهم الدينيبه النضيفه الكيلو ب 10 جنيه وولاحظت انهم بيحبوا اي حاجه ناشفه ومش بيحبوا الحاجاتا الطريه عشان منقار بتاعم قوي والحاجات الطريه بتلزق فيه وبتضايقهم يعني مثلا بيحبوا التفاح والخيار ومش بيحبوا الموز وبيحبوا العيش الفينو المحمص بيقزقزوه زي اللب كده وطبعا بجبلهم لب اللي هو الطويل ده بيقولوا عليه لب بغبغنات اللي هو مخطط ابيص في اسود وده بيمسكو في ايدهويقشره وياكله بس الذكر فقط الانثى ضايعه مش بتعرف تعمل اي حاجه يعني لازم اقشره انا واكلها في بؤقها مدلعه اوي لكن الذكر صراحه طفس ماشاء الله عليه بياكل اي حاجه جربت اعملهم بيضه مسلوقه وكنت جبت خلطه من النت عبار عن نص بيضه مسلوقه مهروسه وعليها دقيق بقسماط وعليها دنيبه عشان تشجعهم على الاكل بس ما اكلوش منها مش عارف ليه ورميتها و معملتهاش تاني
نيجي بقه للمهم واللي مزعلني اوي
هما باضو كذا مره اول مره 4 بيضات وفرحت اوووووي وفضلت مستني انهم يفقسوا ودول ابدااااااا مع انهم كانوا يرقدوا عليهم عادي جدا ومعظم الوقت قعدين جوه المبيضه !! المهم فضلوا كتير جدا ومفيش فايده
وبعدين رجعوا باضوا تاني بعدها بشويه والمره دي في بيضتين فقسوااااااا وللاسف ماتوا !!!!
مش عارف ليه ماتوا هل من البرد ولا هما اللي موتوهم ولا ماتوا من البرد انا حاطهم في البلكونه وبغطيهم بليل بملايه انا زعلان اوي على اللي ماتوا وخايف ما يبيضوش تاني ياترى اعمل ايه
حاجه كمان الذكر رخم اووووي وبيغلس عليها كتير يعني مثلا لما اجي اكلها يجي يقعد ينقر فيها لحد ما تمشي هل ده عشان خايف عليها مني ولا دي غلاسه ؟
الفاجعه بقه؟........ز
انا صراحه بقالي شهر مش متابعهم خالص يعني ببص عليهم كده كل فتره المهم امبارح ببص عليهم لقيت الانثى ريشها كله واقع من عند رقبتها كده وجزء من جناحها يعني جلدها باين !!!!!!!!
بسأل اختي قالتلي هو اللي عمل فيها كده بتقولي انهم كانوا جعانين وعشان كده عمل فيها كده !!!!!!!!! هل لو هو جعان يعمل فيها كده فعلا ياكل مراته !!!!!!!
وياترى الريش ده هيطلع تاني ؟؟
وحاجه كمان هلى في فيتامينات او مضاد حيوي او اي حاجه تتحط في المايه ليهم عشان اانا حاسس انهم خاسين اليومين دول ؟

معلش يا عصام باشا انا زهقتكك بس انا ما صدقت لقت حد بيعرف فيهم :)

شريف

[bmya]

بص ياباشا لو ينفع تعمل موضوع منفصل عنهم عشان الموضوع بتاعك الاصلي ما يخرجش عن مساره

[Esam Mosaad]

مش هيخرج ولا حاجه المهم الهوايه مش مهم البيع
استنانى ثوانى بس اقرى تانى وارد عليك
بس من اولها كدا انت هتضرب

[smsm_hamada]

متابع الاجابـــــه
هاوى جديد

[Esam Mosaad]

اولا يا باشا ربنا يباركلك فيهم بس انا ذكرت كلمه هتضرب من غير زعل بسبب القفص
لان القفص مينفع نهائى انهم يفضلوا فيه ده قفص استرالى مش قفص كوكتيل
بالظبط اكن حضرتك عايش فى اوضه واحده فيها كل حاجه هتبقى صعبه

بالنسبه لحجم الكوكتيل انت كدا بتقيد حريته تماما لازم يكون فى مسافه انو يقدر يفرد جناحه ويتنقل بين الوقفات بحريه
يعنى كل حاجه فى القفص متنفعش حتى الاكلات والمسقاه وكلوا
ولو هتكلم فى نقط تانيه حضرتك عاوز تفهمها بحيث انك تاخد بالك منها او تمشى عليها
فمينفعش ان حضرتك تبدا باى حاجه بعد تغيير القفص لقفص كوكتيل باكلات كوكتيل ومسقاه كوكتيل
ده اول شىء وده شكل قفص الكوكتيل بيبداء سعره من 40 الى 50 حسب المتانه
ديه صوره للقفص حضرتك هتشوف المساحه والمسافات بين الوقافات وغيره هتلاقى فرق كبير اوى

انا جايبهم في شهر رمضان اللي فات ومعرفش انا اضحك عليه في سعرهم ولا ايه بس انا مش بعرف فيهم

مش مهم بالنسبه للنقطه ديه واكيد ربنا هيكرمك فيهم ولو فرضا انك دفعت ازيد شويه فى حاجه كويسه مش مشكله

المهم انا ببلهم الدينيبه النضيفه الكيلو ب 10 جنيه

مفيش ابدا دنبه ب 10 جنيه تمام والبنكم حتى ب 7 جنيه المستورد والمصرى ب 5
اعتقد ان حضرتك تقصد البنكم بس انهى نوع الله اعلم وواضح انك بتجيبه من محل طيور عشان كدا غالى
البنكم المستورد ب 7 جنيه وبتبقى الحبايه شبه مدوره وصفر اوى
اما المصرى برضوا شبه مدوره واصفرار بسيط وديه ب 5 جنيه
ديه اسعار سوق يعنى بره من اى بتاع علف هتلاقى زياده جنيه مثلا تمام

نفس النقطه برضوا البنكم لوحده مينفش البنكم هيزود جسم العصفور معاك ومش هيفدوا لاظم يكون فى خلطه
ايه هيا الخلطه حضرتك بتجيب دنبه وبنكم وفلارس
لو هتجيب كيلوا بنكم يبقى عليه 2 كيلوا دنبه على نص فلارس
الدنبه بتيجى من قشر الرز
فى دنبه بلدى بتعمل 3 جنيه ونص
وفى دنبه رومى بتعمل 4 او 5 جنيه
الدنبه البلدى بتبقى فيها كسر رز ووسختها كتير
والنبه اللرومى بتبقى نظيفه وصعب انك تلاقيها غير فى السوق فمش مشكله انك تشتريها

الفلارس اغلاهم بتعمل 9 جنيه واعتقد حضرتك ان الى بتحطها هيا الفلارس مش البنكم
وبرضوا نفس الشىء الفلارس لوحدها غلط اكبر من البنكم لوحده لانها هتليس العصفور وهتخليه مش قادر يتحرك ولا الذكر بيكسر

فحضرتك هتحط كيلوا بنكلم على 2 كيلوا دنبه على نص فلارس
ومش لازم تحط فلارس ممكن مرتين بس فى الاسبوع
ويفضل اكتر انك تحطها لو فى زغاليل
تمام ده بالنسبه للنقطه ديه

جنيه وولاحظت انهم بيحبوا اي حاجه ناشفه ومش بيحبوا الحاجاتا الطريه عشان منقار بتاعم قوي والحاجات الطريه بتلزق فيه وبتضايقهم يعني مثلا بيحبوا التفاح والخيار ومش بيحبوا الموز وبيحبوا العيش الفينو المحمص بيقزقزوه زي اللب كده وطبعا بجبلهم لب اللي هو الطويل ده بيقولوا عليه لب بغبغنات اللي هو مخطط ابيص في اسود وده بيمسكو في ايدهويقشره وياكله بس الذكر فقط الانثى ضايعه مش بتعرف تعمل اي حاجه يعني لازم اقشره انا واكلها في بؤقها مدلعه اوي لكن الذكر صراحه طفس ماشاء الله عليه بياكل اي حاجه جربت اعملهم بيضه مسلوقه وكنت جبت خلطه من النت عبار عن نص بيضه مسلوقه مهروسه وعليها دقيق بقسماط وعليها دنيبه عشان تشجعهم على الاكل بس ما اكلوش منها مش عارف ليه ورميتها و معملتهاش تاني
نيجي بقه للمهم واللي مزعلني اوي

جيمل الكلام ده التفاح والخيار ولباب الفينو وكمان الخس والسبانخ مفيد
بس متكترش من الخضروات تمام
اللب خالى بالك مفيش حاجه اسمها مش بتعرف تقشر بس فى لبايه ويله وفى لبايه عاديه ده الى المفروض تجبها عشان يعرفوا يقشروها

خالى بالك برضوا ان اللب وجبه اساسيه ممكن تستغنى عنها يومين فى الاسبوع لو مثلا هتحط بيض او فلارس مكانوا تمام
مش لازم على فكره الطير ياكل حاجه حاجه تحطجها عشان كدا ممكن حاجه تسد مكان حاجه تمام
وخليك ديما فى الطبيعى يعنى متسمعش كلام حد يقولك خذ محفذات او خد فيتامينات ده بعدين مش دلوقتى لما يكون فى زغاليل وكدا
ممكن تلاقيهم مش بيكلوا بيض غير لما يبقى فى زغاليل لانهم عاوزين اكبر استفاده للزغاليل وممكن تلاقيهم مبقوش يكلوا لب حسب مزاجهم

هما باضو كذا مره اول مره 4 بيضات وفرحت اوووووي وفضلت مستني انهم يفقسوا ودول ابدااااااا مع انهم كانوا يرقدوا عليهم عادي جدا ومعظم الوقت قعدين جوه المبيضه !! المهم فضلوا كتير جدا ومفيش فايده
وبعدين رجعوا باضوا تاني بعدها بشويه والمره دي في بيضتين فقسوااااااا وللاسف ماتوا !!!!
مش عارف ليه ماتوا هل من البرد ولا هما اللي موتوهم ولا ماتوا من البرد انا حاطهم في البلكونه وبغطيهم بليل بملايه انا زعلان اوي على اللي ماتوا وخايف ما يبيضوش تاني ياترى اعمل ايه
حاجه كمان الذكر رخم اووووي وبيغلس عليها كتير يعني مثلا لما اجي اكلها يجي يقعد ينقر فيها لحد ما تمشي هل ده عشان خايف عليها مني ولا دي غلاسه ؟
الفاجعه بقه؟........ز

كون انهم فقسوا قبل كدا يبقى انت كدا اطمن تمام
ليه مفقسوش فى البدايه لان البيض كان غير مخصب طب كان ليه مش مخصب لان الذكر كان لسه بيتعلم
معلش حتى البنى ادمينكدا مش من اول مره هيصيب صح ولا ايه فاهمنى انت اكيد
بس المره التانيه صابت فى بيضتين ان شاء الله المره الى بعدها تصيب فى الكل وممكن برضوا لان سن الذكر وقتها كان لسه صغير على ا لتخصيب او التكسير
الموت بقى ممكن بسبب الاكل وممكن بسب الساقعه وممكن قله خبره منهم ومكن نصيبك او ربنا رايد كدا فمش تفكر فى الى فات وانت تحمد ربنا اصلا انهم وافقوا فى القفص ده

نيجى بقى للنقطه الاهم كونك تلعب من الانثى او تاكلها ده مرفوض تمام عاوز تعمل كدا يبقى بيع الذكر لانك كدا بتروضها والترويض وقت التزاوج مرفوض
كون الذكر عاوز يضربك فطبعا مش بيطولك وبيضرب الانثى ملازم يعمل كدا
ارجع واقولك عاملهم معامله البنى ادمين معلش انت هنا لو حد بص لمراتك بتبقى عاوز تروح تديله بالجزمه صح ولا ايه هوا بقى مش بيلاقى غيرها فبيضربها انها تبعد عنك

فلازم تتجاهلها تماما وده غلاسه منك مش منوا على فكره

انا صراحه بقالي شهر مش متابعهم خالص يعني ببص عليهم كده كل فتره المهم امبارح ببص عليهم لقيت الانثى ريشها كله واقع من عند رقبتها كده وجزء من جناحها يعني جلدها باين !!!!!!!!
بسأل اختي قالتلي هو اللي عمل فيها كده بتقولي انهم كانوا جعانين وعشان كده عمل فيها كده !!!!!!!!! هل لو هو جعان يعمل فيها كده فعلا ياكل مراته !!!!!!!
وياترى الريش ده هيطلع تاني ؟؟
وحاجه كمان هلى في فيتامينات او مضاد حيوي او اي حاجه تتحط في المايه ليهم عشان اانا حاسس انهم خاسين اليومين دول ؟

معلش يا عصام باشا انا زهقتكك بس انا ما صدقت لقت حد بيعرف فيهم :)

شريف

بص يا استاذ شريف لازم طبعا متابعه مينفعش الاهمال ده مهما كان طير ومش هيقدر يقولك على الى فيه
معلش لو ربع ساعه قبل محضرتك تنزل الشغل تظبط اكلهم هتبقى كفايه اوى
وبليل تبص عليهم وتغطيهم مش هتبقى كتير
طبعا كونهم يوصلوا للمرحله ديه فده بيبقى ضعف ونقص عندهم بيخليهم يعملوا كدا
لازم تديى فتيامينات أ د ه 3 بس تكون نظيفه وتعوضهم برضوا باحماض امينيه وبرضوا تكون مستورده
وتتبع التعليمات الى فى الروشته وكلام الدكتور تمام

خالى بالك برضوا فى حاجه اسمها قلش بمعنى ان الطير بيجى فى السنه بيغير الريش فبتلاقى ريش كتير فى ارضيه القفص وضعف عام
انا معرفش الى عندك قلش ول ازى مقولتلك بس فى كلا الحالتين لازم اهتمام

اول اقفص كبير وفيتامينات اهمام كبير بالتغذيه ودفيهم كويس اوى ولازم طبعا لمبه شغاله عليهم لحد المغرب وبعد كدا تشغلها من الساعه 9 مثلا لحد الساعه 12
ولازم طبعا تطفى النور بليل وقت نوم حضرتك يعنى

اديهم بيض صافى اهرس بضايه كويس اوى وقدمها ليهم فى اكاله واكاله تانيه فيها فلارس صافى واكاله ثالثه فيها لب

وبرضوا عاوزك تقولى حالتهم هما بيكلوا عادى وبيتحركوا ولا كمشانين ؟
واهم حاجه الدفى لو تعرف تشغل ليهم لمبه عاديه 60 وات تديهم دفى

واخير اتهتم بالنظافه
والتغذيه
والتدفئه

وانا معاك لو فى حاجه مش واضحه برضوا

[Esam Mosaad]

العرض ما زال موجود ان شاء الله

[bmya]

والله ياباشا انا برده كنت حاسس ان القفص صغير بس الراجل ابن التييييييت هو اللي ادهاهولي وانا قلت بقه هو اللي فاهم فيهم بس هو طبعا ستغل اني مش فاهم حاجه ولبسني ده
حاجه تانيه انا برده مش فاهم في انواع الاكل دي خالص اللي قالهولي النصاب ده برده ان في نوعين دنيبه واحد تعبان ويبقى مش نضيف كده وفي حاجات سوده ده ب 5 الكيلو والتاني اللي بجيبه ده لون اصفر ونضيف اوي ب 10 الكيلو بقيت الانواع اللي انت بتقول عليها دي ولا عمري سمعت عنها
طيب بالنسبه للفيتامنات دي في حاجات مخصوصه للطيور ولا عادي بتاعت البني أدمين وبعدين اجيب روشته منين ليهم انا مضايق اوي عشانهم ونفسي اظبطهم

[Esam Mosaad]

والله ياباشا انا برده كنت حاسس ان القفص صغير بس الراجل ابن التييييييت هو اللي ادهاهولي وانا قلت بقه هو اللي فاهم فيهم بس هو طبعا ستغل اني مش فاهم حاجه ولبسني ده
حاجه تانيه انا برده مش فاهم في انواع الاكل دي خالص اللي قالهولي النصاب ده برده ان في نوعين دنيبه واحد تعبان ويبقى مش نضيف كده وفي حاجات سوده ده ب 5 الكيلو والتاني اللي بجيبه ده لون اصفر ونضيف اوي ب 10 الكيلو بقيت الانواع اللي انت بتقول عليها دي ولا عمري سمعت عنها
طيب بالنسبه للفيتامنات دي في حاجات مخصوصه للطيور ولا عادي بتاعت البني أدمين وبعدين اجيب روشته منين ليهم انا مضايق اوي عشانهم ونفسي اظبطهم

حضرتك مفيش داعى انك تدايق نفسك ومفيش حد بيتعلم بسهوله وبعدين لو فرضا ان الراجل مكن امين معاك فديه حاجه كويسه انك اتعلمت حاجه مهمه هتاخد بالك منها بعد كدا قصاد فلوس والفلوس بتروح وتيجى

بص يا باشا معلش اول انا ذكرت الدنبه فى الخلطه وديه بنخليها فى الصيف بس
خلطه الحبوب هتبقى كيلوا بنكم عليه نص فلارس تمام ده عشان تدفى العصفور كويس
وتظبط جسمه
ده صوره البنكم المستورد بيبقى فى السوق بسعر 6 جنيه او 7 وغالبا 6



ديه صوره للفلارس ديه بتعمل 9 جنيه وممكن اكتر وديه الى حضرتك تقصدها



وده البنكم المصرى يمل 5 جنيه



وديه صوره الدنبه بس انساها دلوقتى



واخيرا اللب



حضرتك هدفيهم كويس اوى حتى لو هتشغل لمبه تديهم حراره تمام
هتشوف فيتامينات ويفضل احماض امينيه من اى صيدليه بشريه تمام

وتحط كيلوا بنكم على نص فلارس فى اكاله واكاله تانيه فيها لب
واديهم قشر خيار وجرجير وبييضه مسلوقه مرتين فى الاسبوع

وان شاء الله هتبقى كل حاجه تمام ولو تعرف ترفع صوره ليهم

[bmya]

ده الراجل ده طلع تيييييييييييت بجد
لا ياباشا اللي انا بشتريه هو ااصوره رقم 3 اللي هو البنكم المصري
طيب بقولك ايه يا عصام هو الحاجات دي تبقى موجوده فين غير بتوع لعصافير ؟؟

وبالنسبه للفيتامينات متقولي كده كام اسم دواء وفيتامينات اجبهم على طول واحطهم ازاي مع المايه ولا الاكل ؟؟
وان شاء الله هصورهم وهرفع صورتهم

[Esam Mosaad]

ده الراجل ده طلع تيييييييييييت بجد
لا ياباشا اللي انا بشتريه هو ااصوره رقم 3 اللي هو البنكم المصري
طيب بقولك ايه يا عصام هو الحاجات دي تبقى موجوده فين غير بتوع لعصافير ؟؟

تمام انت هتجيب معاه الفلارس ولو لقيت البنكم المستورد يبقى كويس اوى
المفروض ان الحبوب هتلاقيها عند اى حد بتاعه علافه بس المشكله ان قليل اوى لو لقيت حد بيبع فلارس او بنكم
لو انت مثلا فاضى فى اى يوم تروح على سوق السيده عيشه هناك بيكون فى سوق للعاصفير يوم الجمعه والاحد تمام
مش شرط تروح فى الايام ديه بالذات لان محلات الاكل بتبقى هناك والاسعار رخيصه ممكن تنزل تشترى كام كيلو من كل حاجه وهتلاقى البنكم المستورد
هتوفر معاك وهتريح نفسك لو ملقتش حاول تشوف حد تانى تجيب فلارس وبنكم بالاسم
مثلا قد 5 كيلوا بنكم معاه 2 كيلوا فلارس

وبالنسبه للفيتامينات متقولي كده كام اسم دواء وفيتامينات اجبهم على طول واحطهم ازاي مع المايه ولا الاكل ؟؟
وان شاء الله هصورهم وهرفع صورتهم

فى فيتامينات وبروتين سواء للاكل او الميه
الفلارس بروتين كويس اوى
ادى بيض وجرير وقشر خيار ديه كلها حجات مفيده

من اى صيدليه بيطريقه هات احماض امينيه اسمو كدا وكمان فيتامنيات اده3
بتحط حوالى 3 نقط على المسقاه لمده 5 ايام وبعد كدا تريح
بس برضوا هتراجع الصيدلي فى الجرعه

وانا برضوا صورت شويه صور حلوه للطيور هبقى انزلها ان شاء الله تعجب الناس